صباحات شرقية ( 63 ) لا لا تضايقونه ، الترف لا تضايقونه

[بياع القلوب]

هلا بكم
تأخرت بالصباحات الشرقية عليكم صح؟
معليش لظروف خارجه عن القانون ( قصدي عن ارادتي )

من شوي جيت من برا
لقيت لوحه مرسومه باليد
قسم بالله لما شفتها مت منالضحك
ياليت اقدر اصورها واوريها لكم

المهم
الصوره هي صورة مرسومه بيد بنت اخوي نجلا - عمرها 7 سنوات
وجه ولد شعره خيوط وعيونه مدوره كأنها فنجان ولسانه برا
ومكتوب فوقها
( هذي صورة عبودي ) :)
وعبودي هذا ولد اختي عمره 5 سنوات :)
وحاطتها تحت عند طاوله الطعام عشان عبودي يشوفها الصباح وهو رايح المدرسه :)
شكلهم متزاعلين :)
لأن اذكر اليوم المغرب عبودي كان ماسك البلاي ستيشن يلعب كراش
ونجلا قاعده تحوس حوله تبي تلعب
بس شكله ما عطاها دور
قامت رسمته انتقاما :)
والله اني ضحكت الين قلت بس
ياليت يكون انتقامنا يالكبار بالرسم
انا ودي اعرف
وش بترسمون الاشخاص الي تزعلون منهم ؟
:)
تحياتي

[وردة بلادي]

اخى الكريم بياع

فعلا الاطفال اذا غابوا عن عيونا يعملوا حاجات ماهى زينة(كمافى الاعلان فى التلفزيون)

هم احباب الله وبالرغم من زعلهم وحركانهم الا انهم لايحملوا اى ضغينة اوحقد اوحسد بعكس عالم الكبار

ربى يسعد طفولتهم ويهنيهم

بس تعرف ايش راح ارسم اكيد راح ارسم صورة للمراقب!!!

ميرانة زعلانة على الوضع اللى صاير:(

[نجمة المساء]

أجمل ما في الدنيا الاطفال



هم ملائكه البيت وروحه

[الدكتور ريان]

يسعد اوقاتك بكل خير ....

افا ..افا ..ارجع من السفر وماترد علي ...هذا وانا الغالي بقلبك وشف ويش صار اجل لاقلبك كرهني ويش يسوي ...
عزيزي ...انا اعاتبك كاصديق ماوحشتكش ...يعني ..فينك ؟؟؟

عموما لالاتضايقونه جدا تعجبني ..واحسن مقطع ززلالاماتعرفون الحب ماتعرفونه لالافوق الخيال وعنكم الله سترها ...

وبصراحة...يعجبوني الاطفال ....واحبهم واجن لهم واضحك معهم اكثر من الكبار ..لانهم مازالو يحتفظو بالبرأة والقلب الطيب ..

[بياع القلوب]

هلا ميرانه
شخبارك؟
لا تزعلي ولا شي
صدقيني كل شيء بيرجع تمام
وفعلا الطفوله هي اروع شيء بالوجود لما فيها منت براءه وعفويه
تحياتي




هلا نجمة
فعلا الاطفال احباب الله
وين ما تروحي تسمعي اصواتهم ولعبهم البريء
صحيح احيانا يعورون الراس بصراخهم وشقاوتهم لكن تبقى روحهم بريئه ,,, تلك الروح التي نفتقدها نحن الكبار..
تحياتي




اخوي وحبيبي ريان
والله لا تزعل مني
انا اشوف اسمك يذكر بسوالف وكثير رحبوا بك بس انا والله اني مقصر بحقك
لكني كنت بالرياض وكنت ادخل سوالف بسرعه من انترنت كافيه وانت لو اكتب في صفحات ما وفت حقك اخوي
والحمد لله على سلامتك والله وانشاء الله الامور كلها تمام وطمنا عن الوالده عساها بخير؟

[متاهه]

حينما تذكر سيرة الأطفال..
تخطر على بالي..
أماني غريبة جدا..

اتمنى ان اتسلل وادخل..
في مخيلته احدهم..

اتمنى ان اعيش احساسه..

اتمنى واتمنى..
هكذا انا دوما..
لا امل الأحلام..
ولكن..
ما اخشاه..ان تملني هي..

تحياتي لأخوي بياع..

متاهه

[زهر الليالي]

فعلا الأطفال أحباب الله
ويكفيهم براءتهم الآسره

واحد من أخواني عنده طفلين طارق و نايف
طارق الأكبر ... ذكي لكنه أستبدادي
كان يتعلم كل فنون القتال في ظهر أخوه نايف
أذا أنتهى من كل مهماته اليوميه والترفيهية والغريزيه ألتفت الى أخوه العزيز نايف يتسلى به قبل النوم
نايف مسكين ومغلوب على أمره
يتحمل الضيم بكل صبر
ليس له من بد ألا الخضوع
لدرجة أنه بدأ يؤمن أن هذا هو الحال الطبيعي بين الأخوان

وفي يوم من الأيام قفز طارق قفزة سوبرمانيه أدت الى كسر في ساقه
ووضعوه في الجبس

وكانت فرصة ذهبية سنحت لأخونا النشمي نايف
لم يترك وسيلة تعذيب أو تنكيل الا استخدمها للثأر
كان يأخذ الماء البارده جدا ويدلقه على رأس طارق
وطارق لا يستطيع حراكا:(
كان يتعلم مهارات ضربات الجزاء في ظهره
كان يشد شعره في جميع الأتجاهات وبلا رحمة
كان يقلبه على بطنه فلا يستطيع المسكين حراكا
وأحيانا يرقى على بطنه فتجحظ عيون المسكين

ولحسن الحظ لم تتدخل جمعية حقوق الأنسان في هذه المأساة الأبديه
لكن ...


الثأر

[بياع القلوب]

هلا متاهه
احاسيس الطفوله موجودة بداخل كل فرد منا
وبامكاننا ان نخرج تلك المرحلة المكبوته بداخلنا اوقات نشاء
ونعيش لو للحظات ببراءه و محبه وشقاوه :)
تحياتي





هلا زهر
مسكين طارق
بس عاد ماصار انتقام هذا ؟ :)
يبقى الاطفال هم الاروع في هذا العالم المليء بالزيف
تحياتي

[توتة]

:)
كان خاطري اشوف الرسمة .....

أحسها تضحك من الخاطر :)

سبحان الله

الأطفال كل ما يطلع منهم حلو :)
شوفوا ما احلا الانتقام

هههههههههههههههههههههههههههه



سويها بالسكانر يا شاري القلوب اذا تفيجت :)


تحياتي
توتوّة

[بياع القلوب]

هلا توته
شخبارك؟
صدقيني بسوي لها سكان بس مالقيتها من شوي الصوره
بسأل بنت اخوي عنها بكره :)
تحياتي