View Full Version : صباحات شرقية ( 56 ) حطوا الواو ...
بياع القلوب
15-03-2001, 03:20 PM
سؤال ربما الغرض منه مفاجأة المسؤول...
والحصول على إجابة سريعة عادة ما تكون الطرافة ميزتها .
من هنا نطرح هذا السؤال البسيط...
*********
ماذا لو كنت مالكاً لقناة فضائية؟
وهذه بعض الردود من بعض الشباب
وما هو تعليقكم بعدها ؟؟ :):)
بحاول أراضي جميع الأذواق.
*********
سوف أجعلها اسلامية بحتة.. والله أعلم.
*********
بخليها مشفرة.. والاشتراك مجاناً.
*********
بخليها من أول موظف الى آخر موظف «حررريم».
*********
نهاية كثير من القنوات بتكون على يدي.
*********
بطلع كل عيال حارتي فيها بفيديو كليب.
*********
ويكون مقرها في لبنان يا سلام أحلى شيء.
*********
الحين أنا ما أملك نفسي قدام ها القنوات الموجودة وشلون لو صرت أملك قناة.
*********
أبسوي برنامج يهتم بالصحة والرياضة ويكون اسمه «ما إلك إلا مرزوق».
*********
بخلي اليّ ما يشوف يتفرج.. بس بأدب.
*********
بسلط الضوء على القضية الفلسطينية على مدار الساعة.
*********
بأمتحن الناس بالفروسية.
---------------------------------------
والان وش ردودكم ؟؟؟
تحياتي
al_hairan
15-03-2001, 03:51 PM
اخي العزيز يباع القلوب
انا بعمل فيها برنامج عن التطوير
وبخليك مذيع فيه
وبعمل فيها ؟؟؟؟؟؟؟؟؟؟؟؟؟ والله شي يحير فعلا
ببيعها لصالح كامل
هاهاهاهاهاهاهاهاها
بعمل برنامج يومي عن النادي الاهلي
وبعمل فيهاااااااااااااااااااا؟؟؟؟؟؟؟؟؟
والله فعلا حيرتني فوق حيرتي يابياع القلوب
اخوكم أ ؟ ل ؟ ح ؟ ي ؟ ر ؟ ا ؟ ن ؟
http://uk1.maktoob.com/forums/upload/06.gif
بياع القلوب
15-03-2001, 03:55 PM
هلا الحيران
لا تحتار ولا شي
على رأي القناة الجديده ( WoW ) حطوا الواو
انا قعدت يمكن اسبوع ابعرف وش ذي الواو الي نحطها ؟ ونحطها وين ؟ :)
ياخي شعارات فضائية ( فضائحيه ) قسم بالله ترفع الضغط ...
هلا بك :)
بياع القلوب
13-04-2001, 06:08 AM
تجديد
فضاوه :)
محبوب
13-04-2001, 07:49 AM
لو عندي قناة ملكي
اسوي فيها برنامج عن الكراتيه وانا ادرب فيه اسمي محبوب هيان شودان
:) ووايد شغلات
الطارق
13-04-2001, 08:25 AM
راح أبيعها بالملايين :)
.
.
.
.
.
بس عجبني الحيران يوم قال :
( بعمل برنامج يومي عن النادي الاهلي )
.
.
.
.
.
.
تحياتي :)
aziz2000
13-04-2001, 08:51 AM
أنا بخلليها رسالة واضحة لنشر تعاليم الدين الصحيحة على عقيدة أهل السنة والجماعة .. :)
.
.
.
الطارق .. تشجع الأهلي ؟ :)
.
.
.
بيااع :) انت وش بتسوي فيها ؟ :)
ترى الموضوع فيه جدية غير واضحة المعالم :)
بياع القلوب
13-04-2001, 02:05 PM
هلا محبوب
شكرا للمشاركه
بس ما حددت الشغلات هذي شنهي ؟
تحياتي
هلا الطارق :)
حلوه تبيعها بالملايين :)
وتشتري قناة ثانيه ، صح ؟
تحياتي
هلا عزيز
انا ؟
وش بسوي؟
شوف ياسيدي
اول شيء بطرد هالبنات المايعات الي بالمحطه
وبحط ربعي الي معي كانوا بالجامعه وكم واحد من جماعتنا :)
ياخي مساكين ما عندهم وظايف
وصدقني بعدها شوف كيف محطتنا بتصير
كوره + صيد ضبان + مسلسلات بوكيمون :)
بس :):)
متاهه
13-04-2001, 06:10 PM
قناة شبابية هادفة..
تقف لـ (زين) بالمرصاد..
دوما القنوات الشبابية تافهة..
ولابد من تغيير..
مع خالص احترامي..
اختك..
متاهه
بياع القلوب
13-04-2001, 10:50 PM
هلا متاهه
فعلا نحن نريد شيئا شبابيا تقف بالمرصاد لتفاهات زين والمستقبل وغيرها من السلع الرخيصة :)
احسنت صنعا
تحياتي :)
سعودية
24-04-2001, 03:52 AM
للحريم وأناقشهم في الإتجاه المعاكس الحريمي تقديم فيصلة القاسم عن ..
ليش دائما تحشون ازواجكم وش سووا الضعوف ؟؟؟؟!
تحياتي لك :)
بياع القلوب
24-04-2001, 03:58 AM
هلا سعوديه
وحياك الله معنا في قناتنا المتوضعه :)
اجل بتناقشون ليش الازواج ضعوف؟
طيب ياليت
ونعرف ليش هم صايرين ضعوف؟ :)
يمكن من قلة الأكل ؟ :) ( استعبط :) )
ليش ياترى ضعوف؟؟؟؟
والله ودي اعرف :)
الدكتور ريان
24-04-2001, 04:24 AM
يسعد اوقاتك بكل خير ..
موضوع رائع ...محتاجينها من زمان ....مشكور بياع القلوب ..
اما لو عندي قناة فضائية ...
# ماادخل فيها ولا دعاية .
# امنع الاخبار ...
# واسميها اسم مميز جدا (D.R.n)
# واسمي نفسي اي اسم علشان اضحك على الناس مثل
الشيخ ريان كامل ....ولا ريان الابراهيم ....ولا ريان بن طلال (احم احم)
# واجيب فتيات من الهندواية او الكرنتينا(محافظة بجدة)يكونو افارقة ..واعملهم يتكلمو لبناني (لغة الغنج والدلال الاعلامية ):)
# اقهر العالم اخلي القناة مفتوحة 12ساعة والباقي مشفر ..
# واطلع اشاعة انه قناتي فيها صياعة وابتذال :):)..يروح الشباب يشترو الاشتراك ..واخليه 10دولار شهريا ...
# واسوي سوق سوداء ..يبيعو فيها اشتراكات ب5 دولار حركات:):)
# واطلع كل يوم للجمهور .......ممنوع الاشتراك الغير شرعي ومايجوز وهؤلاء يسرقون ومايجورز ....حركات علشان تشتهر القناة .
# اي برنامج فيه مقابلات جادة ....اجيب شاعر فاشل او فنان فاشل واخلي 33بنت يتصولو ن عليه ..ويبدو اعجابهم ..وماهي الا يومين وتلاقي كل الشباب عرفو هذا الشاعر او الفنان ..
# اجيب اثنين عرابجة بتوع مضاربات ونسوي برنامج معاكس ونخليهم يكسرو الاستديو (لان هذا البرامج المفضلة عندنا كعرب)
# واجيب واحد جاهل وشحات مايعرف اي حاجة ..واخليه يتكلم عن القضية الفلسطينة ووحدة العرب ويتكلم ويتكلم (لاننا العرب نموت بالكلام )
# واخلي القناة اربع وعشرين ساعة ...برامج ثقافية عن البحر والسمك والكامري 93 العودي ...الجي ال والاكس ال ..
# وطبعا لازم انقل حفل الجنادرية كل سنة ..وادفع لكتاب الجرائد الرخيصين حتى يمدحوني بالجرائد ...
بالطريقة هذي ماتمر سنة حتى اصير ملياردير وعندي كامري 95 جل جراندي ...بجناح شد بلد ....
بياع القلوب
24-04-2001, 04:51 AM
طكتور ريان
هلا بك اخوي
واعذرني على تقصيري معاك
بس حقيقي ملاحظاتك ذبحتني من الضحك :)
بعلق على النقاط الي اعجبتني :) :
واسمي نفسي اي اسم علشان اضحك على الناس مثل
الشيخ ريان كامل ....ولا ريان الابراهيم ....ولا ريان بن طلال (احم احم)
وصدقني مهما سميت نفسك بتظل محطاتنا العربيه ما تسوق الا بلاوي :)
# واجيب فتيات من الهندواية او الكرنتينا(محافظة بجدة)يكونو افارقة ..واعملهم يتكلمو لبناني (لغة الغنج والدلال الاعلامية )
هههههههههههههه:) ياهو انا ضجكت على الموقف :9
تخيل بس التركيبه الصح :)
# اجيب اثنين عرابجة بتوع مضاربات ونسوي برنامج معاكس ونخليهم يكسرو الاستديو (لان هذا البرامج المفضلة عندنا كعرب)
صح ما يبي لهم الا كذا
# واخلي القناة اربع وعشرين ساعة ...برامج ثقافية عن البحر والسمك والكامري 93 العودي ...الجي ال والاكس ال ..
طيب والبي ام الفئة السابعه ؟؟ :(
# وطبعا لازم انقل حفل الجنادرية كل سنة ..وادفع لكتاب الجرائد الرخيصين حتى يمدحوني بالجرائد ...
اوف كثر منها - تصدق انا سعودي ومااعرف وين حتى موقع الجنادريه ؟؟ :(
تحياتي
الدكتور ريان
24-04-2001, 05:03 AM
ههههههههههههههه مايبغالهم الاكذ..
افا ماتعرف فين الجنادرية ..في الرياض ...
بس لاتسألني ليش يحتفولن فيها ..لعدم احراجي هههههههههههه
المهم انها مناسبة مثل العيد وافتتاح الاسواق ..
وعلى ذكر القنوات بافك موقع للانترنت ..اسمه دردشة محطات واحط فيه صور صور صور علشان يمشي شغله هههههههههه
وعلى ذكر القنوات ...يقولو بيشفرو القناة الاولى ..ويخلو الثانية علشان ينقولون المباريات ..طب مايصير ..لانه تلفيزيوننا عودنا 24 ساعة اخبار مكررة وحنا صار لنا ادمان ..كيف يشفروه طيب كيف نتفرج الاخبار المكررة اليومية الي ترفع الضغط ...ههههههههههههه ماحس بتافهة تليفزيوننا الاعندما تجي مباريات ..كل ربع ساعة تنقل من القناة الاولى لثانية ..حتى الحمد لله تبت اتفجر مباريات على تلفزيوننا.
بياع القلوب
24-04-2001, 05:15 AM
هلا ريان
على طاري المباريات
اذكر ايام اول كانت في الديره ما تجينا الا القناة الاولى
والثانهي لسه ما وصلت
(الله يرحم الديجيتال هالايام :))
المهم قهري اذا قالوا شيلوا قشكم وروحوا الثانيه
طيب وش نسوي حنا؟ نطق اصبع ؟؟؟ :(
تحياتي
الدكتور ريان
24-04-2001, 05:28 AM
من جد ايام حلوة ..مازلت افتكر اول ايام القناة الثانية ...
وافتكر ...لما كانو يجيبو افلام مرعبة ويسهرونا في الخميس والجمعة حتى الساعة (اثنين على بالهم سينما ) ايام وذكريات ههههههههه
بياع القلوب
24-04-2001, 05:41 AM
ذكريات والله
الفلم ابو ساعتي يخلص بنص ساعه لا والنهايه غير شكل تخلص في القناة الثانيه
يعني البطل يموت وتلقاه في الاخير يركض على الحصان
او تلقى البطل يتضارب مع العصابه بعد اشوي تلقاه قاعد في مكتبه
وهكذا من تسلسل احداث ترفع الضغط
تحياتي