الدردغاني يتمشى .. و يقرض الشعر

[الدردغاني الفهلواني]

البارحة بالليل
و بالتحديد الساعة 2 الظهر

كنت جالس أتمشى على ضفاف نهر النيل بالرياض
أستمتع بالجو الرائع .. و الثلوج تتساقط من حولي في منظر شاعري جميل

ركبت سيكلي .. و قعدت أتمشى على ضفاف النهر .. و أتفرج على الناس
اللي قاعد يشوي عشان يفطر هو و أهله
و اللي قاعد يلعب بالثلج ( مساكين ما عمرهم شافوا الثلوج :) )
و اللي جايب سنّارته معه علشان يمارس هوايته بصيد الخرفان

المهم
في الأخير عاد .. وقفت السيكل .. و ربطته في جذع شجرة بالقفل .. و أخذت المفتاح و رميته في النيل .. علشان ما ينسرق السيكل
و بكل براءة .. جلست مع نفسي جلسة رومانسية هادئة على ضفاف النهر
و قلت لنفسي يا ولد .. ما دام إنك جالس في هالجو الشاعري .. ورا ما تحاول إنك تقرض الشعر
لأنه بصراحة ما بقى أحد بهالدنيا ما قرض الشعر إلا أنت

و بعد جهد جهيد من المحاولات .. طلعت ببيت شعر واحد و بالقوة
أقول فيه

قالت وش أكثر شي يعجبك فيني ... قلت بصراحة و لا شي

و إن شاءالله راح أكمل القصيدة السنة الجاية .. لما تتكرر الأجواء الشاعرية اللي كنت جالس فيها :)

------------------
واحد مقلع منذ مبطي

[الدردغاني الفهلواني]

الحين أبغا أفهم
يعني ما عجبكم بيت الشعر اللي كتبته و لا كيف !!

ترا هذا والله تحطيم .. و لا عاد راح اقرض الشعر :(

------------------
واحد مقلع منذ مبطي

[دكتور / مجنون]

احسن شئ انك تغير اسمك هذا
و تخليه / الموسوس


------------------
خلوني ياجماعه اضحك لحالي***وإن قلتوا يامجنون ياناس مجنون
سبة جنوني واحد كان غالي***راح وخلاني معذب ومحزون

[بنت الأحزان]

:) لا تعليق :)

------------------
اليوم معاكم ويمكن غدا تحت التراب.. بين رحمة رب العباد!!

[الحفار]

مرحبا يا الدردغاني

لا ابدا بصراحه اعجبني خيالك الواسع

اما بيت الشعر فلو قلته بالطريقه هذي

قالت وش اكثر شيء يعجبك فيني ....قلت الصراحه اخوك بالحيل لعاب
قالت ودمع سابح وســـــط عيني.....قلت الدمع احيان دمــوع نصاب
قالت تشــمــت فيـني العاذليني.....قلت العواذل منك اخاف تـنــصاب
قالت اشوفك كل يوم تجــيــنــي.....قلت انحولت وغلطت في مدخل الباب

..
وش رايك بشعر اخوك الحفار

------------------
خذني بقايا حلم خذني بقايا طــيف
خذني قلم او خاتما في يمــيــنك
ودي اكون احساس ما يدخله زيف
ودي اكون الصوره اللي بعــينك

[الدردغاني الفهلواني]

أهلين اخوي الحفار
والله ماشاءالله عليك شكلك تقرض الشعر من زمان :) .. أنا والله توني هذا أول بيت شعر أقوم بقرضه :)



------------------
واحد مقلع منذ مبطي