View Full Version : بنات...شباب...bye for ever
بنت الغربي
10-03-2001, 10:59 AM
بنات شباب امس دخل علي هكر من الايسكيو وكان يقولي عن سايت سوالف!!!
وانه الصراحه انصدمت...واشك انه واحد من الاعضاء :(:(
وانه مب راجعه حق سوالف الا لين اتأكد من هو ذي الشخص!!
واذا طلع واحد منكم...سوري مب راجعه كلششش :(:(
سي يو مره ثانيه اذا عرفت من هالحمار وطلع مب منكم..اما اذا طلع!!!! bye for ever :(:(:(
moon cat
10-03-2001, 01:54 PM
أولا مش أنا ولا أعرف ألايسكينو وأمس سئلت سكوال عن هذه ألبرنامج وقالى أنى مليان ثغرات أمنيه وممكن تتجسس من وراه وسمعت من قبل بهذه ألكلام بس حبيت أوضحلك ألصوره صدقينى يابنت ألغربى أنا أتكلم عن جد مش أنا ولله أذا فى شىء مابستخدم هذه ألحركات حصارحش وماحب أللف وألدوران mooncat
الجمل
10-03-2001, 02:01 PM
لالالالا بنت الغربي
هالالفاظ ماهي لك ومو من حقك تقولينها في سوالفنا
تفاجاءت في هالكلمه والله
وبعدين فهلا اللي يسوي هالحركات مايستحي على وجه
بس على الاقل قدري المنتدى الرائع هذا من بعض الالفاظ
أنا ودي اساعدك ....
شوفي أولا لا تستخدميت الايسيكيو لأنه اكبر مصدر
تجسس ... استعيضي عنه بالهوت ميل ماسينجر و
احذري ايضا بريد أين ... !
ثانيا ... انزلي برنامج زون ألارم ... و برنامج
مضاد للفيروسات ...
اذا اردت معلومات زيادة خبريني و بعطيكي عناوين
المواقع اللي ممكت تنزلين منها البرامج ..
تــــ تحياتي ــــوتة :)
شاهيناز
10-03-2001, 03:21 PM
بنت الغربي.....
هدي اعصابك...طول محنا اون لاين معرضين للهاكرز..ومش شرط يكنون من وسالف اي شخص يتجسس علينا يعرف السايت الي نروح له...
هدي اعصابك واغلب اعضاء سوالف ناس محترمه وماتحتاج لتجسس على كمبيوتراتنا....توته من مده تعرضت لهم وانا في الطريق والله يستر على البقيه...
squall
10-03-2001, 03:50 PM
وش فيك؟
ليه؟
انا قايلك الآيسيكيو سهل الاختراق وله برامج كثيره للأختراق وانت معليك من الهكر ذه ارجعي واذا تركتينا انا بأطلع معك
وهذا قراري
بنت الغربي
10-03-2001, 04:45 PM
مون كات ادري انه مب انت :(
الجمل...والله من حر مافي قلبي قلت هالكلمه...آسفه :(
توته مشكوره حبيبتي وانه خلاص كنسلته
شهيناز..هو كان يهددني ويقولي تركي سوالف عنج تراج مب قدها!!!!!
سكوال :(:( ياليتني سامعه كلامك من الاول :(
squall
10-03-2001, 04:59 PM
ولا يهمك
اي واحد يواجه هالمشكله
سوي فورمات للجهاز عشان تتأكدين انه خالي من اي فيروسات
واذا عندك اشياء مهمة انسخيها في ال(D) بس لاتتركينا الله يخليك
وسلامتكم
يا هلا ومرحبا ببنت الغربي
انا تفيرس كمبيوتري 10 مرات
وادخلوه الهكر 3 مرات
حتى واحد من وقاحته يصك علي برامجي
ويمحي ملفاتي وغير الرقم السري للأيميل
واخيرا محا الوندوز
لذلك الواحد يتجنب اي ملف غريب ولا يفتحه ابدا
هذا الدرس اللي على الجميع ان يتعلمه
ويا بنت الغربي
هدي من روحك
وانتي سوي له فورمات ونزلي الوندوز مره ثانيه مع برامج تقيك من الهكر والفيروسات\
وان شاء الله ما تشوفين الا كل خير
وشكرا
بنت الغربي
10-03-2001, 07:07 PM
انشالله بسويله اليوم فورمت.. :):)
squall..thanx sweety :)
^شفاف^
10-03-2001, 07:12 PM
بنت الغربي ؟؟ وش دعوى ؟؟ والا عشاني توني مسجل !!
وش عليكي من الهكر انتي ؟؟ شاركينا بس ولا عليكي من احد ..
بنت الغربي
10-03-2001, 07:24 PM
لا افا عليك يا شفاف...لا خلاص مب طالعه بقعد عشان البنات وعشانك وعشان سكوال :)
مشكور سكوال على الايميل :):)
عطرالندى
10-03-2001, 08:03 PM
وانا يدتج وأعرف كل خرابيط الهاكرز الميانين:)
(بس هااااااااااااا مو انا والله لا أعرفهم وأعرف سوالفهم)
المهم ذات يوم طب علي واحد من هالهاكرز فى المسنجر
وقال لي ان اهوه راح يخرب لي الكمبيوتر قلت له كيفك
فراح واهو ساكن بس ما أعتقد انه من الهاكر لانه قال لي
بصير من الهاكر مثل اخوي(اخوه اهو مب آنه)وبخرب الكمبيوتر
وطبعاً ما يقدر لأن عندي برامج حماية:)
المهم ان في برنامج حماية يخلي الهاكر يدش عادي لكن إذا
حاول يلمس أي ملف هالبرنامج يطفي الكمبيوتر مال الهاكر:)
ولما ينفتح الكمبيوتر مرة ثانية مال الهاكر يحط له مسج من
عندج:)يعني سبيه قد ما تبين:)عاد مادري المسج يا بعد أو قبل
ما يتسكر الجهاز
اسم البرنامج على ما أظن نت باستر
وبلاك آيس(عين)مب ثلج:)
يس الله يخليج لااااااااااااااااااااااااا تروحين
BnT-dUbAi
10-03-2001, 08:35 PM
لالالالالالاللالالالالالالالالالالالالالالالا
don't go we will miss u alot walah the muntadah is wonderful when u r here plzz stay
cooki
10-03-2001, 09:05 PM
افا والله يا بنت الغربي .
معقولة تخلينا وتروحين علشان هاذي السالفه.
انتي غالية علينا وايد وايد . وانا شخصياحبيت المنتدى لانج فيه
واخرتها تقولين باظهر .....
please dont go other wise Ill go too .
بنت الغربي
10-03-2001, 09:38 PM
لا خلاص عرفت من هو الي دخل كمبيوتري وبسويله فورمات وانشالله بقعد معاكم مب رايحه عنكم :):) وانه كتبت ذي الموضوع وانه حدي متضايقه لاني كنت احسبه من الاعضاء!!! :)
ومشكورين على الكلام الحلو الي قلتوه :)
نعنوعة النعنوشة
10-03-2001, 10:43 PM
وبعدين حبيبتي كلنا تعرضنا لهذه المواقف ؟؟؟
مع إني ما عمري استخدمت الأيسيكيو ؟؟؟
على العموم هو يمكن سوى هاكر على الكمبيوتر وعرف إنج تدخلين سوالف ؟؟؟
يعني مب شرط إنه يكون عضو أو عضوة من سوالف :)
حقريه :) الحقران يقطع المصران :)
hamoo
11-03-2001, 12:48 AM
لا كل شئ ولا تتركنا بنت الغربي
وبالنسبه للهكر حاولي تنزلي برنامج
windows washer
وهو يزيل كل شئ ملفات التجسس وبرضوا يشيل الهستري