سؤال يبحث عن اجابه ! ___ مازدا

[*SS* POWER]

^1

سيارات المازدا اعتبرها من افضل السيارات حاليا نظرا لأن جودتها ممتازه وقويه وتتحمل الاستعمال الشاق بس ما ادري ليش الناس في الخليج دايما يذمون هالسيارة ويعتبرونها سيئه مع انها في نظري افضل من التويوتا وارخص سعرا وانا مجرب اربع سيارات مازدا 929 - 626- MPV

على فكره المازدا 626 تعتبر قويه في فئتها وتطوف الكامري ستوك

بانتظار ردودك يا شباب على الموضوع
وشكرا :)

[Ferrari^_^love]

المازدا هي السياره اليابانيه الوحيده اللي فازت أب سباق 24 ساعه في لومان .... على انتصارات هوندا في ميادين رياضه السيارات .... بس ما قدرت على سباق لومان الا في فئه ال GT2 حينما فازت ال NSX عام 1995 على ما أعتقد .... وفوز المازدا جاء في عام 1990

تحياتي اخوي :):)

[S8]

حتى انا من جهتي الشخصيه ارى انه لامبرر لشراء سيارات مازدا واعرف نا مجربين ويشتكون منها مع العلم انها موديلات 99و2000 وللمعلومية قطعها نااااااااااار

[CL 600]

خليك مكان أي شخص يريد أن يشتري مازدا وأيضاً ميتسوبيشي ..

ذهبت للوكاله ورأيت مثلاً مازدا زيدوس الجديده .. شكل جميل جداً - مزايا عديدة - فخامة داخليّة .. قررت الشراء .. ذهبت للبائع ,, بكم هذه السيارة ؟؟
115000 ريال وعشانك نسويلك خصم خاص وتصير عليك بـ 109000 ريال !!!

مو حرام هذا المبلغ فيها خاصة لو قارنتها مع منافساتها تجدها أضعف من حيث القوة ( 170 حصان ) وتجد منافسيها أقوى وأفضل .. وأرخص ( أوميجا - أفالون - باسات - لكزس إي إس 300 )

نفس المثال ينطبق على ميتسوبيشي سيجما وجالنت VR ..

ـــــــــــــــــــــــــــــــــــــــــــــــــــــــ

وبعدين ما أدري وش قصدك بالجوده والإستعمال الشاق ..

لأني بصراحة جرّبت هيونداي سوناتا 1999 و مازدا 626 1999 ..
ولاحظت إن الأولى أقوي وأكثر تماسكاً و أكثر إتساعاً و أفضل من حيث المواد المستخدمة في الداخل وأرخص في قطع الغيار .. وعند إعادة البيع اعتقد انها سواء ...
وش رايك؟؟

[ألأعرابي]

أنا عندي صديق عنده مازدا 626 و سياره عمليه جدا و مشيها زين
و صرف البترول ممتاز, تترسها ب5 دينار أتم معاك سبوع بدون طلب بترول! بس الشي الوحيد اللي ما يعجبني فيها أن كل ما أركبها راسي يعورني مادري من سياقة صاحب السياره ولا السياره غير موريحه أصلا

[S8]

صحيح خلينا مثلا نقارن بين الـ626و الجولف او البورا

المازدا وحسب علمي القديم سعرها 47 الف ريال تقريبا
والجولف سعرها من 49الى 77 الف ريال
ولو نظرنا الى قطع الغيار والجودة لرأينا ان الجولف ارخص وافضل من ناحية الجودة ناهيك عن سيارة المانية راسية وممتازة .