قوانين المرور

[ألأعرابي]

يا جماعه في شيء ما قط تكلمنا فيه و هو من هي أشد دوله في الخليج في تطبيق نظام المرور
و انا ما أعتقد السعوديه لأن بصراحه النظام في السعوديه في الشارع رايحه عليه
و ارجو وضع الأسباب لأختياركم

[ألأعرابي]

أرجو أن تكون الأسباب شامله يعني مو بس شديده في السرعه مثلا
و لكن في اعطاء المخالفات عند تجاوز الأشاره, السرعه, القياده السليمه, سلامة السياره و فحصها و سوالف رايبون ما رايبون (شيتسمونه؟ ضلال مادري شتسمونه) و يعني كل شيء

[مرسيدسCLK55AMG]

أنا أتوقع أنها قطر لأني رحت هناك ولاحظت هذا

[الطائر]

اتوقع انها متعادلة مابين البحرين وعمان.

[E55]

الدولة الخليجية اللي مافيها واسطة هي أشد الدول تطبيقاً لقوانين المرور

شوف إنت أي دولة خليجية ما فيها واسطة وشيلني وأشيلك :)

[NFS]

ما في!

يمكن البحرين؟!؟!

[ألأعرابي]

انا أعتقد البحرين أيضا
بس مادري عن عمان و قطر
في البحرين ماتقدر تسرع الا صايدينك
و اذا ما صادوك يدرون عنك
لأن الأماكن في البحرين الممكن الأسراع فيها محدده و هم عارفين وين
و يصورون بالفيديو و هذا كلام شرطي المرور
كما ان في البحرين اذا وصلت سرعة 200 فهي قضيه ترفع للمحكمه
و لا يتعامل معاها المرور
و في أماكن وايد ما توقع أن فيها كاميرا بس موجود
و المرور مو لازم يكونون في سيارة الدوريه عشان يصيدونك و لا بالباس (اليونيفورم) شرطي المرور
فعادة ما يتخفون حتى لا تعرفهم و تظنهم من الناس العاديين
و اذا شاهدوك مسرعه يكتبون رقم السياره و اليوم الثاني أتفاهم معاهم.
كما أن البحرين صيدها جماعي (الشباب قناصه) ما يلحقون واحد واحد
لا, يشوفون الجماعه اللي قاعده تفحط
ينطرونهم يكثرون و يصكون عليهم الطريق من كل مكان و تصير الصيده عاد.

عدى ذلك فالرايبون في البحرين ممنوع و اذا شافك حاط رايبون في محلك يقولك أطلع و شيل الرايبون, (الرايبون فقط مسموح بالزجاج اللي على الجوانب من الخلف, يعني اللي يمين و يسار السواق لازم ما يكون في رايبون ولا تشيله)

لكني بصلراحه ماقط شفت شرطي مرور يكلم واحد عن ستيكر ولا رسمه على السياره ولا قط سمعت أن صارات في البحرين.

زياده على ذلك فأن تغير أضواء السياره ممنوع مثل تحويل الفلاشر من أصفر الى أبيض و تغير لون المصابيح الأماميه

و هذي بعض الحقائق اللي في البحرين موب من عندي من شرطي المرور نفسه قال:
-كل يوم تصل عدد الحوادث في البحرين من 90-120 حادث في الأيام العاديه
-كا يوم يأتي باص ليأخذ من مركز المرور الناس اللي يطوفون الأشارات الحمره الى المحكمه (باص بسبب عددهم الكثير)
-الحوادث المميته لا تحدث في الصباح وقت الأزدحام للذهاب الى العمل بل بعدما تخلو الشوارع بعد الساعه 12 ليلا و السبب السرعه و عدم الألتزام بقوانين السير و الأشارات أعتقادا من السائق بأن الشارع خالي.
-أخطر الحوادث تحدث عند الأشاره
-التصادم بسرعة 80كلمتر تساوي السقوط من 10 طوابق (بل عيل 160 كم طابق؟)
-التصادم بسرعة 50كلمتر تساوي السقوط من طابقين


و هذي نصيحه من عندي هديه , أحيانا تتعطل الأشارات و يحصل أن أشارتين تنور اللون الأخضر, كما أن بعض الأحيان هناك أشخاص يقطعون الطريق دون ملاحظة وجود الأشارات
فحتى لو اللون الأخضر أمامك خفف السرعه و تأكد أن ليس هناك احد مجنون سيعبر من أمامك
و الوقايه خير من العلاج
و شكرا!

[بـــ{{جراح}}ـــو]

الصراحه أن ردي مثل رد المشرف NFS

[ألأعرابي]

محد بشارك غير؟!

[مجنون سيارات]

والله انا أعتقد البحرين في الصداره
وبعدها السعوديه
وبعدهاالكويت
وبهدها الامارات
وبعدهاعمان
وبعدهاقطر.

[Eclipse]

اخوي الاعرابي "

انت غالي و تستاهل انه الواحد يشارك في مواضيعك

لكن هذا الموضوع ما اعرف ايش الجواب "

:):)
:)

اكلبس "