كوكتـــــــــــــــX5ــــــــــــــــــل (4)

[دمدم]

مساء الفــــل يا قــــدعان...ومن زمان وانا ودي انزل موضوع لاكن

الواحد منشغل بهالدنيا الله يكفينا شرها

( لا تخافون مهب زواج )

اذكر شايب مشهور يعني يقرب لي من بعيد......بالاحري مايقرب لي
بس الوكاد ان خالي مقابله.........يقول ذا الشايب لو انه بعصر مسيلمه
كان انكسر سوق مسيلمه.......معليش......الغبنه (الكلام مايزال لخالي) انه
فيه عياله واحفاده.....كبار يعني شباب......يقول تلقاهم يصدقون سواليفه
رغم انها كلها شطح بالخيال..........وتلقاهم ..."صدق ياجد:! وشلون:!?: "
خل نقول لكم مثال

يقول مره طالع اقنص......ومعي سلاح وبالجيب.........اطرد ذاك الغزال .....
وانا وياه طرد ومناقز بين هالبران.......قلت والله ماخليك.......المهم يقول وانا اطرد بهالغزال.....واطلق عليه وتجي الطلقه ببطنه.....يوم تناقزوا عيال الغزال من بطنه وقعدوا يركضون جنب امهم اثر أمهم حامل.......يقول وانا اطردها هي وعيالها الا بالشجيره قدامي...يقول احسبها عاديه صغيره.......واصدم فيها الا وينكسر الشاص (مدري الدفرنس)
يقول وانزل واشوف السياره.......واناظر الغزال خفت انه يروح....يقول واقطع جذع من الشجره واحطه بدل الدفرنس.........يقول واكمل طردي للغزال..........وابشركم تغديت عليه!!!! وتعشيت بعيالها....(ايثن هنت ماسواها ذي)


مرة من المرورات ... وفي صيف عام 99 قرر الوالد جزاه الله خير يرسلني على حسابه الى بريطانيا علشان اخذ لي دورة لمدة شهرين ...

اخوي مبتعث هناك وقال بيوديني له...لكن؟

الشايب ما راح يرسلني لحالي كان بيروح معي بس اشوى ما راح لانه ما يعرف الا "تشاو" و "باي" ..كلمة ايطالي والثاني انجليزي ..

بعد جهد جهيد ويوم شاف ان التكاليف بتطلع اكثر من بيع السوق قرر يرسلني لحالي... وكل يوم داق على اخوي يوصيه علي.

الوالد حريّص اكثر من اللازم

جاء موعد السفر ...والطيارة بتطير الساعة 2:20 فجرا من يوم الاحد..

الوالد ما صلينا العشاء الا واحنا راكبين السيارة وماسكين الخط

طبعا الوالد لجا يسوق الصبح يسوق الى حدود ال 80 في الهاي ويز ..فما بالك بالليل...

المهم طلعنا ثمان وصلنا عشر ونص

وصلنا المطار وقلنا بنتعشى كان نروح صالة القدوم ونقعد ننتظر ..


للمعلومية محسوبكم ما طلع خارج المملكة قبل هالسفرة الا مرة وحدة رحت البحرين مع الاهل ورجعنا بنفس اليوم فما لي خبرة بالسفرات الخارجية

يوم قربت الساعة وحدة ...قلت غريبة ما نادوا على الرحلة ... وتو اكتشفنا اننا بالصالة الغلط ... والمفروض نروح صالة المغادرة...

رحنا صالة المغادرة وسالنا السيكورتي الغبي وقال ما بعد صبروا شوي ...
وكل نص ساعة نساله يقول ما بعد لما صارت الساعة ثنتين الا عشر ...

انا قلت بادخل الصالة الداخلية وقبل ما ادخل وريت جوازي للموظف اللي عادة فقط يطابق الصورة لكنه طول وهو يطقطق على الكمبيوتر ... ولا كنت ادري ان تطويلته غير طبيعية كنت اظن الامور طبيعية لما سمعت الموظف اللي جنبه قاله :

هذا وش فيه ؟ مشه...

انا بلعت ريقي

قالي: انت رايح البحرين بالجسر مرة؟

قلت له : وشو ؟ يقالي ما سمعته ويقالي ابي امتص غضبه ..

قالي: انت رجعت في نفس اليوم؟

قلت له: ايه

وقعد يطقطق على الكمبيوتر.... الا شوي قام ودخل على ريسه وعطاه جوازي ...

رحنا فيها

جا ريسه على الجهاز وقعد يطقطق على الكمبيوتر بسرعة وكل شوي يطالع الساعة ... صارت الساعة ثنتين وعشر ...

الا سلمني الجواز وقال اركض وانا في يدي ..البوردينغ

يوم انا اركض الا فيه السيكورتي اللي يقص البوردينغ كان اطيره وبغيت اصفع على وجهي زي ما صفع جيم كاري في فيلم غبي وأغبي...

مسكني قالي يبه شوي شوي خلني اقص لك البوردينغ...وانتظر العربة اللي بتوديك الطيارة ...

قلبي قاعد يخفق ان الطيارة راحت علي وخويي داعي علي اني اركب طيارة غلط او ان الطيّار يضيع الدرب ونروح ادغال افريقيا

لكن الحمد لله ركبت الطيارة وكل من تمر مضيفة اسالها اقوها هذي الطيارة رايحة لندن لما تعقدوا مني ...

و.....

أكمل ؟؟

السالفة طويلة اذا تبون اكمل مغامراتي في بريطانيا فانا حاضر...

عموما يوم رجعت الا قالي الوالد ان مشكلتي بالجواز هم ان جسر البحرين ختموا لي بالجواز اني دخلت السعودية لكن بالكمبيوتر مو موجود اني دخلت السعودية ...

والله طلعت منيب سهل واعرف اتسلل

يا الله عن إذنكم...
أكرمكم الله...


http://us.ent4.yimg.com/movies.yahoo.com/images/hv/photo/movie_pix/universal_pictures/the_rundown/_group_photos/seann_william_scott2.jpg

[نواف بن أحمد]

في عدة نقاط: ...:glasses:


أولاً : مساء الفــــل يا قــــدعان...ومن زمان وانا ودي انزل موضوع لاكن

لاكن ... تكتب هكذا ... ( لكن) .. ناس ماتعرف عربي:D


ثانياً : موضوعك حلو .. بس ماقلتلنا الفضايح اللي سويتها في بريطانيا وخليتهم يضحكون عليك



ثالثاً : وش دخل الصورة الأخيرة في الموضوع ...:confused:


وسلامتك ...:D

[كـيـمـو]

ما شاء الله مواضيعك شيقه وممتعه يالشيخ

بس بالله من جد سالفه الشايب ذا اللي جالس يفقع عليكم كذب :p

حط الشجره بدل الدفرنس :confused: عجييييييييييييييب والله :D

وكمل فضايحك في بريطانيا ترى العرب الخليجيين اذا راحوا بلد غربي تطلع عليهم فضايح الله لا يوريك زي الهنود في السعودية هع


ليه كملت كذبه الشايب ب الصوره اللي في الاخير وقلت هذي مصورها لكم من بريطانيا :D

استر ماوجهت

[Dreams Mix]

اذنك معاك ..:D

يسلموو X5 ... على الفضائح ..:D

وبخصوص الصوره الأخيره .. ترى مايمدحون الفيلم :damp:

تحياتي إلك ..

[حمامه]

السلام عليكم و رحمة الله و بركاته

مساء الخير X5 :)

عاش من شافك :glasses: كل الأعضاء عندهم كليات و مدارس مو بس اللي عندك :rolleyes:


بس الشيبه شي الصرااحه أكيد يشتغل في سلاح الطيران يطير صواريخ :glasses2:

http://bestanimations.com/Military/Weapons/Missile-03.gif

يسلمووو X5 و كثر لنا من سوالف الشيبه :laugh:

[ايميل مغبر]

ان مشكلتي بالجواز هم ان جسر البحرين ختموا لي بالجواز اني دخلت السعودية لكن بالكمبيوتر مو موجود اني دخلت السعودية ...


نفس المشكلة بالزبط صارت لي ,,

رايح البحرين مع الاهل وبعد ثلاث سنين جيت باسافر سوريا مع الاهل
قالوا لي في المطار روح زبط جوازك في جسر البحرين :cry: :cry: :cry:
الاهل سافروا عني وانا بقيت لحالي ,,, بس سافرت ليهم بعد اسبوع:corsair:


شكراً على الموضوع يا x5:p

[ابو الفياصل]

خخخخخخخخخخخخخخخخخخخخ


الله يرجك يا شيخ


اما راعي الدفرنس هذا..


انواع النصب:D:D


اقول عطنا فضايحك في لندن الله يصلحك:D


بسالك الفلم حق ذ روك نزل وإلا لسى؟:D

[دمدم]

نواف بن أحمد
هلا نواف..:)..
الاملاء حالتي معاه صعبه..والفضايح قريبا..والصوره هذا تقليد وياي وش تقول..

كيمو
ماواجهنا الا كل خير..:)..

Dreams Mix..:)..
الله لاسهينك اذني الثانيه باقي وياك..ومشكور وايد على الرد..والناس اذواق على الفلم..

حمامه
مراحب مشرفتنا...الشيبه بنكثر منه ولا يهمك ..تحياتي


ايميل مغبر..اجل الحال من بعض..ربنا يعين..

ابو الفياصل..
عاش من شافك يخوك..مشكور انت والله..
والله يستر من غبارك..وذا روك باقي والله..بس عندي لك حاجات احسن ..بينا الو ان شاء الله..

اجمل وارق التحايا للجميع..X5..:)..

يالله انا ماشي نشوفكم بمواضيع قادمه
http://i.imdb.com/Photos/Events/1024/pacino_al5.jpg