تسجيل الدخول

View Full Version : صباحات شرقية ( 71 ) لايضيمك الدهر وأنا خالك ..

بياع القلوب
16-05-2001, 03:06 PM
صباحي اليوم غير شكل اليوم
حقيقي غير شكل …
كنت قاعد بغرفة المكتب اليوم الصباح إلى في بيتنا
الساعة 7 الصباح وباقي ساعة للدوام الرسمي
عاد وقتي أنا بكيفي
تدرون مين دخل علي المكتب؟
الوالدة الله يطول بعمرها
وتعرفون شايله مين بيدها ؟
ولد أختي الرضيع
عمره 3 أيام و9 ساعات
توك صغير يا بعد خالو
أخذته من الوالدة بحضني وسميت عليه وقلت
هلا خالو
حيااك الله في عالمنا
عالم مدري وش بيكون شكله ولونه بالمستقبل على أيامك
لكن شوف وأنا خالك
وخذ نصيحة من واحد أكل عليه الزمن وشرب
وما بقى في جسمه مغز ابره
ابعد عن زيف الحياة
ابعد عن زيف المشاعر
واعمل بأصلك دايم
ترا الأصيل يبقى أصيل مها جار الزمن عليه
ولا تتعالى على الناس لأن ربنا يكره كل مختال فخور
تواضع لله تجد نفسك في أعلى المراتب الإنسانية في قلوب الناس
كون أخ حنون للصغير و الكبير
بر والديك
تراهم بركتك بعد صلاتك
وصدقني الجنة ما تشوفها إلا عن طريقهم
أوصل جماعتك لا تقطعهم
مهما صار
لا تعطي قلبك لأحد
خلهم هم يوصلون له بجداره
ترا درب الحب مليان شوك وألم وخداع
دوس على قلبك إذا انغدر بك
انزف
اصرخ
ابكي
مو عيب تبكي
ياما بكينا
وياما شكينا
لكن النتيجة جرح ونزف وآه
لكن القلب عزيز دام الكرامة مصانه …
كرامتك .. رجولتك وأنا خالك..
خلني ارفع الرأس بك وأقول
نعم هذا طير شلوى
لاهان بطن حملك
انا اشهد انها اخت رجال ..…
ولا يضيمك الدهر وأنا خالك ..

******
ترنيمة مختارة:
ضربت في البحر .. حتى عدت منطفئا
وغصت في البر .. حتى عدت مشتعلا..
أظمى … إذا منعتني السحب صيبها
أحفي .. اذا لم تردني الريح منتعلا ..
ويستفز شراعي : الموج .. يلطمه .
كأنه من دم الطوفان ماغزلا..
توتة
16-05-2001, 03:13 PM
لا تكذب
لا تنافق
لا تجامل
لا تغرنّك الحياة الدنيا ,,,,
فما من خالد فيها ...
و لا تصير شعنون مثل خالك :)
و لا تبيع الشاي للضيوف :)



تحياتي ,,,,
:) ماما توتة
sozan66
16-05-2001, 03:21 PM
ليت عندي خال مثلك
الغاليه الدلوعه
16-05-2001, 04:14 PM
يااااااااااااي عندهم بيبي:):)

نصيحتي للبيبي
اسمع كلام امك :)
لا تسمع كلام ابوك:)
لا تسمع كلام خالك:)
لا تسمع كلام الناس:)
لا تحول الجد الا لعب:)
لا تنطوي بنفسك:)
لا تخالل الا الصالح:)
والله يخليك لوالديك :)


تسلم يا بياع على ها الصباحات
تحياتي لك
غريب نجد
16-05-2001, 04:47 PM
جعله الله ذخرا لوالدية وسند لاخواله وهداه الله ونفعل الله به امته ونفسه واهله ..

الله يعطيك العافية يا بياع على هالكلمات الرائعه وعلى هالصباح المشرق كاشراق كل كلمة فيه ..

تقبلي تحياتي واحترامي لك اخي الكريم
بياع القلوب
16-05-2001, 06:48 PM
هلا ماما توته
شكرا للنصايح وبعلمه اياها
بس تعالي
مين يبيع الشاي على ضيوفه ؟؟:):):)
بياع القلوب
16-05-2001, 07:00 PM
هلا سوزان
تسلمي ياذوق :)
ولك تحياتي
بياع القلوب
16-05-2001, 07:13 PM
هلا بالغاليه الدلوعه
شكرا للنصائح
بعلمها اياه
بس سالفه ما يسمع كلام خاله هذي عاد لو ايش ما بقولها له :)
تحياتي
فلونة
16-05-2001, 07:30 PM
يحفظه الله ويرعاه

ويجعله قرة عين لوالديه

ويبعد عنه كل شر
بياع القلوب
16-05-2001, 10:43 PM
هلا غريب نجد
شكرا لتواصلك
تسلمي اخي الفاضل ويجعل صباحاتك ومساءاتك فرحانه دوم :)
تحياتي




هلا فلونه
حياك الله وتسلمي يالانيقة :)
تحياتي
توتة
11-07-2001, 11:32 PM
لا ادري لماذا علاقتنا قوية بأبناء أختنا ...
يمكن حتى أكثر من عيال اخونا ... :)

سبحان الله ....
و لكنه شيء يثير الاستغراب فعلا ... :)


تحياتي ,,,
زهر الليالي
16-07-2001, 01:11 PM
أفتقدناك وأفتقدنا مواضيعك :(
اللهم أشفه وعافه وأسبغ عليه شآبيب الصحة والعافية
,,,,,,,,,, آمين




بيــــــــــ لاتنسونه من دعاكم ــــــــــاع
توتة
16-07-2001, 02:53 PM
و من ذا الذي سينسى الأخ الكريم بياع ؟؟؟

اذا مسينا الابداع ... و أهله

في تلك اللحظة سننسى بياع

عسى الله يرجعه لنا بأقرب وقت ...

و سلم لنا عليه سلام وايد
ابو سعود
16-07-2001, 03:15 PM
الله يحفظه من كل شر ومكروه ويطلع احسن من خاله :)

افتقدناك عزيزي الغالي :(
ملفت الانظار
16-07-2001, 05:47 PM
:(
الكبير دايم كبير