View Full Version : ما يجيبها الا رجالها .. ( هع )
Ba7rainia
19-05-2001, 05:29 PM
......... هذي مجرد خاطرة :) حبيت اقول الي في خاطري ..
اقول ..خلك رجال واحترم نفسك .. مادام النفس عليك طيبة :)
وخبر يوصلك ويتعداك .. هذي المرة طافت على خير تدري ليش؟
:) لان .. ولا اقولك ما ني قايلة احسن..
وقبل لا انسى ثمن كلامك قبل لا تكلم..... يكون افضل لك
ومثل ما قال راشد الماجد في مهرجان ( تحية الى بوسلمان ) :
الشوب اخلاص ما هي بالعدد :)
وانتي شعبك قلدك اعلى وسامه
كل خايف احتمى فيك ورقد
اهتنى بعد المتاعب في منامه
قالوا وينك؟قلت انا باجمل بلد
في الرفـــاع وفي المحرق والمنامه
وقال راشد وقالوا غيره كثير .... واحنا قلنا وطول عمرنا بنقول
نعم .. نحب هوى الديرة لو كانت صغيرة مزروعة وسط الهم
اي والله انه هم :) بس الله كريم
مع احترامي الي جميع اعضاء المنتدى المخلصين
بس على قولة المثل ( الي على راسه بطحة يتحسسها )
اقول بنت العربي ! ترى البحرين انشالله بتصير مملكة عن قريب رضوا العذال ولا ما رضوا ... دام بوسلمان قايدنا ابشروا بالخير
وبتقولين البحرينية صدقت ... مثل ما قلت قبل سنتين وصدقت.
ن
بس ايش رايكم تسو عشاء بالمناسبة دي (انا جيعان)
اي والله البحرين عزيزة وغاليه علينا
والله يحفظها ودوم علينا الحب والرخاء دائما
تحت راية بو سلمان
شوف توقيعي
بنت الغربي
19-05-2001, 10:33 PM
فديتج وفديت بو سلمان وفديت البحرين والغربي على راسها
الللللللللللله ريحتيني يا بنت عمي :)
حبيبتي والله :) اموووووووووووواااااح على راسج الغالي :)
بس والله مب قادره ابعبر لج عن شعوري...باجر في المدرسه بابعبر لج عن الي في خاطري عليج يا بنت عمي يا حبيبت قلبي :)
ومثل ماقالت بنت عمي..خلك ريال واحترم نفسك دام النفس عليك طيبه!!
سي يوو في سكوووول :)
باي :)
بس تراكو مرة زعلانين يا جيران و على العموم انا ما ادري تقصدو مين بالضبط بس شكلي عارف
و بصراحة معاكم حق بس
ما ادري ايش اقلكم و قلتها قبل (الجار قبل الدار) و انا اتسافلكم ما ادري عن مين بس انا ودي النفوس تطيب
يا ناس عرب و كمان جيران و دول مجلس التاعون و مسلمين
ما ادري ايش اقلكم اكثر من كده روابط
اتمنى من اي شخص زعل يرضى بس :(
سلام
بنت الغربي
19-05-2001, 10:53 PM
هلالالالالا واللله gt3
اكييييد بنزعل!! اذا واحد غلط على امك مابتزعل؟!؟؟!
فما بالك اذا واحد غلط على الي اعز واغلى من هلك كلهم!!
وانه خلالالالاص عقب الكلام الي اكتبته بنت عمي مب زعلانه :)
ويعطيك العافيه اخوي..ونعم فيك وفي اهل السعوديه والكويت وقطر والامارات...والبحرين الغاليه كلهم :)
و اهم شي لا تزعل علينا تاني انا لو احد شخط فيا ابكي و اجيب الشرطة ;)
بويك ون
20-05-2001, 01:35 AM
^1
يا هلا بنت الغربي والبحرينية وغلا فيكم
ونعم بأبو سلمان الشيخ بن الشيخ نسل الشيوخ الكرام أدام الله عزهم
ونعم بالبحرين اللي انحفر أسمها بوسط قلوبنا
وكلنا شعب واحد وخليج واحد
ولا يهمونج الجهال والخبول
وتأكدي من أنه
لا ترمى سوى الشجرة المثمرة
وتحياتي لأهل البحرين الأعزاء
أبعثها لكم من أرض الكويت الحبيبة
عمروبن كلثوم
20-05-2001, 03:28 AM
^1
أعتقد أن الكلام موجه لي ..صح .
ومن حقي طبعا أرد .
أشوفك زعلانه لأني غلطت على بلدك البحرين ,
وفاتحه موضوع كامل ..!!
طيب بالمثل انا مو من حقي ازعل وارد لما تتكلمون على بلدي , مع العلم انكم انتم اللي بديتوا ..!!
!!.. غريبه ..!!
وحده بوحده ..!! بديتوا ورديت ..وهذا من حقي ..بدليل انك زعلانه الان , وهذا انتم تزيدون ..بس انا بطنش .
وعلى كل واحد انه يثمن كلامه ,
ومن دق باب الناس دقوله ابواب .
طبعا انا مابي ادخل بالتاريخ ومسألة الحمايه , اللي تتكلمين عنها , ومن يفك الخايف , لأن الكل يعرف التاريخ زين .
عموما انا مابي اتكلم على ال خليفه واشتمهم وغيره من هالكلام لأن الحلال بين والحرام بين وهم ناس معروفه من قبل لايهاجرون للبحرين من طيب وكرم وغيره من الصفات الطيبه , وقبل كل هذا علشان صلة القرابه اللي بينا وبينه .
عموما المسأله بنظري مو مستاهله , ولا ترمي الناس بالطوب وبيتك من الزجاج .
وعلى البادي (بتاكيد مو الباغي)تدور الدوائر .
واذا ماحد غلط علي أكيد ماراح اغلط على احد .
يعني الواحد لايطول لسانه ويبي الناس تسكت عنه , طبيعي ان تكون لهم ردت فعل .
أما بالنسبه للكلام الغريب جدا !! اللي كاتبته ألأخت , فماهو من المعقول اني ارد عليه , لأنه من العيب اصلا اني ارد عليه ..!!
وانا متشيم عنه شيمه , كذا عودونا اهلنا..!!
وماقول الا الله يستر عليكن وعلي , تراي نافض يدي من هالسالفه كلها .
باااااااااااي
[تم تعديل الموضوع بواسطة عمروبن كلثوم يوم 20-05-2001 في 11:40 AM]
بل بل بل
بيييييه موضوع مولللللع من جد
حرقتني عيوني وانا اقراه
انا اقول الموضوع اكبر من انه ينكتب في منتدى الطرائف
واذا هي مسئلة اخذ بالثار فهذا حق مشروع
ولكن وكما قيل [} المسامح كريم {]
نصيحه لوجه الله
اللي يبي ياخذها واللي ما يبي يخليها لغيره يمكن يستفيد منها
بالهون بالهون
و يا ريت الكل يصفي و ينتهي الاشكال
عمرو
اهدى يا عم دول جيران و اذا انا صحيح ما ادري كل التفاصيل 100% بس لو ما تكرم جارك تكرم مين
و غير كده قبل كم يوم كنت انت الي باسطهم و تنبسط و ما كان فيه حساسيات و بصراحة اسلوبك مميز و حلو
بنت الغربي او اي حد زعلان
يعني انت كمان ما اتشاكلتي الا مع الي منت قبل كم يوم تمزحي معاه (ما جات الا عليه) خليني افكرك موضوع البنات الي تشبه القطط
ما شفت غيركم يرد على بعض و كانكم اخوان يتكلمو مع بع و فجاءة قلبت الموازين
انتم البنات ماشاء الله تنسو بسرعة انسي و افتحي صفحة جديد يعني عمرو معروف انه دايما مبسوط و ال( هع ) دايم على لسانه اكيد في شي خلاه يقلب (ما اعتقد بدون سبب)
بس رقو و انتم حبايب احلا
بنت الغربي
20-05-2001, 07:23 PM
موضوع القطط؟!!!؟!؟!؟
مب انه الي كاتبه موضوع لقطاوه!!
وانه اصلن الحين مب زعلانه...الله يسلم الاعضاء الي وقفوا معاي
يعطيك العافيه يا gt3
Ba7rainia
20-05-2001, 08:38 PM
بنت الغربي .... اهم شي ان برد قلبج؟ :)
انا طيبة وايد بس ها .. شي ينقال عن البحرين ولا البحرينين
استوي وحدة ثانية .....
على العموم gt3 مشكور ما تقصر .... احنا ما زعلنا ولا يهمنا اصلا :)
انا .. بس اقول الي في خاطري :)
وبويك ون .. طبعا مب غريبة انك تمدح فينا احنا اهل ديرة وحدة والله .. والكويت وشيوخ الكويت على عيني وراسي ... تسلم على الكلام الحلو ..
جاسم ... مافي داعي تقولي عن توقيعك الروعة انا ما سجلت في سوالف الا يوم شفت توقيعك والله....
بنت الغربي :) قلت لج احنا ما ينداس لنا طرف ... واذا تبين اي شي ثاني انا حاضرة....
إستغفر الله والحمدلله ولا إله إلا الله والله أكبر..........
بويك ون
22-05-2001, 03:06 AM
الحمدلله ما فيه زعل ولكن سوء فهم وأنتهى
أشكرج يا البحرينيه ويسلم راسج ويتم دوم مرفوع بأذن الله
وكذلك أشكر جميع الأخوان اللي ساعدوا بحل هذه المشكلة
وتحياتي لبنت الغربي وللجميع
والله لا يجيب الزعل