كيف تكون ملاكا مع الاطفال.. ( الحلقة الاولى)

[الهيام]

هذه الطريقة اللي بقوله في هذه الحلقة مجربة ومفعولها

أكيد ..

يفضل اتسونها في الياهال الصغار يعني على سنتين

ثلاث سنوات او حتى اصغر وهم لين ما يموتون ما

بينسونكم وهذه الطريقة اذا جرح الياهل نفسه وانتم

تبون ترتاحون وترقدون او حتى تاكلون وانتم مرتاحين

وما يعكر مزاجكم ياهل مفعوص عطوه ليمونة وقولوله

يحطها على الجرح بس على شرط انهم هم يحطونها مب

انتوا !!!! وبعد ما يحطها على الجرح سوا اللي تبونه

تضحكون عليه وهو يتلوى من الويع اتراضونه

على كيفكم المهم انه ما بينسى لكم هالجميل طول عمره!!!

واذا ما كان عندكم ليمون العطر ينفع !!

وكلا الطريقتين فعالتين!! اسال مجرب ولا تسال طبيب..

[ابو محمود]

احط على جرحه ليمونه علشان ما يسكت ابد:D

[تعبان]

:D

ما لقيت إلا هذي ......

[وجدان]

والله ماقدر اسويها


انا بدون سبب خواني الثنين المفعوصين يضاربون علي هلمره تبيني اراضيهم عشان يلزقون فيني:p :rolleyes:



مع تحياتي

[الملكه]

ويصير..: كيف تكون ملاكما معاهم!!

يا قاسيه...

(بس احتمال اجربها مع عيال اختي الشياطين):D :D

[الهيام]

ابو محمود..

تفاءلوا خيرا تجدوه !! يمكن من الصرخة اللي بيصرخها بيسكت

للأبد:eek: :confused: :rolleyes: ويمكن من الالم ما

يقدر يفتح حلجه !!! يعني في فوايد <== شرانية..

تعبان..

ولا يهمك الحلقات اللي ياية بتكون احسن :D


وجدان ..

انتي لا تسوينها وتصدقين انتي بس جربيها:confused: :D


الملكة ..

خلاص عشانج المرة اللي ياية بيكون عنوان الحلقة

كيف تكون ملاكا بقرون مع الاطفال;)

وجربيها عمرهم ما بينسونها لج ..


عني انا سويتها ويا ياهل ولين الحين يذكرها وعمره ما

يحاول يي يخبرني يوم ينجرح <==ريحت عمري هههه..

[ارمينيا]

أنا عندي الطريقة الأكيده و هي أنك

1- تضعين له الملح على الجرح

2- قليل من عصير الطماطم


شوفي النتيجه و خبريني

مع خالص امنياتي لك بالتوفيق :D

[بو شلاخ]

جزاكم اللة خيرا

يا أخواتي ريا و سكينة قصدي الهيام و أرمينيا

على هذة النصائح الطبية.

[الهيام]

ارمينيا..

اقول انا قلت هذه طرق عشان الياهال

يحبونكم مب كيف تتطبخون الياهال:confused:

بس تدرين بجرب هو انا وراي شي ..


بو شلاخ ..

اشكرك على المتابعة ..

وحلوة منك ريا وسكينة ذكريتني بايام زمان..

[مهوس العين]

هيااااااااااام

انا جربتها او ما نجحت

كل كلامش ضاع :D :D :D :D :D :D :D :D :D :D :D :D

[الهيام]

العيناوي هذه الطريقة لأطفال البشر بس

ما ادري اذا كانت تنفع على الحيوانات

اما اذا كنت مجربه على ياهل صدقي

يعني ياهل بشري وما نفعت اكيد هذا

الياهل عنده مناعة يعني ماخذ المصل

المضاد:confused: :D

ما عليك انتظر الحلقات اللي ياية التعذيب

فيها على اصوله<==وياكم عضوة خريجة سجون:confused:

[ARAE]

لا والله ما يصلح انا اكثر شي احبه بهالدنيا العيال صغار

لاني لي واحد وعشرين سنه وانا اعاني

لاني اصغر واحد بالعائله وما فيه احد اصغر مني

وااااااااااااو


يوم اخوي جاه ولد انا قلبت الدنيا فووووووق تحت وبعدين اروح ازعله والله معصي >>> معصي تعني كلا وحاشا وابدا


يالله تيك مي كير:)

[الهيام]

اليوم بنزل الحلقة الثانية ..هههههه