آلـــــــــــــــــــــــة الزمن

[mouza]

شو رايكم نتخيل انه عندنا آله زمن :)
انا وايد خياليه
المهم انتو تخيلو معاي
اذا كان عندك آلة زمن وين تبا تسير المستقبل ولا الماضي في فترة من فترات عمرك ولا في زمن لم تعشه ولا ولا ولا ولا ؟؟؟؟؟؟؟؟؟؟؟؟؟
اكيد كل واحد يتمنى شيء اذا كان معاه آله زمن
اريد اعرف انت او انتي وين تبين تكونين الحين مع آلة الزمن

انا ببدأ :
بصراحه انا خاطري ابا اسير مكانين اول مكان اسير وارجع ايام الجامعه والشطانه هااهاهاهاهاها والدراسه واللعوزه :)
المكان الثاني ابا اسير اشوف كيف كان عهد الصحابه والرسول عليه السلام شو يلبسون شو يسوون بتأقلم مع حياتهم ولا لا عشان عاد انا تعودت على الراحات :)
يلا اترياكم قولولي وين تبون اتسيرون ويا آلة الزمن ؟
http://www.harrythecat.com/graphics/k/nova1.gif

[ابوغريبه]

الأخت موزه في الحقيقه انا محتار اذا كان عندى هذه الآله ايش اسوى بس بينى وبينك ابغا اروح فيها كل الأومان الماضيه والحاضره والمستقبليه .

ابو غريبه ،،،،،،،،،،،

[mouza]

اختار مكان او اثنين او ثلاث ترا وايد تستخدم اله الزمن بتخترب الاله وبتسير العالم اللي تباه وما بترد وبعدين من وين انجيب ابو غريبه ثاني :)

[ابوغريبه]

امرى لله حاروح للمستقبل عصر التكنولوجيا حاشوف حايعيشوا فى القمر ولا لا .
ابو غريبه ،،،،،،،

[mouza]

المستقبل :) اتصدق ما اعتقد انه حد بيعيش على القمر بس والله ماشيء مستحيل ويا العلم

[ابوغريبه]

متى تعطينى الآله عشان اروح ؟؟؟؟؟؟؟؟؟

ابو غريبه ,,,,,,,

[mouza]

غمض عينك وروح :)

[الطير الأخضر]

هذا وأنا عمري 20 سنة وحاس نفسي كبرت وايد :)..

تدرون..أنا ماني طماع..ودي أرجع بس 3 سنين..يعني ودي أصير في 17 بالتمام..ماأدري ليش سبعطعش (الحقوق محفوظة أعتقد ل سردال) بس لأن وقت ماكان عمري 17 كنت في الثانوية وانتم أدرى بشغلات الثانوية ;)..ياوحشين :)

[mouza]

بالفعل المرحله الثانويه مرحله حلوة وشطانتها احلى :)
عاد وانتو الشباب سوالفكم اكثر :) الله يعطيك طوله العمر والعمل الصالح :)

[سردال]

صراحة ودي أرجع للصف الأول إعدادي وأبدا أنجح مرة ثانية وأنسى الرسوب والفشل، الإعدادية رسبت فيها ثلاث سنوات! ولو نجحت لكن ألحين على الأقل آخر سنة في الجامعة.

والله إني متندم على السنوات اللي راحت علي، ألحين لا شغل ولا فالح في دراسة ولا زواج ولا أي كلام فاضي! بس رب ضارة نافعة.

اليوم تعلم الكثير والحمدلله :)

[mouza]

والله اللي يشوفك الحين يا سردال يقول كنت تلميذ مجتهد
سبحان الله :)

[سردال]

هذا نتيجة حادثة صارت في الأول ثانوي، كنت أغيب كثير وما أحب أدرس، رحت المدرسة ومر على الدراسة تقريباً شهرين، قالوا لي: أنت مفصول.

قلت في نفسي: أبركها من ساعة.

رجعت للبيت وأنا أفكر شو أسوي؟! شو أقول حق الوالد؟ المهم مرت سنة كاملة ما عند شغل فيها، كنت أروح أشتري كتب وأشرطة وأجلس أقرأ، وأتعلم الحاسوب وبرامجه ولو كنت أدري بسوالف من ذاك الوقت كنت سجلت على طول :)

اليوم أحمد الله على نعمته، فعلاً خسرت سنوات كثيرة، لكن ربحت أشياء أكثر :) لكني متندم حتى الآن، واليوم بقى لي نصف سنة وأنتهي من الثانوية والحمدلله مجتهد وأدرس :)

[الطير الأخضر]

ماشاء الله عليك أختي mouza..عيني عليكي باردة..

كل هذا نشاط..ماتركتي موضوع طريف إلا وكتبتي فيه وما تركتي أحد إلا ورديتي عليه :)..أقول شباب هي هاذي عوايد mouza من زمان ولا اليوم بس صار لها شي ;)

أقول mouza عندي لك فكرة..ايش رايك تسلفيني نص (بس النص) نشاطك الين ما أصير عضو سوبر نشيط وأردلك السلف :)

[أمير المحبين]

خلاص قررنا انج اتكونين (عنابة) وعندج آلة الزمن.....على فكره
كانت آلة الزمن الي عندها وايد شيطانة وتروحبهم الى اي زمن على كيفها مش على كيفج يا banana ....نسيت ماأقولج الكمية محدودة..........فسارعي بالحجز الآن!!!!!!!!!!!!!!!!!!!!!!!!!
هاتف:123456789 اذا كانت الخطوط مشعولة فيرجى معاودة الأتصال

[mouza]

هاهاهاهااهاه
والله ما ادري اخاف انا عنابه وانا ما ادري
بس فكرة اله الزمن تودي كل واحد منا في مكان يتمناه ما قلت ويان تبا تسير يا امير المحبين :)
اخي الطير الاخضر والله ما يغلى عليك خذ اللي تباه انا احب السوالف كل يوم مب يوم :)