عقلة
20-05-2000, 10:45 PM
مذكرات مهنق
يكتبها متوهق
شموس الرياض هاليومين "جابت" على بالي الهجرة عفوا العطلة الصيفية.. وخلتني أسوي "براوز" لمذكراتي العام الماضي.. يوم جاء بخاطري أشوف أقاربي.. خالاتي وعماتي.. والذي منه.. "هماني" لا بغيت أشوف قريباتي رحت لندن عشان أشوفهم, حول بحيرة "الهايد بارك" يسولفن العصرية ويحشن خلق الله اللي يترززون رايحين جايين حول البحيرة.. خبركم "ربيعنا" ما يتعدون الهايد بارك.. واللي لك سنة ما شفته في الرياض.. تشوفه "ياهو" في الهايد بارك.. ياهو في (الإيجور رود) وإلى أبعد في (التراكاديرو) يترزز.. أو حديقة الفوطة!
وفيه سبب ثاني لروحاتي.. محاليكم يدور "بنت الحلال" وفي ذاك العروض الوطنية تكثر.. ويبين المستخبي.. تشوف جميع أنواع التضاريس في الوجيه.. سهول وجبال.. وأودية ومرتفعات وتشققات ونتوءات.. أبد كأنك في حصة جغرافيا غير أنواع الدهانات والجبس عفوا "الميك أب".. اللي يذكرك بألوان الصفحات الشخصية في الشبكة.
بديت كل عصرية وأنا "أمتر" هالمكاتب السياحية وأقارن الأسعار والخدمات.. والنصب والخف "نعنبو ابليسهم" وفي الأخير حجزت لي في "باكج" فندق 10 نجوم "لا تصدقون اطرحوا منها 11 بس لا تقولون ما يجوز الطرح" وتذكرة سفر على الخطوط المهنقة وخط السير الله لا يخزينا الرياض ـ الدرعية ـ الدلم ـ سدني ـ لندن.. قلنا تمشيه وش فيها.. المهم صلة الرحم.
ويوم السفر طلعت المطار "مكشخ" كني طير زينة.. كل قطعة لون وشكل.. قصيت "البوردنق" ومريت الاخوان في الجوازات.. وقلبي يرقل خايف يشوف اسم أمي.. وأول ما فتح الجواز تخيلوا شب العالي لأسفل الصفحة نعنبو ابليسهم.. طول عمري أتصدد ما بي أحد يعرف.. وأتخانق مع أصحابي وأتكتم عليه كنه سر من أسرار "ناسا".. وآخرتها "هالصتيمة" تجيه باردة مبردة.. لا وأزيدكم من الشعر بيت بدت اللقافة وين رايح وش تدور.. متى بترجع "أبوي اللي هو اخوي ما سألني هالأسئلة" .. أهلك يدرون عنك.. "ما درى ان أهلي نصفهم يتسدح في الهايد بارك والثانين هايتين في شارع "ليلية" الدول العربية.
- لا و "الزكرت" منهم بدأ يوصي ويحرص.. وسع صدرك.. لا تخلي شيء لك نفس فيه.. أدهر.. سو اللي ما يتسوى.. ترى الفكة من الرياض غنيمة.. نعنبو أبليسهم كني داخل معركة بقاء.. ما كني مسافر للراحة والاستجمام "حلوة الاستجمام واللي أحلى بدون نقطة".
- دخلت صالة "النحشة" وشوي ويعلنون عن تأخر الرحلة.. قلنا ماهي غريبة.. تهنق هالخطوط في المطار وتتسدح.. لكن البلاء ان هنقت في الجو وإلا هنق عامل "الدش" عفوا الرادار "الله وأكبر يا مطار هيثرو".. والله ما عاد ينفع لا رست ولا شت داون.
- قضيت ليلة "هوم لس" في المطار وبعد تهنيقة 12 ساعة وخمس دقايق و 10 ثواني و 12 "فيمتو سكند".. أعلنوا عن موعد إقلاع الرحلة رقم 30 بايت على متن الخطوط المهنقة.. ودخلت الطيارة ورحت "للملف" عفوا الكرسي حقي إلا وأحد الأخوان "مهكر" عليه ومتربع.. قلت الله يحييك هذا كرسيي.. رد علي من طرف خشمه بعد "سيرش" مستميت في خلايا كشرتي وقال معصي حنا عايلة وعلى رقبتي ان جلست حولنا .. وبدو يشوتوني من كرسي لثاني.. وفي الأخير أخذ بخاطري أحد "المعازيب".. وقال انتظر لين نقلع ونتدبر ووسع صدرك.. أمري على الله ننتظر..!
- يوم شفته ان الوقفة تبي تطول.. قلت ما بدهاش طلبت واحد كبتشينو بارد.. ومن أول رشفة وأبدأ أهنق أبي أتماكن نفسي. Delete + Alt+ ctrl ما فيه فايدة.. الظاهر يبي لي غسيل هارديسك وتعب ويا لله ينفع.. الرحلة طويلة.. ولنا لقاء
http://www.alriyadh-np.com/rnet/cartoon.html
------------------
***أزعلوا من عقلة***
oglah@swalif.com
[b]<small><small>[ تم تعديل الموضوع بواسطة عقلة يوم 20-05-2000]
يكتبها متوهق
شموس الرياض هاليومين "جابت" على بالي الهجرة عفوا العطلة الصيفية.. وخلتني أسوي "براوز" لمذكراتي العام الماضي.. يوم جاء بخاطري أشوف أقاربي.. خالاتي وعماتي.. والذي منه.. "هماني" لا بغيت أشوف قريباتي رحت لندن عشان أشوفهم, حول بحيرة "الهايد بارك" يسولفن العصرية ويحشن خلق الله اللي يترززون رايحين جايين حول البحيرة.. خبركم "ربيعنا" ما يتعدون الهايد بارك.. واللي لك سنة ما شفته في الرياض.. تشوفه "ياهو" في الهايد بارك.. ياهو في (الإيجور رود) وإلى أبعد في (التراكاديرو) يترزز.. أو حديقة الفوطة!
وفيه سبب ثاني لروحاتي.. محاليكم يدور "بنت الحلال" وفي ذاك العروض الوطنية تكثر.. ويبين المستخبي.. تشوف جميع أنواع التضاريس في الوجيه.. سهول وجبال.. وأودية ومرتفعات وتشققات ونتوءات.. أبد كأنك في حصة جغرافيا غير أنواع الدهانات والجبس عفوا "الميك أب".. اللي يذكرك بألوان الصفحات الشخصية في الشبكة.
بديت كل عصرية وأنا "أمتر" هالمكاتب السياحية وأقارن الأسعار والخدمات.. والنصب والخف "نعنبو ابليسهم" وفي الأخير حجزت لي في "باكج" فندق 10 نجوم "لا تصدقون اطرحوا منها 11 بس لا تقولون ما يجوز الطرح" وتذكرة سفر على الخطوط المهنقة وخط السير الله لا يخزينا الرياض ـ الدرعية ـ الدلم ـ سدني ـ لندن.. قلنا تمشيه وش فيها.. المهم صلة الرحم.
ويوم السفر طلعت المطار "مكشخ" كني طير زينة.. كل قطعة لون وشكل.. قصيت "البوردنق" ومريت الاخوان في الجوازات.. وقلبي يرقل خايف يشوف اسم أمي.. وأول ما فتح الجواز تخيلوا شب العالي لأسفل الصفحة نعنبو ابليسهم.. طول عمري أتصدد ما بي أحد يعرف.. وأتخانق مع أصحابي وأتكتم عليه كنه سر من أسرار "ناسا".. وآخرتها "هالصتيمة" تجيه باردة مبردة.. لا وأزيدكم من الشعر بيت بدت اللقافة وين رايح وش تدور.. متى بترجع "أبوي اللي هو اخوي ما سألني هالأسئلة" .. أهلك يدرون عنك.. "ما درى ان أهلي نصفهم يتسدح في الهايد بارك والثانين هايتين في شارع "ليلية" الدول العربية.
- لا و "الزكرت" منهم بدأ يوصي ويحرص.. وسع صدرك.. لا تخلي شيء لك نفس فيه.. أدهر.. سو اللي ما يتسوى.. ترى الفكة من الرياض غنيمة.. نعنبو أبليسهم كني داخل معركة بقاء.. ما كني مسافر للراحة والاستجمام "حلوة الاستجمام واللي أحلى بدون نقطة".
- دخلت صالة "النحشة" وشوي ويعلنون عن تأخر الرحلة.. قلنا ماهي غريبة.. تهنق هالخطوط في المطار وتتسدح.. لكن البلاء ان هنقت في الجو وإلا هنق عامل "الدش" عفوا الرادار "الله وأكبر يا مطار هيثرو".. والله ما عاد ينفع لا رست ولا شت داون.
- قضيت ليلة "هوم لس" في المطار وبعد تهنيقة 12 ساعة وخمس دقايق و 10 ثواني و 12 "فيمتو سكند".. أعلنوا عن موعد إقلاع الرحلة رقم 30 بايت على متن الخطوط المهنقة.. ودخلت الطيارة ورحت "للملف" عفوا الكرسي حقي إلا وأحد الأخوان "مهكر" عليه ومتربع.. قلت الله يحييك هذا كرسيي.. رد علي من طرف خشمه بعد "سيرش" مستميت في خلايا كشرتي وقال معصي حنا عايلة وعلى رقبتي ان جلست حولنا .. وبدو يشوتوني من كرسي لثاني.. وفي الأخير أخذ بخاطري أحد "المعازيب".. وقال انتظر لين نقلع ونتدبر ووسع صدرك.. أمري على الله ننتظر..!
- يوم شفته ان الوقفة تبي تطول.. قلت ما بدهاش طلبت واحد كبتشينو بارد.. ومن أول رشفة وأبدأ أهنق أبي أتماكن نفسي. Delete + Alt+ ctrl ما فيه فايدة.. الظاهر يبي لي غسيل هارديسك وتعب ويا لله ينفع.. الرحلة طويلة.. ولنا لقاء
http://www.alriyadh-np.com/rnet/cartoon.html
------------------
***أزعلوا من عقلة***
oglah@swalif.com
[b]<small><small>[ تم تعديل الموضوع بواسطة عقلة يوم 20-05-2000]