أحــــــــــــــــــــــــــــــلام وأمنيات

[شموع]

زي ما نعرف .... ان الحلم حق مشروع للجميع ، والواحد يتمنى ويرسم لحياته مثل ما يبي .... وما احد راح يلومه او يعتب عليه أو حتى يسخر منه .

احلامنا ، هي العالم الوحيد الي تبسط مشاعرناو تحس معاها بوناسه .

بس صدقوني أي شي يزود عن حده ينقلب ضده .....عاد أنا نصحتكم وأنتم كيفكم

وش رايكم اذا مافيه مانع كل واحد يقول وش يتمنى وشو حلمه ( لا يكون حلم النوم بس)

ممكن ناقش بعض ونستفيد ..... وإذا الفكرة مو عاجبه أي واحد منكم ..... صدقون مشاركة عندي ولو سلام ، تكفيني ...ز

الحين باي ......

[سعودية]

بالنسبة لي الموضوع رائع واكثر من رائع ..

وبالنسبة للسلام ..
السلام عليكم ورحمة الله وبركاته ..

أختي ..

أحلامي كثير وأغلبها خيالية أو بمعنى أصح صعبة التحقيق ..
بس مع كذا ما زلت أحلم إني أحققها ..

يعني أحلم ..
إني ما أترك ولا بلد من بلدان ها الدنيا ما زوره ..
وأتمنى أصير مكان دانيا الخطيب في برنامج القافلة ..

أحلم إني أتكلم كل لغات العالم ..

أحلم إني أكون محبوبة لكل الناس ولا فيه في ها الدنيا أحد يحقد علي أو يكرهني ..

أحلم أكون الأول في كل حاجة أدخل فيها ..

أحلم تنمحي أيام الحزن من حياتي ..

أحلم ان تترسم البسمة على شفايفي على الدوام ..

أحلم وأحلم وأحلم ..

والله يحقق الأحلام بإذنه تعالى ..

طبعا راح تقولين وين الجنة من أحلامك ..
راح أقولك الجنة غاية لازم نوصل لها بإذنه تعالى مو حلم وبس ..

تحياتي لك :)

[شموع]

لا يكون انت توأمتي وأنا ما ادري

نفس الاحلام وخاصة سالفة اللغات .......

أما سالفة السفر .... حلوه بس ماأكون بروحي لازم يكون معي (مستر رايت )... أكيد عرفتيه منو هذا !!!!

على العموم الله يحقق امنياتك ان شاء الله

وبعدين يا الطماعة تبين تكونين محبوبة أكثر من كذا ....

أنا اموت فيك وأنا ما اعرفك ولا شفتك ... أجل اللي شافوك وش بيقولون !!!!

[البحاري]

مساء الخير .. شموع

لكل منا أحلام خاصة وعامة .. ساذكر العامة .. والخاصة ( ممنوع النشر) :):) ..

أحلامي العامة ..

إني ما أترك ولا بلد من بلدان ها الدنيا ما زوره ..
أحلم إني أتكلم كل لغات العالم ..
أحلم إني أكون محبوب لكل الناس ولا فيه في ها الدنيا أحد يحقد علي أو يكرهني ..
أحلم أن تنمحي أيام الحزن من حياتي ..
أحلم ان أن أرى العالم كلة سعيد .. وخاصة من أحبهم
أحلم أن تصفو القلوب من الكره والحسد ..


الأخت سعودية .. معذرة أقتبست جزء من أحلامك :):)

تحياتي ..

[سعودية]

تسلمين يا رب على كل ها الكلام الحلو والرائع ..

والله ما تدرين وش كثر فرحتي قلبي بكلماتك ..

والحمدلله على إننا إلتقينا في الأحلام ..

والله يوفقك وتسافرين مع مستر رايت :)

ويوفقك وتحققين كل أحلامك يا العزيزة ..

تحياتي لك :)

[سعودية]

أنت تمون .. يا خوي ..

الحلال حلالك ولك كل الأحلام ..

بس أنت حقق منها ولو شوي ..

لا تصير مثل أختك وأنا أختك ..

تحياتي لك :)

[سعودية]

بس تصدقين مين أكثر واحدة أعتقد أن الموضوع هذا يعجبها ..

هي الغاليييييييية متاهـــــ(ــــة )

أعتقد بيطلع أحلام ما أدري من وين راح تجيبها ..

الأيام راح تثبت لك كلامي ..

تحياتي لك :)

[متاهه]

فلن يتوقف قلمي..
ان سكب اول نقطة حبر على صفحاتك..
فأحلامي كثيرة كثيرة كثيرة..

احلامي تتفاوت وتختلف فلكل منها نكهة ومذاق مختلف..
بقولك جزء منها(أخاف تطرديني من الصفحة كلهاhttp://www.swalif.net/sforum1/images/icons/icon11.gif
ويومها يا شماتة سعودية فيني :p ..
أجل ما تدرين من وين أجيبها يا سعودية..http://www.swalif.net/sforum1/images/icons/icon19.gif
شموع..
تصدقين اكثر من يشجعني هي..
بس شيطانية..تساعدني بعدين تتريق علي..
والله حالة :p

عزيزتي..

أحلــــم..
بأني حينما أكون متواجدة..
في أي مجال أو مكان..
أن يشير الناس لي..
ولكن لا أريدهم أن يقولوا:
متاهـــه..بفخر واعجاب..
اريدهم ان يقولوا:
مسلمـــة..بفخر واعجاب..


أحلـــم..
بالدعوة غير المباشرة..
بأسلوب جذاب ومختلف..
للدعوة إلى الله..

أحلـــم..
بأن يقاطع كل عربي..
وهو مقتنع..
قناعة تامة بأنه شئ مهم جدا جدا جدا :(

أحلـــم..
بأن اتقن فن الرسم..اتقان تام..

أحلـــم..
بأن أصلي في القدس..وهي متحررة..

أحلـــم..
بأن احضر صالون ادبي..
صدقيني اعتبره حلم..

أحلـــم..
بمجموع كبير السنة الجاية..

أحلـــم..
بأن اي شئ على حافة النهاية..
ان استطيع ان اصنع منه شئ جميل..

أحلـــم..
بأن تتحقق كل أحلامي..

وصدقيني ما رح تخلص:)

مع خالص امنياتي..
بتحقق الأحلام..
أختك..
متاهـــ(ـه)

[شموع]

ياخطير انت يا بتاع العام والخاص

الله يوفقك فيهم كلــــــــهم

لا وتقول انك مقتبس (جزء) من احلام سعودية ،أجل لو انت ماخذ الكل وش بعد بتقول هههه

والله تستاهل واحنا كم بحاري عندنا .....ولا لا يا سعودية!!!

[البحاري]

مساء الخير .. للجميع

شكرا .. سعودية .. :):)

بالنسبة لمسألة تحقيق هذه الأحلام .. أتمنى فقط أن تظل معي .. فكل ماهو جميل .. يذهب عني .. حتى الأحلام ..

تحياتي ..:):)

[شموع]

بصراحه احس انكم ثنائي رائع الله يوفقكم أكثر وأكثر ... ترى هذا من حظ سواليف .....

متاهة .... وش هاالحكي الزين والاحلام الكبيرة ...

شي جميل ان الانسان يكون له حلم حلو ويصير حلمة هذا يداعبه ليل ونهار ... ويحس انه فيه شي حلو ، يتمنى يوصل له

تصدقون بنات .....

هذي الاحلام اللي احيانا احنا نضحك على انفسنا منها ، ساعات تكون بلسم يخفف عنا واقعنا وساعات يكون لنا دافع لحياة افضل

شي جميل ان يكون لنا امنيات والاجمل أني تعرفت على سعودية ومتاهه أكثر .....

[عبودي 1]

موضوع رائع رائع رائع جداً
بالنسبة لي أحلم بأن أدخل الجنة بإذن الله
كما أحلم بأن أموت وأبوي راضيين عني بإذن الله
كم أحلم بأن أكون محبوباً من الجميع .
وأحلم بالتجارة
وهذا الحلم لازال يراودني حتى هذه اللحظة
وقد عملت الدراسات لهذا الحلم
لكن تبقى المادة هي العائق الوحيد لتحقيق هذا الحلم :(

[شموع]

تسلم أخوي من ذوقك....

وطبعا اكيد الجنة هي بالنسبه لنا كلنا غاية وهدف ....وتظل هي المتربعة في عقولنا وجوارحنا ..... نسأل الله ان يرزقنا اياها ..

أحلام الانسان كثيرة .. كثيرة ... وما اقول إلا الله ينولك اللي في بالك ......

تحياتي لك ......