هل في حد سمع عن....===>

[البعير]

يا شباب...هل في حد سمع عن الشاب الإماراتي اللي صنع هذي السيارة واللي في الحقيقة يعتبر شيئ جميل وبادرة طيبة أن يقوم أحد مواطني الدولة باختراع السيارة المكونة من محركين وبدفع 4x4...مع سرعة قصوى تصل إلى 300 كلم في الساعة...والحقيقة أثلج صدري لما قرأت الخبر هذا في الجريدة قبل يومين تقريباً...وإليكم هذي الصورة اللي تظهر السيارة مع صاحبها...وهو من مواطني الدولة...وبالتحديد يقطن في إمارة العين...
http://www.uaeforever.net/pictures/citizen2.gif

[Ferrari^_^love]

نبارك الى أخونا عبدالله على السياره اللي صنعها ... الصراحه رائعه من ناحيه القوه والتصميم :):) ... ألف مبروك على تحقيق الحلم :):)

[Pure_Intimidation]

We al ne3m wallah bel Shamsi!
My best luck goes out to him!

[*SS* POWER]

انا اقول ان العرب تتوافر لديهم كل المقومات الاساسيه لبناء مصنع سيارات بس اللي ينقصهم هو الاراده والعزيمه... يعني شالفرق بيننا وبين الامريكان واليابانيين؟؟ اهم احسن منا في شنو؟؟

وتقبلو تحياتي :)

[s3ood]

على البركه شباب

مشكور اخوي على هذا الخبر الي اتحفتنا به

ومشاء الله الريال تعب و حصل

بس انا قووول ... عقبال الجت ( اي طياره ) ما بنقول لاء

لو برموت كنتروووول

[البعير]

آسف على الخطأ لأني كنت أقصد مدينة العين التابعه لامارة أبوظبي
وليست إمارة العين;)

[BMW 320i]

ما شاء الله ترى الاخ عبد الله ما شاء الله عليه و على ربعه اللي ساعدوه في انشاء هذه السيارة و انا اشد على ايدي الشباب المبدع و جزاكم الله خير

[Eclipse]

رهييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييبه

ماشاء الله تبارك الله

[CLK GTR]

ما شاء الله عليه
شاب عنده طموح وإرادة
وإنشاء الله يقتدي به باقي الشباب

[Dreamer]

همتكم ياشباب
Dreamer

[سردال]

مثل ما قال Dreamer: هذي العلوم اللي ترفع الراس :)

والله مب ناقص إلا دراسة بسيطة ودعم رأسمالي كبير وشوية خبرة والكثير من الإرادة وبإذن الله يكون أول مصنع خليجي :)

حقيقة ما ينقصنا شيء أبداً، إلا الثقة والإرادة ورأس المال، وبإذن الله نشوفه في معرض دبي الدولي للسيارات.

البعير: رفعت الراس يا البعير :)

[corvette 40th]

و الله خبر يفرح و يشجع

و ان شاء الله الدوله ما بتقصر اذا شافت الجديه و الحماس