سوالف للجميع - يمكن ما أرجع ....

عيناوية للأبد

23-02-2001, 03:55 PM

صار هذا المنتدى ممل ... لأنه ما في مواضيع للنقاش ... كلة تحدي وواحد يحب نادي والثاني مايحبة ... يمكن إني أنتقل لمنتدى آخر ..

moon cat

23-02-2001, 04:07 PM

ولله ياأختى أهلا وسهلا فيش بأي وقت !!! فرصه سعيده تعرفنا عليكم وسموحه أذا غلطنا عليكم ؟ يمكن شفتينى متحامل شويه على نادى ألعين :) هذه منافسه ياعيناويه مافيها شىء لكن عشانك وماتتركين ألمنتدى يلله عاش فريق ألعين !!! :) هاها ولاتزعلين ألعين أحسن فريق فى ألعالم كله :) وتسلمين ألسموحه مره ثانيه .

عيناوية للأبد

23-02-2001, 04:41 PM

لا يا الوحداوي .. أفا عليك .. أنا ما أقصدك إنت ... صح إني أول ما اشتركت في هذا المنتدى كنت أنقهر منك .. لكن بعدين تعودت عليك
حتى إذا كنت كاتبة موضوع وما لقيت رد عليه من moon cat أو star2020 أو فهرنهايت ... أستغرب ..

وبعدين أنا أشجع المنافسة الشريفة بين الأندية .... وأصلاً هذي كرة القدم .. ولاّ ليش مسويين الدوري والكاس وكل هذي المسابقات .. أصلاً بدون المنافسة ما بيكون للدوري طعم ...

ولا يهمك يا moon cat ... يمكن أغير رايي فجأة وتلقوني طالعتلكم بموضوع يديد ...

moon cat

23-02-2001, 05:02 PM

هاهاهاهاها ! حلوه منقهر منك !! هاهاها صدقين بلله بديت أحب فريق ألعين ! طبعا بوجود جمهور مثلك ياعيناويه تحب فريقها سواء يلعب ولامايلعب ولاء عجيب !! وبعدين عجبتينى أكثر يوم قلتى ألى يحب بلاده لازم يشجعه ؟؟ صراحه كلامك حلو وباين أنك تحبين منتخب ألامارات ونعم فيك باينت تسلمين وأتمنى لك أوقات حلوه فى هذه ألمنتدى ومحد يكدر خاطرش بلنسبه لمشاركاتى فى موضوعاتك أن شاء ألله أي موضوع أشوف فيه أسم عيناويه للأبد حدخله طبعا حصلت ظروف كم يومين ماقدر أكتب بلرياضه لك أن شاء ألله أشوف ألموضوع وشكرا .mooncat

star2020

23-02-2001, 05:39 PM

ليش يا عيناويه بتسيرين ...

صدقيني في المنتدى شي مواضيع ...

بس يبالها اللي يقراها ...

صح نحن مقصرين ....

بس لازم نبحث عن مواضيع حلوة ...تليق بالمنتدى ...

ولازم تعاون من اخوان المنتدى ...

اتمنى نك تغيرين رايك يا عيناويه .... اتمنى ها الشي ....

وتمنى نحصل مواضيع جديده للنقاش ....

وتدرون المنتدى اصلا للنقاش ..

واضن احلى شي الاثارة والتحدي في المنتدى ...

ودمتي لنا يا عيناويه ..

على فكره ... فكري شوي قبل لا تتخذين اي قرار

فهرنهايت

27-02-2001, 05:01 PM

مرحبا ...
اسموحه يا اخواني على تاخيري في الرد
عيناويه للابد الظروف فقط تمنعنا عن الكتابه اليوميه ولكن انا من اشد المتابعين للاخوان الاعزاء امثالج وامثال الاخ العزيز الكبير في كتاباته ستار 2020 , والاخ العزيز الوحداوي المتعصب جدا مون كات والاخ سيد الملاعب صاحب الكتابات المثيره , والكثير من الاخوان في الخليج ..

اختي العيناويه نعم بعض الاخوان في المنتدى ردودهم وكتاباتهم فيها الكثير من التعصب الاعمى لانديتهم وهذا طبعا من حبهم وانتماءهم الشديد لانديتهم ..

اختي العيناويه يبقى الحب والصداقه رغم كل المناوشات والردود الخارجه عن النص احيانا فكلنا في النهايه اخوان والروح الرياضيه هي الفائز الاول ..

واقول اخيرا لاتبتعدي عنا ...
تحياتي العيناوي فهرنهايت