كيف يمكن أن تتصرف مع ...

[شوق الامارات]

هناك عدة مواقف يعجز المرء عن اتخاذالتصرف المناسب
..ربما يعود ذلك لقلة خبرة أو قلة حيلته ..
سوف اذكر لكم بعض تلك المواقف ..
او دعوني اذكر موقفا تلو الآخر ..

الموقف الأول ..
كيف ممكن أن تتصرف مع جارك .. لا ليس أي جار
جار بخيل جدا .. غلس غلاسه الدنيا كلها فيه ( سوري على هذه الكلمة .. بس هي الحقيقة )
يعني تقريبا كل طلبات بيته يشحتها من الجيران
طفره .. كل يوم و الثاني يدق على بيتكم
مب يسأل عنك .. شان زين
يسأل اذا كان عندك ( رز - دجاج - ملح - سكر - فلفل -... الخ )
هذا عن أغراض المطبخ ... و عمره ما يستحي
ترده مرة و مرتين وعشرة
ابد بو طبيع ما يوز عن طبعه
و للحديث بقية

بس اشلون تتصرف معها


الله لا يبليكم بواحد مثله
يا كافي الشر

[بروكسي]

عـــــــــــــــــــــــــــــــــــــادي

افتح بقالة عند بابكم واحط فيها هندي

وحط كل شيء زر سكر ملح فلفل ... ولا تدري قول للوالده شنو اغراض المطبخ وحطها بالبقالة وخلاص :)

واذا ما نفع

روح لأي محل واطلب نورتن 2000 لأن هذا شكله فايرس

وآخر حل تسوي فورمات :)

[شوق الامارات]

ما اعتقد ينفع معاه .. لا بقالة و حتى سوبر ماركت

و لو كان فايروس .. فما اعتقد نورتن 2000 يجيب فايد معاه

بس الفورماتنج .. شكلها راح تكلف وايد .. و الخساير اكثر من الفوايد ..

تحياتي لك
اخ بروكسي
و الله لا يبليك في واحد مثله

[تفاحة]

بروكسي هذا ما ينفع معه بقاله //
لان لو فتحت بقاله عند بيته //
يطق بابك مايبي غرض لا //
يقول لك عندك سلفه اشري فيها من البقاله :(
الحمدلله ما عندنا مثل هالجار اللهم لا يبلانا //

تحياتي //

[شوق الامارات]

هلا بفاكهه سوالف

والله صدقتي .. ما استبعدها عليه .. يسويها .. الا و يشتري على حسابك بعد ..
الله لا يبليكم فيه ..
بس ما قلتي لي شو اسوي فيه
لا تقول اقفل المطبخ .. تراها حيل قديمه ..

ليت احد يقول لي شو اسوي
و دي اطفشه
و الله شكلي انا اللي طفشت

تحياتي لج

[ناظج]

هلا بك اختي شوق

والله مشكلة وش هالجار العله , شوفي وانا اخوك المواجه احسن حل, اذا جاء مره ثانية قولي له الوجه من الوجه ابيض تراك غثيتنا كل يوم رايح وجاي مصارت هذي الشغلة طراره , اذا انت جاي زيارة فحياك الله , اما اذا بتجينا عشان الطراره فلا اشوفك وجهك عند بيتي ,........, مادري احس انها صعبه شوى, هل تقدرين علي هالشئ , تبي منك الجرائه.


الله يكون بلعون هذا جار....!!!!

تحياتي لك شوق:)


نــ:)ــاظج

[تفاحة]

هذه ما يبيلها جرأه وحده //

يبيلها جرأة مقاس XXl

والله فشله اقول كذا لجاري

الا احمدي ربك جار يطلب منك
تكسبين اجر فيه ولا جار تكسبين اثم فيه

تحياتي //

[شجون المحبه]

المثل عندنا يقوووووووووووول ........

كلمه تستحي منها بدها .....:)


كل التقدير والاحترام لك عزيزتي ...

[شوق الامارات]

هلا اخوي ناظج

على العموم هو مب جاري .. لكن هو جار وحده عزيزة على قلبي .. وهي وايد تشتكي منه ومن عائلتة .. و استأذنتها عشان اتكلم عن مشكلتها مع هييك جار .. وهذا انا اطرح عليكم موضوعها ..

اذا عن الكلام وجها لوجه .. ترها مسألة صعبة وايد .. فوق ما تتصور .. تخيل تقول لجار مثل هذا الكلام .. على الرغم انه يستاهل .. بس للأسف الجرائة مفقودة في مثل هييك مواقف ..

[شوق الامارات]

تفاحه

أي أجر ..
أنا معاج ناخذ من وراه اجر .. بس مو لدرجة انه كل يوم و الثاني هو داق علينا وما عنده غير انه يطلب و يطلب و يطلب وبس

و اذا قلتلك انه صاحبه اللي كان دوم يعزمه على العشا .. و روحاته و جياته معاه .. في يوم و مرض و استمر مرضه قرابه شهر و يمكن اكثر .. قول لي يسأل عنه أو يكلمه لو بالتلفون .. ابد ولا كأنه كان بينهم عيش وملح ..

طيب اكسب فيه ثواب .. شو رايج تكسبين فيني ثواب و تقول لي كيف نتخلص من هييك جار ..

[شذى الورد]

شوق.....

الباب اللى يجى منة الريح اسدة بالترباس واستريح

واللة ان الفضول مقطعنى تقطيع ابغى اعرف كيف التصرف مع هالهمج

[شوق الامارات]

المثل هذا موجود عندنا

هو ينفع مع اغلب الناس الا هذا

لو قلت و زدت فيه ما راح ينفع معاه

لو تعرفيني احنا اشكثر سوينا و اشكثر قلنا

لكن بدون فايده

[شوق الامارات]

اي باب ..
ياريال لا خلينا باب و لا شباك الا وسديناه مو بس بالترباس الا بكل الطرق ..

لكن شو تقول غلاسة ...

و اذا كان الفضول يذبحك
فانا اعيتني قلته الحيله .. لو تعرف كيف اتمنى اوقف هذا الجار عند حده .. او حتى اكسر خشمه ... او ... والله اشياء وايد .. ودي فيها ..
اكيد راح تقولون وش هالشر
بس لو تعرفونه ما راح تلوموني
الله يغنيكم عن معرفة هييك ناس


تحياتي لكم
اختكم شوق

[الروح]

ولاااااااا يهمج ...

امسكي ويهه ..
وقوليله : الحيـــــا نقطة ! :)

عــــــــــــادي ..
" أشك إنه بيفهم ! " :(

[شوق الامارات]

هلا بالروح

تصدقين ناس وايد قولوا له مثل هذا الكلام و اكثر ..

كان يزعل يوم بالكثير ..

و ترجع حليمة لعادتها القديمة ..

ولا كأنه صار شيء ..

[شوق الامارات]

يعني ما فيه احد يعرف يتصرف ما مثل هذا الرجال ..هو و عيلته ..

-------
فعلا موقف صعب صعب جدا ..

المهم راح اقولكم اخر تصرفاته

و اتمنى اني القى عنكم الحل ..

المهم آخر تصرفاته .. كيف اقولها هذه .. و الله شيء يفشل .. بس لازم اقول ..

من كم يوم كان هذا الريال في السوبر ماركت اللي جنبنا و كان هناك واحد من الاهل .. شفا هذا الريال يشتري اغراض وايد .. و استغرب .. يعني من متى هذا يشتري بهذه الكميات .. قال يمكن سبحان الله .. يغيير ولا يتغيير .. على العموم قال لازم اشوفه شو بيسوي .. المهم صاحبنا ( اللله لا يقول يكون صاحب أو حتى .. ) المهم انه بعد ما لف على السوبر ماركت .. راح عند المحاسب و المفروض انه يدفع الحساب .. لكن مستحيل ...
تعرفون شو اللي صار ..
امممممممممممممممممممممممممم
طبعا انا اتوقع من هذا الريال اي شيء ...
بعد ما حاسب و عرف قيمة الاغراض .. قال لراعي المحل سجله على حساب ..... ( مب احسابه هو .. على حساب جاره )
و طبعا هذا الجار ما يدري شو السالفة ..
و اليوم راح يدفع احسابه .. طبعا نحن في اول الشهر ..
اول ما عرف بالفاتورة .. استغراب .. قال معقولة انا اشتريت بهذا المبلغ .. ( ياغافلين لكم الله )

---------------
اعتقد انها غلاسه ما بعده غلاسه ..

[رزونة]

اين انت يا شوووووق :)
اشتقت لك ادور عليك وانتظرك صار لي فترة وينك يا حياتي :)