تويوتا ومنتدا سوالف

[مسمار]

سلااااااااااااااااام شباااااااااب

أقول وشي سالفتكم مع تويوتا سارقه منكم شي

أغلب الأعضاء موته وذكر تويوتا

الكامري ماهي عاجبتكم
الكروزر ماهو عاجبكم وش قال السفاري أطلق
الكزيس كمان ما تعجبكم الأنفنتي والمرسيدس أطلق

أقول ...........











وش رايكم نرسل فاكس لشركة عبدالطيف يسكر الشركة أحسن مره وحده

[S8]

المصيبة الكبرى عزيزي
انه لا انا ولا انت ولا هو ولاهم مستفيدين من خسارة او مكسب تويوتا او الشركات الأخرى ...
ياشباب نحن هنا نتحرى الصدق في مواضيعنا وبلاش الانحيازات والعواطف والكذب

بعدين لازم لكل شركة اعداء واوفياء والأعداء محروقين من كثرة المبيعات فلازم ينزلوا حرتهم في السب اللي ماراح يظر ولا ينفع
تحياتي

[مسمار]

هلا أخوي S8 مشاء الله عليك توني ممداني كتبت الموضوع ألا أنت طاب
هب على الاشتراك الى ما يخلص بس




ممكن القاعده العامه ( كل ناجح محارب )

[كابريس]

الي مو عاجبته الكامري يبلط البحر شوف مبيعاتها قد ايش ماشاء الله تبارك الله

[ابو الشيماء]

ذكرنا من قبل في عدة موا ضيع سابقة ان سبب مبيعات الكامري واكثر سيارات تويوتا هو راجع لخبرة الوكيل في المملكة ماهو يعني جودة السيارة !!!

الوكيل عامل اعلانات وتسهيلات في الشراء بالاقساط وغير هذا كله شعبية التويوتا القديمه لدى الناس .

حتى انى مستغرب من السيارة ( ايكو ) وسرعة انتشارها في السوق مع انها اسوأ سيارة شفتها في حياتي لكن لانهـا تويوتا ..

عموما نرجع ونقول سبب الانتشار ذكاء الوكيل مو جودة السيارة واعملوا مقارنه بأنفسكم وتشوفوا..
وبدون تعصب :):):)

[lumina]

الصراح يا أخوي مسمار كل الأعضاء في المنتدى ما ينحازون الى أي

شركة لكن كل واحد و قابليته على أن يحب الشركة والسيارة في نفس

الوقت .


و ما أقول :::::::)


:)الإختلاف في الراي لا يخلف في الود قضيه :)

[S8]

هلا مسمار
قول ماشاء الله على الاشتراك

عزيزي ابو الشيماء
شوف حبيبي انا افتكر عام 88 اول ماطلعت الكرسيدا موديل 88 والوالد يومها كان وده في سيارة صغيرة وراح وجاب كرسيدا جديدة بـ33الف ريال فقط ....ووقتها لم تكن هناك اي تسهيلات تذكر او اي شي من هذا القبيل ولو تاخذلك لفه على نيسان راح تشوف ان تسهيلات نيسان افضل من تويوتا بكثير ...ولكن جودة تويوتا وسياراتها هي اللتي تقول غير ذلك وتكسر كل الظنون والتوقعات

اما عن الايكو فهو شي طبيعي كل الانتشار هذا وانا كنت متوقع هذا الشي لها لانها وبكل بساطة تحمل في وسط شبكها علامة شركة عريقة من اقوى واكبر الشركات في العالم وتقول انها لن تنتشر ؟...
لنرجع الى الوراء لعام 98 عن صدور الكامري 98 وكلنا قلنا ان تويوتا اخطأت في تسويقها بهذا الشكل وانها لن تتسوق على الوجه المطلوب ...ولكن المبيعات وازديادها تقول غير ذلك

[SKYLINE GTR]

ابو الشيماء

صح لسانك والله

S8

تويوتا في 98 تندمت انها نزلت الكامري تدري ليه؟ لان 98 كان عام الماكس وبس في دول الخليج بيعت 15 الف ماكسيما في سنة وحده والكامري ما انتشرت الا في نصف 99 وما بعد ذلك ومعظم الكامري موديل الـ 4 سلندر ما تلاحظ الشي هذا ؟

[ابو الشيماء]

تويوتا الي تتكلم عنها ايام موديل 88 والسنين الي قريبه منها

ايام ما كانت سيارات تويوتا فعلا تصنع في اليابان ...

مو استراليا.
حتى الهايلكس بدأت تصنع منذ اعوام في الصين , تخيل !!

لكن الحين خلاص انتها الموضوع والبقاء للافضل .

عموما انا ما اقول هالكلام بتعصب بالعكس فانا من محبي تويوتا لانها هي اكثر السيارات مبيعا عندنا في اسواق المعارض لكن كا ستخدام بالتصنيع الحالي والله ما اتكل عليها ...

والواقع يفرض نفسه :)

[S8]

عزيزيSKYLINE GTR
اذاكانت نيسان باعت عام 98 15 الف مكس فأعتقد ان تويوتا قد تجاوزت بمبيعات الكامري 98 الـ30 الف وحدة

عموما
اي سيارة جديدة يبالها اقل شي سنه الى سنه ونصف حتى تبدء الانتشار
اقوووول كم باترول موديل 2002 شفت في الشارع العام ؟؟؟

ابو الشيماء
اعتقد ان الاصلح الذي يفرض نفسه في قوةالمبيعات والكامري على ما اعتقد ليست بعيدة عن هذه القاعدة

اما الونيت الصيني فهو من صنع شركة صينية تحاول تقليد الهايلوكس لااكثر ولااقل

[SKYLINE GTR]

الاخ S8

يمكن الـ 30 الف وحده مبيعات 98 و 99 مع بعض وانا اتحدى لو كانت 98 بس والدليل ان الـ 98 قليلة، عز الكامري ما بدا الا في 99 وعلى فكرة الـ 98 الاسطب الخلفي تشتغل لمبة واحدة مو زي الـ 99 اللمبتين في الاسطب تشتغل

الباترول الجديد ما له شهر ونصف توه نازل اصبر عليه تعال بعد 6 شهور وشف وشلون بينتشر وسلامتك

[dr_messo]

شباب انا ماني من محبي تويوتا بل بالعكس انا من محبي نيسان لكن الحق يقال ....
سيبونا من جودة السيارة ومقاومتها .. لكن تعال بالنسبه للصيانه وقطع الغيار ....

صيانه نيسان سيئه للغايه واسعار قطع الغيار مرتفعه جدا وغير متوفره معظم الاحيان ...

انا اقلك من واقع تجربة مريت بيها ...

انا عندي سيارتين اوكي

وحده منهم نيسان التيما ..

كل ما اودي السياره الصيانه اطفش من الشركه دي ...

المهم وعلى دا الحال اسعار مرتفعه وخدمه لايمكن ان تكون بمستوى عال كما يجب ان تكون لدى الوكيل الخاص بالسياره ...

ازيدك من الشعر بيت لدينا سياره نيسان صني عند السواق ...

انا احلف اننا صرفنا على هذه السياره قطع غيار مساويه لقيمة السياره او اكتر كمان ... ويريت نلاقي القطع على طول
كل ما اروح الشركه ولا محلات قطع الغيار ..
والله في اغلب الاحيان يقلي القطعه مهي موجوده انتظر الين نطلبلك هي ... مره يجيبها من جده مره الرياض وعلى الحال دا...

طفشنا من السياره ..

اشترينا تويوتا كورولا ....
والله ارتحنا جدا مع السياره دي خصوصا انها مع السواق ..
لكن تروح الشركهتعامل ممتاز , صيانه ممتازه , قطع غيار متوفره

ترجع السياره بعد الصيانه جديديه ....


اليس هذا سبب قوي لقوة سمعه سيارت تويوتا ؟؟؟؟

بل وسبب فعلي لزيادة المبيعات ؟؟

[SKYLINE GTR]

وكيل تويوتا افضل وكيل بالمملكة وهذا اللي يخلي الناس تشتري تويوتا وهي مغمضة الحين الناس تستعمل سيارات نيسان ووكيلها زي الزفت ( يكرمون القراء ) تخيل ان عبداللطيف جميل وكيل نيسان كيف بيكون وضعها ؟

[dr_messo]

عزيزي SKYLINE GTR
انت على حق في كلامك

ومن اكبر الادله كمان
عندك سيارات هوندا من افضل السيارات اليابانيه .. ولكن وكيلها سيء جدا ودا كان سبب رئيسي لعدم انتشار هذه السيارات عندنا ... ولمكن بدأ يتحسن بدأت سيارات هوندا تنتشر ولا كان زمان نادرا انك تشوفها في الشارع ...

[SKYLINE GTR]

اخوي dr_messo

صح لسانك والكلام ينطبق على اغلب الوكلاء عندنا هنا

[S8]

اعزائي واحبائي
خلاص انا ماعلي من مبيعات الكامري
لكن تقدر اليوم تجيب لي مكسيما موديل 95 ؟؟اذا لقيت تعال ...انا اتحدى انها لم تنباع منها ولا 3000الاف سيارة

اما الفرق بين الكامري 98-99اتحداك تلاقي فرق

اما الباترول ففهمتني غلط لأن الباترول قديم من عام 98 وكان المفروض انه ينتشر بمجرد نزوله للأسواق ..اما انه الى يومنا هذا ولم ينتشر فهذا دليل على خوف الناس مع العلم انه افضل وافخم واقوى من موديل 98 بنفس الشكل وووواليس سببا كافيا لانتشاره ؟؟

اما صيانه تويوتا فانا اقدر احلف وبعد معاناتي مع وكاله تويوتا انها اخس صيانه على وجه الارض

واما عن هوندا فسبب قله مبيعاتها هو الغلاء الفاحش لقطع الغيار وقلتها وليس الوكيل
ودمتم

[SKYLINE GTR]

الماكسيما 95 كانت اسعارها خيالية لكن لما نزلت في موديل97 و98 شف كيف العالم صارت تشتريها

اما الفرق بين 98 و 99 فيه فرق زي ما قلت فوق

من قال ان الباترول ماانتشر؟ بالعكس طالع الناس في الشوارع وتشوف اللي معهم باترول هم كثيرين ولا لا

و سلامتك يا الغالي

[ابو الشيماء]

اعزائي حتى يتضح الجواب لابد من وضوح السؤال ؟

الجودة او المبيعات
:)

[S8]

شباب لو كانت مكينة المكس نفس مكينة الكامري 2.2 بقوة 142 وبنفس التسارع والوزن
هل ستحقق كل هالمبيعات ؟؟؟
هذا سؤال لأهل المكسيما

[IMPALA SS '96]

يا سيدي أولاً.........

تويوتا ممتازة وروعة و ما عليها كلام ..................



اللي صاير إنه الناس عندنا معطينها أكبر من حجمها و كلهم تويوتا وبس.......لدرجة إنهم أهملوا العديد من السيارات الرائعة و الممتازة من ماركات مثل هوندا و نيسان و ميتسوبيشي...و لا أنسى المظلومة سوبارو.....
كله عشان كرسيدا وهايلكس الماضي اللي في ذاكرتهم.....


عالم السيارات زي صحن الفاكهة أغلبه حلو و إنت وذوقك نقي تبغى تفاح برتقال كيوي كرز فراولة.........بس تقولي كله برتقال و موز .......ما صارت... إيش إحنا في زواج ؟؟؟....

العدوان ضد التويوتا سببه القرف و الإحباط من الروتين والتقليد و شغل الشياب.......يا خويه في المدينة عندنا إلى عهد قريب ما في غير هايلكس و كرسيدا و كابرس ...بس الحمد لله الأزمة كل مالها تخف و الناس قاموا يتطوروا شويه...

أعطيك التفكير الصح......... "وجهة نظر" ..........

يا أخي بصراحة أنا أقول كامري سيارة قبيحة و تصميمها رجعي ومتخلف ماكسيما أحلى و أقوى ويبانية الأصل و المنشأ، تقول مافي أربعة سلندر أقول روح سوق السوبارو و اتجنن و صدقني لو ما أجبرك الوالد على الكامري ما حتقربها بعد الليجاسي ، لكن بالمقابل أفالون روعة و ذوق .. و مهما طلع الباترول يبقى كروزر أخوه الكبير لكن هذا ما يمنع إنه الصغير يتفوق على الكبير ويزيد عنه ب 30 حصان..... و اللكزس عمة الجميع و الإنفينتي تحاول تنافس و كان لها من النجاح نصيب و ليش ماأجرب البريميرا ترها قوية و روعة،آها الأوبل الألمانية المزيونة شكلي بشتريها..،طيب ليش ما آخذ اللومينا إس إس أقوى و شكلها شبابي أكثر وووووووو......إلخخخخخخخخخخ

الفكرة مو التعصب لماركة دون أخرى أهم شي السيارة نفسها تعجبني ولا لأ............و طبعا لا بد من العقلانية و إعطاء إهتمام للوكيل بس بدون تعصب شديد لأنه أغلب الوكلاء في تحسن.......الفكرة إنك ما تشتري من بالبيد وعندك الجميح......ولا الحاج وتسيب الجزيرة......
بس لو مافي غير بالبيد يجيب السوبارو.......فتأكد إني بشتريها منه..........

با ختصار لا يخدعكم إنتشار سيارة ما لأن التعصب و التخلف قد يكونوا سبب لشهرتها.......
لا للتعصب............و لا للتخلف و التقليد.....




تحياتي للجميع............و أترك لكم المايكروفون...:):):)