هلا باشباب هلا والله هلا

[daljassar]

والله كل واحد من الشباب يبيله بكس على وجهه لأن مايستحي مثل شباب الكويت مايستحون قاعدين ويلاحقون البنات شنه مافي شغل يغازلةن وبس


((((أنت مو معاي يالبنات)))))


[[[بني نصوت كل واحد يكتب رده وبعدين يكتب صح ولا خطأ
وأنا راح أجمع الأصوات بعدين ونشوف إذا كانت صح أكثر من خطأ راح يحصل كل شاب هدية مني]]]

[ابو سعود]

اول شي بالرغم من اني مو كويتي لكن المغازله مهي موجوده بس في الكويت
والله حتى في امريكا اللي نشوفها متقدمه ومتحضره فيها مغازله ومغازله على اصول بعد

بعدين تعالي هنا ليه الشباب اللي يبي لهم بكس ليه ما يكون بعض البنات ( وحط سبعين خط تحت كلمة بعض عشان مايزعلون علينا بنات سوالف) اقول ليه ما يكون بعض البنات اللي يبي تربيه
انا شاب وليليا امر من السوق( بحكم انه بيتنا على الخط مو صياعه) واشوف عشرات وعشرات من البنات
والله الشباب ما يطاردون الا البنت اللي تجذب وتلفت نظرهم
ليه العبايه الفرنسية المخصره وليه عطر شانيل يطيح حتى عمود الكهربا وليه اللثام اللي يذكرنا بيام الثانويه
وليه وليه وليه
ليه ما يكون العيب هو منكم انتم يالبنات لان البنت هي اللي تفرض احترامها على الف شاب وغصبا عن اللي ما يرضا
صدقيني لو كل بنت حطت قدان عينها مخافة الله وحرصها على نفسها وسمعة اهلها ما اعتقد انها راح تكون هدف للطامعين
والله اذا كان العيب فينا الشباب فسبب هذا العيب هو انتم يالبنات
اتركوا عنكم عبايات فرنسا والعطور اللي من قوتها وفرت على البلديه رش المبيدات الحشريه وبعدها احكموا اذا كان الشباب يبي لهم ( بكس) والا سيدان