View Full Version : السوبر شارج
ألأعرابي
10-01-2002, 02:32 AM
حبيت أعرف اذا السوبر شارج يخرب المكينه
و طريقة عمله لو سمحتم
ألأعرابي
10-01-2002, 06:14 PM
للرفع
محد عارف الجواب؟:(
Salamander-C2K
10-01-2002, 06:30 PM
اي شئ يضاف الى محرك السياره.... يؤدي الى نقص في عمرالسياره..... السوبر تشارجر عباره عن محرك توربيني صغير يقوم بادخال كميات هائله من الهواء الى المحرك لزيادة نسبة الاحتراق وايضا لاعادة احراق البنزين الخارج من المحرك دون ان يحترق كاملا :)
سيف الإمارات
10-01-2002, 06:37 PM
^1
أفا عليك يالأعرابي عندي الجواب
السوبرشارجر أنواع عدة
1. يجي مع السيارة من المصنع مثل المرسيدس SLK32 AMG
وهذا من أفضل السوبرشارجر و أكثرها عملية مع أنه البوست عالي (ضغط السوبر).
وميزاته يعمر مع المكينه
وصوته منخفض
لكن صيانته غالية
2.النوع الأخر
سوبرشارجر مثل pro-charger ويا ضغط مرتفع مثل 14-20+ psi
ميزاته أنه يعطيك
قوة هائلة للتسارع
وصوته عالي
ومن سيئاته يقطع حزام السوبر بسرعة و أعطاله كثيرة
3. النوع الأخير
مثل VORTECH super charger
الضغط منخفض من 5-13 psi
يعمر مع المكينة
وصوته متوسط
القوة حوالي 35-45% زيادة على المكينة
و يمكن يعمر سنة أو أثنين أو أكثر (يعتمد على إستعمالك)
أسعاره حوالي 3500 دولار
شكراً لك على هذي المعلومات
في منها أشياء جديدة علي :)
كابريس
10-01-2002, 11:30 PM
سيف الإمارات مشكور على المعلومات القيمة :)
مشكور سيف الامارات على هذي المعلومات ، لكن أنت ذكرت ماركات بعينها وليس الأنواع!
الصراحة أنا ودي أتفلسف بس ما عندي معلومات كثيرة عن الأنواع "حدي أعرف Centrifugal و Root-Type"...
أما عن النوع الموجود في المرسيديس فالشاحن يعمل عن طريق محرك كهربائي مش على المكينة!!! "أحد يصحح لي هذي المعلومة اذا كنت غلطان".
أوه نسيت اجاوب على شيء ، الأشياء اللي ممكن تؤثر على السيارة ، على حسب ما قرأت في مكان ما ، لن يكون هنالك تأثير مباشر على المحرك أذا كان الضغط في الحدود المعقولة ، لكن التأثير سيكون على :
(1)- الكلتش (2)-الترس التفاضلي (3)- عمود الديفرنس
فأضعف نقطة بين هذا الثلاثي المرح هو اللي بيتأثر مباشرة.
lumina
11-01-2002, 02:20 AM
و الله معلومات حلوه بس صج السوبر جارج يهلك الموتر يخلي الموتر يكح من كثر القوة
سيف الإمارات
11-01-2002, 03:08 AM
^1
أشكركم يا شباب
E55 كابريس NFS
وزيادة للمعلومات عن السوبر
أنا أستعملتة سنة بدون مشاكل على سيارتي
من نوعية الضغط المنخفظ
**************
NFS
ذكرت نوعية السوبر لتسهيل الفهم على الشباب
وبالنسبة لسوبر المسيدس أعتقد ضغطه أكثر من 14psi
وتشغيلة بالكهرباء لكن عملة ميكانيكي
وفي نقطة مهمة للي يريد يركب سوبر
معظم الأنواع لازم تصب زيت منفصل للسوبر إلا الي تكون جايه معاها من المصنع
السوبر شارج مفيد جدا
لكن من الخطا انك تركب في السيارة قطعة
من الوزن الثقيل(توربو,نيتروس,سوبرشارج)
بدون ما تعدل قطع اخرى تحمي السيارة
يعني اذا جيرت البواجي لازم تغير الاسلاك علشان ماتنعدم
واذا حطيت توربو لازم تغير الجير . . . . . علشان ما يخرب
واذا عبيت السيارة بكل شي لازم تكبر الفرامل علشان ما .........
وهكذى
ألأعرابي
11-01-2002, 07:15 PM
سيف الأمارات
على كم ال psi
استخدمته على موترك؟
و ما هو موترك
هل أحتجت لتغير شيء اخر عندما وضعت السوبر شارج؟
كيف طريقة عمله؟
تشغله و أنت ماشي و لا واقف؟
تشغله من داخل السياره و لا هو على طول شغال؟
سيف الإمارات
11-01-2002, 10:41 PM
^1
ألأعرابي
كان عندي فورد موستنج كوبرا
الPSI 5
السوبر يجي كامل مع كل قطعه ولا يحتاج تغير شئ ضروري
المشكلة فية هي : من هو الخبير الى بيركبلك أياه؟؟؟
السوبر يشتغل مع المكينة بدون زر أو أي شئ ثاني
بس إذا عطل ممكن تستخدم السيارة و السوبر مش شغال (يعتمد على نوع السيارة) لكن فرق القوة كبير..
ألأعرابي
12-01-2002, 12:11 AM
يعني هو على طول شغال,بس تدعس اللا هو طاير معاك
ما تشغله
بس اخاف هالحركه تخرب الموتر اذا دائما سريع