النايف
19-10-2000, 07:42 PM
إذا كان الهوى يا صاحبي مقدور نســـيانه
شطب نوم السهير السهد من كراسة جفونه
و إذا كان الشعر يا صاحبي مغفور كتمانه
كـتـمـتـه قبل لا يوصل قلوب تنقفل دونه
و ش الحـيلة و صوتي مبطي يكفخ بجناحه
و ما به في سما الكلمات حرف ينهي حزونه
عرفت إن البحر كم ذاد بأمواجه عن الدانه
و عرفت إن الشجر كم شام بظلاله عن غصونه
و حسبت ان الغنا أسمى من إنا نعرف الحانة
و حسبت إن العنا أصعب من إنا نوصف شلونه
لقيت إن الغـنــــا دانه على دانه على دانه
و لقيت ان العنا " يا مل قلب زادت طعونه "
ضمير الصبح لو والف عصافيره و غربانه
تراها خـوة يا صاحبي ما هيب مـأمــونه
إذا صار الشــعر يمشي على عكازة أوزانه
تعمق في قصايدهم .. كسيرة .. بس موزونه!!
ترى لولا وفا المهر و رضاه بسلطة عنانه
تعثر شاعر سمر السحايب فيه مفتونة
يكون له صله بين الرياح و همــة حــصانه
غدت له .. من عقب رحلة شتات الأمس مديونه
يغني .. و الصحاري جرحها يخمد بقيفانه
يغني .. و المدينه نبضها يصحى على لحونه
حلم لو يصلح العالم .. حلم لو يقلب أحـيـانه
يشيل هموم شمس في تراب الليل مدفونه
يشوف الفرق مـا بين الزمن و اللا زمن .. خانه
و من يحتلها يصعد ، و يهدي النجم مكنونه!
***
و جيتك .. منصدم في وقتي اللي غير ألوانه
و أنا ذاك الذي بخبرك يموت و ثابت لونه
أنا من شيد أحلامه ، و جــارى الغيم بنيـانه
و أنا من قـيـد الدمعات في زنزانة عيونه
هقيت إن العذر يعني غلا الوافي بخـلانـــه
لقيت إن العذر يهمي و محـد يدرك مزونه!
هجرتك .. ما دريت إن الهجر مجهول عنوانه
و طيفك من ديار البال عـيت تقفى ظعونه!
أنا لو قلت : بحرق طيفك و بدفي بهجرانه
تقول الذكريات اللي معي : خله على هونه
منعني ـ لو نسيتك ـ مجلس تطريك جدرانه
منعني ناظر قـد له سنين يداعبك نونه!
منعني شارع أنواره لمشي الأمس ولهانه
أحــدنا يندب جنانه .. واحــدنا يكتب جنونه!
أحـدنا ما خذ الدنيا فـ بساطة فهمه أحزانه!!
واحدنا ما خذ الدنيا بصعوبة تركه ظنونه !
احدنا عدها غاية و عشق إنسان و إنسانه
واحدنا عدها مبدأ.. و حلم .. و فرض كينونه!؟
هذاك اللي بقى يضحك و هو راضي بحرمانه
و ذاك اللي لقى بين الكتب و العاصفه : عونه
اخاف إن البحر يا صاحبي ينسيك شطآنه
ترى لولا الشواطي ما رقيت الموج و متونه
***
على وين المسير ؟ الجفن ضايع و الدجى حانه
غوت ضي النجوم اللي بذاك الكاس مغبونه
أنا ما شفت مثله مؤمن بصدقه و بهتانه
و أنا ما شفت مثله زاهد في ما حوى كونه!
مثل عبد رفض أحلى الصبايا تقبل أوجانه!!
غريبه! كيف ما يرضى الغزالة تبدد شجونه؟!
إذا خالف طريق اللي تغرب وجهة أوطانه
فيا شينه مصير قام يقطع غصن زيتونه!
غدر كل الكلام اللي غراه الطرس بأحضانه
و في .. كل الكلام اللي لقى الحرية سجونه!!
حسافة صوتي اللي ما مداها تورق اغصانه
تعارض رحلته للعطر نية كف مجنونه!
و حسافة غيمي اللي واهبك وبله و هتانه
تصوب نبله وجوده بنبل منك مسنونه!!
***
و جيتك .. شرهة يا صاحبي بالهم مليانه
تقول : شلون ما عبر عباير بنت مزيونه؟!
تقول : شلون ليل البارحة يميدك سلوانه؟
تقول : شلون ديوان الأمين أنساك هارونه؟!
قصيدي لا كتبته قامت الدنيا على شانه
غريبة يوم جالك تقفل البيبان من دونه!!
شطب نوم السهير السهد من كراسة جفونه
و إذا كان الشعر يا صاحبي مغفور كتمانه
كـتـمـتـه قبل لا يوصل قلوب تنقفل دونه
و ش الحـيلة و صوتي مبطي يكفخ بجناحه
و ما به في سما الكلمات حرف ينهي حزونه
عرفت إن البحر كم ذاد بأمواجه عن الدانه
و عرفت إن الشجر كم شام بظلاله عن غصونه
و حسبت ان الغنا أسمى من إنا نعرف الحانة
و حسبت إن العنا أصعب من إنا نوصف شلونه
لقيت إن الغـنــــا دانه على دانه على دانه
و لقيت ان العنا " يا مل قلب زادت طعونه "
ضمير الصبح لو والف عصافيره و غربانه
تراها خـوة يا صاحبي ما هيب مـأمــونه
إذا صار الشــعر يمشي على عكازة أوزانه
تعمق في قصايدهم .. كسيرة .. بس موزونه!!
ترى لولا وفا المهر و رضاه بسلطة عنانه
تعثر شاعر سمر السحايب فيه مفتونة
يكون له صله بين الرياح و همــة حــصانه
غدت له .. من عقب رحلة شتات الأمس مديونه
يغني .. و الصحاري جرحها يخمد بقيفانه
يغني .. و المدينه نبضها يصحى على لحونه
حلم لو يصلح العالم .. حلم لو يقلب أحـيـانه
يشيل هموم شمس في تراب الليل مدفونه
يشوف الفرق مـا بين الزمن و اللا زمن .. خانه
و من يحتلها يصعد ، و يهدي النجم مكنونه!
***
و جيتك .. منصدم في وقتي اللي غير ألوانه
و أنا ذاك الذي بخبرك يموت و ثابت لونه
أنا من شيد أحلامه ، و جــارى الغيم بنيـانه
و أنا من قـيـد الدمعات في زنزانة عيونه
هقيت إن العذر يعني غلا الوافي بخـلانـــه
لقيت إن العذر يهمي و محـد يدرك مزونه!
هجرتك .. ما دريت إن الهجر مجهول عنوانه
و طيفك من ديار البال عـيت تقفى ظعونه!
أنا لو قلت : بحرق طيفك و بدفي بهجرانه
تقول الذكريات اللي معي : خله على هونه
منعني ـ لو نسيتك ـ مجلس تطريك جدرانه
منعني ناظر قـد له سنين يداعبك نونه!
منعني شارع أنواره لمشي الأمس ولهانه
أحــدنا يندب جنانه .. واحــدنا يكتب جنونه!
أحـدنا ما خذ الدنيا فـ بساطة فهمه أحزانه!!
واحدنا ما خذ الدنيا بصعوبة تركه ظنونه !
احدنا عدها غاية و عشق إنسان و إنسانه
واحدنا عدها مبدأ.. و حلم .. و فرض كينونه!؟
هذاك اللي بقى يضحك و هو راضي بحرمانه
و ذاك اللي لقى بين الكتب و العاصفه : عونه
اخاف إن البحر يا صاحبي ينسيك شطآنه
ترى لولا الشواطي ما رقيت الموج و متونه
***
على وين المسير ؟ الجفن ضايع و الدجى حانه
غوت ضي النجوم اللي بذاك الكاس مغبونه
أنا ما شفت مثله مؤمن بصدقه و بهتانه
و أنا ما شفت مثله زاهد في ما حوى كونه!
مثل عبد رفض أحلى الصبايا تقبل أوجانه!!
غريبه! كيف ما يرضى الغزالة تبدد شجونه؟!
إذا خالف طريق اللي تغرب وجهة أوطانه
فيا شينه مصير قام يقطع غصن زيتونه!
غدر كل الكلام اللي غراه الطرس بأحضانه
و في .. كل الكلام اللي لقى الحرية سجونه!!
حسافة صوتي اللي ما مداها تورق اغصانه
تعارض رحلته للعطر نية كف مجنونه!
و حسافة غيمي اللي واهبك وبله و هتانه
تصوب نبله وجوده بنبل منك مسنونه!!
***
و جيتك .. شرهة يا صاحبي بالهم مليانه
تقول : شلون ما عبر عباير بنت مزيونه؟!
تقول : شلون ليل البارحة يميدك سلوانه؟
تقول : شلون ديوان الأمين أنساك هارونه؟!
قصيدي لا كتبته قامت الدنيا على شانه
غريبة يوم جالك تقفل البيبان من دونه!!