وجــــودك ومــــوتـــــك ..............

[منال]

" قـــــــــــــــــــــــــــــــــــرف "





أقــــرف منك ومن وجودك ومن خستك ودناءتك

يا من بعت الثقة واشتريت بها الخيانة

يا من قايضت نفسك من أجل لا شيء



فليمت كل من اشترى الــــــقـــــــرف والــــدنـــــاءة

وليعش في عالمه البشع والقذر حتى يموت ملوثا بالـــــقـــــرف

فوجودك لم يكن سوى ســــقـــــم مـــــقـــــرف لبني جنسك

وموتك لن يكون سوى ثقل مـــــقـــــرف في حفرة لا تستحقها



فما انت الا قــــــــرف × قــــــــرف




وا أســــــفـــــاه

[khalid99]

اذا كان رجال!!!

اعتقد انه راح يقرف حتى من نفسه

[ma3gool]

لا حول ولا قوة الا بالله...:) وشفيك عسى ما شر!!!!

[خالد عبدالرحمن]

كلامك قوي ومثل الصخر واذا عندك ثقه بنفسك وماعندك خوف من اي شي قولي تقصدين مين

[منال]

khalid99


لو كان رجال كانت بتهون السالفة شوية :(:(


*********


معقول


السالفة اني اعرف وحدة واعتبرتها اخت عزيزة وكنت اعرف من فترة

انها تكلم واحد من الشباب الفاشلين ،، حاولت اقنعها ان اللي

تسويه غلط ويمكن يؤدي لاشياء لا تحمد عقباها وكانت تقول لا ما بيصير



اليوم اكتشفت ان السالفة اكبر من تلفون وكلام ،، السالفة تطورت

بينهم من البداية وهي الحين متورطة ، وهو وعلى ما يبدو ما عنده

النية يتزوجها ،،



ابوها كبير بالسن ويؤسفني انه بيوم راح يكتشف سالفتها معاه ،،

والله ولا سوت احترام لشيبة ابوها ولا راعت كبر سنه ولا اهتمت بشرفه

ومو بعيدة يموت بالسكتة لو عرف سالفتها

مب عارفة كيف اتصرف معاها

ولا حتى لي نفس اطالع بويهها




*******


خالد عبدالرحمن


شكلك داخل عرض

شوف ردي على معقول




**********



حرام عليكم يا بنات والله


حرام اللي تسوونه باهلكم ،، قسما بالله ما يستحقون عمايلكم هذي


والله يمهل ولا يهمل ،، الدنيا دوارة وعيالكم راح يردونها لكم



حـــســـيـــبــــكم الله :(:(:(:(

[بروكسي]

اف اف اف شالحجي

منال بس اهي ما تستاهل تقولين كل هذا

أدري الواحد يتأثر لمن يشوف هالسوالف او يسمع عنها

لكن لازم ادورين الحل واذا مافي حل تنسين المشكله

احسن من التعب والتفكير فيه

لا تفكرين بالي صار .. فكري بالحل

الله يعينج :(

قلوبنا معكم اصواتنا معكم كيبورداتنا معكم ايميلاتنا معكم :(

[الصواعق المحرقة]

منال… الله لايحرمك الجر والمثوبة..
تصدقين إنه في العام الماضي كنت مع الإخوان في أحد الهيئات وذلك في رمضان شرفه الله…وكنت أراقب بعض النساء العاهرات… في أحد أسواق الرياض والشاذات..جنسياً…أكرمكم الله.. المهم كان الكلام هذا … بعد صلاة التروايح… نزلهم الليموزين… صاحب المصايب!!… وراح.. بعدها البنات تفرفن وكان عددهم 3
ثنتان خوات والثالثة… الخالة( الداشرة)
راحت وحدة وكلمت ( صاحبها.. أهل الحنا…….!! أكرمكم الله.. حتى جاء… ثم ركبت لليموزين
… وقالت لليموزين إتبع هذه السيارة…
وتبعها اللليموزين…وبعد ملاحقتهم….
تمكنا من القبض عليهم ولله الحمد والمنة… بعدها نزلت البنت في مركز الهيئة وهي متلبسة…. بفعلها الشنيع… قلت لها..
لماذا فعلت هذا وماسبب ذلك؟
قالت والله: سببه الدش!!!!!!!!!!!!!!!
نعم سببه الدش… الذي ضيع كثير من نساء المسلمين..
ولاحول ولاقوة إلا بالله تعالى..
هذه قصة عابرة… التي حصلت لي… وهناك من القصص مايشيب الرأس من ذكرها والله!!!

[الصواعق المحرقة]

منال… الله لايحرمك الجر والمثوبة..
تصدقين إنه في العام الماضي كنت مع الإخوان في أحد الهيئات وذلك في رمضان شرفه الله…وكنت أراقب بعض النساء العاهرات… في أحد أسواق الرياض والشاذات..جنسياً…أكرمكم الله.. المهم كان الكلام هذا … بعد صلاة التروايح… نزلهم الليموزين… صاحب المصايب!!… وراح.. بعدها البنات تفرفن وكان عددهم 3
ثنتان خوات والثالثة… الخالة( الداشرة)
راحت وحدة وكلمت ( صاحبها.. أهل الخنا…….!! أكرمكم الله.. حتى جاء… ثم ركبت لليموزين
… وقالت لليموزين إتبع هذه السيارة…
وتبعها اللليموزين…وبعد ملاحقتهم….
تمكنا من القبض عليهم ولله الحمد والمنة… بعدها نزلت البنت في مركز الهيئة وهي متلبسة…. بفعلها الشنيع… قلت لها..
لماذا فعلت هذا وماسبب ذلك؟
قالت والله: سببه الدش!!!!!!!!!!!!!!!
نعم سببه الدش… الذي ضيع كثير من نساء المسلمين..
ولاحول ولاقوة إلا بالله تعالى..
هذه قصة عابرة… التي حصلت لي… وهناك من القصص مايشيب الرأس من ذكرها والله!!!

[ناظج]

لا حول ولا قوة الا بالله

والله قرف , بعدين انت ماعليك اي ذنب سبق وان نصحتيها , الله الهادي

حاولي ان تجدي مخرج لصديقتك مع هالفاشل , بحيث ان يتزوج البنت ويستر عليها

تحملي صديقتك شوي علشان لا تقع في مشكلة اعظم من مشكلتها وتجدون لها حل

الله يكون بعونك ويحفضك من كل شر يارب

تحياتي لك اختي منال


نـاظـج

[شجون المحبه]

الله يستر على الجميع ...

وان شاءالله تقدر صاحبتك ان تقنعه ويتزوجها ..

والله يستر عليها وعلى بنات المسلمين دنيا واخره ...

[unique]

هلا منال :)
هذا نوع من ابشع انواع الغباء في بعض البنات
تضيع شرفها ونفسها واهلها
وتصدق اي احد يلعب عليها
بس المفروض انك توقفين معاها
لانها في ورطه :(


حسبي الله ونعم الوكيل

[هفوف الخواطر]

في أحيان كثيره ..

تكون هذه هي النتيجه الحتميه لمثل هذه


العلاقه

لا تتأسفي على شيء ..

لأنها هي التي اختارت طريقها ....


الله يعين أبوها بس..

وبعد ..حرام الله يستر عليها دنيا وآخره

[تفاحة]

اللهم استر على عبادك المسلمين //

وين اخوان هالبنت ؟؟؟؟؟؟؟؟؟ :(

[القط الوردي]

ألاخـت الفـاضـلة منــال
كـم اتمـنى انـك توقفي
بجـانبها وماتتركيهاالى
ماتستطيع حـل مشـكلتها
وبعـدهايمكنك عتابها.
أرجـوا أن تفعلي ذلك
رفـقـاًبوالـدها.

[ريانة]

عزيزتي معاك حق انك تستنكرين وتكرهين تصرفها

بس الغلط انك تتركينها....هذا نوع من الخيانة

المفروض انك صاحبتها توقفن معها وتنصحينها....في مثل هذا الموقف

ينشل تفكير الانسان واكيد بتكون تصرفاتها عشوائية وخاطئة

المهم اللي اقصدة او تنصحينها حتى تمر المشكلة وتعدي بأقل خسائر

ممكنة وبعدها تنصحينها ... في الوقت الحاضر صعب تتحمل اللوم

اكيد هي عارفة غلطتها... وانت عليكي توقفين معها حتى زوال المشكلة

هذي الاأخوة الصحيحة وبك كبير يعفو ويصفح

بكرة تذكيرها وتنصحيها وانا متأكدة انها بتتعض وتندم...واكيد

بعدها بيقوى الإيمان في قلبها

واخيرا...اعذريني للإطالة:)

[وعد]

أنا عندي سالفة مشابهة لهذي السالفة
إسمحيلي أعرضها لج
***********************************
أنا عندي (صديقة)
صار لها نفس الشيء، لكن المختلف إن أختها(عرفت بسالفتهابعد
ماصار وأستوى كل شيء..... )
**********************************
وبعدين عقب ما عرفوا أهلها بكل شيء(وعقب ماهي أعترفت إن أختها تعرف بالسالفة) أهلهاصاروا ضد إختها بعد،ليش....؟
علشان هي سترة على الموضوع عقب ما صار كل شيء؟
أبغي أعرف شو الفايدة من الأعتراف عقب ماطاح الفاس فالراس
**********************************
ومسكينة أختها والله
قالوا عنها (إنها مب شيء ، وإنها يمكن تسوي مثل هذا الشيء
(مثل مايقولون مب غريبة عليها)
هذا كلة لأنها سترة على أختها
أو لأن صديقتي حلفت أختها إنها ما تقول
وطبعا الأخت بما إنها حلفت ، شيء طبيعي إنها ماتقدر تقول إلي
سمعته:(:(:(
********************************
ومسكينة أختها روحها أنصدمت
********************************
والله أنصدمت:(

[دموع حائرة]

مرحبا منال :)

وا اسفااااااااه
بقووووووووووووووووه ..

تحياتي ..

[منال]

اذا هي ما تستاهل نقول عنها كل هذا

منو في رايك اللي يستاهل نقول له هالكلام؟؟؟؟


والله انها تستاهل اكثر من هذا


وبالنسبة للحل ..........


ما ادري.......

[منال]

والله لا يحرمنا ويحرمكم خير الجزاء


وبخصوص القصة التي ذكرتها

اتعتقد حقيقة ان السبب هو الدش؟؟؟؟؟


الملايين منا لديه هذا الدش


فهل يعني هذا ان الملايين منا قد يقدم على تلك الكبائر


لا اعتقد ابدا

[بروكسي]

لا منال ما فهمتي قصدي

انا اقصد اهي ما تستاهل حتى تتحجين عنها

يعني اهي كلها نكره


هذا قصدي :) :)

[منال]

ناضج


ما منه فايدة يا اخوي

وانا ما اقدر اسوي لها شي على الاقل من جهته هو

كيف ممكن اساعدها علشان يتزوجها هالفاشل



*******


شجون المحبة


الله يستر علينا وعلى بنات المسلمين كلهم



******


يونيك



اوقف معاها وليش لا

بس شو بايدي اسويه لها الحين

ومثل ما قلت هذي غبية وشكلها ما راح تفهم نصايحي لها



*******


هفوف الخواطر


والله اللي كاسر خاطري بالسالفة كلها هو ابوها وبس

اما هي ما تستاهل



**********


تفاحة



اخوانها ما يدرون عنها هي طلعت ذكية بشغلة وحدة

وهي قدرتها الغير عادية اخفاء هذا الامر عنهم اكثر من سنتين




*********


القط الوردي



ما اقدر اتحملها والله العظيم

على الاقل في الفترة هذي لاني مصدومة حيل منها



***********


ريانة


والله اني شفتها اليوم

ولا فكرت اقول لها كلمة عتاب وحدة

اللي سويته بس اني تعاملت معاها عادي حتى اقدر افهم كيف صار هالشي وعلشان اعرف اذا هي عندها النية لتقبل النصح


اشكرج اختي الكريمة



************


وعــــــد


ما فهمت السالفة عدل


؟؟؟؟؟؟



**********



دموع حائرة



اهلين اختي


وا أسفـــــــــــاه :(




*********


بروكسي



فهمتك الحين :)


بس لازم اقول سالفتها

علشان يتعظ الغير من هالقصة


وانا مفكرة اطبع لها الموضوع مع الردود علشان تقراه


ويمكن تاخذ بنصايح الاعضاء

[بروكسي]

الله يعينج ويعطيج على قد نيتج ;)