سالتها

[شروق الامل]

سألتها











سألتها ليه البحر ساكن عيونك
جاوبتني للغرق
سألتها ليه السواد اللي في عيونك
قالت للأرق
سألتها ليه الخدود
قالت عبق
سألتها هي رقتك مثل النسايم و الورود
قالت لي لأ يمكن أرق
سألتها عن حسنها كنه يقول ماللشعر فيني حدود
قالت صدق
سألتها يا اغلى الأنام .. وشو الغرام ؟؟
قالت لي انك ما تنام .. و أوهام

و تنتظر شمس اللقا و ما تجي شمس اللقا
ومشوار ما يعرف وصول
و لحظه بها كل الفصول
و قلب واحد يحترق
و بعض الصدق
و وقت عصيب و يتبعه وقت عصيب
و لين يتعدى الصباح
و جراح تدمى لو تطيب
و في الأخير .. خل عن خل افترق
و في الأخير كل النهايات الفراق
ما في فرص
مافي نهايات بلقا إلا في خيالات القصص
سألتها وش هو الوفا ؟؟
قالت كفى .. النور من ضيي اختفى
و الليل في عيوني غفى
اترك كثير الأسئله .. اسأل عن عيوني و كفى
اسألني ليه البحر ساكن عيونك ؟؟
ليه السواد اللي في عيونك ؟؟
سألتها جاوبتني للغرق .. للأرق
سألتا عن حسنها كنه يقول
ماللألم فيني حدود
قالت صدق ...

عبدالرحمن بن مساعد

شروق الامل

[غريب الطبايع]

شكراً أختي شروق وأتمني أن تضعي قصيدة "عيونك" إذا كانت موجودة لديكِ

يهمك تعرفين انك قتلتي في سنيني الهم
************************ قتلني ضحكك وجدك قتلني لينك القاسي



مع تحيات خيك غريب الطبايع

[شروق الامل]

تحياتي لك اخي غريب الطبايع
عيونك آخر آمالي وليلي أطول من اليم

كيف ألقى كلام عذب يوصف دافي إحساســي

عشقتك قبل مااشوفك وشفتك صرت كلي حلم

أبي رمشك يغطيني وأبيك أقرب من إنفاسي

يهمـك تعرفي إنك قتـلتي في سنـيني الــهم

قتلنى ضحكك وجـدك قتلـني ليلك القاســي

رميت أقداري فدربك وصرتي في عروقي الدم

احبك كثـر ماسالـت دموعي وما نسى ناسي

يجول الحزن في ضلوعي بردت وذاب فيني العظم

كثير من الحطب حـولي وعنـدك أنكسر فاســي

سألـتـك بالذي زانك تحـبي فيني حتى الظلـم

تحـبي عيـوبي وغـدري تحـبي الـمر في كـاسي

أنا من كثر ماأحبك أبيك كثر رمـل اليم

وأبيكي تكوني فوق الناس وأبي ماينحني راسي


تحياتي
اختكم
شروق الامل