سعفه
13-02-2002, 01:55 AM
أنا واعوذ بالله من كلمت أنا.... من الرياض
حجزت من مكتب الصرح وصارحة عنهم عرض شيق ومخفض للكويت بمناسبة (هلا فبراير)
طلعت على الخطوط الكويتيه وهي أكثر من ممتازه وصلنا مطار الكويت
وتفاجئت بذيك الصاله المتواضعه الصغيره وعند تختيم الجوازات قالي الرقيب انت اول مره تزور الكويت قلت نعم قال روح مكتب الضابط المناوب
ورحت وماقصر النقيب رحب فينا بكل ادب وأطيب تحية وخذ الجواز وقال أنتظر خارج المكتب صراحة انا خفت قلت وش السالفه تسجيل وفحص الجواز يمكن السعودي له أهمية ووضع خاص يستعلم عن سجله الدولي
لاني بصراحه زرت البحرين ودبي الوضع عادي طق الختم وعلى صالة استلام العفش
ايه انتظرنا حول العشرين دقيقه وبعدين استلمت الجواز مختوم في آخر الصفحه قلت عساه خير واللي معي في الطياره شالو عفشهم وراحو
من زمان
جينا عند الجمارك قال قادم من الرياض قلت نعم قال تفضل وحياك الله في بلدك الثاني صراحه والنعم فيهم من جوازات ورجال جمارك
وبعد باب الجمارك استقبلنا الهندي سواق الفندق ومشينا معاه الى خارج الصاله واذا بذالك الكم الهائل من الصعايده يستقبلون القادمين حتى تخيل لي اننا في القاهره شقينا طريقنا بصعوبه من ارتال الصعايده
وقدامنا موقف السيارات انخنقنا من ريحة كربون عوادم السيارات
عرجنا الى الفندق ****نجوم كان الوقت تقريبا 9مساءً على طول تكسي برتقالي يسوقه مواطن قلنا نبي نبدل الريالات وعرجبنا الى سوق المباركية وياسلام أكثر من عشرين محل للصرافه قال الريال ب0.085 صرفنا وتوجهنا الى صالة التزلج وحضرنا الحفله كملنا نصفها وصراحه كنا مرهقين وقلنا نروح نسري وعند الباب .. ندور تكسي ما فية اي أثر للتكسي وقفنا على الشارع العام هفنا البرد ولا فيه اي كسي
وش السالفه هذولي ينامون بدري وقفنا أكثر من ربع ساعه ووقف ابن حلال جزاه الله خير وقال اكيد تدورون على تكسي ولا حصلتو قلنا نعم
قال اوصلكم قلنا سو خير قال انا شفتكم ورحت مشوار ورجعت وانتم في مكانكم عرفت انكم ضيوف حبيت اوصولكم ومن حسن الحض الفندق قريب ووصلنا اخونا مشكور وقال التكاسي مهي مثل عندكم هني يجون بالطلب الهاتفي وعرفناه على انفسنا وهو كذالك من خيرت الرجال
.......... يتبع
حجزت من مكتب الصرح وصارحة عنهم عرض شيق ومخفض للكويت بمناسبة (هلا فبراير)
طلعت على الخطوط الكويتيه وهي أكثر من ممتازه وصلنا مطار الكويت
وتفاجئت بذيك الصاله المتواضعه الصغيره وعند تختيم الجوازات قالي الرقيب انت اول مره تزور الكويت قلت نعم قال روح مكتب الضابط المناوب
ورحت وماقصر النقيب رحب فينا بكل ادب وأطيب تحية وخذ الجواز وقال أنتظر خارج المكتب صراحة انا خفت قلت وش السالفه تسجيل وفحص الجواز يمكن السعودي له أهمية ووضع خاص يستعلم عن سجله الدولي
لاني بصراحه زرت البحرين ودبي الوضع عادي طق الختم وعلى صالة استلام العفش
ايه انتظرنا حول العشرين دقيقه وبعدين استلمت الجواز مختوم في آخر الصفحه قلت عساه خير واللي معي في الطياره شالو عفشهم وراحو
من زمان
جينا عند الجمارك قال قادم من الرياض قلت نعم قال تفضل وحياك الله في بلدك الثاني صراحه والنعم فيهم من جوازات ورجال جمارك
وبعد باب الجمارك استقبلنا الهندي سواق الفندق ومشينا معاه الى خارج الصاله واذا بذالك الكم الهائل من الصعايده يستقبلون القادمين حتى تخيل لي اننا في القاهره شقينا طريقنا بصعوبه من ارتال الصعايده
وقدامنا موقف السيارات انخنقنا من ريحة كربون عوادم السيارات
عرجنا الى الفندق ****نجوم كان الوقت تقريبا 9مساءً على طول تكسي برتقالي يسوقه مواطن قلنا نبي نبدل الريالات وعرجبنا الى سوق المباركية وياسلام أكثر من عشرين محل للصرافه قال الريال ب0.085 صرفنا وتوجهنا الى صالة التزلج وحضرنا الحفله كملنا نصفها وصراحه كنا مرهقين وقلنا نروح نسري وعند الباب .. ندور تكسي ما فية اي أثر للتكسي وقفنا على الشارع العام هفنا البرد ولا فيه اي كسي
وش السالفه هذولي ينامون بدري وقفنا أكثر من ربع ساعه ووقف ابن حلال جزاه الله خير وقال اكيد تدورون على تكسي ولا حصلتو قلنا نعم
قال اوصلكم قلنا سو خير قال انا شفتكم ورحت مشوار ورجعت وانتم في مكانكم عرفت انكم ضيوف حبيت اوصولكم ومن حسن الحض الفندق قريب ووصلنا اخونا مشكور وقال التكاسي مهي مثل عندكم هني يجون بالطلب الهاتفي وعرفناه على انفسنا وهو كذالك من خيرت الرجال
.......... يتبع