سنفور غبي ونملو في بيت بسومة... وياهم >>>>

[سنفور غبي]

السلام عليكم ورحمة الله وبركاته..

ممممممممم.. ننتقل اليوم إلى بيت ربيعتنا بسومة..

اليوم.. سرنا أنا ونملو الغبية وموناكو وحصو وسارونة.. (أكيد حفظتوا أسماؤهم;)).. بيت بسومة..

في البداية.. سرنا أنا ونملو الجمعية عشان ناخذ باسكن.. (تراهم تشرطوا علينا.. يبون اسكريم.. بنات آخر زمن.. ههههههع)..

سرت باسكن وخذت لحصو اللي بـ 10 والباقيين كلهم اللي بـ 5 وأنا ونملو خذنا ميلك شيك.. (مزاج;))..

ويوم دفعت وخلصت.. جان تسوي نملة حق أمي.. ها ما تبين :(.. أمي قالت.. أنا أمها وصوبها وما سألتني :( (نملو ويا نحاستها..) قلت لها ما أدري انت ما قلتي تبين.. وبعدين على طول طلبت.. ههههههههههههههههههههه.. لا ونملو.. ما تسكت.. اخذي حق فلان وفلانة وما أدري منو في البيت يبون.. (شعليها.. على حسابي.. تقول هالكلام وتشرد:()..

واتصلت لنا بسومة واحنا عند راعي الورد.. نحط الهدية في باقة.. ما أدري شو يقولون عنها.. اوووووه ما علينا..

تسألنا انتو وينكم؟؟ كلهم عندي..
قلت لها سوري والله ما بني بيتكم خلاص.. :( بنسير العرس ويا أمي..
عاد هاذي وين تصدق.. طبعا ما صدقت.. وكلمت حصو وقلت لها تقص عليها بهالسالفة لين ما نخلص..

خذنا الورد.. وخذنا باسكن.. وركبنا السيارة.. (طبعا أمي اللي تسوق).. أنا يلست ورا.. ونملو جدام..

المهم.. مشينا.. سييييييييييييييييييييده.. لفينا.. يمين.. يسار.. وصلنا بيت بسومة.. احححححححح ارتحت.. :):)

مممممم.. اتصلت لحصو عشان يطلعون لنا برع (أكيد.. عيل بنكسر الباب وبندخل؟؟ :().. ككككككككخخخخخخخخخخخخخخخخخ

نملو.. بسرعه بسرعه.. نزلت وخذت الورد.. وتركض.. انزين اصبري انا وياج يايه.. (الله يسامحها بس:().. أنا نزلت ونزلت معاي أكياس باسكن روبنز.. وكيس فيه لوز (حق حصو.. طلبته مني;))..

دخلنا بيتهم.. وسلمنا عليهم وحده وحده.. وبدون أي مناقشات.. أوزع عليهم الباسكن (كل وحده طالبة شي.. بعد متشرطين.. عيل.. وحده علي جوكلت ووحده بسكوت.. والله حالة:(:))..

كل وحده تاكل ايس كريمها وتسولف.. (لا والمشكلة الايس كريم كان ذايب بعد.. هههههههههع)..

الحين خلصنا.. يو عاد هم وخلطاتهم السرية.. وكالعادة أنا حقل التجارب.. بقى شوي في الملك شيك.. حطو فيه شوية ايس كريم.. وعليه عصير فواكه.. وعطوني.. وكلهم يترقبوني وانا بشربه.. هههههههههع..

شكله كان فظيييع :(.. بسومة تقول لا تشربين.. وحصو تقول لا اشربي.. وكلهم مأيدينها..

وأنا عادي عندي.. خذته وشربت منه.. ههههههههه.. وكان طعمه.. :( الله لا يراويكم مثله.. (شو رايكم تجربون؟).. وبعدين سحبته عني بسومة وما خلتني أكمله..

وبعدين اتصلت في وحده أعرفها من النت اسمها خلود.. وكملت حصو ونملو وبسومة.. وبس (حليلها الحين عالمسنجر تترياني أخلص الموضوع.. ههههههههههع :))

ويسلنا شوي.. وحطوا لنا شريط فيديو.. مال المدرسة.. وكانت أيام حلوة :)..

وعقب ما خلصنا من الشريط.. يابت فلم هندي.. حطته بس عشان يعرفون الأبطال.. وتناقشوا وأنا كنت بعيده عن الموضوع..

ممممممممم.. هالله هالله عالجد والجد هالله هالله عليه.. الحين وقت اللوز.. يت حصو وطلعت اللوز من الكيس.. (كله أخضر.. لووووووووووووووووووووووووول)..

كلو اللوز وخلصوا.. وعقب ما نظفت بسومة الطاولة.. جان نشوف عليها شي يتحرك.. هاااااااااااا.. شو هذا!!.. إلا نشوف الدودة.. لووووووووووووووووول.. تتمخطر ;).. اكتشفنا.. أنه اللوز كان فيه دووووووووووووود.. كككككككخخخخخخخخ (أخضر وفيه دوم.. شو عجبهم فيه!!)..

شوفوا أنا أقول السوالف اللي صارت عالسريع.. لأنه الوقت من ذهب..

وصل العشا.. حطوووووه.. يلسنا.. كلنا.. شربنا.. سولفنا.. قالوا نكت.. ضحكنا <<< الطريقة الجديدة في طرح المواضيع ومثل ما قالوا.. احنا في زمن السرعه.. كككككككخخخخخخخخخ :) وإلا أقول نرد للطريقة الأولى أحسن..

خلصنا عشانا.. بسومة كانت أمها تباها شوي وسارت عنا.. واحنا يلسنا.. أنا وحصو وموناكو نضارب بالمخدات.. لوووووووووول.. حليلهم اعتفس ميلسهم.. ككككككخخخخخخخخخخخخخخخخخخخ.. طبعا مب مني.. من حصو وموناكو..

وبعدين اتفقنا قبل ما تدخل بسومة نوقف ورا الباب.. وأول ما تدخل نضربها (دفاشة..:(:))..

دخلت.. وهجوووووووووووم عليها.. (أنا تعاطفت معاها ووقفت.. بس شلت نظارتها عن عينها @_@)..

وهدت الأوضاع شوي.. بعد شوي من التضارب << شو معناها؟:):(

ويابت لنا كيك عشان نحلي.. وكلنا.. ومممممممممممممم

أقول.. مب لازم أكمل.. سوالف واااااااااااااااااااااااايدة.. ما تخلص.. بس الحين نمشي على طول للنهاية..

موناكو خالها خذاها.. وردت البيت.. واحنا أنا ونملة وسارونة ردينا ويا حصو..

ولأنه الدريول ماخذنا.. ما كان شي مكان.. أربعتنا ورا.. ونضارب.. وأنا هددت حصو إني أنزلها.. لكن ما هانت علي (انزين سيارتهم :(:))..

ووصلنا سارونة بيتهم.. وبعدين وصلونا.. ودخلنا البيت.. ونملو على طول على النت.. وأنا ماشي شغل.. على التلفزيون..

ها أكمل لكم شو سوينا بعدين.. كككككككككخخخخخخخخخخخخ

اها ونسيت.. بسومة عطتنا بسكوت وكتكات وكاكاو.. واحنا طالعين.. :)

وتوتة توتة.. خلصت الحدوتة.. حلوة ولا فتفوتة؟ :)

والله يسامح الجميع (على الإطالة ;)).. يعني اسمحو لنا.. اللي بيسمح يسمح واللي ما بيسمح كيفه.. كككككككككخخخخخخخ


يلا.. تشااااااااااااو.. http://www.swalif.net/sforum1/images/icons/icon10.gif

[bent ubooha]

يحليلج يا سنفور غبي...

حلوة السالفة، كان ودي بشيين وانا أقراهم..

أولهم: الباسكن..

ثانيهم: إني أكون معاكم...

يا حسرة:(

[سنفور غبي]

الله يحلي أيامج عزيزتي :)

افا عليج.. بس باسكن.. :)

وإن شاء الله مره ثانية تكونين معانا;)..

تحياتي..