سوالف للجميع - قـلـة أدب بـصـراحـه !!!

View Full Version : قـلـة أدب بـصـراحـه !!!

حمامه

15-04-2003, 03:47 PM

السلام عليكم و رحمة الله و بركاته ...

قــــلـــة أدب !!!
إنك تروح للمسجد بملابس رياضة أو قميص نوم بينما تروح لربعك بثوب مكوي وطيب يشق الخشم !!!

قــــلـــة أدب !!!
إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!!

قــــلـــة أدب !!!
تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب (.... ) بينما أهلك لويبون مشوار ساعة وحدة قلت ( التكاسي واجد!!!)

قــــلـــة أدب !!!
إن اللاعبين والمطربين يكرمون ويغرقون بالخيرات بينما المشايخ ربك يستر ياكثر ماينسجنون !!!

قــــلـــة أدب !!!
إن الواحد يضبط ساعته على الدوام بينما صلاة الفجر مايدري متى وقت أذانها !!!

قــــلـــة أدب !!!
إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بخمسه ريال ولو يهديه واحد شريط إسلامي سجل عليه ( بابا فين ) !!!

قــــلـــة أدب !!!
ان الوحده تقعد على التلفون ساعه وتقعد في صلاتها دقيقه !!!

قــــلـــة أدب !!!
قلة ادب انك تحصل واحد يحترم الناس كلها الا امه او ابوه تلقاه يكلمهم بطرف خشمه

قــــلـــة أدب !!!
قلة ادب انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر !!!

قــــلـــة أدب !!!
لماتشوف واحد في الشارع وتستصغره ولا تسلم عليه !!!

قــــلـــة أدب !!!
اذا شفت صديقك في ورطه ولاتساعده !!!

قــــلـــة أدب !!!
اذا قدم لك صديقك خدمه وأنكرت فضله عليك !!!

قــــلـــة أدب !!!
انك تحط سيارتك عند باب جارك ..وعندك مكان ابعد شوي

قــــلـــة أدب !!!
انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسئولية إهمالك

قــــلـــة أدب !!!
انك تطولي لسانك على الشغاله..وهي بسن امك علشان شغله ممكن تسويها بنفسك((ليس منا من لم يوقر كبيرنا))

قــــلـــة أدب !!!
لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف

قــــلـــة أدب !!!
لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شلون تشكرينه

قــــلـــة أدب !!!
انك متعلم وحاصل على شهاداة عليه..وماتفقه اقل شي في دينك

قــــلـــة أدب !!!
أنه مانشوف القرآن إلا من الجمعه للجمعة عشان الكهف ..

قــــلـــة أدب !!!
قلة ادب انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك

قــــلـــة أدب !!!
تسهر ساعه على النت ولانصلي لو ركعة لله الا من رحم ربي

قــــلـــة أدب !!!
إن الواحد يشوف ( قلة الأدب ) ولايقول عنها ( قلة أدب ) !!!

منقول من البريد :glasses:

مدردش متقاعد

15-04-2003, 04:00 PM

فعلا قلة أدب و الله:)

موضوع جميل و هادف.. جزاك الله خيرا على نقله لنا....

لكني مستغرب حقيقة...

كتبت كلمة (قلة) في العنوان بفتح التاء..فأصبحت (قلت) لكن في الموضوع ربطت التاء فعادت إلا (قلة):D

تحياتي لك:glasses:

أبو نايف

15-04-2003, 04:02 PM

السلام عليكم

((ان الوحده تقعد على التلفون ساعه وتقعد في صلاتها دقيقه !!!))

صراحه هذا اللي يكرهني بكثيرمن الحريم

حمامه

15-04-2003, 04:11 PM

هلا أخوي الكبير مدردش متقاعد

شلون عيونك بشرنا عنها أحسن إن شاء الله :)

أتوقع قلت العنوان إهي اللي غلط :rolleyes:

حاولت أغير العنوان بس ماقدرت :(

ماعليه طوفها لي المره هذي أستاذ :o

بس إن شاء الله ماكو مدرس عربي هني :damp:

جزاك اللله خير على المشاركه :)

حمامه

15-04-2003, 04:15 PM

و عليكم السلام و رحمة الله و بركاته ..

عودا حميدا أخوي أبونايف :)

يشرفني مشاركتك في الموضوع :)

مدردش متقاعد

15-04-2003, 04:30 PM

و لا يهمج.. تم تعديل العنوان:)

هالمرة ببلاش.. بس مرة ثانية أي واحد يغلط.. بنفرض عليه غرامة..:D

ذكرتيني البارحة مريت على محل فوقه لوحة طويلة عريضة (محل فلان للهداية) فقلت لنفسي مو معقول.. أكيد في شي غلط...و يوم قريت الاسم بالانجليزي طلع (Flaaan Gifts) انقهرت.. و ضحكت في نفس الوقت.. قلت وين البلدية عنه هذا.. صارت الهدايا....... هداية!

تحياتي لك:glasses:

حمامه

15-04-2003, 04:42 PM

يزااك الله خير :)

الصراحه أقولها لك أنا ما ثبت على العنوان لأني نزلت أكثر من موضوع و هذي قعدتي من الساعه 6،30 فالحين أنا أشوف الشاشه :OO:

مشكوووووووووووووووووووور :D

مدردش متقاعد :banana: مدردش متقاعد :banana: مدردش متقاعد :banana:

الرميصاء

15-04-2003, 05:04 PM

جزاك الله خيرا أختي في الله حمامة
فعلا قلة أدب كل ما أوردتي ، بل هي
قلة ذوق ، وقلة حياء ، وقلة خشية
بل هي ضعف إيمان أن تعلم أنك تعامل
الناس وتنسى أنك تعامل رب الناس 0

حروف سوالف

16-04-2003, 02:45 AM

فعلا قله ادب ..
موضوع جميل وتسلم يدينك :)
وقله ادب اني امر على موضوع مميز ولا اثني عليه :)
تحياتي

دموع تائبة

16-04-2003, 03:05 PM

قلة أدب موالاة بعض الشعوب للنصارى .

دمــ تائبة ـــوع

دمدم

16-04-2003, 03:46 PM

رد مقتبس من دموع تائبة
قلة أدب موالاة بعض الشعوب للنصارى .

دمــ تائبة ـــوع

:rolleyes: :rolleyes:لاتعليق...:)...

حمامه

16-04-2003, 04:56 PM

هلا إختي الرميصاء

اجمعين إن شاء الله :)

... هي ضعف إيمان أن تعلم أنك تعامل
الناس وتنسى أنك تعامل رب الناس ،،، صح لسانج إختي :)

مشكووووره على المشاركة :)

حمامه

16-04-2003, 05:01 PM

هلا أخوي حروف الحب

شلووووونك إن شاء الله بخير :)

ها بشر وين وصلت بالقصة

بس عاد لا تصير مسلسل مكسيكي :D

و بعدين العين ما تعلى على الحاجب

الله يسلمك من الشر

جزاك الله خير على المرور :)

MUSLIMAH

18-04-2003, 02:46 PM

اي و الله قلة ادب :mad:

سبقتيني هالمرة و شكلج ما طرشتيلي هالايميل عالبريد :rolleyes:

عليج بالعافية :glasses:

dbooor

19-04-2003, 04:51 AM

قـلـة أدب !!!
أنك تقرأ هذا الموضوع ولا تقف إحتراماً لكاتبته.

شكراً أختي وجزاك الله كل الخير إنشاء الله
:glasses:

ابو الفياصل

19-04-2003, 05:13 AM

فعلاً قلة ادب..

سبق وان قرأت هذا الموضوع..

واعجبني الصراحه..

والحين اعجبني أكثر:)

لك تحياتي

حمامه

20-04-2003, 01:19 PM

هلا عميمه مسلمة :D

شفتي شلون إنها قلت أدب :mad:

لا بس خلاص فهمت اللعبه ;)

الله يعافيج عميمة :D

حمامه

20-04-2003, 02:27 PM

هلا أخي الكريم .. dbooor

أخجلتم تواضعنا :rolleyes:

أجمعين إن شاء الله :)

حمامه

20-04-2003, 02:46 PM

كح كح كح كح كح

أقووول ليش سوالف الأصدقاء غبره

أثاري أبو الفياصل عندنا يامرحبا يامرحبا بمن حبا و دبا و ركب القليلبا :banana:

شكرا لمرورك الكريم على موضوعي ،، من طيبك و الله :)