تصدقون والا . لا. ادخل تعرف ؟

[ابو الشيماء]

تصدقون يا شباب ان الامريكان والبريطانيين عندنا ما يغيرون زيوت سياراتهم وانهم بس يزودون الزيت بالمكينة كل ما نقص وانا لاحظت ذلك بحكم قربي منهم .

فأنا اقول دام هم الي صنعوا السيارات ما يغيرون الزيت ليش احنا نغيرة ؟؟؟

طفرة والا ايش ؟؟؟

سؤال يحتاج جواب ؟؟؟

وعلى فكرة قولوا لي على كم تغيرون زيوت سياراتكم يا شباب

انا شخصيا اغير كل 5000 كلم والسيارة ماشية حلاوة ...

ولو ما اخاف تخرب والله ما اغيرة لاني الاحظة اذا غيرة البنشري باقي جديد .

وأسف على الاطاله ياشباب وتقبلوا تحيات اخوكم ابو الشيماء

[SKYLINE GTR]

خوي ابو الشيماء السلام
بالنسبة لي اغير الزيت كل 3000 كم والسيفون ( الفلتر) كل 9000كم على كلام الوكالة وسلامتك

[NFS]

هم ما يغيروا الزيت نهائياً لأن هذي السيارة سيارة الشركة.

أنا أغير الزيت كل 1500كلم "سيارتي ماشية 230.000كلم.

[S55AMG]

أنا عن نفسي أغيرها مثلك من عند الوكالة الصيانة حق السيارة (5000 )

بس حكاية الأمريكان هذي ما عندي فكرة عنها

[corvette 40th]

السلام عليكم
كلامك صحيح يا ابو الشيماء
انا لاحظت هذا الشئ و لكن الي يسوي هذي الطريقه يكون مستعمل نوع خاص من الزيت يسمونه سينتاكس اويل
و هذا النوع ما يتغير تكوينه و انت بس تحتاج لتغير الفلتر فقط
و انا حاليا استخدم هذي النوعيه على سيارتي و معا هذا اغير الزيت كل 3000 ميل

و هذي الطريقه المفروض انها ما تستخدم في حاله استخدام الزيت العادي لانه بيغلظ و بيترسب مثل الطين في المحرك و في النهايه بتضطر الى تغيير المحرك و هذا يحصل كثير في امريكا

[ابو الشيماء]

اشكر الجميع على المشاركة لكن يا اخوي NFS ترى السيارات ماهي للشركة السيارات لهم شخصيا وعلى حسابهم لانهم يشترونها من معرضنا لكن الظاهر ان طريقتهم هي الصح ....

[شرخشين2000]

أبو الشيماء ،، هذا الشي معروف عند الجميع على ما أظن :)


و تلاحظ السيارات المستوردة من أمريكا كلها فيها بداية شنبر :)


لييييييش ؟؟؟


لأنهم ما يغيرون الزيت !


تحياتـــــ للجميع ــــــي

[fist302]

بالاضافة الى المعلومات القيمة اللي ذكروها أخواني ::::
أجواء بلادنا العربية تختلف تماما عن البلاد الأوروبية وأمريكا....بعنى لما تشتري سياره جديدة تجد انه المنصوح به في الكاتلوج هو ان تغير الزيت كل 5000 وفي سيارات كل 8000!!!!
طبعا هذا ينطبق على البلد اللى مصنوعة فيها السيارة مو بلادنا العربية...ارتفاع حرارة الجو والرطوبة وكثرة الغبرة والاتربة كلها عوامل تساعد في تقصير زمن استخدام الزيت الافتراضي.....
لذلك ارجو من الأخوان مراعاة ذلك
سيارتي لما كانت جديدة كنت اغير الزيت كل 3000 وكان يطلع يدوب منتهي......هذا والسيارة جديدة لكن مع مرور الأيام يتطلب الأمر تغير الزيت في فترات زمنية أقصر بالنسبة للسيارات المستعملة لفترة طويلة....انا شخصيا الان أغير الزيت كل 1500 هذا اقل شيى في الجو اللى في الرياض.
ايضا الموضوع يعتمد على كيفية استخدامك للسيارة.
تحياتي للجميع

[NFS]

في رأيي أن طريقتهم غلط لأن المحرك ما بيعيش أكثر من سنتين في هذي الحالة "أعتقد أن هذي هي فترة إقامتهم هنا".


وSynthetic Oil أيضاً يحتاج للتغيير بعد بفتره لسبب بسيط وهو أن لزوجته بتتغير مع الوقت "حتى لو لم يتغير لونه" بالأضافة إلى أنه سوف يتأكسد "لاحظ جونا حار ورطب".


زين في كثير من الأجانب جهال وما يعرفوا شيء عن السيارات "أنتوا تابعوا المنتديات الأجنبية وبتلاقوا أن بعض الأجانب ما يعرف أي شيء عن السيارات بس شغل وأمش".

[dr.dragon]

ياشباب انا مالي في السيارات بس اعتقد انوا الجو يلعب دوروا ....