View Full Version : E55-NFS-S2000 والجميع ،، ممكن دقيقة
شرخشين2000
09-08-2001, 03:40 AM
في البداية أحب أرحّب بجميع الأعضاء و خاصة المذكورين في رأس الموضوع :)
رحت اليوم وفي راسي شر !!
للخضرية ( الصناعية ) متجهاً إلى ورشة تنزيل !!
و في نيّتي أنزل السيارة من قدّام لفة ،، و من الخلف نص !!!
و تو الأخ رافع السيارة يبي يفك الياي !!!
الا جاني واحد راعي فورد كراون فكتوريا !!!
و قال لي ترا العكوس بتخترب عليك إذا نزلت !!!
و قلت له ان السيارة دفع خلفي !!!
رد وقال ترا العكوس اللي في الدفع الخلفي مشكلها أكبر من الأمامي !!!
تعوّذت من إبليس و قلت له كش لا بارك الله فيك !!!
و رجعت البيت و أنا منحط نفسياً :(
نصحني واحد من الشباب بتركيب يايات رياضية !!!
و قال اللي على الـ SS تركب عندك وتكون نازلة شوي !!!
و أنا قلت ما عندي الا حبايبي أجي و أسألهم :):):)
خلّصت السالفة :)
بروح أنام الحين وبصحى الساعة 10 عندي شغل في الجامعة :)
لـمّا أرجع ان شاء الله ألاقي الموضوع محترق :):)
تحياتـــــ للجميع ـــــــي
هلا شرخشين 2000
يمكن الأخ كان يقصد الجامبينات "المساعدات==ممتص الصدمات" مش العكوس
لأن التنزيل "بقص الياي" بيخلي السيارة تناطر "تناقز:):)" مع أقل مطب أو حفرة وهذا الشيء بيضيف جهد على المساعدات وبخلي الزيت إللي داخلها يتسرب إلى الخارج.
أعتقد تركيب ياي رياضي** ممكن يحل مشكلة التنقز:) "إذا كان مصمم بالفعل للومينا" بدون ما يؤثر على المساعدات.
على فكرة ، ضمان السيارة أنتهى وإلا لسه؟ لأن لو حصل عطل في الأجزاء السفلية للسيارة يمكن "يتعاير" ويقول أن السبب هو تهبيط السيارة!
المهم أنا أترك المايك للعضو S2000 لأنه مركب ياي رياضي وله خبرة في الشغلات هذي ، وأيضاً اي واحد عنده خبر "بشرط مجرب بنفسه" يمكنه يستلم المايكروفون:):)
معلش على اللقافة أنت رايح أي جامعة؟؟
**المفروض تسمى يايات شبابية لأن ليس لها علاقة بالرياضة "مزحة":):)
شرخشين2000
09-08-2001, 11:26 AM
أهااا :)
ألحين فهمت :)
طيب اليايات الرياضية تكون جمبيناتها أقصر من العادية !!
احتمال كبير :)
على العموم أنا ماشي جامعة اسمها جامعة اللي يتخرّج لازم يطلع في راسه شيب !!!
جامعة الملك فهد للبترول والمعادن :):)
تحياتـــــ للجميع ـــــي
أنت لما تركب الياي الرياضي بتستخدم الجامينات الأصلية "يعني بتغير الياي بس" ، لأن الياي الأصلي لما تقصه بيتغير فيه معامل الفتل "بيصير أكبر على ما أظن وهذا إللي يسبب النقزات:)" بينما الياي الرياضي صاير أقصر من الأصلي لكن له نفس معامل فتل الياي الأصلي.
زين أنت لقيت محلات تبيع ياي رياضي خاص باللومينا؟ لأن أغلب الشباب "في الشرقية" يهبطوا سياراتهم إما بقص الياي أو تسخين الياي!
CL-Class
10-08-2001, 12:07 AM
اذا انك ملزم على التهبيط بواسطة التسخين ::::: انتبه ::::: لازم تحسب حسابك اذا هبطت حتى قياس معين ترى الياي بينزل أكثر من المطلوب يعني ................... المطلوب تنزيل حتى( 1سم) يطلعلك ( 2سم )
الأسباب :
1/ بقاء الياي ساخن بعد ابعاد مسدس الأوكسجين عنه .
2/ هبوط طبيعي مع الزمن .
وهاذي فتوى في مجال التهبيط بالتسخين .............. وسلامتكم.
شرخشين2000
10-08-2001, 01:19 AM
NFS ،، يايات الـ ss أقصر :)
CL ،، لا لا لا مافيش أما أسخـّن الياي !!
مشاكل التسخين غير طبيعية ،، و مثل ما تفضلت انت انها تنزل مع الوقت زيادة :)
S2000
10-08-2001, 01:31 AM
كيفك شرخشين :)
انا بقول نفس اللي في راسك!!
ركب يايات الـSS :)
دام انك تاكد انهم اقصر فركبهم ولاتخاف :)
http://www.swalif.net/sforum1/showthread.php?threadid=101784
http://www.swalif.net/sforum1/showthread.php?threadid=99529
العيب الوحيد بيكون في مستوى الراحة وبس!!
بالنسبة لي السيارة المريحة ماتعجبني ابدا :)
لازم تكون "ملزقة" بالارض واقسى من الحجر وكل تعرجات الطريق داخل المقصورة ;)
بحذرك!!
بتاكل كلام على راسك من الاهل اذا طلعوا معاك ;) ;)
تشاااااااااو :)
شرخشين2000
10-08-2001, 02:52 PM
S2000 ،، مشكور عزيزي على هالمعلومات :)
و كذا راح أكون متطمّن مررررة لما أجي أنزّل :):)
بكره بنزل تشاليح الرياض ،، في أحد يبي يخاويني على الخط ؟؟
و لما أسدحها وأركب الجنوط ،، راح أحط صور ان شاء الله :):)
تحياتــــــ للجميع ــــــي
E55 ،، اسمك في عنوان الموضوع وما ردّيت !!!
كابريس
10-08-2001, 03:48 PM
انا انصحك انك ماتسوي هذي الحركة لأنه السيارة تجي موزونة من الشركة وهم أدرى منك يعني لو كان تهبيط لسيارة افضل كان الشركة سوت كذا
لكن بقول ملاحظه هامه ... وأمشي
قص الياي ( أو تسخينه ) يؤدي إلى نزول السياره ...
تركيب يايات رياضيه ( SS مثلاً ) يؤدي إلى نزول السياره .. :)
لكن الفرق بين الحاله الأولى والثانيه ... انه في الحاله الأولى مفيش ثبات ( رساوه ):( ... لكن الحاله الثانيه .. في ثبات ( رساوه ) :) ...
نـصـيـحـتـي لك ----------------------------------------------> بحكم التجربه طبعاً :)
ركب يايات SS في الأمام والخلف ... وشوف الفرق
سلام . . .
شرخشين2000
11-08-2001, 03:02 AM
M5 ،، اسمك موجود ضمن ( جميع الأعضاء ) ;)
بعدين ياخي احنا مافي بيناتنا رسميات :) يعني يوم ما تشوفني عازم ضيوف على العشا ،، تفضل بدون ما تدق الباب ;)
و مشكور على النصيحة :)
كابريس ،، بس تخيّل مظهر السيارة وعليها جنوط 18 و الصدام بالأرض !!! جنوووووووون :)
تحياتــــــ للجميع ــــــي