ياعزيمة ما تمت

[ياكوياكو]

امس كنت جالس بالقهوة " الكافيه " للاخوة المتثيقفين :D :D :D :D

بس ما كان فيه انترنت ..... مو مثل ربعنا الخليج الكافيه يعني كمبيوترات و انترنت ..... الخ


الكافيه ... اللي عندنا هنا مكان هادئ يقصده الشطار " مثلي :D :D :D " حيث يرفلون بجو دراسي ....


لانك اول ما تدخل الكافيه تشوف كلن " موجد " كتابه او اللاب توب ماله ......

على فكرة " مجود ".... يعني يمسك الشيء بحرص وانتباه ..... هذي المعلومة للاخوان والاخوات بطئ "الا ستوعاب " ..... الا ستوعاب يعني الاستيعاب ودي ادلعها ...:D :D :D

وانا جالس اقرأ واكتب ......... وفاتح اللابتوب مالي ............. ونهمك ....... حلوة منهمك يا ولد يا خطير ........:D :D

وتراني لا ندمجت بالدراسة لازم افتح ملف على جنب وكل خمس دقايق اكتب قصيدة .....يعني ابي اوريكم اني شاعر .... دعاية ابلاش

وبين البحث والدارسة والشعر ....ز

دخل الكافيه " اخوان " يعني اثنين ....... الاول من الامارات والثاني من البحرين

الامارتي ......ز مثل كل الامارتيين .... يداش القلب من اول نظرة ...... ياحلوهم على القلب والله العظيم ..... ترى انا قاعد احلف صدقوني عاد


والبحرين انسان راقي ومحترم الى درجة الاسراف .... شاعر .... مبدع ....

وقفت اسلم عليهم وجلسوا معي على الطاولة ..... وسوالف وعلوم ,,,,,,,,,, ورحنا وجينا ..... وسوينا وتركنا ............. الا يوم البحرني فتح باب الاكل .....


مع انه نحيف ...... بس الله يكفيكم شر هالنحفاء مكاين هرس وجرش للاطعمه ....


المهم وقام يتشكى .......... ويثير فيني الشجون ...... ودش الاخ الامارتي على الخط ........... المهم انقلبت الجلسة الى برنامج طبخ ...


وانا عاد مخربها ...... ما يردني عن اللي ابي شي ..... قلت ابشروا والله لتاكلون اليوم " رز ولحم "


الجماعة ...... طارت عيونهم ..... مو مصدقين ...... قلت هيا " هيا كلمة جنوبية تعني يالله "

هيا اركبوا الموتر .... مرينا محل اسمه "كوجر" شرينا العيش " الرز " واللحم ..... ترى حلال ذبح اسلامي ....

المهم رحنا شقتي ..... جلسوا الشباب وهالقنوات العربية ماخلينا من القنوات شي


وانا دخلت المطبح ........... اضبط واحط واشيل واقطع ووامللح ...... المهم كله

على النار والامور ماشية .......... على احسن حال ........والامن مستتب ........ والهدوء يلف المكان


ومستانسين .......... وزير التربية السعودي د. الرشيد يتكلم عن تغييير المناهج ..... انا احب هذا الرجل لانني متخصص بالتربية وحريص على معرفة تغيير المناهج بالسعودية و الكويت على وجه الخصوص ........... سحبت فيكم بعيد ......" ما عليه خروج عن النص "


اشويييييييييييييييييييييي
الا والباب " طراخ " يندف ........ ودشوا الشرطة علينا ............ " استي ان يور شير " ..... " دونت موووووف " .............. "استي كوايت"

جيت ابي اتكلم واسأل .... قالي الشرطي " كييب يور ماوث كلووووز .... اااي وللل يوز يور ووووردز تو اااافكت يوووووووووو مان "


السالفة جد .................. المهم جلسنا حنا الثلاثة ..... البحريني والاماراتي ..... وانا .... كأننا ايتام ...

والجماعة " الشرطة ركض على المطبخ ..........

بعدين اقولكم وليش راحوا للمطبخ ..... شي ما ياخطر على بال احد .......... اتصدقون إنا صار لنا 24 ساعة ميتين ضحك على اللي صار


لا تخافون راح اعلمك بس بعدين


:help: :D :D :D بااااااااااااااااااااااااي الحين :black:

[حمامه]

السلام عليكم و رحمة الله و بركاته

شلونك يا متثقف ياشويييعر :D


:laugh:




مجود :confused:


أهااا يمكن قصدك ميووود :D


لاعب باللغة الكويتية لعب :damp:


ماشاء الله إنت داخل المطبخ تطبخ :eek:

غريبه تنكتب في التاريخ :rolleyes:

وقت ماتكونون تدرسون و بالخارج كل شي تعرفون تسوونه لكم وقت ماتردووون حتى كلاااص الماااي متنيووبونه لكم :anger:

عرففففففت ليش يووو الشرطة :glasses:

بس زييين قبل لا يطيح الفاس بالراس :think:


و قبل ما ياكلوون ربعك من الطبخه العجيبه و يتسموووون :D



لا تنسى تقولنا كليتوها ولا لأ ؟؟ نحن في الأنتظار :)

[بنت نت]

حمامة مجود هذي مالت البدوو:D

يسلمو ياكوياكو:D

[بو علاء]

هلا والله بشكسبير :D
بس ابي اعرف وش ذي ونهمك



الموجوده في السكر السابع :D :D

[كـيـمـو]

الله يعينكم على هالعلوج :D


اقلك فيه خرفان بأمريكا والا خنازير متنكره والا الخرفان منهم وفيهم . أجب ؟ :D

[تعبان]

الزبدة .. وش صار ؟؟ :damp:

[ياكوياكو]

اولا الف شكر على مرورك الكريم


وثانيا ..... اسف جدا على البدليات والاخطاء اللغوية ..... بس انا ادري الزله عند الكرام اللي مثلكم مدموحة ..... ان شاء الله


سيدة حمامة ...... انتي من الاعضاء التي مرورها يعني لي الكثير


وخصوصا كلماتي تحمل من الحس والرقي الكثير .....


بنت نت ...... مجود ..... مالت البدو وانا واحد منهم ....... وشكرا على توضحك الحلو

واتمنى عليك التواصل معنا حتى نبدع اكثر واكثر


كيمو ..... الامريكان ناس مثل كل الناس فيهم زين وفيهم شين .... وعندهم خنازير وعندهم خرفان

ولكل واحد رغبته الخاصة .......... بس ترى مو مقصرين موفرين لحم مذبوح ذبحا اسلاميا .....

وشكرا على المرور

تعبان ..... الزبدة في "الصميل " ..... والصميل هو من جلد الغنم ويوضع فيه الحليب ويحرك حتى يتم تصفية الزبدة من الحليب


بس اذا طلعت الزبدة اعلمك :D :D :D


انتظروا تكمله القصة ........ مراح تتصورون ليش جونا الشرطة :shock2: :shock2: :shock2: :shock2: :shock2: :shock2:

[ياكوياكو]

خلوني اكمل لكم السالفة ...


راحوا الشرطة للمطبخ ..... حنا انطالع بعضنا " مشدوهين ..... ادري حمامة راح تحب هالكلمة "

الصدمة ..... مبينه علينا

وانا حاولت استجمع ما بقى من كرامة الامة العربية بعد ان مرمط فينا بوش وشلته الارض " لووووول خروج عن النص .... ولكن هذي الحقيقة "


قعدت اردد في نفسي .... عشر مرات

انا قوي انا قوي انا قوي انا قوي انا قوي انا قوي انا قوي انا قوي انا قوي انا قوي


رحت ورى الشرطة للمطبخ " وانا قول لايكون واحد من الشباب جايب معاه مخدرات .... اعوذ بالله من ابليس .... الشباب مطاوعة "

المهم دخلت المطبخ .... الا الشرطة مثل الكلاب البوليسية " تكرمون عنهم "

المهم فتحوا الثلاجة ..... افتحو ا الخزاين ...... وانا ماسك نفسي ما ودي اتهور .....

شي يفقع المرارة بس ......... الله مع الصابرين

ردوا على ال """ الجدور اللي على النار """"

ويسألني

السؤال الصدمة


والله توقعت انه يسألني عن اي شي بالدنيا الا هذا السؤال ........

Where is the dogs’ meat, man

Tell me the truth to help yourself….

You have bad situation here



:shock2: :shock2: :shock2: :shock2:


انا بين اللي مصدق وبين اللي مكذب

اي لحم كلاب .... اي بطيخ ............

سألته انت من قالك انه عندنا لحم كلاب ....

قعدت اشرح له انه حنا ما ناكل هالشغلات

المهم قال انه جارتكم العجوز اتصلت علينا وتقول انكم داخلين ومعاكم لحم كلاب

والدليل انكم ...... كنت تتكلمون عن الكلاب وانت داخلين البناية

الله يقطعها هالعجوز المخرفة ..... يعني تبي تكافح الارهاب على حسابنا

المهم طلعت له فاتورة المحل اللي شرينا منه اللحم

قلت تقدر تتصل تتأكد .....

المهم دقوا على المحل وتاكد .... وطالع بالاكل وذاقه هو ربعه " على فكرة مدح الطبخة ..... بس مالت عليه خبط بطني "


المهم قاموا يتأسفون .... ويتعذرون بس اشعقبه .... وقالوا انه مو اول مرة تتصل علينا هالعجوز وتخبرنا عن جيرانها


طالعت هوايتها عجوز ابليس " قط الاذن "

لمهم يوم راجعت شريط الذاكرة " حلوةةةة شريط الذاكرة " تذكرت إنا مريناها على السلم وانا اقول للشباب الواحد من الجوع صار مثل الكلاب الضالة ....

الفاجرة لقطت " كلاب ومسحت باقي الجملة "

المهم الضابط يعني يبي يرقعها ..... قال انا اسف على الاقتحام بس انت تدري إنا في ديرة تحترم حقوق الحيوان ....


ومن اللقافة والقهر
سألت

What a bout the human rights? And the freedom, that your kids’ song a bout it every morning in their schools…..
He asked: what do you know a bout our kids` schools
I said: I do man, I do …. I am teaching them daily
He said; so, you are a teacher …
I said: yes
He said: you have to know about the animals` rights
I said: you must know bout human rights
He said: it is Hough joke, do you believe
I said: what if I say it is a big lie
He said: wow, do not go as far as this point. I said I am sorry; I was doing my task …..

المهم انقلعوا الله لايردهم

ورجعت للشباب .......... الا عايفين العافية .... وقف الدم بعروقكم

ويسألوني شسالفة قلت ماكو شي
بس اللحم اللي شريناه

طلع لحم كلاب


:D :D :D :D

[نواف بن أحمد]

في تكملة ولا خلالالاص ...اخلص علينا ...
















ههههه :D حلوة منك يكوكاويااي:eek:

[حمامه]

أخوووي ياكوياكو


أول شي تعودنا على بدلياتك يعني لو تكتب الموضوع بدون بدليات ماراح نعرف نقراااه :D


أشووووووه إهم لحقوا عليكم قبل لا تاكلوووناللحم :blink:


ما عليه يا خوووي على قوولت المثل علقه تفووت ولا حد يموووت :eek: