ملكة جمال السعوديه

[bint_alriyadh]

ذاك هو عنوان المجله التي لاتسعني الكلمات في وصفها...ابتذال ودعوه صريحه للسفور (قطوف) هو اسمها فما رأيكم...المجله برئيس تحريرها ومعدة الموضوع قامت بإختيار ملكة جمال السعوديه وذلك بجمع عدد من الفتيات من جميع مناطق المملكه ثم اخذت مواصفاتهن جميعا وبعد ذلك تمت عملية فرز الاصوات واختيار الاجمل بينهن (طبعا لا نعلم ماهي المواصفات التي يتم اخذها) وبعد تمحيص وتدقيق بالمتسابقات تم اختيار الملكه الموضوعه صورتها بالمجله (سارعوا بشرائها -ترا بتفوتكم) وقد ارتدت عبائة التتويج ومعها باقه من الورد (قسما بالله فشيله) والعيون الفاتنه طالعه وشكلها من ورا اللثام مبســـــــــــــوطه يحق لها ملكة جمال :) ...مجله مثل تلك ماللذي يجب فعله غير منع توزيعها والتحقيق مع رئيس تحريرها..الدنيا صارت فوضى يا جماعه ..بكرا يطلعون miss ksa لا وعالهوا الله يستر بس...

[جرير]

اللهم من أرادنا بسوء فأشغله بنفسه ..

هذه المجله النتنهبعد لا شك في أن أهلها نت دعاة العلمانية والإفساد الذين يريدون أن يظهر التبرج والسفور في بلادنا أخزاهم الله ..

اللهم اشغلهم بأنفسهم يا رب ..


على فكرة .. أحد الأخوة قال لي أمس أنهفي صلاة الجمعة تكلم الامام عن هذه المجلة بالتصريح ودعى عليهم دعاءاً أمن عليه جميع المصلين ..

[اسير_الصمت]

لا حول ولا قوة الا بالله والله شي يقهر .......


لعنة الله عليها من مجله




أخوكم
---------------
أسيــــــــــــــر

[سردال]

هداهم الله.

إن هذا الفعل الغريب على بلادنا "بلادنا وبلادكم كلها وحدة لكن فرقت بينا الحدود، ونحن أخوان :)" هذا الفعل الغريب على مجتمعاتنا يدل على وجود فئة من بيننا تريد فساد هذه المجتمعات، وإلا منذ متى ونحن ننظم مثل هذه المسابقات؟! ثم ما الفائدة من هذه المسابقات؟ ومن يستعرض أجساد الفتيات (وعفواً على التعبير) ويقيمهن؟

سأل الشيخ محمد العوضي "الكويتي" أحد أصحاب هذه المسابقات، عن معايير مسابقات الجمال، فقال بكل وضوح على حسب جغرافية الجسد! يعني يدققون في تفاصيل الأجساد حتى يخرجون بأجمل واحدة منهن.

خابوا وخسروا! إن هذه الأجساد نعمة من الله لا هبة من أحد، إنه شيء لا دخل لنا فيه وهم يظنوه شيء مكتسب يكتسبه الإنسان بعمل وصفات معينة.

أخي أسير الصمت: لا تلعن، لا تكن لعاناً أبداً، فما هذا من خلق المؤمنين.

[ليالي]

شفت المجله الله لا يفضحنا اقول بس
:(
شيء من جد يضيق الصدر

[مجموعة انسان]

اول الغيث قطره:(

شوي شوي وتشوفون المصايب اللي اكبر من كذا:(

ما اقول الا الله يعافي رئيس تحريرها"فهد عافت" والمحرر"الضوي"

والمحرره"مي الحربي" "ضياء" والله ياخذهم...:(

[bint_alriyadh]

اخواني واخواتي مثل هالمواضيع تكون بالبدايه من باب السخريه وعلى شوي شوي نلقا فيه تجمعات ينظمونها بعض هالبنات اللي عقولهم خفيفه وبعدها يكبر الموضوع الله يستر ..بالفعل خطبة الجمعه تحدثت عن هالمجله لانه موضوع ما ينسكت عليه والمسؤولين عن المجله لازم يتحقق معهم ..الله يهدي الجميع

[آهات الليالي]

معقوووووله؟؟؟؟؟ لا صراحه زودوها ما صارت!!!!!كتبوا اسمها؟؟
الله يهديهم بس!!!هذا اللي ناقص ملكة جمال السعوديه ويييييين؟!!الدنيا راااحت وطي!!!!!!!!بعدين ما شا الله جمعوا بنات من مختلف المناطق!!وين اهلهم وين الرادع الديني وين الحياء؟؟؟؟!!!و سعوديات بعد!!!!!وين الفقه و التفسير و الحديث و حصص القرآن وين راحت؟؟ماحد ياخذ مواد دينيه كثر ما ندرس احنا في المدارس و الجامعات و ماشاالله مرررررره تعلمنا و استفدنا!!!

اعوذ بالله!!!الله يستر علينا في الدنيا و الآخره و يهدينا لطاعته و لا يجعل الدنيا اكبر همنا و لا مبلغ علمنا...




آهــــــــ الليالي ـــــــات

[bint_alriyadh]

هلاااا والله وغلاااا باهات الليالي وين الغيباااات كل ذي اجازه يالظالمه اشتاااقتلك سوالف واهلهاااا....يالله عاد عطينااا من السواليف ترا من زمان عنك :)

[الساطع]

يا شباب انا شفت المجلة لكن الرقابة شايله منها اكثر من سبع صفحات ومن موضوع ملكة الجمال شايله صفحتين تقريبا ولا كان شفتوا الهوايل وتلاحظون التمزيق على الصفحة ما يعرفون ولا يشقون
بس صراحة وانا تراي على بلاطة البنت وش رايكم فيها والله يا عيونها انه مووووووت هذا لا قالوا تطيح الطير من السما

[سعودية]

تعبت وانا ادور هالمجلة وما قدرت وين الاقيها يا الشينة يا الدبا :)















بعدين مرة ثانية اذا بتحطين موضوع مثل هذا نار حطي التفاصيل زين:):(























صراحة افكارك المطروحة دائماً قوية و تخلي الواحد يوقف قدامها ويقرأ غصب عنه ...:)


انا ما ابي اقرا موضوعاتك بس عاد وش اسوي غصب :)

[bint_alriyadh]

افا ياذالعلم الملكه ماعندها المجله لالالا ما يصلح وين الوزير مدري النائب مدري الفراش :)شفتي ان اللي معينتهم الله بالخير افصليهم كلهم .

بالنسبه للمجله ياعزيزتي انسحبت من السوق رحت لكذا سوبر ماركت قالوا سحبوها راحت عليك يا كينقه,,,,

وبالنسبه لمواضيعي شرف لي ولها انها تعجبك دانتي البرنسه يا ست هانم:)

بعدين..........

لحظه






لحظه





لحظه





ليش ماتبين تقرين مواضيعي :( زعلت ابي رضاوه<<----رضاوه عباره عن :اتبعي الوصف التالي:
طريق العليا العام يوجد محل اسمه (طبعا انتي بتتوقعين اقول مناسبات مثلا) لاياحلوه :) بيجيك الفردان روحي شوفي لي أحلى ساعه عندهم لاتقل عن تسعين ألف ريال سعودي وبس يمكن ارضى عليك وقتها (كني اشوفك تقولين فري بيتكم كله غرفه غرفه وطقي راسك بكل جدار يجي بوجهك ) ...............

[سعودية]

زعلك ما يرضيني والله :):)

بس هذا غالي والطلب رخيص :)




بس ..














عندي ..


















فكرة ..


















احسن ..

















من الساعة ..























أخلي مناسبات يغلفلك ..























محل الفردان كله ..





















وش رايك موب رضاوه قد المقام :)






















أنت فكري ولا تحتاريين اذا ما جازلك اهديك معوض وفتيحي :)
























واخلي بيت الهدية يغلفهم :):)



















عسى رضيتي :):)

ترى ما اقوى على زعلك :)

[bint_alriyadh]

رضيـــــــــــــــــــــــت بس مو الفردان اللي خلاني ارضى معزتك يالغاليه:)

[سعودية]

تسلمين والله انت اللي غالية :):)














على فكرة حلوة " كنقة " :)

[yazeed6]

نعم يا اخوان الحكومة السعودية وقعت على معاهدة حرية الاعلام ومعاهدة حقوق المراة.... وهذه المعاهدات تدعوا للخنى والزنا والرذيلة...وقد ابدى علماء الدين اعتراضهم على تطبيق هذه المعاهدات وكان من ابرزهم الشيخ سلمان العودة...والنتيجة كانت سجن هؤلاء المشايخ...ولا حول ولا قوة الا بالله.

[bint_alriyadh]

لو ان الحكومه هي اللي موافقه على هالشي كان ما انسحبت المجله من السوق ...مااعتقد انه كلام صحيح...

[squall]

حسبي الله ونعم الوكيل :(
وصلتلنا المهزله بالسعوديه!!!!



وسلامتكم