ما سر اختيارك لاسمك (يا ريت تعبروني مو مثل العادة)

[تعبان]

ما هو سر اختيارك لأسمك في المنتدى ..
تلعب الأسماء على كثرتها دوراً مهماً في التعريف بصاحبها وبكتابته في منتدانا الحبيب ، بعضها باللغة العربية ، وبعضها باللغة الإنجليزية ، وكما لا يخفي أن هناك أسماءً جذابة وجميلة ، وبعضها لها إيقاع موسيقي ، وبعضها مرتبط بلاعبين ..
لهذا أتقدم بالسؤال لكل واحد من الأعضاء : ما هو السر في اختيارك لأسمك في المنتدى ؟

أبدأ أنا أولاً ..
كان في أحد أقاربائي يستخدمه
وبعدين تركه
فاستعرته منه
ومن هذاك اليوم وهو يأذيني
اسمي واسمي

تحياتي :)

[سندباد الرفاع]

سلام عليكم جميعــــاً

والله الصراحة موضوعك وايد وايد حلــــــــو يل تعبـــــــــــــــان

وانا باكون اول واحد ....

والله الصراحة انا احب راشد الماجد (( المغنـــــي )) واااااايد
وهو الملقب بــ (( سندباد الاغنية الخليجية )) وانا استعرت كلمة السندباد واضفت علية الرفاع .. لاني ساكن في منطقة الرفاع بالبحرين

(( هذا كل ما فيني كتبته فووووق صفحاتي ))

تحيــــاتي (( سندباد الرفاع ))


تسلم

[SaLaMaH]

مسكييييييييييييييين

انت دوم يقفطونك شذي و ما حد يعطيك و لا حتى نص ويه

يلا انا بعطيك عندنا (( اسبيشل اوفر ))


مممممممم

اسمي سلامة على اسم ام بابا زايد الله يطول في عمره

و بس


و انت يا سندباد الرفاع :mad:

انا سندبادة الامارات :D

[torabora]

يقولون عنى كاتب مبتدئ وسوف ابدأ بك فتلكن اول من يقرأ لى (عزالله توفقنا ) لذلك سأخبرك عن اختيارى لهذا الاسم
تورابورا اسم مدينة افغانية دارت بها معركة عنيفة بين الكفر والاسلام وعرفت هذه المدينة من خلال القصف فاعجبت بهذا الاسم
عررررررررررررررررررفت الحييييييييييييييين ليييييييييييش اختتتتترتتتتتتتت
ههههههههههذا الاسسسسسسسسسسسسم .

[ahied]

وعلى فكرة


رح يظل يأذيك اسمي واسمي


لأنك بدون اذن خذيت الاسم منه يا سراااااااق


على العموم


اسمي عهد باختيار من شخص عزيز وغالي

صار بيني وبينه عهد معين وعلى اساس هالعهد

اخترت اسم عهد ...... ولكن كان الاسبيلنغ غلط :p

[تعبان]

سندباد الرفاع :
وعليكم السلام والاكرام
هلا بيك
هذي عيونك اللي قرأت الموضوع حلته :)
مشكور على تواصلك معانا
وهلا بيك وبأهل الرفاع كلهم
وتحية خاااااصة للفنان راشد الماجد
;) ;) ;)


سلامه :
شايفة الحظ
وش نسوي ؟؟
بس يلا دام إنش عبرتينا نحن بألف خير (لا تصدقي ترا كله كلام :) :) :) )
وأنا أقول اسمش حلو
بس ما كنت أعرف السبب
والحين عرفته :)
مشكورة على تواصلش يا سندبادة الامارات




تورا بورا :
أهلا بيك أخوي
والمنتدى أساسه الأعضاء الطيبين أمثالك ومو مشكلة اذا كنت مبتدىء أو متميز
كلنا عائلة واحدة
وماشاء الله عليك وعلى إسمك
مثل ما يقولوا : كلك على بعضك حلو :)
والله ينصر المسلمين في كل زمان ومكان
تسلم أخوي على تواصلك معانا

تحياتي للجميع

[المسلمي]

هلا فيك تعبان اول شيء يالغالي هذا حال الدنيا لازم ناس تعطيك وجه وناس ماتعطيك :):) ،،

لان مو دايم الموضوع اللي تطرحه لازم تتلقى عليه رد لعدة اسباب << بدأت الفلفسة << عارف انها فلسفة لكن يحلو لي اقول فلفسة :):) ،،

1/ العضو يخش موضوع ويبي يرد لكن يوم يفتح صفحة الرد يبطل << تحصل معي واجد :):) ،،

2/ ممكن الموضوع ينزل تحت وفي ناس مستحيل تدور المواضيع اللي تحت << ليش ما ادري :):) ،،

3/ ممكن الموضوع نفسه مايعجب الا فئة معينة من الاعضاء غير متواجدين للرد على مثل هذه المواضيع :):) ،،

يعني باختصار شديد اخوي تعبان غير مقصود من الاعضاء تجاهلك في الرد على مواضيعك :):) ،،

اما بالنسبة للمسلمي فهو اسم قبيلتي بالسودان :):) ،،

مع تحياتي ،، المسلمي ،،

[كوكتيل]

أما أنا كوكتيل الصراحة كان لخوي بس هو ما يدخل سوالف وشافني دايم مقابل سوالف وقالي خذ الاسم والصراحة الاسم معجبني وخاصة انه يمشي مع اي شي (كوكتيل ) صح يمكن احيانا يحسبمني بنت بس وش اسوي ؟:D

[SaLaMaH]

العفو

عيل انا داخلة ليش

العب :mad:

لازم نتواصل

و اللي يقطع الحبال اذبحه







تراني سندبادة الامارات السفاحة سلامة

((((( يعني شي يعني راعيتها )))))

[Miss_octopus]

تعبان

تعبان انت فعل ماضي مضروب وعلامة ضربه الشنطه
ههههههههههههه
اهو عبرتك
:)

************************
بس بجد بجد
انا اسمي لي سر معين
انا كنت احب برنامج كرتون اسمه نينجا
والبطل كان اسمه كبمارو ايجانو
وكان اسمه القائد في الظل
فانا غيرته خليته المختفيه في الظل :D

[ابو الفياصل]

هلالالا بك اخوووي تعباانووووه. يا اتعب انسان بها الدنيا.

اقول لك حبيبي..

انا الصراحه اول ما سجلت في سوالف قالوا لي اكتب الاسم اللي يريحك اخترت.. ابو فيصل.
قالوا موافقين..

لكن بعد ما ارسلوا لي الايميل... اكتشفت ان اسمي ابو الفياصل.. ويله ابو فيصل ابو الفياصل كله واحد.. مع انه مو معجبني وودي اغيره.. بس وش نسوي..


تحياتي لك..

[راعي الأوله]

راعى الأوله دائما في المقدمة أو هكذا يحب أن يكون



لذااااااااااااااااااااااااااااااااااا كان اختيار الاسم وانظر التوقيع

[تعبان]

عهد :
مو مشكلة عهودة
خليه يزن أصلاً يزن يزن بعدين يمل ويستسلم للأمر الواقع
:) وبالنسبة للاسم
حلو واجد لكن للأسف إنتي اللي اخترتيه وخربتيه بالاسبيلنغ مالش
:) :) :) :) :)
مشكورة على تواصلش بنت خالة





المسلمي :
آآآآآه
لما تخلص من المحاضرة والفلسفة
تعال وقيمني من النوم أوكيك
;)
مشكور على ردك أخوي
والنعم فيك وفي عائلتك





كوكتيل :
أها يعني السالفة مو من عندك أخوك
على العموم الاسم حلو
ويتناسب مع كل شىء
و نعم الاختيار
:) :) :)
تسلم على ردك




سلامة :
الا شىء ونصف بعد مو بس شىء





المختفية :
والناس كلها تمدح
ويقولوا الاسم فيه غموض وما أدري شنو
أتاري الاسم جاي من الكرتون :) :) :) :) :)
على العموم حلو لانه اسمش
وتسلمين يالغالية





بو فيصل :
حبيبي إنت دايمًا حلو
سواء ببو فيصل أو أبو الفياصل
;) ;) ;) ;)
تسلم يالزعيم
وما قصرت





راعي الأوله :
مشكور أخوي على ردك
وأتمنى إنك تكون اسم على مسى





وفي النهاية ألف شكر لكم جميعًا
:cool: :cool: :cool: :cool: :cool:

[cooki]

انا كوكي ...

طبعا اشهر من نار على علم ..( مشوهااااا بليز )


المهم....... انا عندي بنت اخت زي العسل ..تهبل ..


اول ماشفتها سميتها كوكي لآنها مثل حبه الكوكي....

ودك تاكلها من كثر ماهي حلوه .....

(الكوكي نوع من البسكويت )......


ويوم جيت اسجل بسوالف ...كانت عندي ..فسميت نفسي

بأسمها .. ....




ومن يومها ...

صاروا يسموني انا كوكي ... وراحت عليها..

( شفتو السياسه شلوووووون ....:cool: :cool: :cool: )...



عاد هاذي قصه كوكي ... والذيب ..!!!!!!:D :D :D :D

[تعبان]

كوكي :
ولا يهمش
طبعًا ترا العالم العربي كله يعرفش
وما شاء الله على هالسياسة
ما تتكارمي أيدًا
:) :) :) :) :)
تعطي وبعد فترة تاخذينه :) :) :) :) :) :) :) :) :)
مشكورة أختي على التواصل
وسلامي لكوكي الأصلية

[الشبح 999]

هلا حبيبي



موضوع جميل


اولا m يعني محمد

ثانيا a يعني عبدالله

ثالثا f يعني القب محمد عبد الله ........


وعن stealth هو اسم محلي stealth for mobile phone

الشبح للهواتف النقالة




شكرا لك




:rolleyes:

[تعبان]

هلا بسيد الأشباح :
عاد ما اسم
إنت كل همك في التليفونات
على العموم
مشكور على المشاركة أخوي

[عيناوي]

اكيد عرفت ليش انا اخترت اسم عيناوي ؟؟!!........

لاني أشجع نادي العين.. واموت في البنفسج .. وحياتي كلها متعلقة مع
العيناوي ...

بس بصراحة انا اول شيء بغيت اختار اسم ( الموت ),... لكن عقب
قلت اخاف الناس يخافون مني .. لان كل ربعي يقول ان اسمي
وهو ( الموت ) فلم رعب بالنسبة لهم .. ولكن شو اسوي انا عاجبني..


:( ... وسلامي لكم..

[تعبان]

هلا بالعيناوي :
لا يبا
أشوى غيرته
:)
لأنك لو ظليت على الاسم القديم
ما كنت شفت حد رد عليك :) :) :)

[فضولي]

مشكورين على اهتمامك بالاسماء الجميلة وبخاصة اسمي ؟؟؟
الفضولي لني كنت اراقب و احشر عمري في كل شىء؟؟؟
لووووووووووووووووووووووووووووووووووووووووووووووووووول:D :p






http://www.asdqa.com/photo/smill/1FACE.gif

[HaDeeL]

انا اسمي هديل
و هديل هو اسم صوت الحمام
يعني هديل الحمام





















و انا اسمي الحقيقي احلا
بس شو اسوي
القلب و ما يهوى :D

[تعبان]

فضولي :
ما شاء الله عليك
اسم على مسمى








هديل :
:)
اسم حلو وجميل
ويدل على رقة صاحبته
;)
:rolleyes:
:rolleyes:
:rolleyes:

[تعبان]

فضولي :
ما شاء الله عليك
اسم على مسمى








هديل :
:)
اسم حلو وجميل
ويدل على رقة صاحبته
;)
:rolleyes:
:rolleyes:
:rolleyes:
مشكورين على المشاركة

[بنت العين]

هلااا التعبان

و لا يهمك ما راح افشلك..:D

انا يا طويل العمر..من العين..و يوم سجلت احترت

و قلت ابغي اسم مميز...و لكن رجعت و قلت الشخص

هو يميز اسمه..هب العكس..وان شالله اني كنت مميزه:cool:

و ميزت اسم بنت العين عن غيره...:):):)

تحياتي لكـ يالتعبان ..:)

[تعبان]

سيدة العيون :
هلا وغلا بيش وبأهل العين
يا عيني يا عين
وطبعًا ميزتي الاسم وااااااجد وااااااااجد
مشكوووورة على الرد