حفلة فشة خلق

[عطر الندى]

وش رايكم نسوي حفلة على شرف فشة الخلق
كل واحد يقول وش في نفسه بكل صراحة ومن غير زعل وعتب وخناق ..
الحوار مفتوح للجميع ..
بس اللي يبي يفش خلقه يرفع صباعه وبالدور عشان لا تصير مضاربه وكرسي طالع وكرسي نازل وناس واقفه وناس جالسه وناس تشد بشعر بعضها وناس .. وناس .. ونااااااس

يالله الأول اتفضل ..
ايش اسمك يا شاطر ؟؟؟؟؟

[سردال]

في النفس أمور كثيرة :)، ولو صرح كل شخص منا بما في نفسه بكل التفاصيل لوجدنا فضائح وبلاوي لا يعرفها إلا الله :)، لكن أقول: أنا أحس بالضجر والملل من هذه الأيام المتشابه بالنسبة لي! لأنني أنتظر الإمتحانات...

وفي النفس أشياء وأشياء، وهذا شيء من شيء :)

[ســامــر]

عطر النـــــــــــــدى.....شخبارك...

اي فشة خلق...حياتي هالشهر مو على بعضها وبالاخص نفسيتي رغم انه لايوجد شي مكدرها لكن لا اعلم يجيني اغلب الاوقات اشياء اتنرفز واحاول اجلس لوحدي وارفض كل الطلبات ... احاول اخرج من البيت لقلة الظغوط وعدم الخسارة..لااعلم .....

المهم للكتابة معنى وكتبت مايجول بخاطري......تحياتي

[مستر/ سويت هارت]

هاي بصراحة فشة خلقي في هذه الايام هي ؟؟
انني اعاني من ازمة في جوالي ؟؟ اخذتة لمستشفي الجوالات المركزية فقال لي الدكتور هزاز !!!!
جوالك بحالة نفسية خطيرة ؟؟ لابد من تريحة وعدم كثرة المسجات
ولابد من شحنة في الوم مرتيين على الاقل وحدة قبل الاكب والتانية قبل النوم ؟؟ وادعولي بالشفاء العجل ؟؟

[عطر الندى]

ليش القلق والتشاؤم ياخوك
خلها على ربك سوي اللي عليك والباقي على ربنا
لا تقعد تفكر كثير يطيح شعرك بعدين :):)

[عطر الندى]

والله أنا بخير أخبارك انت ؟

أحياناً تمر عالانسان فترات ما يدري وش صاير له
بس أهي أزمة وتعدي
اتمسك زين لا تطيح :):)

[عطر الندى]

هاو سويت :):) (How Sweet !!)

الله يشفيه و يجعله أجر وعافية :):)

[نملة]

انا حالتي النفسية متدمرة تقريبا اففففففففف ولا يعة جبدي وخايفة ومتوترة من امتحانات الثانوية العامة وما اعرف شو بسوي وكم بييب

تحياتي لج نمولة :):(

[بياع القلوب]

نمله ؟؟؟؟؟؟؟؟؟؟؟ :(

[نملة]

شو فيك اخوي بياااااع؟؟

[بياع القلوب]

لا ابد نمله
بس حبيت افش خلقي شوي

شخبارك؟
عسى ماشر هالغيبه ؟؟ :(

[نملة]

هلا اخوي... والله تعرف الامتحانات ورحي يالله يالله داخلة النت لانهم رقود الحين هههههه:) تهريب

نشوفك عقب الامتحانات :)

نمولة :)

[بياع القلوب]

طيب يانمله
بالتوفيق انشاء الله
وبانتظارك
تحياتي

[home alone83]

مرحبا عطر الندى ..

حطيتي يدك على الجرح والله .. :)

ما ادري ليه هالسنة احسها اقرف سنة تمر علي من ثلاث سنين .. :(

يمكن علشان الدراسة و الامتحانات .. او مرضي .. او بسبب تفكير الدائم بمستقبلي .. او علشان فلسطين واللي يصير فيها ..



ما ادري .. :(

[PT Cruiser]

انا ابي افش خلقي
هي مو مشكله
هو شي حلو امر فيه بس مدري
---
احب انسانه حبوبة لطيفه حنونه تخاف على مثل ما انا اخاف عليها
بس بعيده عني
ساكنه ديرة ثانيه
احبها وتحبني
لكن تفرق بيني وبينها المسافات
:)

[عطر الندى]

الظاهر في كثير طلاب ثانوية عامه هنا في سوالف
عزيزتي الله يكون في عونك
كانت سنة مجهدة فعلاً
ولو أقولك شي ما تصدقين
تعرفين إن فترة بعد استلام شهادة التخرج تكون أصعب من فترة امتحانات الثانوية نفسها !!!
اذا تخرجتي ان شاء الله امتياز يا رب قوليلي أفهمك ليش :): ما ودي أكدرك اللحين :):): ابتسمي للحيااااااااااة ترى الدنيا ما تسوى

[عطر الندى]

بياع القلوب مو كأنك خاش عرض
يا فش خلقك ولا ما ينفع
احنا هنا نفش بس
الله يفشفش راس العدو :):)

[عطر الندى]

لا تكون طالب ثانوية عامة بعد ؟؟؟
أتمنى لك التوفيق ان شاء الله ، ولا تضيق خلقك
كل انسان بهمه ، لكن تبقى الابتسامة هي الأفضل :D:D:D

[عطر الندى]

يا عزيزي إن كان قلبيكما مع بعض فلا مشكلة إذن لأن هذا الأهم .
بإذن الله ستقصر المسافات عندما يحين الموعد .. وكل شي في وقته حلو
الله يعينكم على البعد والشوق أكيد مو سهل ..

[شاهيناز]

عطر الندى ....

عندي اشياء كثيره اريد افش خلقي اريد حفله خاصه فيني........... فضايح بعيد عنك ....لكن اهم شئ بيني وبينك ولا اريد الملاقيف يدخلون..........عندي امتحان الدلبوم بعد كم اسبوع والضاهر والله اعلم اني مابنجح......المشكله مش في النجاح المشكله..... .في الاعذار الي بقولها لاهلي هذا الي شاغلني.....:)

[عطر الندى]

الله يعينك والله قلوبنا معاكي
أما من ناحية السوالف السرية الله يحييكي في أي وقت
بيتك ومطرحك :):)