View Full Version : البنات ..... والرجيم!!!!
مساء الورد والرياحين ....
ماادري شنو قصة هالبنات هاليومين
الرجيم ..... لا عب دور في كل بيت
وماتلاقي أي بنت إلا وتبي تنحف عميرها بأي وسيلة
لدرجة انهم مو قاعدين يفكرون بالطريقة السليمة
ورافعين شعار الغاية تبرر الوسيلة
تصدقون صارت الشغلات والطرق المجنونة هي محاولاتهم الدائمة
وفي وحدة اعرفها ... ومن كثر هوسها انها تكون مثل العارضات
رافضة فكرة الزواج نهائيا لانها سمينه
وتقول ما ابي احد يتريق علي!!!
وحاسة اصلا انها مراح تكون سعيدة معة .... وأنها ...وانها
اللي يسمعها تتكلم بيقول اكيد هذي مكسرة الميزان
ما ايدري انها زايدة حبتين ومسوية فيها قضية الشرق الاوسط!!!1
واكيد بنات وشباب سوالف لهم سوالف بهالموضوع
البحاري
28-08-2001, 03:45 AM
صباح الخير .. شموع
كنت أجهز موضوع عن الغائبين .. وكنت من ضمن الاسماء .. لكن بما أنك رجعتي .. بعد غياب كم يوم .. نقول لك الحمدالله على السلامة .. ولا تعملين رجميم .. خليكي طبيعية :):)
صمت الكلام
28-08-2001, 04:07 AM
تدرين شموع كل ما اسمع عن وحده مسويه رجيم ..اقول اظاهر ما بقى شي ثاني بحياتهن يسونه ... يعني بدل لا يتعلمن الطبخ واشياء حلوه تفيدهن ببيوتهن بعد الزواج تشوفينهن يركظن ورا الموضه والرجيم وشغلات تافهه ( اف تعبت من نون النسوه :))وخاصه البنات اللي من النوع اللي الرجيم عندهم مجرد موضه .. لان في بنات يحتاجن فعلا للرجيم (المعقول مب المجنون)
يا بنات ترى تعلم الطبخ والله احلى من شغلات الرجيم والموضه
(خاصه لمن احرق الكيك مرتين باليوم :) وناسه احس اني بالطريق الى الاحتراف ... يعني اصير خوش طباخه ) ها في احد يبي كيك :)
الله يبعد عني الرجيم لاني من النوع اللي ياكل كل شي جدامه بلحظة الجوع .......... لكن رشاقتي طبيعيه :)
وتحياتي لك شموع
ديمة2020
28-08-2001, 10:00 AM
أختى شموع وليش البنت ما تحافظ على وزنها ورشاقتها بالعكس هذا يدل ان عندها وعى صحى وعارفة اثار السمنة على الجسم
(الله يرحم والديج تتقبلين تشوفين وحدة متينة كأنها كبت حق القرف واللوعة )
المبتسم
28-08-2001, 10:07 AM
انا اتفق مع رئي ديمه
بس كل شئ في حدود المعقول
يعني ما تجيك وحده رشيقه وتعمل رجيم
تقول احافظ علي صحتي؟
الاعتدال في الاكل والشرب مطلوب..
وبعدين اعتقد ان الرجل يفضل
المراءه الرشيقه
مو البطيخه..
وشكرا..
عاشقة الاخضر
28-08-2001, 11:39 AM
هلا اشكركم على الموضوع الشيق
بصراحه انا مع الرجيم بس الاعتدال فيه وانا تبون الصراحه من هاالنوع احب اجري واخفف بس مشكلتي مو دايم مستمر في الجري يعني اسبوع اجري وشهر مادري
بس جسمي كويس لانا نشيط ولانا ضعيف وكل مايشوفوني يقولو ضعيف
بس يااخوان للجري فوائد تعطيك حركه وخفه وتحس انك مرتاح وبعدين عقليتك تتفتح لانك باعدت الضغوض النفسيه .....................الخ
هذا رايي
وشكرا
اختكم/ عاشقه الاخضر
مع تمنباتي لمنتخبنا الفوز
مع حبي وتقديري
باااي
والحمدلله اني لحقت عمري قبل ما اشوف نفسي في قائمة الغايبين
وتعاقبني الابلة حقتي وتسولي انذار .... ههه
عزيزي
مشكور على اللفتة الحلوه منك .... والله يوفقك دوم.....
شفتي شلون اختي ...
الرجيم صار صرعة بالنسبه لهم ....
وهم بعد صدقتي .... الطبخ فن ولازم على كل وحده تتقنة قبل ما تتفشل في بيت زوجها .....!!!!!
تحياتي لك وبالتوفيق
أنا متفقه معاكم مية يالمية لن الرشاقة مطلوبة
وان الاجسام الخفيفة هم بعد حلوووووووه
لكن ....
ان الوحده تموت نفسها عشان تكون مثل عارضات الازياء
وإلا
تسوي اشياء غير مقبولة طبيبا .... انا ارفضة بشكل قاطع
عزيزاتي... لكم مني الف شكر على المشاركة .... وبالتوفيق
المبتسم
29-08-2001, 06:42 PM
صح والله الاعتدال مطلوب..
بس يمكن الحرمه تعمل الرجيم
علشان تنحف
وزوجها ما يطالع بره;)
ولا ايش رئيك
الله يحيكم كلكم على العموم
حبيبتي ... عاشقة الاخضر ...
انا لو ني منك وبعد الفشيلة اللي حققها المنتخب الاخضر السعودي...أنا اغير اسمس .... الى عاشقة الاسود أحسن لي
والله اتغشمر وياك ....وبعدين انا وين والكرة وين ...
وصدقتي عيوني انه ما فيه احسن من الرياضة عشان الواحد يحافظ على جسمه..........
تحياتي لك ....وشكرا