سوالف للجميع - التلغيم الخفيف

ألأعرابي

01-01-2002, 04:50 AM

يا مرحبا و شلونكم
موضوع أنا عارف أن الكثير من الشباب متشيقين لمعرفته و هو التلغيم الخفيف الذي لا يضر السياره او الضرر عليها قليل جدا لا يذكر:

فلتر الهواء:
هو منظف الهواء الذي يدخل على المكينه و يفضل استخدامه و لا يضر المكينه بل ينفعها حيث انه يكثر من الهواء الداخل على المكينه من الفلتر العادي و ينظف أفضلو تركيبه يأخذ بضع دقائق
يضيف ما يقارب 25 حصان على الشيروكي
www.kandnfilters.com
*************************
الكاتيليك:
هي أحدى دبات السياره "كنداسه":D , و هي تعيق ممر الهواء الخارج من المحرك, و قد يتسائل البعض عن سبب وجود هذه الدبه, السبب هو أنها تنظف الهواء الخارج من العادم من السياره عشان بيئه أفضل و هواء أنقى في الخارج
تذهب الى لحام و تقوله يشيل الكاتيليك و يحط لك بايب محلها
يزيد ما يقارب5-7 حصان
*********************
:cool: :cool: :cool:
شعرك بيضلو فرحان صحي مع سانسيلك
:D :D :D
*********************
الأوكتين:
ماده من النفط, يتكون النفط الخالي من الرصاص ما يقارب 98% من الأكوتين, لكن هذي زجاجه تشتريها يكون فيها الأكوتين مركز و تسرع سيارتك و تفيد في المطارحات و يكون أستخدامه كالأتي:
اذا بقى في السياره القليل جدا من النزين , صب الأوكتين في دبة البترول (مكن ما يسصبون البنزين) و روح محطة البترول و صب ما يقارب 15-20 لتر بنزين, حركه السياره خمس دقائق
و روح طارح:D
كما أنه ينظف لك الأنجكترات
عدد الأحصنه الزائده غير معروف
الحلقه القادمه غدا
***********************
:cool: :cool: :cool:
هذه الحلقه برعاية حلوى شويطر
الحلوى الألذ في الخليج
:D :D :D
*********************

IMPALA SS '96

01-01-2002, 05:47 AM

اول شي تــ .........أوه معليش ماشفتك......كيفك يا أخا العرب....
زمان علي أيامك و الله.......

قول تم............أقول حلفتك بالله غير تقول تم
ولو كان لنا معزة عندك غير تقول تم............

أنا مستنيك ترد.......

:D :D :D :D

supra se

01-01-2002, 04:41 PM

على فكره تراى أنا مركب هذه الاشياء (الفلتر والشكمان ) على سيارتي والله العظيم مازادت متر واحد لا في القومه ولاالخط
بس ترى الاوكتان مفيد ومجرب
وفي تلغيم أحسن ومجرب 100% اللي هو البكرات الرياضيه وصدقوني ركبوها وراح تدعولي :D :D :D ;)

سيف الإمارات

01-01-2002, 04:53 PM

^1

Nitrous Oxide System

أروع و أرخص تلغيم يعطي بين 50-150 حصان
لكن المكينة ما بتعمر معاك

01-01-2002, 05:25 PM

مرحبا شباب ..

مشكورين على المواضيع الحلوة اللي ودنا تكثروا منها :)

ومشكور يا أعرابي على طرحك للموضوع ..

في كمان يا أخوان تلغيم خفيف للسيارة .. ولكن مو رخيص ..

وإنما مجـــانـــــاً :cool:

وهي تقديم الديلكو ( موزع الشرارة ) ..

واللي يحصل عند التقديم .. انه الشرارة الكهربائية تجي قبل موعدها ( قبل وصول المكبس إلى النقطة الميتة العليا " T.D.C " ) . وهذي الحركة تفيد عند سرعات الدوران العالية .. 4000 وما فوق ..

طبعاً الشرارة تجي لما يكون المكبس وصل إلى أعلى نقطة له في شوط الإنضغاط .. وعندها يبدأ الإحتراق وينزل المكبس بفعل قوة الإنفجار ..

لكن أحياناً عندما يدور المحرك بسرعة عالية .. أحياناً ماتلحق الشرارة .. يعني يأتي موعد الشرارة .. والمكبس بدأ مرحلة النزول ( وبالتالي يقل ضغط الإنضغاط ) ويكون الإنفجار ضعيف نسبياً ..

أما عند تقديم الديلكو " أو تقديم موعد الشرارة " يمكن الإستفادة من هذا الإشعال المبكر عندما يدور المحرك بسرعة عالية جداً .

نقطة مهمة جداً :
التقديم الزائد للديلكو فيه ضرر كبير جداً على المحرك :eek:
لأنه قد يحصل اشعال مبكر .. ويحدث الإنفجار والمكبس لا يزال صاعداً .. ويحدث عندها ما يسمى بالـ " الصفع " أو " ظاهرة الدق " يحصل تصادم قوتين عكسيتين .. ينجم عنه تآكل السبايك ( المحامل الانزلاقية ) لعمود الكرنك بسرعة .. كذلك يلحق الضرر بالمكبس وذراع التوصيل وعمود الكرنك نفسه .

لذا يجب الحذر عند تقديم الديلكو .. ويتطلب تقديمه خبرة ميكانيكية :)

طولت عليكم ..
لكن المهم في الموضوع ان تقديم الديلكو نتايجه فعالة وتعطي فرق واضح ..

:(:( لكن مو كل السيارت يمكن القيام بتقديم الديلكو فيها :(:(

وتحياتي للجميع ،،

s3ood

01-01-2002, 05:47 PM

اقول يا ألأعرابي انت ما تكف عن سوالفك :D :D

توه واحد من ربعكم رايح والسبب الـ التلغيم او بالمعنى الأصح من الـ NOS

وانت اتقول حق الشباب لغموا ...:D :D

مو منك من حلوى شويطر الي راعية موضوعك

بس انا باركب فلتر ;)

رزين

01-01-2002, 06:06 PM

مشكورين يا شباب على المعلومات

BMW

01-01-2002, 06:26 PM

بس ...

عندي سؤال

هل يضر الهدرز بالسيارة ؟

روح الامارات

01-01-2002, 07:33 PM

عزيزي الاعرابي ,اشكرك على موضوعك الرائع جدا ,وحبيت اضيف بعد الهدرز system اللى يريح المكينة في الخط ويزيدك 20كم زيادة :)

01-01-2002, 08:04 PM

وهذى موضوع في سوالف للتلغيم الخفيف (http://www.swalif.net/sforum1/showthread.php?threadid=123847)

وكتبه الاخ KING

لكن للأسف ما اكتمل

======

شعرك بيضلو فرحان صحي مع سانسيلك

هذي القطعة من وين نشتريها
:D :D

Eclipse

01-01-2002, 10:02 PM

ايش المواضيع الحلوة هذي !!:D

ألأعرابي

02-01-2002, 03:06 AM

يا هلا:D
و شفيكم هديتوا علي مره وحده

مشكورين لكل الشباب و المشاركات أنا تعلمت منكم أيضا
بس شنهي البكرات؟

أخ سيف الأمارات:
نيتروس يزيد من بين 100-250 حصان, يعتبر تلغيم رخيص و قوي صحيح
بس الموضوع عن التلغيم الخفيف, اضافة الى أن أحد أصدقائي توفي قبل ما يقل عن سبوع لأنه أستخدم النيتروس و متعقد منه بصراحه:(

الأخ سوبرا سي:
هي تزيد بس بدون ما أنت تلاحظ و لا يبين الا في السباقات اللي يكون فيها حك, يعني الفارق بين الفائز و الخاسر تقريبا بانيت الموتر (المقدمه)
,
و هي مجربه
25 حصان على الشيروكي و الشركه بنفسها قالت هالكلام
و الكاتليك اللي شلناه فحص على جهاز الداينو قبل و بعد
و زيد ما يقارب 7 حصان, يعني ما يصير أنت تكون أضبط من الداينو و كان الموتر بي أم دبليو م5 ,
على فكره
شنهو موترك, الفلتر غير فعال في الياباني كما أعتقد

ألأعرابي

02-01-2002, 03:32 AM

الحلقه رقم 2 من التلغيم الخفيف
***************************
الأم أس دي:
جهاز يضيف ما يقارب 10 حصان للموتر سعره تقريبا 700 ريال
يزيد من قوة الكهرباء في الموتر
يفضل البعض تركيبه لأنه يفيد الموتر أكثر من ضرره
***********************
بلكات الموتر:
البلكات و هي spark plugs. و هي اللي تحرق البترول اللي يدش في السلندر, ممكن تغيرهم بسهوله و وضع بلكات ذات شعريتين, لأن البلكات العاديه شعره واحده, و المقصود بالشعره هي عدد الشرارات التي تحرق البنزين,
الشعره=شراره
الشعريتين=شعرتين
و بوجود شرارتين يعني أنفجار أكبر مما يؤدي الى تسارع أكثر
و موجود ثلاث شعرات
بس أعتقد أ،ه يضر البستنات الضعيفه و يبيلك تغير الأسلاك الى أسلاك تتحمل هذه القوه و هي صفراء اللون و أعتقد أن البلكات مع الأسلاك لا يتجاوز سعرها ال250 ريال اذا هوب أقل
هذا تخمين و لكن لا أدري عن السعر الحقيقي
***********************
:cool: :cool: :cool:
مع نيدو كنا أولا صغار
مع نيدو صرنا كبار
:D :D :D
********************
زيت المحرك:
بصراحه لا أعلم الكثير عن هذا التلغيم
بس واحد من اللي يشتغلون في وكالت فراري و ديابلو قال عندهم
زيت يستخدمونه و سعره تقريبا 450 ريال على ما أعتقد
بس تحط هالزيت في السياره و تحرك السياره شوي عشان ينزل
ولا السياره طياره!
***********************
هيديرز:
هيديرز هي عباره عن بيبات ممتد
ه من المكينه الى الأقزوز (شكمان) و ما يسمونه exhaust system كما أعتقد. ما يحصل هو أن يكبرون فتحت البايب اللى يخرج الهواء من المكينه الى الأقزوز مما يؤدي الى خروج هواء أكثر
يعني أداء أفضل
لكنه يضر المكينه اذا صارات البايبات أكبر من الفتح اللي في المكينه يخرب الموتر
و اذا في خطاء في اللي قلته أرجو من الشباب يصححون لي
************************
:D :D :D
هذه الحلقه برعاية حلويات شويطر
الحلوى الألذ في الخليج
:D :D :D
*******************

Dentist

02-01-2002, 03:57 AM

الف شكر عالموضوع الحلو

بس مسألة التلغيم والله شوي قويه

وانا ماراح الغم سيارتي لاني سامع ان ضررها اكبر من نفعها وخاصة التلغيم القوي مره زي النيتروس هذا الفضيع

لان البلا كله يجي على المكينة المسيكينه واحنا اصلا مبهذلينها بسواقتنا اللي ماترحم ونزودها بعد تلغيم:o :o

وعالعموم انا احب هالفكره واتمنى نشوف كثير من هالمواضيع الحلوة ويعطيكم العافيه اخواني

WRANGLER

02-01-2002, 05:21 AM

مشكورين ياشباب ماقصرتم على هذه المواضيع:D

ألأعرابي

02-01-2002, 04:39 PM

مشكورين:D

supra se

03-01-2002, 06:50 AM

يابدوي والنعم .......................
على فكره msd مايفرق ولايفيد السياره الا اذا كانت ملغمه
وانا عارف انك منت مصدق
اضربلك مثال من واقع حياتك اليوميه في الصحراء
السرج على الحمار مايفيد ولا راح يخليه يسابق الهواء بس ترى السرج على الحصان يفرق ومثلك خابر ويش أقصد
والكلام هذا خارج من تجارب عشتها وانضحك على فيها
مو على سيارتي بس
وانا اشرحلك ..............
الmsd وضيفته يزود كهرباء للسياره بس عندما تكونا الكهرباء زياده عن طاقة السياره وعن قوة المكينه لان المكينه تكون معطيه كامل قوتها وماتقدر تعطي أكثر علشان كذا وجود الجهاز زي عدموه
وان انشاء الله اكون قادر على ايصال المعلومه والله اعلم
وشكرا للجميع

;)

NFS

03-01-2002, 07:07 PM

الأعرابي

أيش هو شكل الأوكتان إللي تتكلم عنه؟؟

هل يباع في الأسواق؟
كيف شكل العلبة أو العبوة؟ كل حجمها ؟ كم سعرها؟
أيش لون هذا الأوكتان؟ هل هو سائل أم مسحوق أم كرات أم بطيخ؟؟؟
أيش الماركات الموجودة؟ ما هو أفضلها؟

زين ليش البنزين إللي عندكم يطلع رائحة سيئة من العوادم؟؟؟؟؟
وكم رقم الأوكتان حق البنزين "الجيد" و"الممتاز"؟؟؟ "نفس السؤال موجه لبقية الشباب".

ألأعرابي

04-01-2002, 02:57 AM

يا مرحبا:D
والله في الجيد ما أعرف بس في الممتاز نسبة 98% كما أعتقد

صراحه هو سائل
ما لاحظت لونه اعتقد أنه شفاف على وردي و غير متأكد
يباع في السواق طبعا
لا يعطي السياره قوه جباره
لكن أعتقد أن يزيد لك مسافة نص ليت الى ليت (ليت=مصباح كهربائي) يعني يفيد في السباقات اللي فيها حك
و ليس ممنوعا أبدا و ينصح بأستخدامه بأستمرار (عاد موب كل مره)
أعقت انه يباع في علب تحتوي على ليتر و نصف و سعره 140 ريال تقريبا
أنا اتكلم عن النوع اللي أستخدمه
ما لاحظت الشركه
لكن بحط لك صورة علبة أوكتين من شركة أس تي بي على الوصله التاليه:
http://www.stp.com/fuel_oct_boost.html

ارجو أن أكون قد أفدتك :D

السديرواي

04-01-2002, 09:50 PM

صراحة دوختوني:
عندي إستفسارات عديدة:
1 ماهو msd وشكله ، جهاز ، أسلاك ؟؟
2- النيتروس أشغل بالي مرررة .
: عرف النيتروس تعريف كامل ووافي ؟ هل هو جهاز ولا مكينة ولا وشو؟
:confused:

18-01-2002, 11:11 PM

للرفع

S.T.P

22-01-2002, 04:33 AM

مشكورين شباب على هالمعلومات الحلوه.

:cool: :cool: :cool:

NFS

24-01-2002, 08:01 PM

مشكور يالأعرابي على أجابتك لبعض الاسئلة ، لكن ليش البنزين عندكم يطلع رائحة سيئة؟؟؟

ألأعرابي

25-01-2002, 02:20 AM

تبي الصدق؟
مادري
و ما لاحظت
ليش البترول عندكم ما يطلع ريحه؟