بعض مايقول الحريم في العرس والمعازيم...

[moka_moka]

البارحه ذهبت لأحضر العائله من زواج احد الأقارب00 الله لنا
انا : اركبوا السياره ولاتصفقون بالبيبان وانتبهوا لاينصك الباب على عباياتكم..
الاولى : مانن علينابسيارتك والله لو انها فياقرا...
الثانيه : وخري شوي ابركب انت وسيارتك اللي مدري وش تبي ..
الثالثه :اها بس كلش الا ولد اختى اسكتوا عاد(تبيني لبنتها بس انا معيي)
***************
وبمجرد ما انقفل باب السياره 00بدأ الأستديو التحليلي اسمعوا ما قاله وما يقوله النساء بعد كل زواج0
الأولى : ايش فيك تأخرتي؟
الثالثه: قاعده ادور على عباتي ماشفتي الطقاق اللي عند الخروج كل العبايات متلخبطه.
الثانيه : شفتي اللي كبت القهوه على الحرمه اللي كانت نايمه؟
الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على جزمة بنتي مها...
الثانيه : ايش رايكم في الفستان اللي لابسته هدى؟
الأولى : مو حلو 00محنقط عليها والسحاب باين..
الأولى: انا اعجبني مكياج أمل 00تقول ان زوجة خالها جابته لها هدية من باريس
الثالثه : هههههها من باريس 00تضحك عليك يا هبلا 00تلقينه من محلات ابو عشره
انا : وشرايكم في العرس ؟
الثالثه : وع ليتنا مارحنا(ملاحظه قاعدين الين 4 الفجر ويقولون لتنا مارحنا!!!)
انا : ليش؟
الثانيه : زحمه وقررررف وماجابوا مطربه زي الناس ...
***************
الغريب والعجيب انهم واثناء حديثهم في السياره يقولون لبعضهم 00خلاص يا بنات
بس 000ترى ما يجوز نتكلم على الناس0
***************
تكمله

الثانيه : صح والله كلامك يا اختي 000ما يجوزنتكلم عليهم بس شفتي الحرمه اللي كانت قاعده معنا على الطاوله ؟
الأولى : ايه شفتها 00هههههههه متوصيه فيك 00شكلها بتخطبك لولدها
الثانيه : وجع في شكلها هي وولدها 00قاعده تقطع لي مابقى الا هالاشكال
انا : ايش رايكم في العشاء؟
الثالثه : وجع شاحذينه شحاذه يالله كفى..
الأولى : بااااااارد
الثانيه :والله ماكلنا شي..(من زود الحياء)
الثانيه : وفيه حريم ما تعشوا قاعدين على الكراسي اللي في الكوشه 00شايفين نفسهم ..
الأولى : حتى ام العروسه ما تعشت مسكينه 00طول الوقت قاعده تبكي..
الثالثه : هههههههههه تبكي من الفرحه يا هبلا 00ما شفتي صدرها منتفخ من الفلوس..

**************
المقاطعه المعتاده يابنات مايجوز
بعدها بدقيقه كملوا..

**************
الاولى: ولا الصب شين ماجانا شي
الثالثه: ولاحتى كاس مويه
الثانيه: شفتوا الشوكلاته تقولون شاحذينها من العرس اللي جنبهم

الثالثه:الا وش الحديده اللي لابستها العروسه في رقبتها لايكون تحسبها طقم..
الثانيه: بلا والله القرواه ماشافت طقوم الالماس اللي على اصولها..
الاولى : ظنكم هذي هديه ابوها ولاشبكتها؟؟

الاولى :العرووووووس العروس ..(انفجرت اذاني)
الثانيه : وشفيها؟
الثالثه: احتسي تكفين
الاولى : وع مرتبكه مرررره يوم دخلت في الزفه خربت شكلها من كثر ماتنافض ...
الثالثه : ايه بس يوم قعدت في الكوشه انهبلت...
الثانيه:ا يه والله قامت تهتز شوي وتقوم ترقص..
الاولى :بنات هالوقت مايستحون!!!

***************
وصلنا البيت (خساره)
وكملوا عاد باقي المواضيع والحش اللي مايجووز اني اطلع عليه بحكم اني ولد

***************
نصيحه نصيحه نصيحه
اللي بيعرس لايسوى حفله لانه مهما حط وتكلف مهوب عاجب الناس
اخوي خل قروشك بجيبك وانبسط فيها انت وحرمتك..
انت رهيب يالساكت وانا رهيب ياموكا
ولاتزعل على ولاازعل عليك...

[بنت الليل]

اهلين اخ موكا
شوف يابابا انا راي مو ضد ان الواحد انه يسوي عرس لان العرس واجب اسلامي انت تعرف انو الازم الانسان الي يتزوج يشهر هذا الزواج للاكن بل عقل مو مايسوي مايتكلف تكليف مالها داعي
زي ماقلت يوفر فلوسة لنفسة ولزوجته خاصتن الي احوالهم المادية ماتساعد
الشي الثاني انت تنتقد اهلك والحريم بشكل عام عشان يحشون في الناس والعالم
انت رجال وتعرف ان هذي صفة انسانية موجوده في الرجال والنساء ومحد معصوم والرجال مو احسن من الحريم في هذي السالفة انت لانك رجال وسمعت خواتك يتكلمون عن العرس كنت مستمتع صح ولا لا لا تنكر ومكان في داعي لكل هل تفاصيل الي قلتها

[شموع]

اكيد بعد اي مناسبة .... يكون فيه تعليق ولو بسيط

هذا الشي لا استطيع انكاره

لاني بصراحه سأكون عديمة احساس وبنفجر اذا ما قلت اللي في نفسي

اكيد مو على سبيل السخريه لا معاذ الله ، ولا لكل من قابلني سأحكي له عن مجريات احفلة وما لبسته فلانه او علانه ....

لكن ....

على قولتك ... اخت وبتقول لأختها ....

وياخي العزيز .... الرجال بعد كذا بس انتقاداتهم على حاجات أكبر ..... مثل

( شفت أقولك سيارته مغيرها .... الثاني

الحمد لله ... البيت خرابة وينفخ روحه بهالسيارة....

ولا ...... موضوع اخر .... ( الاول .... : يا كثر فلوسة ..ما تقول لي ان ذيك صفة المحلات حقاته ....الثاني يمسكة حش ....)

يعني الحال من بعضه ....

أما بخصوص .... ان الواحد الافضل له ما يحط حفل ولا يتكلف ....

أنا اؤؤيدك الرأي

لانه مهما بتسوي الناس ، مراح تذكرإلا النواقص .....)

فيمتع نفسه هو وزوجته ابرك له من كلام الناس

.......معليش طولت .... بس المشاركة وياكم تمتع

تحياتي......

[بنت الليل]

حبيبتي شموع بل عكس لازم العرس يلي مايسون عرس ممكن يطلعون علهم كلام لي ماسو عرس كنهم متزوجين غصب
يعني لاسمح الله الولد والبنت غلطو بيزوجونهم سكيتي
ماعمرك شفتي سوالف مثل هذي

[ديمة2020]

بذمتك مو حلوة سوالف الحريم

يا ابن الحلال احنا نقعد نسولف بالعرس لمدة أسبوع لا بالصوت والصورة .

يا بن الحلال لاتحط بالك افرح وخل الناس تفرح .

[حسينكو]

أنا من رايي .. الواحد يعمل حفلة بسيطة .. وياخذ زوجته ويسافر

ويتهنى .. مع زوجته وبفلوسه

تحياتي
حســـــين

[ابو سعود]

هههههههههههههه

وانت الصادق اللي بيعرس يسوي حفله بس يخليها للرجال
يعني لا يعزم عوايلهم معهم :)

[saif_m]

moka_moka

ليش ماتسوي العرس على النت ... وتعزم الناس على موقع العرس ...
وبتكون اول واحد يعملها ... تدخل بذلك موسوعة جينيز ... شو رايك ..
مب احسن عن اعراس هاليومين .. او بالاحرى الكلام الفاضي .. يلى باي

[Bent Eldeen]

في ظل الفراغ المادي والروحي الذي تعيشه البنت الخليجيه بشكل عام, أعتقد بأنه من الطبيعي أن تجد هذه البنت وسيلة أخرى لقضاء هذا الوقت...

بس أعتقد بأن هذا الأمر أفضل بكثير من وسائل ملئ الفراغ ((الرجاليه)) :)

[moka_moka]

بنت الليل-شموع-ديمة2020-
حسينكو-ابو سعود- saif_m
Bent Eldeen

مشكورين جميعا وماقصرتوا

*واجب اسلامي ويجب الاشهار بس مو بالطريقه الجنونيه اللي نشوفها

* لوماكنت مستمتع كان ماسجلت كل كلمه وكلفت عمري وكتبت موضوع
يعني ماانكرت ;)..

*الرجل ينتقدون ويحشون موبس الحريم ماحد قال لأ..

*انا ماحطيت في بالي انا فرحان حتى شوفي :):):):):)...

*الجميع متفقين على الزواج يكون صغير وبدون مبالغه في التكاليف

*الزواج على النت فكره حلوووووووه بس بعيده شوي ;)...

*ترى الموضوع موقضيه ولاهي حرب بين الرجال والحريم ...

*تراه فرفشه وانتقاد على خفيف...

[moka_moka]

الله يعينه
<---------------
على المشرفين
:):):):):):):):):)
تحملوني عاد

[moka_moka]

الله يعينه
<---------------
على المشرفين