شخابيط

[حبيبها]

برد ودفى
صحو وغفا
لمت شتات
وبعثرت ..
دمع غريب
مالـقى ..
من قال ..
لو كلمة افا!!


توحدت
ويا الجروح
تعانقت
روح و روح
ماللعروق بداخلي
لوما غلاها ..
دفـقتين..
وما للنفس
فيني رجا
لولاها ..
صافية الجبين


توك ترفق
ياقلم ..
اصبر علي..
بدري على ..
قولة كفى!!


عندي لها
اكبر كثير
من قولتي
اني لها
واكبر كثير
من الشعر
ومن النثر
وش هو الشعر
وش هو النثر
وش هو القصيد
ان ما غدت
لها القصايد كلها


هذي معي ..
مثل الحياة عندي
توسدت ..
بعضي وغفت ..
وتلحفت جلدي
هذي معي
صبحي ومساي
بفرحي ..
وتنهادي واساي

هذي معي
بكل اختصار
مثل الحبر ..
داخل حشاك
وش خانتك
لامن جفاك
هذي معي
معنى الوفا
هو فيه احد
يقدر يقول
انه يعيش
ابلا وفا

===================
(مدري خلصت والا لا)

هذي معي..
عرق ودم
لاهي دموع
ولا الم
عمر تجمع داخله
نبض واحاسيس ونغم

(والا خلاص مالي خلق )

باي

[هند]

شخابيط من القلب ..

ترسم نقوش بإحساس مرهف ..

جميل جدا جدا ..

بانتظار الاجمل و المميز منك دائما ..


تحياتي يا صاحب القلم المميز ..( يا حظها .. :)

[حبيبها]

اختي هند :

هي محاولات
علها تلقى القبول
منكم و ..
ممن انا محظوظ بها
ولها الفضل

انا ماقلتها ابياتي عشان تكون لي مديون
انا واللي كتبته لك ذبحنا الدين لعيونك

لك تحياتي

[كريم سبلا]

مشاء الله تبارك الله

كتبت فابدعت اخي حبيبها

رغم ان شهادة التلميذ في استاذه مجروحه ....

لكن لابد من قولها......


تقبل تحياتي
اخوك
كريم سبلا

[حبيبها]

فما انا الا مشارك

هلا بكريم سبلا :

ولا تبالغ .. انما هي هموم نصبها



صب همك على همي
يطيح من السما همين


لاحرمت طلاتك..