سوالف الأصدقاء ... وحالة ركود

[غريب نجد]

‍بصراحه هالحاله الي فيها سوالف الاصدقاء ماهي عاجبتني ابد ؟؟؟:(

وش حالة هالركود المميته في اروقتها ومصاف مواضيعها ؟؟:(

وين اعمدة واركان وانوار وشموع واسياد سوالف الاصدقاء ؟؟:(

صراحه الوضع ما يطمن كأن فيه شيء صاير وحنا ماعندنا خبر ؟؟:(

عين ما ذكرت الرحمن وصابت سوالف الاصدقاء :(:(:(

اللهم اجعله خير :(:(

[فلونة]

غريب نجد


انه الهدوء الذي يسبق العاصفة:)

فلونة

[غريب نجد]

هلا وسهلا والله من زمان عنك وعن ردودك ..:):)

ياليت كلامك يكون صحيح والله بيني وبينك اول مره اشوف سوالف الاصدقاء بهالحاله الموضوع تراه تاعبني والله فيه شيء غريب وغامض مو مفهوم ... مو معقوله الكل يغيب فجأة ؟؟؟

اتمنى انه يكون الهدوء قبل عاصفة المحبة بسوالف الاصدقاء ياليت يسمع منك ربنا يا فلونه ..

تحياتي لك

[فلونة]

مرحبا

بصراحة حتى هذا الوضع أستغربت منه أنا كذلك

لكن اتمنى ان تعود سوالف لنشاطها

فلونة

[توتة]

أغلب النشيطين في نادي الأصدقاء عليهم امتحانات ألحين ...
.
.
.
.
.
.
و اللي ما عليه امتحانات ... مشغول في تدريس ابنائه.....







و يمكن عين ما صلت على النبي ....






ما عليك مصيرهم يردون .... :):):)






توتوة :)

[غريب نجد]

زي ما يقولون اخواننا المصاريه ...من بؤك لباب السما يا كريم ..

تحياتي لك

[غريب نجد]

كلنا عارفين ان الفترة هي فترة امتحانات بس وين البقيه ؟؟

عموما الله يردهم بالسلامه وان شاء الله يكون المانع خير وما يكون غياربهم لسبب او لاخر وحنا مو عارفين ..

وبصراحه الاسعه اللحين 9.30 صباحا بتوقيت الرياض ومو جايني نوم الى اللحين والسبب ....... قلقان عليهم :(:(

يالله ما نملك الا الدعاء لهم الله يردهم بالسلامه

تحياتي لك ولكل الشعانين

[سعودية]

أهلين اخوي العزيز ..

كيف الحال ان شاء الله بخير ..

أخوي أحوال سوالف متغيرة كثير ..
من رجعت من السفر مني قادرة اتأقلم مع الوضع ..
غريب مو من عادتي ..

ما يهمني ان كان الأعضاء جدد ولا قدام بس المرة هذي الحال مختلف ..

فيه غربة عندي من المكان وطريقة الكتابة والطروحات ..
ماني اقول انها فيها شيء اعوذ بالله بس الطريقة السابقة فيها محبة والحين فيه تحيز وشللية واضحة ..

مجرد طعن في بعض والبقاء للأقوى ..
ما أدري وش الفايدة وناس ما تشوفها ولا تدري وينها وتقول عسى خير وبعد دقيقة تدخل موضوع توه نازل وينزل فيه رد من قبلهم ..
طيب ليش ما تردون علينا الله واعلم ..

بس كل العالم يمتحنون ويدرسون وزهقانين وصلت معاهم لأن السنة الإجازات مثل مطرنا حبه ونص ..

والباقين الله يرجعهم بالسلامة ان شاء الله الدنيا ظروف تحكم على الواحد ..

الله يرجع سوالف لحالها القديم ..


تحياتي لك ..

[غريب نجد]

يا هلا ويا مرحبا نورتي سوالف والله

حياك الله اختي الغالية وان شاء الله تكونيي انتي ومشاكس الصغير وجميع الاهل باحسن حال :):)

صراحه والله صابني قبل يومين حالة ارق وتقلب بالمزاج وطار من عيني النوم بسبب هالوضع الي نقول ان شاء الله كل يوم بيتحسن وللأسف ما فيه اي تقدم :(:(

وكلامك جميع اشياء كثيرة من الاسباب اتمنى ان تزول قريبا وتعود سوالف كما عهدناها وكما احببناها واحببنا اهلها :):)

ما نقول الا الله يرد الغايب بالسلامه ويوفق كل الطلاب بالنجاح وتسلم يدينك احتي العزيزة على ردك وتكرمك بالمشاركه معي .. تحياتي لمشاكس الصغير وايضا دعواتي لمتاهه بالتوفيق وشكري وتقديري لشخصك

[أسير الليل]

هلا أخوي غريب نجد..الله يمسيك ويصبحك بالخير..

بصراحه..انا لاحظت نفس الشئ...ركود..قلة مواضيع..

طيب انا معاك ومع فلونه..في الكلام أختبارات ماشي..

أخوي غريب..انا اعتبر نفسي جديد عليكم..وانتم ادرى بوضع

المنتدى سابقا..وانا ماجيت المنتدي الا من خلال مدح احد الاخوان

وهو عضو قديم ومميز..

لكن وبصراحة..الله يذكرك بالخير..ياجرح السنين..على طاري

الصراحه..انا مع كلام الاخت سعوديه..في شويت..عنصريه..او احزاب

لا حد يزعل..بعدين في نقطه مهمه..وهي التجاهل في الردود

وهذه ترى ماهى زينه..بالبلدي ماهى حلوه..

والنقطه الثايه..عدم المشاركه في الموضوع المطروح..تحصل البعض

يوايق>يناظر< من بعيد لبعيد..وينسحب..

انا جربتها..كتبت موضوع مارد غير..فلونه..ودكتور ريان فقط..

بكذا ما يتشجع الواحد على الكتابه.

لانه صدقني من خلال الردود تسير في حركه في نشاط..

عزيزي غريب..ارجوا المعذره منك ومن الاخرين على الرد يمكن

يعتبره البعض في شوية قساوه..

واذا كان في احد مو عاجبه كلامي صدقنى بس يقولى مالك داعي في

المنتدى..وانا انسحب..ولايزعل بس مني..

غريب نجد..اكرر اعتذاري..

تحياتي فلونه..تحياتي سعوديه..طبها انتو الموجودين اعتقد..

[aziz2000]

جزاك الله خير على غيرتك على سوالف :)

وإن شاء الله بتكاتفنا جميعا سنرجعها كما كانت وأفضل :)

فلنحاول أن نتعاون جميعنا :)

نرد على بعضنا البعض :)

نتكاتف مع بعضنا

من يدعو إلى شللية .. فليكف عنها .. لأنها ممقتة ..


فلنتكاتف .. ولنكن عصبة الخير التي تتكاتف في الله :)

وإن شاء الله لاشللية ولاحزبية :)

كلنا اخوة نجتمع تحت سقف سوالف :)

[غريب نجد]

الله يسعد لي هالطله :):)

والاعتذار بيننا مرفوض لاننا اخوان عزيزي وبعدين ردك على قلبي زي العسل وكلامك في محله ..

انا من يوم انخرطت في هالاسرة الصغيرة والتي جذبني فيها محتواها واطروحاتها المتميزه وانا لازلت في تردد وحاله صراع مع قلمي .. والسبب غير معروف لدي ولو تعد مواضيعي الي طرحتها يمكن ما تتعدي العشرة على الرغم من وصول عدد المشاركات الى قرابة 800 مشاركه كل هذا بسبب جفاف حبر قلمي وجفاف الافكار والله يستر من المتبقى صراحه ينخاف ..

اول موضوع لي طرحته كان يتكلم عن ردود بعض الاخوه بشكل كبير على المواضيع ذات الاسماء النسائية دون النظر الى فحواها او مضمونها او قيمتها وفي المقابل وجود مواضيع قيمه واقلام ادبيه تحتاج الى تشجيع بالمشاركه ولو بكلمه .... كان ردي بصراحه فيه نوع من الاسلوب الغير واضح او بمعنى ادق >> اياك اعني وافهمي يا جاره << وكانت الضحية الاخت العزيزة الغائبه ايضا >> شمعة سوالف << وياليتني ما طرحت هالموضوع .. انقلب سحر الساحر عليه يعني طلع الموضوع من اصله وصار اعتذار مني لشمعه بالرغم انني والله لم اكن اعنيها شخصيا ولكن احببت ان اجرب واتفنن بالاسلوب في الطرح ..

ومن بعدها انكف قلمي وانشلت افكاري وحارت عباراتي وجمدت كلماتي .. فاصبحت ارد على الاخوان دون ان اطرح اي موضوع واستمرت هذة الحال معي حتى يومنا هذة واصبحت بالنسبه لي مشكله لم استطع التخلص منها رغم محاولاتي الكبيره .. ومن محاولاتي طرحي لعدة مواضيع لم تلقى اي ترحيب ولكني لازلت مستمرا ولن اهزم او يمتلكني الاحباط في ان يومي لم يأتي بعد ..

عموما الاحزاب والحزبيه موجوده بكل مكان وبكل ركن من اركان حياتنا ولكن العاقل فينا من لا يكترث لامرها .. وانا اشجع فكره الاخ العزيز جدا عزيز 2001 فيما قال ..

وانا شخصيا لا انظر الى الاسماء ولا اهتم لها بقدر ما يجذبني اولا عنوان الموضوع ومن بعد العنوان ابدا بتفقد الاسماء فبحق هناك اسماء رنانه اتمنى ان اقراء لها دون توقف ولو حرف واحا .. فانا اعتذر لك شخصيا عن عدم الرد عليك قد يكون طرحك لموضوعك في الوقت الذي كنت منهمك وبعيدا عن سوالف واهلها واتمنى لو انني اقراه لك ..

اسف على الاطاله وتقبل تحياتي وتقديري

[غريب نجد]

والله ماني مصدق عيوني .......:):)

يا اخي اش هذا الكرم والجود الحاتمي من قبل سموكم وبعدين اشي هالكلمات والعبارات المنيرة بصراحه اقرى وارد ولاني مصدق الى اللحين ..

تعرف هالفرحه يا عزيز والكلام لك وللبقيه من الاخوان المتميزين امثالك تعبر عن فرحه كل شخص يتعب ويشقى ويتمنى ان يعجب الاخرين بما جاد به فكره وقلمه عليه بعد فضل ربه , هالفرحه تتكرر كل مره يرى فيها بارقة امل هالمسكين في وصوله لمبتغاه ... اتمنى ان يوفق الله الجميع الى ما يحبة ويرضاه وشكرا لك على هذة المشاركه وبصراحه وبدون مجامله انت من الاشخاص الذين يفرحني تواجدهم في اي موضوع اطرحه او اناقشه ..واتمنى ان تعود سوالف كما كانت :(:(

تحياتي لك اخي الكريم

[أسير الليل]

الاخ الغالي..عزيز..الله يسعد أوقاتك بكل خير..

عزيزي..ارجوا انك مافهمت كلامي خطاء..

وكمان لايكون أحد فهم كلامي خطاء..

هذا اللي لاحظته في احد المواضيع..

وتقبل تحياتي واحترامي..



وهنا اعتذر للاخت توته الحلوة 1980 لعدم التحيه منى لم اقصد

تجاهلك..لكن السبب سرعة ردي نسيت..

وانا اقولك ان لم تجد لاخيك عذرا فالتمس له عذرا..تحياتي..