الكامري"جراندي" والتزبيطات!!!

[Snake]

شباب انا طالب منكم خدمة يا اصحاب الخبرة في التزبيطات ....انا عدي كامري جراندي 2000 "اخضر فاتح/غامق" وودي ازبط فيه من زمان
بس ماني عارف وش احط...الشي الوحيد اللي سويته اني ركبت "لحيه"
فيا ريت تسدوا لنا بأرائكم الحلوة وتخبرونا بآماكن الزينة الزينة"علما اني من سكان الخبر".........ومشكورين

[SL500]

الظاهر ما احد يعرف ....
تدري نصيحة خذها مني رح لأقرب فرع لتويوتا وهناك تحصل اللي تبيه انشاء الله...

[عاشق التضبيط]

السلام هلا سناك كيف الحال ...ياخوي خذ نصيحة مجرب ولا تاخذ نصيحة خبير ....ياخوي عندك هنا دوريااات الله لا يوريك ......يعني بتضبط من هنا بيحجزونك من هنا.... انا عندي سياره لاعب بحسبتها يعني تشوفها ماتعرفعها حلو؟....... جاني راعي دوريه قالي ايش مسوي انت يالله الحجز الحجز كان بيحجزه لولا ستر ربك ........ وعلى فكره اذا كنت ناوي تضبط من جد حياك على الماسنجر ومعاليك انشالله افيدك اوكي؟وعلى فكره انا من الدمام يعني جنبكم انتضرك على الماسنجر وايميلي b_hilal96@hotmail.com

[S.T.P]

أول شيء اذا كنت فعلا تبي تزبطها ان ميزانيتك تكون من 5000 الى 7000 ريال سعودي هذا الشيء الأول.



الشيء الثاني اذا توفر عندك الشرط الأول فان ماتحتاجه هو كالاتي:

1-جنوط (نيكل) أو (كروم)أو(جنوط بيضاء زي سيارات السباق) حسب اللي يروق لك بشرط تكون مقاس 18 وأما نقشة الجنط فتاخذها انت على ذوقك.



2-شراء أنوار زينون أصليه (وليس شمعات من محلات الزينه)أو اذا مابتركب زينون افصل السكن اللي من الوكاله وخل السكن محل الاشارات اللي قدام(يعني تبدل الاشارات البرتقاليه الى أنوار صفراء وتشبكها على السويتش حق السكن بشرط أنك تكون فصلت السكن اللي جاي من الوكاله يعني بالشغله هذي ماراح يكون عندك اشارات اماميه)


3- تركيب دقن امامي على لون السياره.


4-تنزيل السياره من الأمام على حد الجنوط أو أرفع من الجنوط بشوي.


5-تركيب قطعة النيكل الشكمانيه على الشكمان من الخلف.


6-تضليل السياره على نفس لون السياره أو اذا ماحصل لك ضللها كتم كامل والقزازه الأماميه ضللها بتضليل بدرجه02


7-اشتر أغطيه للأنوار الأماميه واصبغها بنفس لون السياره العلوي وركبها في النهار وفي الليل عاد فكها.




هذا اللي حصلي أقولك اياه ويمكن تحصل عند غيري أحسن من اللي قلتلك.


على العموم اسمح لنا على القصور.