View Full Version : اسئله بنكيه
ألأعرابي
24-11-2001, 04:32 PM
بصراحه عندي بحث من أجل المدرسه و بغيت مساعه و لم أجد مكان أفضل من منتدى الأصدقاء لأتلقى المساعه منه...
هي أسئله بسيطه لمن لديهم اي خبره في مجال البنوك و المصارف الماليه
1) ماذا يسمى الشيك باللغه العربيه الفصحى؟
2)ماهو حساب التوفير و ما هي الحسابات التجاريه؟
أي مساعه و سأكون من الشاكرين
ألأعرابي
25-11-2001, 01:03 AM
مساعده يا اهل الخير
والله يا اخوي ..فكرت يعني ويش بيكون اسم الشيك بالفصحى مالقيت الا شيك ..
يعني من طلع على وجه الدنيا وهو اسمه شيك ..
واما حساب التوفير ..
هو مثلا يعني لما تحط في البنك فلوس ..بس بدون ما تسوي لك بطاقة صراف الي .. لانه راح يسمى حينها حساب جاري ..
اي ان تفتح لك حساب في البنك توفر ( تجمع ) فيه فلوسك ..
الحسابات التجاريه ...صراحه ما دري عنها بس يمكن تعاني الحسابات الجاريه ..؟؟؟
انشالله تكون اجابتي ذات فائده لك ..و اسفين للتاخير ..وصدقني سوالف الاصدقاء ما يقصروا بس تلقاهم منشغلين ..( اللي يعرفو في امور البنوك ) ... وانا رتىمو كلش في امور البنوك لكن هذي معلومات من واقع تجربه بسيطه ..:)
تحياتي لك .....................أخوك الثــــــــــائر
غالية
25-11-2001, 12:05 PM
على حسب معلوماتي و تعاملي مع البنك عرفت ها المعلومات ...لكنها مش كامله...
الشيك .....ممممم....يمكن صك بنكي.....يمكن
الحساب الجاري: و لا اعتقد التجاري.....اول ما تفتحه لازم تحط قدر معين من المال و يكون ثابت في رصيدك...مثل مبلغ 3000 درهم او 5000 (على حسب كل بنك) و لازم ايكون دايماً ثابت هالمبلغ في رصيدك... عشان دفتر الشيكات..((عشان ما تروح اطلع لهم شيكات بدون رصيد :p )) ...تقدر اتحصل بطقات ائتمان فيزا كارد و غيرها ...تقدر تنقل رصيدك إلى بنك ثاني....و اكيد فيه اشياء ثانيه بعد
حساب التوفير: لما تفتحها مجرد تحط فيه اي مبلغ تبغي ....ما اعتقد لازم تكون تعمل و عندك راتب ثابت...تحط كل شهر قدر من المال..بس بعد كل شهر البنك ايحط لك مبلغ معين فائده بس هو مبلغ بسيط .... 30 درهم تقريباً او اقل على حسب فلوسك اللي حاطنهم..بس طبعاً بهطريقة بتحصل فلوس ربويه ...مع حساب توفير ما تقدر اطلع دفتر شيكات...بس تحصل على بطاقة ATM ...و عادي تسحب اي وقت ...
ارجو ان اكون افدتك ....:)
ألأعرابي
25-11-2001, 03:39 PM
مشكورين ما قصرتوا
ما أقدر اشكركم كفايه
والله مشكورين