سوالف للجميع - آخر كلام عندي 00

الفقيرة لله

27-11-2001, 04:30 PM

بسم الله الرحمن الرحيم
بصراحة : لم أتوقع من بعض الأعضاء هذا التصرف
لكن في سؤال ؟؟؟
ليش بعض الأعضاء يقومون ويمزحون بالكلام مع إنه كلام قاسي
ويسوون مقالب في غيرهم
ومقالب كبيرة بعد ،
لكن0000 إذا قام حد يسوي فيهم مقلب أو كتب لهم كلام قاسي بس بنية حسنة وكله مزاح في مزاح يزعلون
وبعد شو يقولون ما في بيننا للزعل مكان ، لكن الحقيقة أوضحت غير ذلك
فالحقيقة شي والواقع شي ثاني
سبحان الله
وماكنت أتصور يستاؤوا مني لهذه الدرجة ويشلوا في خاطرهم
فعشان كذا أنا بريح الكل وبالخصوص هذا الشخص لذلك قررت أعود
للأصدقاء وأترك هذا المكان عشان ما أتعرض لحد بالمساوىء وماحد يتعرض لي.
وما أتعرض لهذا الشخص مرة ثانية
فبيرتاح وبريح:( :( :( :(
تحياتي:cool: الفقيرة لله
مع السلامة وأقول سامحوني إذا أسأت لحد منكم لكن كل ما قلته وكتبته كله ما كان والله من قلبي كله مزاح ودعابة ومصخرة يعني في عمري ما زعلت على حد منكم ولا قصدت أجرح حد وكنتوا بالنسبة لي ليس مجرد إخوان فحسب بل أحباب وأصحاب.
كانت نيتي ممازحة ليس إلا
على العموم وأنا أقول بعد الله يسامحكم .
وداعا

الشبح 999

27-11-2001, 04:48 PM

هلا اختي

صلي على النبي تره كلنا اخوان وانا ما اعرف تقصدين مين

بس تره المحبه من عند الله وانتي قلتي شخص واحد والباقي

اخوانج واحيننا يصير بين الاخوان اشياء جذي المكان مكانج تره

واحنا كلنا اخوانج وعادي انا بعد في عضوء ما يحبني

ومستحيل انا يرد علي بس كيفه ما دام الباقي معاي

شكرا

:rolleyes:

تعبان

27-11-2001, 06:25 PM

هلا بالأخت الفقيــرة لله
بصراحة
أنا أخذت على خاطري شوي لأنه تعرفيـــن أنا كنت معصب
وبعدين الموضوع كله انحف
فطلعت براسش
:)
لكن أختي إنتي هني مو بس عضوة إنتي أخت وصديقة وغالية علينا كلنا
وآسف اذا كان صدر مني شىء
(مع إنه يحتاج إني اللي تعتذرين )
بس يلا نحن كلنا شخص واحد
يلا عااااد بلا دلع أعرف ما دلوعة ولا ايش ؟؟ :) :) :)
;)
:rolleyes: :rolleyes: ما بتنسحبين لا ؟
لا تخليني أشعر بالذنب لأنه لو إنتي إنسحبتي أنا بكون السبب :rolleyes:

تعبان

27-11-2001, 07:01 PM

عجبتني هالباقة
فحبيت أهديعا لش
لعل وعسى

ترجعيــــن عن موقفش
وأنا أعرف إنش بترجعين عن موقفش
لأنش تحبينا ونحن نحبش
وبعدين بصراحة أنا كنت معصب
يعني لازم تقدري موقفي
مو إنتي تقولي الواحد لازم ما يتسرع في اصدار أحكامه
هاذي إنتي متسرعة وااااااااايد
كان لازم تقدري موقفي ووضعي
مع تحياتي :(

hussainlawati@hotmail.com

http://pcs.fares.net/pcs/images/flow007.gif

ابو الفياصل

27-11-2001, 07:05 PM

اقول تعبان..

اخاف اكون انا المقصود بها الكلام بس!!؟؟

اقول وش فيكي يا الفقيره..

قولي لنا ولا تزعلين..

احنا اخوانك وتهمنا مصلحتك بأي طريقة كانت..

قولي لنا بس الله يهديك..

تعبان

27-11-2001, 07:17 PM

لا يا بو فيصل
السالفة صارت في آخر موضوع لي
على العموم الموضوع انحذف
وصار خيــــــر

تعبان

27-11-2001, 07:19 PM

لا يا بو فيصل
السالفة صارت في آخر موضوع لي
على العموم الموضوع انحذف
وصار خيــــــر
وأنا ماني زعــــــــلان

الفقيرة لله

27-11-2001, 09:25 PM

المبتسم

27-11-2001, 09:30 PM

هلا والله بالفقيره لله...
ايش اللي اسمعه ذا؟...
فيه احد زعلك؟...

قوليلي اسمه بس...
تري انا الراس الكبيره هنا...:D
يعني الكلمه كلمتي انا...
يعني بس قوليلي ابو الفياصل ولا زيزو زعلوني مثلا
وشوفي انا ايش راح اسويلك فيهم..

والله لاعلقهم في السقف حق سوالف واجلدهم علي ظهورهم
هههههههه

عموما حصل خير وفكه من سوالف مافي فاهمه ولا لا؟...
تحياتي..
لوبييز..

Sunny2000

27-11-2001, 09:54 PM

اختي الفقيرة لله ....

بصراحه انا ما اعرفك الا من خلال مشاركاتك معنا في قسم الطرائف ... وانتي ما بديتي تشاركين معنا الا قريب .. وكانت مشاركاتك كلها حلوة ...

اتمنى تعذرين العضو اللي زعل منك .. يمكن كان وقتها متضايق من شي ... تعرفين الدنيا .. يمكن فهمك غلط .. ويمكن ويمكن ...

اذا كان .. تعبان .. شوفيه تأسف منك ... اتمنى انك تعذرينه ... و لا تتركين قسم الطرائف .. انا افرح اذا شفت اعضاء مشاركين بفعالية ...

اتمنى تراجعين قرارك ولا تتركين القسم ...

وتقبلي تحياتي ...

تعبان

27-11-2001, 11:25 PM

لوبييز
انا مستـــــعد يلا علقني بالسقف :)
بس ما تجلد ظهري :)
على العموم يلا أستاهل بعدين أجرب ممكن تكون التعليقة حلوة
:)
تحياتي :)

الفقيرة لله

28-11-2001, 01:30 AM

جوال العرب

28-11-2001, 02:01 AM

رد مقتبس من maf_stealth
هلا اختي

صلي على النبي تره كلنا اخوان وانا ما اعرف تقصدين مين

بس تره المحبه من عند الله وانتي قلتي شخص واحد والباقي

اخوانج واحيننا يصير بين الاخوان اشياء جذي المكان مكانج تره

واحنا كلنا اخوانج وعادي انا بعد في عضوء ما يحبني

ومستحيل انا يرد علي بس كيفه ما دام الباقي معاي

شكرا

:rolleyes:

ابو الفياصل

28-11-2001, 04:05 AM

يا لوبييييز بدري عليييك من جدددددددد

يا شيخ انا اشيلك مع اذنك وارميك مع الشباك والحقك صاروووخييي..

ايش بلاك انت
..
الظاهر ما عرفتني علىحقيقتي..

انتبه!

ههاها

قال اعلقه بالسقف قال..

ياشيخ انا من تشوفني تولع وترتجع وتتصافق سنونك..
ايش بك..

بنت العين

28-11-2001, 01:26 PM

الفقيره لله

انا قريت ردج..و قلت قويه الكلمه شوي
خصوصا ان الموضوع جدي...:)

و لكن عالعموم حصل خير...و هذا تعبان
يطلب منج اتمين..و الله قمة النبل..:)

تحياتي لجـ :)

ahied

28-11-2001, 02:08 PM

الفقيرة لله

حبيبتي ....... دخلو الحمام مش زي خروجه ؟؟

واصلالالالالالالالا منو هذاااااا اللي اتجرأ وغلط عليج

بس قولي لي عليه ؟؟ وانا اوريه شغله عدل عدل

لا يكون هذا التعبان ........؟ اذا هو فلا تاخذي على كلامه
تراه يخرف وااااااااجد خاااااااصه في رمضان لأنه يكون جوعان

اذا بو الفياصل ...... خبريني عشان انتقم لج منه .......؟
بو فيصل : بس عشان نراضيها :p :p :p :p

انتي قولي لي بس

بس لا تقولي بطلع من طرائف اصلا ممنوووووووووع

تخلينا وحدنا قدام هالعصااااااابة
:( :( :( :( :( :( :( :eek: :eek: :eek: :eek: :confused: :confused: :confused:

تعبان

28-11-2001, 02:37 PM

بنت العين :
تسلمين كلش ذوق
ومشكور

عهد :
مع إنه الموضوع فيه حش فيني بس هذا ما يمنع إني أقولش : صح لسانش ولأول مرة

اسير_الصمت

28-11-2001, 02:46 PM

الفقيرة لله

29-11-2001, 01:20 AM

أنا 00000 :(

legendالحلم

29-11-2001, 02:04 AM

بصراحـــة .. أنا بديت أشارك في قسمكم من فترة بسيطة جدا..

مقارنة بأختي العزيزة ..الفقيرة لله ( أم وجه مسطح ) :D

و هذا الاعتداء الصارخ عليها يخليــــني أتردد .. و أفكر

جديا بالعودة لقسمي السابق ,, و الامتناع عن المشاركة هنا ..

و أدري بالناقص و فراقي عيد ..

بس أنا دفاشتـــــي غير شكل و يمكن ما تتحملـــوني ....

صدقج يا الفقيرة .. لما يمزحون معج و تردين عليهم و يزعلــون ..

قهرررررر ما بعده قهررررررررررر ...

:mad: :mad: :mad: :mad: :mad: :mad: :mad: :mad:

واسمعيها كلمة : اللي يتطاول عليج بكلمة ردي عليه بعشرة ..

و ان سكتي عنه .. يكون أحســـن .. ترى الحقران يقطع المصران :

confused:

و صدقيني إذا زعـــلانة من التعبــان .. تـــراه قلبه طيب واجد ...

و هذا هو يعتذر و عرف عن نفسه .. بدون ما تقولين اسمــــه ..

و نعم المروءة .. و رجال و النعم ..

((( تعبان مدحتــــك .. ها ,. لا تنكر جميلي عليك .. ))))

و سلمتـــــــــــــــــــــــي ي الغالية ..

تعبان

29-11-2001, 04:39 AM

legendالحلم :
مشكووووورة على المدح
ولعل وعسى تقتنع وترجعلنا

المبتسم

29-11-2001, 08:05 PM

عجيب غريب ايش اللي يصير من ورا ظهري؟...
شئ عجيب والله...

حسينكو

29-11-2001, 08:56 PM

السلام عليكم

اختي الفقيرة لله
اش هالكلام الله يخليج
مهما يصير احنا اخوان ... وما يصير نهرب ولا نواجه المواقف او المشاكل اللي ممكن تحصل
وما في بيت ما تحصل فيه مشاكل الله يسلمج
يعني لو اخوج قال لج كلمة جذي أو جذاك تروحي تهدي البيت وتمشي :(:(

انتظر قرار عودتج

اخوك
حسين