View Full Version : عطلة الصيف (اريد رايكم)
ابن الحارث
13-06-2001, 12:37 PM
لما يجي الصيف تجي مشاكله معاه والمشكله الرئيسيه
((وقت الفراغ))
لان الطالب يجد نفسه فاضي لمدة ثلاثة شهور كيف يقضي وقت فراغه واين ومع من كل هذه الاسئله تطرح نفسها كل صيف وحبيت اشوف ردودكم على الموضوع
ابو سعود
13-06-2001, 01:15 PM
انا اقترح وبكل قوه انه يشترك في منتدى سوالف وينسى الطفش
لا والله من جد الموضوع جيد
خصوصا لنا احنا معشر السباب العزابيه نعاني انواع الاضطهاد في الاجازات والسبب العوايل
ياخي ما تروح مكان ولا تقز حصاه من بعيد تبي تجلس عندها الا وقالوا لك عوايل طيب واللي ما تعيل ( اي اصبح عائله) هذا ايش يسوي المسكين
والله اني من اول الاجازه وانا انتظر اليوم اللي تنتهي فيه ونبدا الدراسه لان ما عندي شي اسويه
اليوم عند محمد وبكره محمد عندي
الشي الجديد في هذي الاجازه انه الطلاب الجامعيين صار عصبا عن ابوهم لازم ياخذوا ترم صيفي والا ما فيه مكافاه
بيني وبينك انا ما عمري اخذت فصل صيفي بس هالسنه الله يعين عليه لا وبعد على الحر والجو الزفت اللي هنا والرطوبه
معليش انا ما اوجدت حل للمشكله ولكن جسدت معاناه اخرى يبي لها حل
وبالمناسبه البنات لا يتكلمون عن الفراغ بالمره
الاسواق والمنتزهات والحدايق وال ووووو كلها مفتوحه لهم
طيب ليه ما تطلبوا منهم انهم يكونوا عوايل والا الشباب بس اللي لازم يتعوللون ( للمره الثانيه اي يصيرون عوايل)
ابن الحارث
15-06-2001, 01:29 PM
اشكرك على هذا الاقتراح وهذا الرأي اخ ثرثار
لكن ما رأي باقي الاخوان؟
أبو نايف
15-06-2001, 01:52 PM
ياهلا بابن الحارث
أثرت موضوع مهم تشكر عليه
بالنسبه للاجازه الصيفيه اذا كنت تقدر تسافر روح على صلاله في عمان:):)
واذا ماكنت تقدر تسافر >>>>>>>>>>> اطلع للبر:(:(
ما ادري عن وظائف الطلاب في الصيف اللي يقولون....الله العالم انها خرطي.......الحين جامعيين عاطلين مالقوا وظائف يبغون يوظفون الطلاب!!!!!!
أقول ....سلامي على اللبنانيين والهنود مالقاها الاهم...
بس أناعندي فكره للشباب كلهم...
ليش ماتسافرون الهند والا بنغلاديش وتاخذون جنسيه ثم تجون هنا بعقد عمل....
ولاحظ انك اذا كنت حامل للجنسيه الهنديه او البنغاليه بيحق لك دخول الاسواق والمنتزهات العائليه ....موب كذا وبس
يحق لك العمل في المحلات.... خاصه النسائيه
يعني شغل وفلوس.....وفلة حجاج.....
وسلمولي على مكتب العمل قصدي مكتب المسخره
أميرة القمر
15-06-2001, 09:53 PM
شباب الي مثلي في الجامعة حله عندي!!!!!!!!!
يأخذ كورس صيفي وتضرب عصفورين بحجر تقضي على وقت الفراغ و أيضا تكمل الجامعة في وقت اقل....
الصراحة انا قمت بتطبيق هالحل ......... والله شرايكم