View Full Version : من جد محتاجه لوقفتكم معايه .. ظروري
بنت دار زايد
26-12-2001, 05:29 PM
السلام عليكم والرحمه
ما اعرف كيف ابدا
لكن الموضوع وما فيه هوه:::
الكمبيوتر هاذا مال بنت العين وما تحب حد يدخل بدون اذن
وكنت دوم استاذن وادخل دوم ... من كمن يوم كانت ظاهره ودخلت
بدون ما تعرف
جيكت على ايميلي
كنت اتريا شي ظروري
شوي انها داخله عليه
وقفت اتطالعني بنص عين
قمت انا شرحتلها ليش داشه
قامت هدت عليه ونازعتني جني مسويه جريمه
وقالتلي اخر مره ادشين غرفتيه
عاد انا عصبت
قلتلها والله الكمبيوتر هب باسمج
ظهريه من غرفج وبدخل متى ما ابى
وستوت الحشره والصريخ
وخرتها انا وطولت لساني ==شوي
والحين لا اكلمها ولا اتكلمني
ولا بعد ما اتوب الحين داشه وهيه محد
قلت يمكن يوم بتلاقي انكم هديتو الموضوع
وقلتولها اتسامحني يمكن اتسامحني ....ياليت
هالله هالله بالوقفه الزينه ==ووقفو ويايه
;) ;)
عالعموم يا اختيه انااسفه
شكرا لانكم دخلتو
واهتميتو بالموظوع
وخير ان شا الله
وادعولي:D
تحياتي لكم
:(
;)
تعبان
26-12-2001, 06:39 PM
أولاً : هل أنتم إخوات أم ماذا ؟
على العموم
الرسول (ص) قال أنه يجب أن لا يدوم الخلاف بين مسلمين أكثر 3 أيام
وخيرهما الذي يبدأ بالسلام
على العموم يا بنت العين
وسعي صدرش وما صار شىء
وأتمنى من كل قلبي إنه تعود المياه لمجاريها
نصيحة لبنت دار زايد : حاولي إنش تتقربي لها وتعتذري لها شفهيًا
فهذا الشىء له وقعه
أتمنى إنكم تحبوا بعض مرة ثانية مثل هذيلا :) :)
http://www.asdqa.com/photo/homygood/img17.gif
ملاحظة : هذا فقط للتخفيف عنكم وليس تشبيهًا لأحد
الهيكل
26-12-2001, 08:34 PM
لا مايصير كذا بنت العين خلاص سامحيها عشان خاطري والمسامح كريم وانا عارف بنت العين طيبه وحبوبه وماتزعل من احد صح يابنت العين
تحياتي والسموحه
باباهيكول
الهيكل
26-12-2001, 08:41 PM
لا مايصير كذا بنت العين خلاص سامحيها عشان خاطري والمسامح كريم وانا عارف بنت العين طيبه وحبوبه وماتزعل من احد صح يابنت العين
تحياتي والسموحه
باباهيكول
ahied
26-12-2001, 08:44 PM
http://www.asdqa.com/photo/a6fal/xbaby8.gif
خذيها بروية وكل شيء رح يتعدل
اذا بين الاخوان والاخوات ما يصير جي عيل رح يكون الجو ممل في البيت
صح ولا لا ؟؟
وتعبان اول المؤيدين لي صح :p
بنت العين
26-12-2001, 10:07 PM
و عليكم السلام و الرحمه
و بعد فاتحتنه مره ثانيه..:D <<== هذي عشانا فمكان عام
لكن اتفاهم معاج بعدين...
بس اهم شي..انج تحسين انج غلطانه..
و انا بفكر...يعني شوي بأدبج..و لا برمسج..<<== ادري هذا يقهرج
بس عشان ما تكررينها...
و جان كتبتبي بعد تفاصيل الضرابه...و يومياتنا..:p
انااااا بس اقرا المواضيع واطلع
بس شفت بنت دار زايد تحتااج مساعده
قلت مايصير الا ارد
بنت العين اذاكنتي ماتعزيني لا تسامحينهااااا
هذي اختك
وابيهااا من اليوم تكتب واشوف مواضيعها قولي وعد :)
تحياتي
زيزوو:) :) :) :)
بنت العين
26-12-2001, 11:48 PM
التعبان
الهيكــل
عهـــود
زيـــزو
<<<=== بس عشان خاطركم..راح اكلمها..
و لكن و غلاتكم عندي اذا عادتها..ما راح اسامحها..:)
و خلاص وعد يا زيزو...هالمره سمـــــــــ:)ـــــاح<<== ادري اني طيبه
بس تبون الحق..حتى انا ما اصبر عنها..:)
مرايا مبعثرة
27-12-2001, 01:13 AM
:eek: :eek: اف اف اف
كل هذا يصير من وراي ؟؟؟؟
;) ;) بس الحمدلله ان الامن استتب وسامحيني يا بنت دار زايد لاني ما هبيت لنجدتك بالوقت المناسب << حلوة هبيت لنجدتك :D :D
اممممممممممموح<< وهذي بوسة لبناتي الشاطرات :D :D
بنت العين
27-12-2001, 03:04 AM
مشكوره الواحه
وشو هالهبه الحلوه :D
تحياتي لج;)
ahied
27-12-2001, 03:09 AM
ما اتخلى عن حلاوة الصلحة
طمااااااااااااااااااااااااااااااااااعة :p
تعبان
27-12-2001, 11:35 AM
عهود : صح لسانش
______________
بنت العين:
الحمدللله إنه المياه عادت لمجاريها
وألف مبروك لكم
________________________
بنت دار زايد :
هاي اتصالحتوا
لحين نبي الحلاوة
أنا مستحيل إني أتخلى عنها ولا بأي شكل من الأشكال..
________________________________________
بنت دار زايد وبنت العين معًا :
أنتوا إخوات وهذا الشىء ما يصير
ويا ريت عاد إنكم ما ترجعوا لهالخلافات مثل الأطفال
أوكيه ؟
___________________________________
تحياتي ومجبتي ودعواتي لكم : أخوكم تعبان
جوال العرب
27-12-2001, 01:25 PM
رد مقتبس من ahied
http://www.asdqa.com/photo/a6fal/xbaby8.gif
خذيها بروية وكل شيء رح يتعدل
اذا بين الاخوان والاخوات ما يصير جي عيل رح يكون الجو ممل في البيت
صح ولا لا ؟؟
وتعبان اول المؤيدين لي صح :p