حركات التفحيط في السعوديه

[أبو نايف]

بغض النظر عن رأي البعض عن التفحيط اللي يرى انه ظاهره من الظواهر السيئه عند الشباب ......لكن هذا مايمنع من رصدنا لهذه الظاهره وتطورها......كما ان الكثيرين يبدون اعجابا بما يفعله بعض الشباب من حركات خطيره واللتي تدل على تمكن وحرفنه عاليه.....كما انها تدل على حضور ذهني كبير....خصوصا ان بعض حركات التفحيط تحتاج الى سلسله من العمليات اللتي يعملها المفحط في وقت زمني بسيط....كما تحتاج منه الى ان يتابع بدقه الطريق والسيارات الاخرى.....لاتمام الحركه اللي يريد ان يعملها


لايشك اثنان ان امهر السائقين .....هم المفحطين


التفحيط في السعوديه عموما ينقسم الى قسمين:
تفحيط بدائي
تفحيط متقدم

هذه التسميات من راسي ترى:):)


التفحيط البدائي : هو عباره عن حركتين معروفات حتى خارج السعوديه:

1 - التخميس

2 - التنطيل أو التجديع


التفحيط المتقدم: وهو مجموعه من الحركات الاستعراضيه اللي اكيد سمعتوا عنها....ومن الصعب تطبيقها الا من قائد محترف ومتمرس لهذه الامور.....وأي خطأ في التقدير قد يكون ثمنه حياة السائق أو اصابته اصابه خطيره...

وأشهر هذه الحركات


انظر اللقطات ادناه

1 - العقد

http://64.39.238.211/video/img/max3.gif
http://64.39.238.211/video/img/3ag8.gif


2 - حركة السفتي ....وهي عباره عن عقدتين في اتجاهين متعاكسين..

http://64.39.238.211/video/img/sef4.gif

3 - حركة الموت: وهذه أخطر حركات التفحيط على الاطلاق

http://64.39.238.211/video/img/moot.gif


كما ن هناك حركات اخرى معروفه مثل:

العكسيه وحركة الشراره وحركة الريوس ....



ملاحظه هامه:

___________________________________________
لقطات الفيديو أعلاه مأخوذه من موقع الديره نت
أشهر المواقع السعوديه في التفحيط..........................

[Ferrari^_^love]

التفحيط فن من فنون الرائعه .. وفيه حرفنه مثل ماقلت وذكاء في نفس الوقت :):)

مشكور على الموضوع :):)
وهذي أمثله لكل حركه في فيديو :
حركه العقد:
http://64.39.238.211/video/img/3ag14.gif
http://64.39.238.211/video/3ag14.rm

حركه الموت:
http://64.39.238.211/video/img/moot2.gif
http://64.39.238.211/video/moot2.rm

حركه السيفتي:
http://64.39.238.211/video/img/sef2.gif
http://64.39.238.211/video/sef2.rm

ان شاء الله يعجبكم :):)

[*SS* POWER]

مشكرور على الموضوع عزيزي ابو نايف :)

فعلا التفحيط فن ومهاره ويحتاج له سائق متمكن

انا احب افحط بس اخاف على التواير ( الكفرات ) يخلصون :) هاهاها وبعدين من وين اجيب فلوس عشان ابدلهم :(

التاير الواحد حق سيارتي قيمته 70 دينار ( تقريبا 700 ريال ) اذا كان بريجستون ويوصل 110 دينار اذا كان من الماركات الجيدة مثل بيريلي !!!!!!! والله حرام :(:(

[ألأعرابي]

لا تخرعني س س بور
ترى عندي كابريس س س مثلك
قلبي يعوراني على التواير ترى
ابي أقحص فيه

[أبو نايف]

شكرا على الاضافه وتغطية النقص في الموضوع....



حركات العقد....الاولى ثلاث عقد بماكسيما... والثانيه كامري (على الطريق الدائري ...واحد بايعها)
http://64.39.238.211/video/img/max3.gif
http://64.39.238.211/video/img/max3.rm

http://64.39.238.211/video/img/3ag8.gif
http://64.39.238.211/video/img/3ag8.rm

حركة السيفتي بكامري
http://64.39.238.211/video/img/sef4.gif
http://64.39.238.211/video/img/sef4.rm


حركة الموت بكرسيدا
http://64.39.238.211/video/img/moot.gif
http://64.39.238.211/video/img/moot.rm

اخوي العزيز SS POWER و الاعرابي
دامكم تخافون على التايرات لاتفحطون:):)....بس فيه ناس مايخافون على اعمارهم....ولا على قير السياره ...يعني اخر شي يفكرون فيه التاير او الكفرات.....هذا اذا فكروا فيهن:)


وشكر لكم:)

[*SS* POWER]

الاعرابي: انا ماقالو عاد كلش ما قحص... انا اقحص على الدقات :)
كنت اقحص اول وايد بس احين خففت عن الخساير :)

[S2000]

والله اني شفت كليبات للتفحيط "الغربي" مادري ليش اطلقوا عليها تفحيط!!
لا وتلاقيه معتبرينه اشهر واحد عندهم وهو كبيرهم الذي علمهم التفحيط!!

هو صحيح يمكن يعرف يفحط "عندهم" لكن بالمقارنة باللي أشوفه هنا وبالذات في السعودية,,
اسمحلي اقول ان مافي اعتناء بالمواهب ولا كان طلعنا خمس طعشر باخشب مب واحد بس :)

مشكور ياأبونايف :)

[ألأعرابي]

الله يسلمك اللي شفته عتدهم يسمونه تفحيط
اللي في الخليج خنون بلا عقل هيهيهيهي
يالله بنشوف من يغرب العرب و الأنجليز في هالسالفه ههيهي (والله غجر أحنا)

[أبو نايف]

شكرا لك عزيزي على تعليقك الجميل:)


بالمناسبه واحد امريكي مقرود مسكين ساكن حنب شارع من شوارع التفحيط في الرياض......وكلما شفته اوجلست معه....يقعد سولف لي باعجاب شديد عن المفحطين ومهارتهم...

حتى قال مره: هذولا لو يجون امريكا ...بيكونون مشهورين مره ولا سواق امريكي يقدر يسوي معهم شي......


لا هذا وهو مايشوف الا العقد بس....اجل لو يشوف حركة الموت وش بيقول:):)



عزيزي الاعرابي: أقدر وجهة نظرك...بس ماتشوف ان الممارسين لهذه الحركات الخطره يمتلكون مقدار عالي >>>>>>>>>> من الذكاء ((والحضور الذهني))....والجرأه

بس مشكلتهم ....انهم في بيئه ماتستغل طاقاتهم ولا توجهها الاتجاه الصحيح.....

فاذا كان فيه ذنب في مايعملون ...فهم لا يتحملون في رأيي أي جزء منه...

لانهم طاقات مهمله ومغلقه امامها كل الابواب:(:(


مع التحيه

[Eclipse]

مع انه ولا صوره طلعتلي

لاكن باين انك تعبان في الموضوع ;)

مشكور يابو نايف :)


:):)
:)

Eclipse

[أبو نايف]

:(:(

حاول مره ثانيه تطلع الصور....وكذالك تشغل افلام التفحيط بطريقة

save target as

[ألأعرابي]

بونايف
كلامك صحيح
ترى الحركات الصعبه فن
و من كذي يقولون اللي يعرف يفحط فنان
لأن أول شي مافي مكان في الدنيا يعلمك تفحط ثاني شيء
يبيلها تركيز اذا كانت صعبه (غير تخميسات و بريك بترول (حراق الأطار))
و انا جربت بعض الحركات , لكن يبيلها تدريب اتصدق أنا أول مره أشوف يبيلك تدريب عشان تكسر سياره (هيهيهي)

لا بس في حركات معقوله نفس تخمس حول زجاجة بيبسي و ما تلمسها هذا فن
أو المجبال (تخميس دار ما دار الدوار)
و تدخيل السياره على عرض من بين ممر ضيق
و لكن هناك في حركات جنونيه و غير معقوله
مثل حركة الموت
قد تكون فن
ولكنها تؤدي بحياتك الى الموت كما أنها شبه ليس فيها فن اصلا لأن كل ما فيها زحف السياره على مسار عكسي و ربما تكون أحياننا بالحظ
و لا أظن أن هالحركه فيها أي أنواع الفن (بيني و بينك جميله ترى)

[أبو نايف]

كلامك سليم.....وماعليه أي غبار


شفت انا ليش انصدمت بعمرك:):)

[ألأعرابي]

الله يسلمك
صرنا مثقفين من المنتديات :)