View Full Version : رجاء حار جداً .... أريد المساعدة بسرعة رجاءً
سموحة
24-11-2001, 10:53 AM
أولاً مبارك عليكم الشهر لاني من أكثر من أسبوع غايبة
ثاني شي وحشتوني جداً جداً جداً ............... والله لكم فريه
ثالث شي أبي مساعدتكم خاصة الشعراء واصحاب الاقلام الرائعة والحمد لله اهم اكثار في سوالف .............. الله يعطيهم العافية
القرقاعون هذي الخميس وابس مساعدتكم في كلمات بسيطة وحلوة علشان اكتبها على الكارت اللي احطة مع الشغلة اللي راح اسويها هالسنة
على من يتكرم ويتعطف علي ببعض الكلمات أن يسرع لأني لازم ابرزها عالاقل هاليومين
وشكراً لكم
ahied
24-11-2001, 11:11 AM
لو كنت اعرف
كنت رح اساعدك
بس للاسف ما اعرف
SORRY
:( :( :( :( :(
اختك : عهد :rolleyes:
حسينكو
24-11-2001, 11:18 AM
salam
i think it is on Friday ... not on Thursday
Right?
أنا مستعدة عزيزتي ....
بس ما فهمت القرقعون ؟
انتي خبريني اللي تبينه و انا مستعدة اكتب لج أبيات
:):)
تولهنا عليج يا الغالية :)
سموحة
24-11-2001, 11:41 AM
مرحبا عهد
مب مشكلة ، لاني انا بعد عصرت مخي بس شكلي اني استنفذيت كل الافكار ... اتعرفين كل سنة بفكرة خلاص ما بقي شي ما سويته
مرحبا حسين
لا القرقاعون يوم الخميس ليلية الجمعة لأنه ايصادف 14 من رمضان
مرحبا توتة
والله مشكورة حبيبتي وأنا بعد تولهت عليكم وايد وايد بس ظروف شاسوي
القرقاعون يا طويلت العمر أهو حق الاطفال اللي بنصف رمضان يطلعون يدرون على البيوت ويغنون كل دولة وحسب عادتها
في البحرين يغنون
قرقاعون عادت عليكم أيا الصيام .... الله يخلي ولدكم ولدكم يا الحباب .. قرقاعون
وفي موضة جديدة وانا معاهم كل سنة انسوي شكل حلو مثل سلة أو صحن حلو أو فنر أو طارة أو أي فكرة حلوة وغريبة نحط فيها مكسرات ونغلفة ونحط عليه بطاقة باسم اطفال البيت وبعض الكلمات الحلوة وانا السنة متوقهة لاني خلصت كل الافكار اللي عندي حق الكلمات
ونوزعة على بيوت العائلة والاصدقاء يعني كل بيت شغلة وحدة مب شرط كل طفل ............... يعني السالفة خسارة وتبذير بس شنسوي عرب
اتمنا اني قدرت اوصل المعلومة صح ... واتمنا انج تساعديني في اقرب وقت ممكن
مع الشكر مقدماً
هلا والله سماح .... :)
فهمتج .... احنا نسوي مثلكم بس فس نص شعبان .... :)
يوم قريت قرقاعون ... قلت يمكن قرقيعان .... و طلع فعلا نفس اللي في بالي:p
لكن قلت بتأكد منّج قبل ....
و ان شاء الله بزهب لج كم مقطوعة شعرية تتنقين منها .... :cool:
دقايق و راجعة .... :D
بنت العين
24-11-2001, 04:00 PM
شو يعني قرقاعون..؟؟
SAUD33
24-11-2001, 04:29 PM
sajsm
مساك الله بالخير
اسمعي هذه الأبيات البسيطة التي كنا ننشدها ايام زمان
في القرقيعان ((( الناصفة))))
نقول ناصفة حلاوة اقريقشون
حلو الكيس واعطونا
الله يسلم اوليداتكم سالمين غانمين
لو ما الحسن ما جينا ما جينا
هههههههههههههههههه
هذا ما كنت أحفظه ويمكن الشباب عندهم إضافات :):):):) :D :D :D :D :D
سموحة
25-11-2001, 10:09 AM
هلا والله بتوتة
قرقيعان بالاماراتي صح ، بس ليس بنص شعبان أحنا عندنا بنص رمضان
بصراحة ظنيت أن كل الدول الخليجية تحتفل بالقرقيعان بنص رمضان
بس مب مهم الوقت المهم ان الكل عنده قرقيعون
بس توتة وينج عزيزتي قلت دقائق وصارت ساعات
يالله تراني انظر http://www.swalif.net/sforum1/images/smilies/rolleyes.gif
سموحة
25-11-2001, 10:16 AM
مرحبا بنت العين كيف حالك
أولاً القرقيعون بالبحريني والقرقيعان بالأماراتي وانت ما ادري من أي دولة
بس بالبحرين يصير بنص رمضان وبالامارات يصير بنصف شعبان
وهو عادة شعبية متوارثة يطلع الاطفال وفي رقبتهم كيس وبعضهم يحمل الطارات ( الطبل ) ويدرون على البيوت وكل يغني على حسب عاداته وطبعاً يحصلون على مكسرات وحلاوة ووناسة
والله بنت العين ذكرتني بالايام الغابرة كانت وناسة الله على القرقاعون كان صج حلو كنا ننتظرة عالشان ندور علبيوت ونحصل هالمكسرات والحلاوة
جنا متخرعين ما قط كلينا مكسرات بس تدرين الدواره ابروحها مشوقة
اتمنا اني وصلت المعلومة صح
سموحة
25-11-2001, 10:20 AM
مرحبا سعود
مشكور على الابيات الشعبية
بس حبيت اعرف هذي الكلمات مالت أي دولة
عشان إذا احد سالني اعرف شارد ما اصير مثل الاطرش في الزفة
بنت العين
25-11-2001, 02:30 PM
سمـــــــــــاح
فهمت...و انا دايم اسمع فالتلفويون خصوصا
فالكويت عن القرقيعان..و انا يا ستي من الامارات
بس للاسف نحن فالعين ما عندنا هالعاده :(..فدبي
و الشارجه ....اعتقد فيه..:)
ثانكس للتوضيح...:)
تحياتي لجـ :)
أنتِصَف رمضــان ثاني
و هلّت نجوم الأماني
الليلة نزف التهاني
كثر اعداد الثواني
لكم يا اهلي و خلاني
هذي سجعها موسيقي .....
انتصف رمضان ثاني ... هلّت الليلة علينا
....................... يا هلا بها لجل عيدها خافي حروفي تتيه
كل سنه و انتوا بخير .. مرحبا باللي يجينا
....................... في وجودكم و بغيابكم .. مالكم والله شبيه
ما تفي سبع العجايب ... لا و ربي ما توفينا
....................... ليت عمرنا ينهدى ... والله لمثلكم بنهديه :)
أتمنى يعجبونج ... و ان شاء الله ماكون تأخرت :(:)
تـــــــــــ تحيايت ـــــــــوتة :)