View Full Version : الكامري 0000 مالها وماعليها ##
الليزر
02-05-2001, 04:41 PM
هاليومين جالس ادور كامري ياشباب
وش رايكم اخذ GL ولا XL
قير اتوماتيك ولا عادي ؟
فتحة ولا بدون ؟
انتظر رايكم
السلام عليكم
اهلا بالأخ الليزر
اقول اذا تقدر على قطع الهوندا خذلك اكورد لأنها بصراحة افضل من الكامري
لاتغرك كثرة المبيعات والله انها تعبانة وبقوة لكن كثرة المبيعات لسبب واحد اسم تويوتا وقطع غيار رخيص
مشاكلها كثير
قير لا يستحمل واسال اي واحد معاه كامري وانا منهم مجربها (تحس بتدقيرة في القير
وايضا الأذرعة الأمامية اذا اختل توازنها -انسى انك تحلم في يوم انها ترجع زي ماكانت حتى لو غيرت القطع أصلي وانا مجرب
بعدين انا اشوف كثير يشتكوا من العكوس لكن بالنسبة لي ماشاء الله ولا شئ والله اني مستغرب
شكل اهبل من بره ومن جوة تجهيزات تعبانة بودي تعبان فرش الأبواب يطيح من مكانه بسرعة ومفاتيح الزجاج والله ما ادري على اي اساس حطوها
اصوات غريبه من كل مكان في السيارة طارة ثقيلة نوعا ما
وكل هذا لسبب واحد ;(صنع في استراليا:(
حسناتها
ماتهربد تويوتا معروف >هدوء لا بأس به الوسع الداخلي مع حيز الأرجل
قطع غيار رخيييييييييييييص جدا (ارخص من الكرسيدا والكرولا)
هذا مالدي والله اعلم
واتمنى انك تشيل الكامري من راسك خاصة اذا كنت حق مشاوير كثيرة لأني ما ابغاك تتعب مثلي
S2000
02-05-2001, 06:16 PM
هههههههه :)..
حرام عليك ياS8 بتظل يعني كامري وبتظل انت مجربها..
سديت نفس الرجال بس ;)..
حبيبي ليزر:
انا ارى انك تروح للـV6 افضل "أو الأكورد"..
وعلى العموم اذا مصر فخذلك GL عادي بفتحة
وفي لون ازرق غريب مادري ايش يقولوا عليه انصحك فيه..
هو احلى لون وانتبه تراه مو السماوي ولا الكحلي :)
تحيااااتي
مسيطر
02-05-2001, 08:10 PM
في سياره جديده,,
يسمونها على ماأعتقد مكسيما
أنا عندي وحده
تصدق ,,
ما أنصحك
إلا,, بها:):);)
________________________خاالص تحياتي______________
S2000
يعني انا غلطان اني اظم الأخو لعائلة هوندا والله صدق انك ولد ................
ناس محترمة
والله الكامري لا بأس بها وان كانت بها المشاكل الفائتة
لكن ارى ان الأكورد افضل لكن قطع الغيار نار نار نار
وهو على كيفه اذا يقدر على قطع الغيار لايدور بدل الأكورد
يالفاضي
صعبة انك تحكم على المكس وهي ماشية معاك بس 2500كيلو ;):)
انا ممكن افيده في الماكسيما لاني عندي واحده 98 وماشي عليها 94000 كلم .. صراحة السيارة رائعة وتفيدك لما احد يجي عدالك ويغلط ويعطيك اشاير تقوم تسويله ترتيب .."مع احترامي لجماعة V8":) على العموم قطع غيارها بين الكامري والاكورد لكن لازم تعتني فيها .. بالنسبه للماكس الجديده ما اعرف شو اوضاعها لكن الشباب عندنا يفضلوا الشكل القديم ما اعرف ليش .. لكن عشان اكون واقعي مشكله الماكسيما صوت الهوا العالي على الخطوط لكن صوت الماكينه فالنيسان واخده عليه جوائز عالميه في خفة صوته .
خذلك ماكسيما وزودها ;)
امزح :)
مسيطر
03-05-2001, 01:48 PM
_
أنا أقول لما تاخذ الأكورد لاتنسى تركب مسمارين زيادة على الصدام الخلفي علشان لا يطير "مب صح يا S8"
مكلارين F1
03-05-2001, 03:07 PM
صراحه سياره عمليه المانيه فخامه وقطع غيار متوسطه ويكفيك الصناعه الالمانيه
أبو نايف
04-05-2001, 01:13 AM
صحيح ان الماكس احسن
والاكورد أحسن
والاوميغا احسن.
بس يمكن الرجال قرر خلاص على الكامري......
حبيبي لاتقرب القير الاوتوماتيك....الاربعه سلندر...
خذ قير عادي GLi .........ولونين...:)
افضل الاربعه سلندر على السته سلندر.........ارخص قطع غيار.
ومن ناحية الشكل الخارجي ممكن تطابقها على الغراندي...
حتى الفتحه....ها الحين يحطون منظر فتحه فقط...:)
أوهايو كزايو
04-05-2001, 01:47 AM
أذا كنت أنسان حق سباقات ومقاوم خذ لك ماكس
أما أذا كنت أنسان ثقيل وعاقل خذلك كامري
-------------------
أنا معي ماكس 98 ماشية فوق المية الف زي الحلاوة أكثر من مرة أسابق كامريات قوامه وخط ولا مرة أحد طلع علي :):):)
الليزر
08-05-2001, 12:39 PM
تحياتي لكم ياشباب وشكرا للي ردوا ..
ودي اوضح بعض النقاط يمكن اقنعكم
والله اني متعني اني ما اخذ ماكسيما ياشباب انا ما ابي سيارة سرعتها عالية يعني مغرية ان الواحد يدعس ويتعدى 180 بسهولة وهذا الشي بصراحة مهوب زين والله يستر من الحوادث القاتلة واخوي يشتغل ضابط ودايم يتكلم عن حوداث الشباب اللي معاهم ماكسيما وحوادث قاتلة بمعنى الكلمة .
بعدين الكامري لها مزايا عديدة منها :
* 4 سلندر يعني مافيه هذيك السرعة القاتلة .
* اقتصادية جداً في صرفية البنزين وتنفع بسهولة داخل المدينة .
* قطع غيارها متوفر حتى في البقالات وتقدر تصحلها عند اي ورشة وهذا الشي ماهو متوفر في الهوندا مثلا .
* محافظتها على السعر بعد الاستعمال لمدة خمس سنوات مثلا وبامكانك الدخول الى المعارض ومشاهدة اسعار الكامري اربع سلندر موديل 96 مثلا باسعار مثيلاتها الماكسيما والهوندا .
* بعدين اعتب على الاخل اللي سب شكلها الخارجي وانا اشوف انها انيقة كثير كثير خصوصا لما تكون بالفتحة والجناح ولو داكن مثل الازرق ياساتر .
* يكفي اني اقول تويوتا وبس وهذا بحد ذاته كافي .
* وفيها ميزة انها شاملة لكل افراد المجتمع يعني تخليها عائلية تمشي معك تخليها سبورت تمشي معك تطلع مرسم ومشخص تمشي معك تطلع فيها لابس ثوب النوم تمشي معك :D .
* الكامري منتشرة في كل دول العالم حتى في امريكا غازوتهم غزو .
الكامري مشاكلها كثيرة !!!!!
بصراحة يا S8
إنت أول واحد أسمع منه الكلام هذا خاصة سالفة الجير !!
الظاهر إنك تكره أي شي جاي من استراليا حتى اللحم :)
أخوي الليزر
بصراحة أنا ما جربت الكامري ولا أعتقد إني بجربها لأنها ما تناسبني
لكن عمري ما سمعت حد يشتكي منها إلا واحد إلى الآن .... S8
المميز
08-05-2001, 02:55 PM
^1
اولا الحمد لله ومبروك انشاء الله انك بتشتري سيارة....
بالنسبة للكامري انا جربت الموديل القديم بصراحة ارسى على
الخط من الجديد...بس بصراحة عندنا في الرياض تقول(رضاعة
بزارين)مع احترامي الشديد...بس كمان هي اقتصادية جدا...
اما بالنسبة للماكسيما ماشاء الله تبارك الله سيارة...معي99والحمد لله كل شي تمام....وانا عمري ماوصلتها لل 180 وين الله يستر بس...
الليزر
08-05-2001, 05:39 PM
اخوي المميز الحين الماكسيما في الرياض يسمونها طواقي البزراين ..
كل ماتشوف شلة مراهقين لابسين طواقين الا ومعهم مكسيما :)
يعني الحال من بعضه
المميز
09-05-2001, 02:16 PM
^1
الليزر بصراحة كل واحد ورغبته ...انا اتوقع انك شريت الكامري
بس وجهت نظر ...واختلاف الرأي لايفسد للود قضيه....فيقولون اسئل مجرب ولاتسأل دكتور...
مع تحياتي
ســامــر
10-05-2001, 05:23 AM
عزيزي..الليزر...
اولا السلام عليكم يامنتدى السيارت...
ثانيا انا متابع قليلا لهذا القسم وشدني موضوعك لخبرتي فيه..
بالنسبة للشراء..ليس انا ممن يجبرك لكن وددت طرح الاوراق والراي رايك...
الكامري...
انا سيارتي كامري GTX..99..
فل كامل فتحة..قير اتوماتيك....
لها معاي سنة تقريبا...كل اسبوع مشوار لايقل عن 400 كيلو رايح جاي..
لم ارى عيبا فيها..العداد 75 الف كيلو...
حلوه ومرغوبه وقطع غيارها موجود ويكفي انه تويوتا..
بعدين مسأله العكوس..لاتفحط..وشوي شوي على المطبات..وصدقني بتعيش معاك دوم بخير
ـــــــــ
الهوندا...
عزيزي هذه ايضا سيارة مشابهه للكامري في الاغلب...
لكن قطع غيارها نار جداااااااااا.
بعدين غير متوفر الا في الموزعين المعتمدين...
زميلي معه هودنا اكورد 98...مايمدحها والله...وفيه واحد من الشباب معه هوندا ايضا 97 وحلوه بس ماتمشي الحاله ذبحته قطع غيار والامثله كثيرا....
واعرف انا شباب 7 كلهم كامريات...ولا في يوم قالو ماهي زينه...بعدين ياعزيزي المتداول غير...والكامري قيمتها فيها..صدقني...
هذا ما احببت ان ازودك به..اتمنى انني افدتك بشي ولو قليلا..
VIPER
10-05-2001, 05:49 AM
انا اقول احسن GL عادي بدون فتحة
الليزر
10-05-2001, 04:16 PM
شكرا لجميع الاخوان اللي تفضول بالراي
والله انك يالسامر رفعت معنوياتي :D جدا
والاخ المميز شكرا لروحك الرياضية العالية
الاخ VIPER ليه بدون فتحة ؟؟