سوالف للجميع - خلونا نتخيل اننا اخوان وعايشين في بيت واحد..!

ابو الفياصل

05-08-2002, 02:31 PM

في البدايه اعذريني سمسم..على الاختلاس..لكن كلو واحد..وانا الصراحه اشتقت للموضوع وانتظرك تنزلينه لكن ما نزلتيه..

على العموم هذا الموضوع والقصه والطريقه مفهومه وما يحتاج لها شرح..

ويله نبدأص...

بعد التدهور الذيطرأ على سوالف.جلسنا نحن الاخوه (( ابو الفياصل ,لوبيز , زيزو , تعبان , المسلمي , عين فور إيفر , محامي الزعيم , صني )) في احد اركان المنزل..نجمع شتات بعضنا البعض.! ونتفقد اخوتنا الضائعين والتائهين..!

وإذا بتعبان يستطرقنا مستوقفاً ويقول.. يا شباااااب..! اختنا خيبة القلوب ويبنها.!؟ ما تنشاف.؟ لا تكون راحت مع الاعصار.!؟

وانا ارد عليييه بشكل خاطف..الله يذكرك ويذكرها بالخير..ويغفر لها إن كانت ميته:D بس صحيح مثل ما قلت خيبة القلوب اخت جديده جداً ولسى ما كملت الثلاث أشهر...بس انها حققت نجاح بااااهر جداً..! فعلاً صح عليك..وين راحت.! وليش ما سجلت من جديد.! يا هل ترى استغلت الفرصه وهربت او انها تستجمع قواها للعوده من جديد أو أو أو...!! اسال دارت في مخيلاتنا جميعاً...تبحث عن جواب لديكم..!!

====== تحياتي لكم..واعذريني سيومه على الاختلاس..وكملوا الباقي..:)

تعبان

05-08-2002, 02:44 PM

أنا اللي سألت

يعني لا تتوقعوا مني جواب ...

المهم : وفي الطرف الثاني كانوا البنات جالسين

وجامعين كل أدوات مكيجاهم

بعد ما ضاعت معظمهم

في الاعصارات والفياضانات اللي صارت

عشان الكل يستفيد منها

وطبعًا هما كانوا بدون مكياج ..

عينكم تشوفهم ..... :rolleyes: :D

كل وحدة والعياذ بالله .. :D :D :D :D

المهم بدأوا يلونوا بوجه بعضهم ..

وفجأة انقطعت الكهرباء ..

يلا كملوا بروح أنام .. بس قلت لازم أرد على بو فيصل ..

:rolleyes:

مهوس العين

05-08-2002, 02:49 PM

و بعد ما انقطعت الكهرباء

الكل بدا يصيح و يستنجدون لكن محد يسمعهم

و كانوا المتواجدين من البنات ( عهد - الحلم - الملكة -مجروحة - سيومة
- اسيل - الواحة ) وبس

و كانوا زايغين ما يعرفون شو يسون

كملوا القصة

ابو الفياصل

05-08-2002, 02:51 PM

الدعوه فيها حشّ في البنات.؟!! ناام وانت مرتاح..! لا يهمكشي حد

المهم..

بعد ما انقطعت الكهرباء.. البنات في ورطه..لو اشتعلت الكهرباء بيطلعون بدون مكياج (( وللمعولميه هذه من أكبر الفضايح والمشاكل القوميه اللي تتعرض لها البنت )) او انهم بحاولون انهم يمكيجون لبعض حد الكهرباء طافيه..

المهم.. وبعد نص ساعه من الانقطاع رجعت الكهرباء.. واول ما رجعت إلا صوت ضحكه مقلعه تمشي مليون وستميه... ونلتفت إلا يطلع زيزو قاعد ورا واول ما اشتعلت الكهرباء كان قدام عيونه شكل البنات والاوان في وجههم.. اللي حاطه الروق بالخشم.. وحاطه الكحله بالخدود..! وانواع الالوان..وهذي تبغى تلون لهذ وتغلط بالنمره.

مشكله..
لكن. زيزو انقطع صوته لكن مع صوت توجع.. ورحنا نشوف.. إلا ونحصّل كعب مقاس 40 نسائي..! ونلتفت وتطلع اويسز من القهر واقفه وراميه الكعب عليه..!

مسكين ما يستلاهل..

كملوا انتم عاد.. انا وراي نوم بعد..:D:D

وجدان

05-08-2002, 03:05 PM

بعد ما رمت اسيزز كعبها على زيزو الي مايستاهل

راح فيها و اخذوه الشباب على الهوسبتل و خاطو راسه خمسطعشر مليون غرزه و نشبو الشباب و البنات في ضرابه مالها اول و لا تالي

عاد انتو كملوا

مع تحياتي

ARAE

05-08-2002, 03:10 PM

السلام عليكم ورحمة الله وبركاته

مساء الخير جميعااااااا ( ما هي عوايدك يا بو الفياصل نسيتنا) افااااااااااا

المسكين زيزو قام يتوجع من الالم والضربة اللي جته

( ولسا صقر حوران اللي هو انا ما جا دوره لساا)

ابو الفياصل اول ما شاف العلم حط رجل وعط ( يعني انحاش _ هرب _ فرك) وقال العمر يا شامان

وبعدها لحقه محامي الزعيم والمسلمي والعين فور ايفر وتعبان

ما بقى الا لوبيز و سفر سوالف (سني 2000) وخويهم زيزو قاعد على الارض يتالم بعد الضربه الغادره اللي جته من الخلف من الاخت بطوطه قصدي الاخت ام بدر اويسيز

وش يسوون لوبيز و سفر سوالف بهاالموقف العصيب اللي جاهم وش يسوون خصوصا انهم ما معاهم سلاح والبنات قامن يفزعن لاويسيز يبن يطقن لوبيز وسفر والمتالم زيزو

وش السواه يا لربع لوبيز يقولها لسفر

سفر خلينا نتصل على فهد هو يقدر يساعدنا

قال لوبيز ( ما يبي يخسر نفسه) والله انا جوالي مقطوع استقبال

قال سفر سوالف وانا بعد جوالي نسيته ما اخذته على العموم

قام سفر واخذ جوال زيزو واتصل على فهد _صقر حوران_ARAE

فهد كان عنده برنامج علىالهواء مباشره في تلفزيون الكويت عن الشعر وكان عنده امسيه شعريه وحاضر الامسيه الالاف الالاف من المتذوقين لشعر فهد

ويوم قال المسؤول عن الامسيه الرجاء من الجمهور العزيز اطفاء جوالاتهم لكي لا تتاثر الامسيه بازعاج الموبايلات

فهد نسى لا يطفي جواله

وبديت اقول اول قصيده وهي غزليه

يا زين وراك ماجيتني بالماسنجر

انت وعدتني وتخلفي يا حبيبي الوعد

ما تدري القلب من حبك يبي يتفجر

وصوتك لي كانه صوت البرق ويا الرعد

لا يكون يا سعد قلب من الحب تحجر

قله تكفى لا ينسانا يا سعد يا سعد

الا صوت الجوال دق والله وفهد يطيح وجه قدام الجمهور الحاضر الامسيه ويبي يطلع الجوال ويبي يلغي المكالمه الوارده

الا يشوف ابو سعود يتصل بك

الا وفز فهد قدام الجمهور وقال

وانا اخو فلااااااااااااااااانه

ويرد عليه الا طلع لوبيز يكلم يقول فهد فهد فهد

انا اسف على الاطاله وكملواااااااا

ابو الفياصل

06-08-2002, 06:24 PM

ويقول.

فهد فهد الحقنا...

البنات هجموا علينا هجووم مضاد.. وابو الفياصل انحاش وتركنا (( انا نسيم حميد حقهم:D:D))

تعال شوف لنا صرفه..!

قال ابشروا وانا اخو..... (( محذوقه للرقابه العائليه)):D:D

واعتذر من الجمهور.. قال ان الوالده بالمستشفى (( بعيد الشر)) وإنه مضطر يمشي.. ووعدهم انه يقيم حفله قادمه لهم خصيصاً وبالمجان..

وراح للشباب وشاف الدم إلى الركب.. والبنات قالبينها حلبة مصارعه..!
وجا فهد..

يتكلم من هنا يا بنات.. يا حلوات يا امورات.. انتم أكبر من كذا عيب تسوون الحركات هذ... ما امداه يطلع حرف الـ ي إلا وفجأة تجيه المقلاة على جبهته..!

هنا طبعاً هو.. بعد ما استوعب الضربه.. أخذ يمكن دقيقتين بعدين قال. آآآآآآآآآآآآآآآآآآوتش..!!

وطاح..

في هذي اللحظه. دخل العبقري ابو الفياصل معاه الحل الشافي..

وهو..

انزلوا شوي..

وهي.. مو وهو..

وهي فلوس.. وقلا لهم.

روحوا للسوق..

في هاللحظه نقزوا البنات..

وبدت البوسات والحركات..

طبعاً ابو الفياصل ما يحب الحركات هذي صار وجهه:o:o:o:o:o:o:o

بس الحمد لله تمالك الموقف..

والبنات طبعاً راحوا للسوق مباشرة..

وابو الفياصل المسكين..

قعد يداوي اخوانه... من الجروح والكدمات اللي فيهم.

ولسان حاله يقوول..

يالي ما اطولك..!!:D:D

كملوا انتم..!!

:D :D

خيبة القلوب

07-08-2002, 12:07 AM

هههههههه
هاهاهاهاها

المهم بعدين بكمل ضحك..

طبعا كان البيت متحول لمقبرة جماعية ومكتوب عليها

مقبرة خاصة بالشباب فقط!!!:D

وابو الفياصل احتار يبدا في لف اي واحد من الاخوان الاول

المهم بعد ما انتهى ابو الفياصل من التجبيس واللف

واللزق والشاش واخذ نفسه ما سمع الا صرخات

تدوي في المكان كله و على طول بغى يعرف السبب

و يوم شاف وراه لقى اخوانه كلهم يطالعون بعين

......... وماسكين السكاكين والخناجر والهروات

ويعني اسلحة سوداء والسبب كان ان ابو الفياصل الله

يهديه خلاهم شبه المومياءات مالت الفراعنة

مب باين منهم الا خشمهم (طبعا مب كلهم لأن بعضهم

فقد خشمه:confused: )

شكلي طولت بس براية انا فاضية

المهم ما علينا مب لازم تعرفون نهاية ابو الفياصل

عشان يمكن معاكم اطفال !!!!

==>طبعا البنات بعدهم هايتين في الاسواق من محل

للثاني شو نسوي بعد مب شايفين خير:D

تررررررررررن تررررررررررن رن التليفون

وبسرعة ركضوا الاخوان على التليفون كل

واحد يقول هذا حقي واول واحد وصل للتليفون

هو فهد :الوووووووووو

وحدة ردت هلا فهد:eek:

فهد : لحظة

وفر التليفون على العيناوي قال هذا لك!!

العيناوي : هلا

الوحدة : هلا وغلا بالعيناوي :confused:

العيناوي : لحظة

وفر التليفون على لوبيز وقال هذا لك انت !!

لوبيز : لوبيز يتكلم:o

الوحدة : لوبيز شخبارك:confused:

لوبيز : لحظة

وفر التليفون على الاخو اللي عداله وهكذا لين

ما وصلت السماعة عند ابو الفياصل !!

ابو الفياصل : أأأأأأأأأ<==من الضرب مب قادر يتكلم:D

الوحدة : واخيرا ابو الفياصل انت اللي بتنفعني مثل كل مرة:confused:

ابو الفياصل : اعوذ بالله هو انتي <==ما اسرع ما اتكلم..

الوحدة : هي انا شو سالفتكم ما تبون تكلمون اختكم الخيبة:mad:

ابو الفياصل : انتي عايشة ما متي ؟؟

الخيبة : هههه هيه يا الله انا في المطار تعالوا خذوني ..

بسكم انا تعبت ..

ابو الفياصل

07-08-2002, 12:16 AM

شيجيد..

ابو الفياصل يقول..

اقووول بس.. خوذي تكسي وتعالي فاضي مشاوير.. وما انتظرردها وسكر السماعه على طوووول.

في هذه الاثناء صوت إزعاج قوي جداً يصلنا من عند الباب .صاروا البنات توهم راجعين..

ولسى داخلين من الباب إلا والسكاكين والخناجز صاروووخ عليهم..

وعلقتهم في الجدران..

طبعاً الشباب الحلوين راحوا لهم..عشان يتفاهمون بالطرق الخاصه..

وابو الفياصل ما حب يتدخل لان الحركات هذي قديمه عليه..

وقعد يقرا له في كتاب على انغام الصراخ الهادئه:D:D

كملوا انتم..:D :D

الملكه

07-08-2002, 12:24 AM

شو هالموقف اللي حطيتنا فيه؟

المهم

الملكه استجمعت شجاعتها وتذكرت مهاراتها في الكاراتيه والكنجفوو
ورفست اول واحد جاها وهي مغمضه وفكت نفسها والبنات

:D :D :D وراحو استخبوو في غرفه حايرة (اللي اكيد وكالعاده كانت نايمه) وفكرو في خطه خنفشاريه للرد على الشباب اللي عسكرو قدام الباب

و.....

كملوا
:)

ابو الفياصل

07-08-2002, 12:39 AM

لكن شي أكيد ان الرجال اذكى من البنات..

وعملوا لهم مكيد..روووعه.. وكان هذا من تخطيط المبدع والمتألق دوما ابو الفياصل:D:D

وهي انه طق الباب عليهم..

وقال اقوول يا بنات يا حلوات. بما اني مالي شغل بالهوشه اللي صارت وبمناسبة الانتصار العظيم الي حققتوه على الشباب وبها المناسبه العظيم انا عازمكم على... وقبل ان يكمل كلامه انفتح الباب وطاروا البنات قالوا يله مشينا!.. طبعاً بالاحلام الشي هذا يصير.. إلا والشباب متوزين ورا الجدار واول ما طلعوا البنات مسكوهم وهات يا تكفيخ وطريخ وطراخ وآوتش وإيييح..! حاقه تقنن.!

وانا بها المناسبه قلت اروح اجيب لهم عشان المساكين وارجع..

بس.. يوم رجعت ودخلت البيت... هدوووووء تااام.!

ايش السبب يا ترى.؟

اتركك لاقلامكم الاجابه..

الهيام

07-08-2002, 12:51 AM

انا هنااااااااااااا..

طبعا كان الهدوء يعم المكان عشان البنات

والشباب من صريخهم يت الشرطة وشلتهم

عشان الجيران اشتكوا من الصدعة

ولكن خيبة القلوب كانت وصلت وتصرفت

مع ابو الفياصل لأنها كانت مقهورة كيف

يخلونها ترجع بتكسي وما كان حد هناك غير

ابو الفياصل اللي دخلوه غرفة الانعاش على طول

وخيبة القلوب يالسة تصيح عشان محد يشك

فيها وتقول الحرامي سرقنا وضرب اخوي اهئ اهئ<==دموع تماسيح..

انتوا كملوا..

الملكه

07-08-2002, 12:59 AM

الشرطه حطت الشباب في اجدع نظارة لحين النظر في السالفه
اما البنات فطلعوا (بواسطه الملكه :D )
واخذوا اول وانيت على البيت بعد ما مروا على ارمينيا واخذوها من العرس..ووقفوا عند بقاله ليتصلوا بالعيناوي (فارس ظهر الخيل) اللي وعدهم يمدهم بالمشجعات العيناويات ونكون الكتيبه القاهرة

ولما رجعوا البيت....

الباقي لكم
(وين الشابات؟؟؟؟؟)

ابو الفياصل

07-08-2002, 01:02 AM

مع اني ما فهمت نص الكلام اللي تقولينه..

لكن على العموم بعد ما راحوا المخفر. جابوني انا للأسف. كفيل.!

وكفلتهم وبينت لهم انهم اخوان والحمد لله عدت على خير..

وإحنى بطريق الرجعه.. انا مستغل قوة موقفي.. وقعدت اهاوش فيهم وانصح وفجأه تطلع علي سيومه وتقول.. اقول عبدالله مو انت اللي قلت لنا بجيب لكم عشا وخليتنا نطلع ونتهاوش.. ساعتها طبوا البنات كلهم فوق راسي والعيال قاعدين بمحلاتهم.. معجبهم الوضع بس ما يبغون يضربون عشان ما يتصفقون بعدين:D:D

لكن انا قلت للبنات.. شوفوا اتركوني بحالي لحد ما نوصل وإذا وصلنا البيت سووا اللي تبون.. طبعاً وهم ينزلون يوم تأكدت انهم نزلوا كلهم.. انحشت بالسياره وخليتهم:D:D

شو تتوقعون سووا الشباب والبنات بعدين.!؟

الملكه

07-08-2002, 01:07 AM

شووو اللي ما فهمته يا فصوليا:confused:

عشان اشرح لك
ترا هذي هي مشكلتكم يا اولاد
ما تفهمون من اول مرة:D :D

ابو الفياصل

07-08-2002, 01:14 AM

لا والله المشكله

إذا صاروا الناس اغبياء وما يعرفون يكتبون:D:D

الملكه

07-08-2002, 01:18 AM

قرر الشباب والبنات ان يعقدوا هدنه لين بكرة
وراحوا كل واحد لحجرته...

وفي منتصف الليل.....

سمع تعبولا دقا على النافذة...واذا به ابو الفياصل متلثما من العمله السودة اللي عملها بالبنات .. وطلب منه انه ياويه الليله لانه شاف حراسه على غرفته (ارمينيا وحايرة....البنات عاقبوهم عشان ما شاركوا في المعركه)
اما الواحه فجمعت البنات في غرفتها عشان يرجعوا للشباب الصاع صاعين وخصوصا كفيلهم فصوليا

اقترحت سيومه نحط في ثيابهم بودرة عفريت عشان يهرشوا نفسهم هرش معتبر

واقترحت الهيام ان نفصل عنهم الكهرباء ونخليهم يفطسوا من الحر ويخيسوا ويعفنوا
:D :D ;)
اما مجروحه فامتنعت عن الكلام لانها رقيقه ةقلبها ماطاوعها
وفي الجانب الاخر من البيت وفي قسم الشباب.....
كملوا يا شباب

الملكه

07-08-2002, 01:20 AM

فصوليا
لا ونت الصادق المشكله باللي ما يعرف يقرا:D :D

ابو الفياصل

07-08-2002, 01:41 AM

وفي الطرف الآخر كانت جميع الاعيب البنات مكشوفه ونازله عام 1755 وابو الفياصل دخل على اخوانه في المعسكر السري. واعطاهم اختصار للهجمه الجايه.. او الرمز بتاعها وهو..

خرفووش خرافيشو خرفش خرفش فوش.!

وفهم مغزاه الشباب وبداو في الاعداد للخطه المحكم.. التي مفادها.. تشغيل اجهزة الرعب اللي في غرفة البنات...وهذي الاجهزه برمجها المبرمج الكبير زيزو على تويات من ابو الفياصل وهي تصدر اصوات والوان وصور وحاقات تخلي سروال الواحد أصفر.. ليش ما ادري:D:D

ولما هدا الوضع والبنات كالعاده ما استقروا على وضع ناموا كلهم في غرفه وحده.. وبدا اللعب الحلو... وصار في زحمه غير متوقعه على ابواب دورات المياه:D:D
كملوا انتم:D:D

ابو الفياصل

07-08-2002, 01:44 AM

الملكه..

إذا حصلتي شهادة الابتدائي راجعيني بالمكتب:D:D

الملكه

07-08-2002, 01:54 AM

مشكوووور على الاحباط

ألحين البنات خططهم من1755؟؟

ليش ما تقول خطط تدل على الرقه وطيبه القلب
بس هذا ما ينفع مع الاشرار امثالك

وبالنسبه للشهادة
انتظرحتى امتحن ...( يا بو دم خفيف:mad: )

تحياتي لك
واحسن لك تشرب حليب وتروح تنام لاطلع لك من الجهاز
واعطيك ذيك المسكه المخلبيه من اللي يحبها قلبك
:D :D :D
تصبح على خير
اختك الملكه اللي نامت على الكي بورد!!

ابو الفياصل

07-08-2002, 01:57 AM

اقوول يا ماما..

ترى انا مواصل لي يوم وزياده..

مالها داعي اطلع حرت التعب هذا كله فيك.!

وانهيك من الدنيا.!!:mad:

الملكه

07-08-2002, 02:02 AM

اوووووووووووووه!!!

لا تصدمني وتقولي انك زعلت

ترى عن جد انا نعسانه
ولكن اذا كنت زعلان
بنقعد نراضي فيك

:confused: :confused:

ابو الفياصل

07-08-2002, 02:05 AM

انا ما زعلت من الناس اللي تستاهل

أجي ازعل منك انتي ويا وجهك:D:D:D

الملكه

07-08-2002, 02:08 AM

طيب ويا وجهك ;)

استاذن
لان اللي باقي فيني عين وحدة بس مفتحه

(والله اخاف انام تطلع لي يا بو الفياصل)

تحياتي لك يا باشا ( لا تصدق):D

اختك
الملكه

ابو الفياصل

07-08-2002, 02:11 AM

هلا بالملكه..

روحي نامي يا ماما

انا لي اربعه وعشرين ساعه صاحي:D:D

وكلي نشاط وحيويه:D:D

قولي ما شاء الله

سيومة

07-08-2002, 03:52 AM

هلا بو فيصل والملكه

المهم
البنوتات ماناموا وقاعدين يفكرون لحل لهذي الكارثه
وانا اخوف وحده فيهم الصراحه قاعدين يقولون نسوي كذا وماكذا وانا
خايفه مووووووووت وكل وحده لها دووووووووور الا انا
قلت خليني اتمصلح مع الا خوان علشان اضمن حياتي
فستغفلت البنات وطلعت ورحت للاولاد ولا كل واحد نافخ نفسه ااالا المثقف لوبيز قاعد يذاكر عنده اختبار ياحرام
رحت لهم دردشت معاهم شوي قلت لهم كلام حلوووووو واقترحت عليهم اني اكون عضوه جاسوسه على البنات
فوافقوا
وانا ارتحت :D
المهم دخلت على ا لبنات ولا كلهم هجموا علي قالوا لي الاولاد ماقالول لك شيء ولا ضروك قلت ايه بس على خفيف
وقاموا يعددون لي اعمالهم وكل وحده بالمشط حقها والاكسسوارات
الله لايوريكم

كملوا

حايرة

07-08-2002, 04:09 AM

:D :D :D :D
اما انتوا ناس عليكم خيااال .... انما ايييه

انا طالعه احين ..
شوي وارقد عالكيبورد..بعدين اكمل القصه وياكم

تحياتي للجمييييع

الملكه ..
حسابوكي عسييييرون يا بت:mad:

:D

خيبة القلوب

07-08-2002, 07:32 AM

طبعا مع كل اللي يستوي بين البنات والاولاد

كانت خيبة القلوب مرتاحة ومريحة عمرها من

الصدعة لأنها يوم رجعت ومحد سوالها سالفة

راحت خذت بطاقة اخوها تعبان (الفيزا والماسترد)

طبعا وحدة هو اعطاها اياها والثانية سرقة !!!!!

المهم انها حجزت في فندق 5000 نجمة <==راح حساب تعبان!!

وكل سبل الراحة متوفرة لها والمساكين

في البيت يضاربون ومن ضيج الجيران منهم

رشوا عليهم منوم خلوهم يناموا لمدة لا يعلم بها غير ربنا..

انتوا كملوا بس خلوني مرتاحة في الفندق انا

بعدين بكمل روحي ..بلييييييييييييز..

ابو الفياصل

07-08-2002, 08:17 AM

هلا وسهلا بالجميع..

المهم بعد ما شروا المنوم ..طبعاً مشى عليهم كلهم إلا العبقري ابو الفياصل اللي سحب كم المسلمس (( بحكم الحجم الكبير.)) وحط الكم كأنه قناع واقي.. طبعا الشباب والبنات كلهم فقدوا على طووووول..

ما عدا ابو الفياصل..

اللي طلع برا وجلس على النت أروق له من وجعت الراس..

ولك يا هل ترى عندما يصحون ماذا سيحصل.!

هل سيتهمون ابو الفياصل بهذه العملة السوده.!

وهل ستصدق البنات انه سلاح خارجي وعدو خارجي غاشم.!

اطلقوا لخيالكم العنان وقولوا لي.!؟

خيبة القلوب

07-08-2002, 08:22 AM

يا الله بسرعة قولوا للي فوقي شو استوى بعدين..

قولوا له قولوا له..هههه:D

ابو الفياصل

07-08-2002, 08:28 AM

قولي لهم انتي.!!

خيبة القلوب

07-08-2002, 08:31 AM

ليش هو انا المحامية ؟؟

كل واحد عنده لسان وبيرمس ..

ههههههههه

البنت بعد ما ردت لسانه طال هههههه..

ابو الفياصل

07-08-2002, 08:38 AM

الصراحه انا تعبان ومالي خلق..!!

خيبة القلوب

07-08-2002, 08:43 AM

يعني انت الحين تعبان والا ابو الفياصل ؟؟:rolleyes:

ابو الفياصل

07-08-2002, 09:05 AM

لوبيز...

تعبان

07-08-2002, 12:57 PM

المهم نكمل :

وفي هاللحظة توقف سيارة ليموزين من 5 أبواب قدام البيت .....

ويسرع السائق ويفتح الباب الأاخير ...

وينزل من السيارة المليونير : تعباااااانوه ...

المهم يدخل تعبان البيت ...

ولا يشوف البيت هدوووووووء ......

يستغرب

!!!!!!!!!

المهم يشيك

ولا يشوف الكل في 8904574598 نومة ...

الأخ يرتبك ..

وينط على التلفون ..

ويتصل بالدكتور أبو محمود ( الدكتور البيطري ) :

أبو محمود

الحق. . .؟!؟!؟!

أخوانك كلهم ماتوا .. . ..

الحق ..

وبعد 3 ساعات وبينما تعبان يحسب كم راح يكون نصيبه في الورث :D :D :D <=== ( ونعم الأح :D )

دخل أبو محمود

وهو يركض

وينهم .. وينهم

يأشر تعبان بلا مبالاة على غرفة سيومة وغرفة لوبييز

وبعد ما شيك بو محمود عليهم : يقول يا ذكي

هذيلا مغمي عليهم ...

هني تعبان يروح لون وجهه ... ويصارخ :

مغمى عليهم ..

أنا برفع دعوة نصب واحتيال عليهم

أنا بدخلهم السجن .. ... الخ

وما يحس إلا والاسعاف قاعدة توديهم المستشفى ..

وطبعًا هو لازم يروح معاهم

الاخ العود :D :D

وبعد الفحوصات

وبعد ما قاموا السادة

جات فاتورة المستشفى ... لميـــن ؟؟!؟!

لتعبانوه طبعا

ولا يدوخ وتدور فيه الأرض

بس قال في نفسه : إلا ما أطلعهم من عيونهم .. :D :D <=== ( إخص على الكرم :D )

يجي يطلع الماسترد كارد

ولا يدور .. ويدور .. وما يلاقيه ....

وفي النهاية كتب شيك

وخلا بو محمود يوصل الإخوة للبيت

وراح يسأل عن حسابه اللي بالمسترد كارد الضايعة

في البنك .... يشوف حسابه نقص 50000000 ريال عماني .. :eek: :eek:

وش تعتقدون صار بعتبان هني. . :confused:

ووش سوى بالإخوة :confused:

وبالأخص خيبة . .... ؟؟ :confused:

وكيف قدر يرجع فلوسسه من عيونهم :D :D :D

أترككم تكملوا

:confused:

وجدان

07-08-2002, 01:20 PM

و بعد ما دفع للمستشفى هذا الي اسمه (شحفان القطو):D :D :D

بعدين راح الفندق عند الخيبه

و شدها من شعرها و اخذها للبيت و حطها مع الباجين الي مايأكلهم الا وجبه في اليوم:(

و يخليهم يطرون بالشوارع عشان يسددون دينهم لكن الخيبه طالت المده لها لان دينها اكبر:p

و بعد ما خلصت المده هاي المره اتفقوا الشباب و الشابات الاموراة;)
على تعبانوه

انتوا كملوا

مع تحياتي:)

تعبان

07-08-2002, 01:24 PM

مالي خلق أكلم

خلي الشباب يكملوا

بس عندي رد بسيط : لوجدان :

قطو اللي يبط عليك ويخرمشلك هالويه

:D :rolleyes: :D :rolleyes:

يلا كملوا ... :p

تعبان

08-08-2002, 08:05 PM

للرفع فقط .......

وجدان

09-08-2002, 12:19 AM

وي ويهك التعبان

جلب الي يعظك و يخليك اتقولي تعالي انقذيني

وي خشتك:mad:

لا تفتكرها صج ترى امزح

مع تحياتي

تعبان

09-08-2002, 03:32 PM

الحين أنا وأعوذ بالله من كلمة أنا ....

بطلب منك المساعدة ....

لا هذي بعيدة عن سنونك :D

ولا تخافي ... ما أزعل .. ;)

وأقول انطمي ولا تخربي الموضوع <== ( اللي يسمع يقول في 50 واحد بيكمل ) :D :D

وتراني أنا بعد أمزح

الهيام

09-08-2002, 10:42 PM

ابو الفياصل

10-08-2002, 07:28 PM

اقول انت وياها

تسولفون وتتهاوشون بموضوعي انا.!

عساكم البلا انت وهيا

المهم كملوا ..!

انا تعبان وطفشان ومالي نفس.!!

وجدان

10-08-2002, 07:38 PM

تعبان اصلا انت الي خربت الموضوع و تعبت الاعضاء وياك

ابو فيصل شوف ترى انا اذا طلعت عن طوري ماعرف حد و لا اعرف انا وين:mad:

مع تحياتي

تعبان

10-08-2002, 08:01 PM

يا حليلكم بس ..

اقول سكتوا وكملوا لموضوع

وين صرنا ..؟؟؟

وجدان : أنا خربت لموضوع .. لا !!!

طيب حسابك بعدين ..

بعدين ملحوظة : ما أنا اللي قلت شحفان القطو بالأول ..

يلا اتعرفي. ..

صدقيني لأرفع عليك قضية

افتراء :D

لوووووول

سويره الطقاقه

10-08-2002, 08:36 PM

هلا بوفيصل
لو اني معاك بيت واحد
كان هجيت وتركته لك
لاني موناقصه مشاكل:(

الملكه

11-08-2002, 12:50 PM

انا بكمل مع اني تلخبطت من هواشاتكم.....

المهم قرروا الشباب والبنات ياجلوا انتقامهم من تعبولا الى وقت اخر بعد ان يستعيدوا عافيتهم ...

كما قرروا يهدوا الاوضاع ويخرجوا في رحله الى البر :D :D
طبعا على حسابي لان الجميع مفلس ( والفضل لتعبولا الضرس اللي اخذ حقه على داير المليم :D )

وبدت التجهيزات للطلعه...
البنات بيروحون في باص ( سوبر باص فيه احدث وسائل الراحه;) )
واخذو معهم احلى اصناف الاكل والحلويات....وما نسوا اهم شي ...وهو واقي الشمس و 200 دبه ماي

الواحه رفضت تروح الا اذا بدر وابوه معاها :D :D ....
ارمينيا والهيام.... قرروا...يعطوها مشي على الرجول (سوبر جيرلز) :D

ومانسوا يجيبوا خيمتين وحده لهم ووحده للعيال (يا عيني على الطيبه)

اما العيال......

ابو الفياصل اخذ عدة الكشخه ( الثوب والشماغ والجوال ).. وما عليه من حد

تعبولا وبما انه معصب منا....قرر ما يجيب غير علبه حلوى عمانيه لكل واحد فينا...

ابو محمود ...زرقلت في راسه ان ام بدر بتجيب عيلتها...وقال : ما اروح الا وام محمود ومحمود معي

لوبيز قال : ماني جايب شي ... خلي البنات يتكفلوا بالاكل هذي شغلتهم (دقه قديمه :D )

العيناوي ..قال انه بيلحقنا بعدين وعنده مفاجأة لنا :confused:

وهكذا تجهز الجميع وجاء اليوم الموعود للطلعه..

و كملوا انتوا عاد
:D :D

تحياتي للجميع

وجدان

11-08-2002, 01:09 PM

طلعوا البنات الباص المكيف و الشباب يلحقونهم ركض يسوون رجيم:D

و في الباص البنات قعدو و كلوا حلوى عمانيه من الي جابها تعبانوه
(:mad: )

و بعد ما وصلوا البر و نصبوا خيامهم

جا العيناوي و جاب معاه ملعب عشان يلعب كوره مع الشباب و جاب فوانيل للزعيم العيناوي عشان يلبسها الشباب و يلعب و البنات يشجعون ..
شو تتوقعون صار في المباراه ..

بس عاد انتوا كملوا

مع تحياتي

الملكه

11-08-2002, 01:15 PM

حلوة جاب ملعب............عن جد مفاجأة
والله انش ضحكتيني

تحياتي لك يا عسل:D

وجدان

11-08-2002, 01:19 PM

اضاهر انج مضيعه شوي انا وجدان مب الهيام

لكن ماعليه

الله يحيج يا سكره

مع تحياتي

الملكه

11-08-2002, 01:27 PM

اسفه يا اختي يا وجدان..

اسمحي لي حبيبتي.. من كثر الضحك ما كتبت عدل

,,,,,عدلته:o روحي الحين اقريه

تحياتي:D

وجدان

11-08-2002, 02:04 PM

حياتي

زين يوم عدلتيه ولا بتشوفين شي في حياتج ما شفتي مثله في حياتج:D :D

مع تحياتي

ابو الفياصل

11-08-2002, 02:05 PM

احم احم..

نكمل..

طبعاً اان اللي كنت اسوق الباص (( عشان ما اجري )):D:D

ووحده توكلني من يمينووحده من يسار.! << هذي ضريبة الشهره:D

وانا اقول لهم يا بنات الناس.. خلاص يكفي,.. لازم احافظ على جسمي بالشكل هذا..! والحلويات مو من صالحي..! لكنهم ألحوا وأصروا.. اني لازم آكل.. قلت أمرنا لله:p
طبعاً يوم جاب العيناوي الملعب.. جو العيال والبنات يترجوني اني العب.. ( بحكم الخبره الدوليه اللي عندي )) لكني رفضت الفكره من خذورها (( خوفاً من الاصابات:D)>> ريفالدو على غفله:D :D

ولكني بالنهايه وافقت بس بشرط..! اني العب بفنيلة الزعيم الاصلي..! اللي هو الهلال.. ووافقوا.. وصرنا فريقين.. الهلال والعين..

يمثل الهلال ابو الفياصل زيزو محامي الزعيم ابو هلال فهد و الحارس العملاق صني:D:D

والفريق الثاني العين.. يمثله عين فور إيفر لوبيز ابو محمود تعبان والهادي والحارس الكبير ذو الشهره المنقطعة النظير الحارس الدولي العملاق فارس الفارس.

وبتدا المباراة بفاصل مهاري من ابو الفياصل وتسحيب لدرجة ان عشب الملعب انقشع من الزحلقه اللي مالها فايده:D:D ويلعبها ابو الفياصل بينيه إلى زيزو اللي بدوره لعبا 1/2 لابو الفياصل الي شاتها بأقوى ما عنده.. ليقف فارس الفارس مكتوف الايدي حيال هذه التسديده الرائعه... على إثر صيحات تشجيعيه من الجماهير.. لكن تعرفوني.. ريفالدو ما اهتميت بالشي هذا وتميت اسحب ةواسحب بعين فور إيفر. حتى طاحت اللياقه.. لدرجه اني جبت فيه ثلاث كباري خلال أقل من دقيقه:D:D

وانتهى الشوط الاول 5/0 للهلال. سجل هاتريك ابو الفياصل وعين فور إيفر خطأ في مرماه:D:D والهدف الخامس سجله ابو هلال..

كملوا عاد انتم الشوط الثاني..

للمعلومية...

المباارة انتهت 12/0

لكن سوينا تخفيض للمصلحه العامه وحماية المستهلكز. صارت النتيجه

8/0:D:D:D

تعبان

12-08-2002, 04:54 PM

زين إنها انتهت

لأني ما أعرف شىء

عن كرة القدم ...

المهم أكمل :

بعد المباراة : تعبان راح لمقطورته الخاصة ...

لأنه طبعًا ما كان يركض مع الشباب

وكان وحده في مقطورته

أخذ دش <==== ( دش في مقطورة ‍‍‍!!! .. .طبعا مو ملياردير :D )

وبعد الدش

جلس الجميع يتغدون

خلال الغدا

جات سكرتيتي لتخبرني

إنه الإخوة الكرام تركوا البيت

بدون ما يفقلوا الباب

والبيت الحين نظيف يلمع

وش تعتقدون صار بعدين ....

( أدري تكملتي مو شىء بس مخيلتي نايمة وملااان :) )

ابو الفياصل

12-08-2002, 05:56 PM

تعبان

وش تبي انت.!

الهيام

13-08-2002, 03:11 PM

ابو الفياصل

13-08-2002, 04:36 PM

الهيام..

آآآه لو تصدقين.. قد ايش دمك ثقييييييييل:D:D

الهيام

13-08-2002, 05:33 PM

ياللي فوقي ..

هذا لأن دمي اصلي مب مغشوش خالطينه بماي مثل بعض ناس ..

:D :D :D :D :D :D

ابو الفياصل

14-08-2002, 08:43 AM

لا يا شيخه.!

الهيام

14-08-2002, 12:17 PM

لا يا شيخ .!

ابو الفياصل

14-08-2002, 12:26 PM

اقول بلا بياخه على الصبح

انا ماشي.. باي..!!!

الهيام

14-08-2002, 12:29 PM

:rolleyes:

ابو الفياصل

14-08-2002, 01:05 PM

:eek:

lovely apple

14-08-2002, 07:39 PM

ابو الفياصل عضو سوبر متميز
لا يا شيخه.!

التوقيع: بدون تعليق !!!:(:(:(:(:(:(

14-08-2002 08:42 AM تعديل الموضوع رد بالإقتباس الخط الساخن

الهيام عضو نشيط
لا يا شيخ .!

عندنا شيوخ هني :D

السائق المثالي

15-08-2002, 04:17 AM

شكلي مضيع دربي

الهيام

15-08-2002, 05:24 AM

ياللي فوق ..:mad:

ضيعتوا القصة ..

المهم لفلي ابل ..

انا شيخة بس هو لا مب شيخ ..

بس انا قلت شيخ ارفع من معنوياته ..

المهم بكمل القصة..

:D وبعدين :D و ثم :D فـ:D

بعد :D :D ويمكن :D :D :D

بس تعبت انتوا كملوا ..:D

ابو الفياصل

15-08-2002, 10:57 AM

تفيفيحه.!!

أي خدمه.!؟

ابو الفياصل

15-08-2002, 11:01 AM

^** OMEGA 3.0 **^

انت قل لي وين تبي.. وانا اقول لك إذا انت مضيع او لا...:D:D

ابو الفياصل

15-08-2002, 11:02 AM

هيامووه.

يله اشوف برا الموووووضووووع...:mad:

الهيام

15-08-2002, 11:05 AM

كيف يخلوني انا الهيام عدال اللي ما يسمى

بوفيصل كيف ؟؟؟؟؟؟

انا برفع قضية اطالب فيها بتعويض للضرر اللي لحق

بجمال اسمي !!!!!

عدد المتواجدين حاليا في سوالف: : 151

الأعضاء المسجلين: 54 الزوار الكرام: 97 | عدد زوار المنتدى القياسي هو464 بتاريخ 16-01-2002 الساعة 04:08 AM.

(هي), ملك الهكر, abusaud909, مازيراتي, أبو حنان, مسولفي, أكورد, المتوكلة على الله, المعلمة, الاوهام, التميميه,
الهيام, ابو الفياصل, comondor--GTSR, باحثة, بو شلاخ, F 60, fahad11, ياقوتة, جوووكندا, khalid_sa10, MAD MAX, marya50, ربيع القوافي, رشد, Oettinger, سوناتا, sambooooool, SL 55 AMG, Sn4s, SnoopY, عشاق, VIPER GTS-R, VS80, VW-609, windows xp, فتى الإيمان, ولد دبي, نايف1, وحدانيه للابد, ^** OMEGA 3.0 **^

كلمة اخيرة ::mad: