يالله ساعدوني في تأثيت بيتي ...

[النابغة الطائي]

السلام عليكم
خطبة وخطبنا
ملكة وملكنا
وبيت ما أثثنا
وباقي الأفكار عليكم ...
ــــ
أذكر سعودية وعدتي .. يالله وين الأذواق .. وين موزة وبياع ونجمة وشبوحة وسردال ومدردش وشمعة و الفرزدق وووو.. كل الأخوان والأخوات ..
تروني مرة متوهق .. أبي بالتفصيل الممل من الباب إلى النافذة
لا تخلون شيء من الألوان والأشكال وحتى إذا فيه مواقع للمطبخ والغرف أو بعض الصور حطوووها .. .. أنا أحب الإبداع ..
بس لا تكثرون علي ترو فلوسي هه يعني ماهي واجد .. بس تكفي لتأثيث شقة .. وأستفيد منها مستقبلاً ..
( للمعلومية )
في الشقة أنا وهي :) وبس ..
أدركوني .. بارك الله فيكم ..:)

[سردال]

صحيح إن النساء أقدر منا في هذه المسائل لكن لا أدري لماذا أحب تعلم هذه الأشياء! التاثيث وتنسيق البيت وغيره من الأمور المتعلقة بها.

أخي الكريم نصيحة مني خذها ولن تخسر :) الأثاث العملي والجميل هو الأفضل، لا تشتري أثاث لأنه جميل لكنه غير عملي! فهذا سيكلفك الكثير، وحاول بقدر الإمكان أن تخطط وتكتب على الورق ولا تعتمد على ذاكرتك أبداً :) إسمعها مني تراني مجرب 4 سنوات هذه النصائح :).

وشاور الزوجة أولاً وأخيراً فهذا خير لكما :) في كل صغيرة وكبيرة وكل التفاصيل ولا تمل لأنه تأثيث بيت مو لعب عيال :)

وأنصحك وقد تستغرب من هذه النصيحة! الأثاث الأوروبي عملي جداً وجميل جداً وأنا أفضله على الأثاث العربي الذي يحبون الزينة فيه أكثر لكنه غير عملي أبداً.

عندي مكتبة ومكتب ومجموعة أدراج ومرآة كلها صناعة أوروبية، السرير هو الشيء العربي الوحيد، صناعة محلية :)

[نجمة المساء]

فعلا الاثاث العملي اهم شي

يكون عملي بالاضافه الي بساطته والالوان الهادئه مثل " الازرق الفاتح ، الاخضر ، المشمشي ، البيج

[النابغة الطائي]

صراحة نصائح جميلة . وخاصة المتابعة على الورق ..
طيب لماذا السرير عربي ولاتنسى أن غرفة النوم مهمة ..

نجمة المساء ..
حبذا لو تتوسعين خاصة في الألوان .. لأن ما عندي خبرة وأنا أخوكي ..

[سردال]

سلمك الله السيرير عربي لأنه يتحمل وزني وبعدين السيرير الأوروبي ضعيف ومخصص حق ناس أوزانهم خفيفة :) ويتكسر بسرعة وهذا من واقع تجربة :)

أقولك! عنيد لعبة جميلة شوي! لكن لازم تكون جدي معاي! جيب علبة ألوان من أخوانك الصغار، وجيب دفتر ألوان واقعد شخبط وشوف كيف الألوان تتناسق ولا ما تتناسق! شوف شو الألوان اللي تركب مع بعض! صدقني ما راح تضيع وقتك! شوي تشغل مخك وشوية تتعلم شيء جديد :) وتراني ما أمزح... هذا تمرين أقدمه في دوراتي حق المتدربين

[نجمة المساء]

افتح موقع فيه الالوان والاثاث وتاخذ فكره عنها بالاضافه الي تشبع عيونك في الاشياء الحلوه وتقدر انك تختار بشكل صحيح

[الفرزدق]

بالنسبة للأثاث ياعمدة ،،،
سأعطيك هذه اللسته ،،،

1- كنب
2- دروج
3- طاولات
4- مكتبة
5- ثلاجة( العدد 2)
6- مكيفات ( العدد 6)
7- غسالة
8- جهاز حاسب ( العدد 2)
9-فبدبو
10- شاشة
11-جهاز تبريد الماء
......
......
......
البقية بعدين ،،،

وخلنا نروح للمطبخ ،،،السالفة كلها هنا ،،،
عندك 4 زمزميات ،،، وفناجيل وكاسات ،،، وخمس أسطوانات ،،، والفرن والملاعق والصابونات ،،، والشوكة والسكاكين والبهارات ،،،وووووووووووووو

سأحسبها لك فيما بعد ،،، واحضر لك التكلفة ،،،
يمكن تتجاوز 20000ريال سعودي( ريال ينطح ريال:))

[النابغة الطائي]

لكل من سردال ونجمة والفرزدق ..

[unique]

مساء الخير :)
على البركه الملكه والله يوفقك :)
مع انك ما طلبت مشورتي
لكن بقدم لك بعض النصائح واتمنى انك تاخذ فيها لانك ما راح تندم
اختار الاثاث الكلاسيكي في المجالس الرسميه وبالوان داكنه
ويدخلها الخشب البني الغامق والالوان مثل زيتي عنابي كموني
لان عادة المجلس رسمي لازم يكون كلاسيك مو موديرن
وموضة الكلاسيسك ما تروح نهائيا
عند شرائك للاثاث اختار النوع الجيد حتى لو ثمنه مرتفع لان الاثاث بالذات اذا كان نوع الخشب ولونه وقماشه جيد ما يخرب بسهوله ويقعد عندك فتره طويله
والانواع الرخيصه فيها نوع من المبالغه ولا يوجد فيها دقه وسريعة الخراب
الصالون ممكن يكون مودرن بس ما يكون فاشن لان الفاشن موضته تتلاشى بسرعه وبعد سنه ممكن يصير قروي
لا تتبع الموضه في الاثاث اختار الكلاسيكي لانه هو الباقي وهو الاجمل والمريح
غرف النوم ايضا افضل انها تكون كلاسيك ولكن بالوان افتح مثل الزهر على بيج او الناري او الاصفر الداكن
وبراحتك :)

[النابغة الطائي]

عفواً والله نسيتك ..
وأنا ذكرت كل الأخوات بشكل عام ..

مشورتك طيبة جداً .. وأتمنى التجديد في أي فكرة من ناحية التأثيث ..
وبالنسبة للأسعار .. فأنا ما أعرف شيء أبد ..

[unique]

هلا النابغه مو مشكله :)
انت اخو ونساعدك بقدر ما تريد
اذا انت ساكن في الرياض ممكن اعطيك عناوين محلات اثاث ممتازه ورائعه
واسعارها حلوه

[مدردش متقاعد]

بس ما قلتلنيا البيت ملك و لا مستأجر؟ و إذا كان ملك هل ابنى و لا بعده؟ و هل هو فيلا و لا صندقة.. قصدي شقة؟:)

عموما أنا أتفق مع سردال.. الأثاثا الأوربي بسيط و أرقى.. تسالني ليش؟ لأني شفت البيوت في بريطاني.. 4 سنين و أنا أسكن في بيوت مفروشة.. و بصراحة ذوقهم حلو في التأثيث..
أنا بخبرك عن ذوقي و لك حرية الاختيار.. قم باختيار الألوان الفاتحة..في كل شيء لأنها بنضفي على البيت لمسات كلاسيكية رائعة و كذلك فخامة و رونق جميل جدا.. إلا إذا كنت خايف من اليهال الي بيجون قريب إن شاء الله.. يوسخون لك البيت..
فمن المعروف إنه نحنا (ابو عرب) نحب الألوان الغامقة.. ما أدري ليِ.. هل البشرة تلعب دور؟ و لا لأنه أولادنا شياطين و يوسخون البيوت فسيسة التقشف تحتم استخدام الألوان الغامقة..!!

هذا رايي بصراحة.. بس مثل ما قال سردال.. مشاورة الزوجة و أهلها لابد منه..و كل واحد حسب ذوقه:)


تحياتي

[النابغة الطائي]

أيه من سكان الرياض

عطيني كل شيء عنواين ومحلات وأسعار .. وحتى وصلات كمبيوتر إذا فيه بعد .. ومشكورة ( خليني ألقبك لقب .. همهمهمهم..) وجدتها ..تعالي تحت





















عميدة سوالف
بقرار منا تم تلقيب يونيك بهذا للقب برقم اوى /0987 / بتاريخ 24/10/ 1421هـ .. وعلى القارئين تسميتها بذلك ..:)

ـــــــــــــــ
آل دردشة ..
لا شقة مستاجرة :(

ومشكور أخوي على هذه الأفكار ..:)

[النابغة الطائي]

أكرر لازلت أطلب المساعدة ..
هل تسمعونني ..حول ..

[aziz2000]

ياشيخ مافيه أحسن من مشورة الفرزدق .. :p
عطاك زبدة البيت .. :p

الأثاث الكلاسيكي والعملي ..

مشورة يونيك ونجمة المساء ممتازة ..

أما سردال و مدردش خلليهم على جنب ترى بيوهقونك .. :p

تعالي وأشرح لك على هواء الشرقية العليل ..:)

[bint_alriyadh]

اول شي مبروك ماشالله منك المال ومنها العيال..
ثاني شي شف وانا اختك كل انسان وله شغلته واللي اشوفه خذها نصيحه رح للhabitat (المنزل) واطلب مصمم الديكور حقهم خذه لشقتك قله ابيك تصمملي اثاث وديكور مناسب اذا اسعارهم صارت مو مناسبه قلهم ابي اشتري التصميم حقكم عاد لا اوصيك بالاسلوب السنع كذا تضمن تأثيث حلو من ناس هذي شغلتهم واختصاصهم.

[unique]

هلا النابغه :)
وشكرا يا خوي على الاسم القوي هذا :)
شوف عندك المنزل الي في شارع العليا العام
صراحه اثاثه رائع
ملاحظه الدور الاول غالي يمكن
لكن اطلع الدور الثاني اسعاره خياليه واثاثه حلو جدا

عندك اي دي ديزاين
في شارع الامير عبدالله بجانب ايكيا على طول
اثاثه حلو واسعاره حلوه

ايكيا لا تقربه مو عملي كثير

شارع التحليه كل المحلات الي هناك حلوه بس غاليه
بس في واحد اسعاره حلوه من ضمنهم تلقاه بينهم

البيوت الامريكيه صراحه اثاثهم رائع واسعارهم حلوه وفي تقسيط كمان :)


ولا تغرك الاسماء ممكن تكون ماخذ فكره انها غاليه او يقولون لك يوه غاليه مره بس لما تروح تلقى قطع حلوه واسعار كويسه وفي نفس الوقت عمليه وما تخرب بسرعه


واي مساعده حنا بالخدمه :)

[سعودية]

الحين راح اقولك على اسامي وانت رح واتفرج وخذ فكرة وعلى ذوقك واعتقد انه من الأفضل انك تخلي ملكة البيت هي تنقي ..

اذا كان فيه مشكلة في انها تروح تنقي معك ممكن انك تشاورها ..

يعني هي تروح تشوف وانت تروح تشوف وتتفقون مع بعض مين الأفضل واللي يناسبك في السعر والذوق ..

اسفة للتدخل بس مجرد اقتراح :)

الأثاث :

المنزل 4659877 غالي نار بس اثاث رائع

معرض 80 4645823 تلاقي عندهم خطوا المرات بس اذا لقيت تلاقي قطعة ما فيش اختها

المفروشات الراقية 4656397

العبد اللطيف 4119745 ما عندهم حالياً شيء جيد مرة بس فيه افكار وتقدر تاخذ بالتقسيط بدون زيادة غير معقولة

البيوت الأمريكية للمفروشات 4659141

قطان وانعم للمفروشات 4648367 عندهم اثاث رائع بس غالي شوي لا والله كثير بس فيه افكار ممكن النجاريين يسونها لك يعني بعد ما تشوف الفكرة تاخذ النجار لهناك ويطبقلك التصميم

المطلق 4850051 عنده اثاث رائع واسعاره ممتازة وعنده اشياء زينة ها الأيام

وردة الصالحية 4627784 غاليين موت بس عندهم افكار حلوة وعندهم اخر الصرعات والموضات وتقدر تخليهم يصممون لك اذا بغيت تعدل او تزيد في الغرف او عندك فكرة لأثاث معين وهنا اسعارهم معقولة

اي دي ديزين ما اعرف الرقم بس راح احاول اجيبه بس في الدورين تلاقي افكار تناسب مساحات صغيرة مثل شقق واثاثهم جيد ومتين وراقي ويواكب الموضة وعندهم قسم خاص للتصميم والوانهم دائماً رايقة
عنوانه قالته لك يونيك هو جمب ايكيا اللي في طريق الجامعة وعند ايكيا جنبهم كوكيز " بسكوت " ياخذ العقل مر عليه :)


ادوات صحية وبلاط سيراميك :

حاول ما تحط موكيت في الصالة والمجالس لانه ما يناسب السعودية " اسأل مجرب " بس له عيب ما يناسب تتعب ملكة بالغسيل للبلاط :) جب شغالة :)

حط سيراميك راقي وعملي ويعطي للبيت مساحة وسعره ما يفرق عن السيراميك ولا تقول ايجار لانه نفس الشيء هنا ولا هناك ..

مؤسسة الفدا التجارية 4630021 - 4023811
لها فرعين في التخصصي واحد والثاني في الغرابي
قمة في الذوق والأناقة والروعة وأسعارهم بالنسبة لبضائعهم ممتازة
وعندهم افكار في السيراميك الأدوات الصحية عموماً وراح تلاقي طلبك عندهم بس لا تروح لهم اول شيء علشان ما تقول بعد كذا ما في شيء عاجبني ..


مؤسسة نجم ابا حسين 4880825
حلو السيراميك والأدوات الصحية اللي عندهم واسعارهم جداً رائعة

مؤسسة عالم البلاط 4470692 - 4568957

معرض شيخ المغاسل 4886063
عنده كتولجات جديدة وتقدر تطلب طلبيات اللي تبي وتجيك بسرعة بنفس سعر السوق ..


ادوات منزلية :

مؤسسة الأمل للأدوات المنزلية 4596493 - 4562554
عنده افخم الأطقم والأدوات المنزلية واسعاره معقولة جداً وعنده تجديد بإستمرار وتلاقي ناس افخم عرض ولكن ليس افخم سعر

شركة الحسين والعبدالكريم للتجارة 4850176
موجود بجنب الأمل اللي فوق وكلهم في نفس المستوى وتلاقيهم في العويس ومعهم شلة من المحلات

العبدالوهاب للفضيات والكريستال والتحف 4646072
ارقى اواني وفضيات في المملكة بس غالي وما ينفع انت تنقي لازم ملكة علشان هي تعرف وش فيه وش يلزم

محل العيدي للأدوات المنزلية 4562652
تلاقي عنده الرفايع على قولة المصريين يعني السكاكين والشوك والكاسات والذي منه

معرض السيف 4583043 - 4595507
عنده الأباريق والدلال قمة وتستحمل وتعيش وعلى الموضة واذا كانت ملكة ما تعرف تسوي قهوة مثلي اول ما تزوجت تنفع معاها :)
فيه السيف اللي قبال حديقة الفوطة هذا فرع من فروعهم عنده تخفيض بإستمرار بس ما اعرف رقمه بس اسألهم وهم يقولونلك :)


أضاءة :

احبذ انك تحط سبت لايت " او لمبات مدورة محطوطة بالسقف تعطي جمال واضاءة متوزعة وعلى الموضة واسعارها مناسبة جداً
وتاخذ الثريات من الأشكال المصغرة للثريات الكبيرة اللي في القصور وتحطها في اماكن الضيوف ..

النور والبلور 4980002
افينولايت 4767574
مؤسسة سيف الجزيرة للإنارة 4626110
اضاءة على اشكال اسلامية مثل اللي تشوفها بالحرم المكي


بطانيات ومفارش :

معرض التوفيق 4027681 - 4052624 - 4032310
عنده بطانيات مركات عالمية وصناعة جيدة وهو يبيع جملة بس اذا بغيت يعطي مفرق بسعر الجملة ..

باهبري اللي موجود بمركز نجود ما اعرف رقمه بس احاول ادورلك
ماركة كانون للمفارش والمخدات والملايات وبضاعته جيدة بل ممتازة واسعاره رائعة ..

المتحف الوطني للمفروشات بالعقارية الأولى الدور الأرضي
مفارش جداً راقية وممتازة اسعارها شوي غالية بس تستاهل



دهانات او الطلاء او البوية :

اصباع همبل وهي اصباغ جداً رائعة وقوية ويمكن انه تتنظف يعني اذا اتوسخ الجدار تمسح او تغسل بدون ان يتسبب ذلك لها باي تلف
ويمكن يورونك بالكمبيوتر الألوان على جدرانك بعد ما توريهم الأثاث والبيت


البخور:
عبدالصمد القرشي في عمائر السيركون

الماجد ما أعرف رقمه بس اجيبه لك ويوجد في طيبة


الثلاجة والفرن :

الثلاجة : ويستنق هاوس من عند شركة ابراهيم شاكر المحدودة للتجارة 4628621

الفرن : Glem Cas
وتلاقيه عند كل اللي يبيعون افران

غسالة الثياب : ما لقيت الى الحين اللي يبرد الكبد كله ترللي اذا لقيت قلي :)

المكنسة الكهربائية : هيتاشي اللي صناعة يابانية وسعة 17 لتر وفيه منها الوان اختر اللي تناسبك



شكلي قراقت واجد وصجيتك بس عساك تستفيد :):)

اعذرني ان جاء مني قصور والله اللي قدرت عليه كتبته:)

اذا نسيت شيء وتبي اقولك عليه وفادك ان كنت اعرف قلتلك وان ما كنت اعرف سألتلك بس صدقني كل اللي قلتلك مجرب :)

تحياتي لك والله يوفقك :)

[سعودية]

والله يوم شفت اللي انا كتبته بعد ما ارسلت الرد خفت..

السموحة ترى موب قصدي :):):)

[فتى الامارات]

^1
روح للمهندس المفروشات
افضل لك

[النابغة الطائي]

عزوز
أنا جاي لك ... بس أكتب أبي أطبعها وأحتفظ بالردود للفائدة ..


بنت الرياض
الله يبارك فيك ويجزاك الله ألف خير


يونيك + سعودية
أنا والملكة نقول لكما الله يفتح عليكن كل دروب الخير ... والله يهنيكم في الحياة الدنيا والآخرة ..

( الملكة ) تقول لكما ... والله حبيتكن من قلب ..:):)





















النابغـ يسأل : ممكن تخيلات لغرفة النوم والمطبخ ووو.. ؟؟ ـة

[سعودية]

النابغة الله يخليك قل لملكة ...

حبتها العافية والله يوفقها في حياتها معك والله يعينها عليك :)

ان شاء الله يوفقكم ربي ويرزقكم الذرية الصالحة :)

تحياتي القلبية لها:)