متشيم
13-02-2002, 08:21 PM
نعم درهم ... درهم قيل فيه "درهم وقاية خير من قنطار علاج"
درهم يفسد علي كشتة مع الربع ... تعالوا معي وشوفوا قصة الدرهم العجيب الذي استحق أن نأخذ له صورة خاصة...
وصلت البيت راجع من الشغل وإذا أم ميثاء مسويه لي وجبة دسمة من الطراز الأول ، قلت ماشي وقت الربع بيوصلون بعد شوي .. حطت غداها واضرب بالخمس والعشر والعشرين ... كل من هذا الزين ، وبعد هالوجبة كان ودي انبطح ولكن الربع بيوصلون ، قمت جمعت أغراضي ، رن الموبايل ، أهلا بو فلان ، ننتظرك ، خذت حاجياتي ...
خلصنا الدرهم شو قصته؟؟؟
دقيقة ، أبلع ريجي (يقولون محشش بلع ريجه غص)...
مشينا مسافة 200 متر قال واحد من الربع ، صح نسينا نقولك ، تراك ناسي سويك السيارة في الباب ، قلت "مش معقول" رجع ... فعلا السويك في الباب ، شليته (وكنت تاركنه في باب السيارة من وصلت من الدوام ، الحمد لله السيارة في أمان) انطلقنا ، ولما طلعت من أبوظبي ، صاحبنا أصر يمر يشتري شي من البقال ... رن الهاتف .. البيت ، سلامات ، نعم يا أم ميثاء ما اسرع ما اشتقتي لي ،،، لا .. ألحق ... بنتك بلعت درهم (بلعت ريجي وانا حس أن الدرهم في حلجي) قلت "طول الله عمر الشيوخ ، زين سوا لما صغروا الدرهم وإلا انحشر في حلجها" ....
شباب البنت بلعت درهم ، شو الراي ، نرجعك ... لال لالالالا كملوا بروح معاكم ، أم ميثاء سوي كذا وكذا وكذا ... أم ميثاء معدومة الحيلة لأن أمها وأبوها غير موجودين ، ارجعوا يا شباب ،،،، رجعوني البيت عقب ما ضيعت من وقتهم تقريبا ساعة ...
رديت البيت ... يا بنت الذين ... تضحك ... على أيش؟
وبدت تشرحلي ... شليتها وديتها المستشفى ، أم ميثاء أصرت تجلس مع الرضيع عيلان ، كان محموم ، شليت البنت ولومتها تلويم إلى المستشفى ، دخلت الطواريء ، وعند الاستقبال "ممكن بطاقة البنت" ... هههههههههه "ما عندها بطاقة" ... طيب بطاقتك؟ أعطيته البطاقة ... قال شو فيها ، قلت "استحي أقولك ... بنتي خسرتني درهم اليوم" ... ما فهم .. قلت له "صرطت درهم" فضحك وقال "عادي متعودين" وبلغ زملاءه وضحكوا ...
آه يا ميثاء ، مسحتي في أبوك الأرض ، لأني كل ما وصلت مكان وقرأ الورقة ضحك ... المهم بنتي متوقعة بيشقون بطنها وهي كل شوي تصيح وتشهق وتقول "ما أريد يطرون بطني" وأنا بكل برود أقول "طيب من بيرد الدرهم لي"؟ ... صورناها بالأشعة ... يا عيني ... الدرهم يصلق في أول الأمعاء الغليظ ... قال الدكتور لا تخاف ننتظره ينزل وما دام عدا من أضيق فتحة وهي فتة المعدة بيكون ما بعده أسهل ولكن أكلها ... وخذت النت وهي فرحانه أنها شافت صورة الدرهم المحترم اللي خرب على أبوها رحلته...
دعواتكم لبنتي بالشفاء العاجل وأن تعدي السالفة على خير.
درهم يفسد علي كشتة مع الربع ... تعالوا معي وشوفوا قصة الدرهم العجيب الذي استحق أن نأخذ له صورة خاصة...
وصلت البيت راجع من الشغل وإذا أم ميثاء مسويه لي وجبة دسمة من الطراز الأول ، قلت ماشي وقت الربع بيوصلون بعد شوي .. حطت غداها واضرب بالخمس والعشر والعشرين ... كل من هذا الزين ، وبعد هالوجبة كان ودي انبطح ولكن الربع بيوصلون ، قمت جمعت أغراضي ، رن الموبايل ، أهلا بو فلان ، ننتظرك ، خذت حاجياتي ...
خلصنا الدرهم شو قصته؟؟؟
دقيقة ، أبلع ريجي (يقولون محشش بلع ريجه غص)...
مشينا مسافة 200 متر قال واحد من الربع ، صح نسينا نقولك ، تراك ناسي سويك السيارة في الباب ، قلت "مش معقول" رجع ... فعلا السويك في الباب ، شليته (وكنت تاركنه في باب السيارة من وصلت من الدوام ، الحمد لله السيارة في أمان) انطلقنا ، ولما طلعت من أبوظبي ، صاحبنا أصر يمر يشتري شي من البقال ... رن الهاتف .. البيت ، سلامات ، نعم يا أم ميثاء ما اسرع ما اشتقتي لي ،،، لا .. ألحق ... بنتك بلعت درهم (بلعت ريجي وانا حس أن الدرهم في حلجي) قلت "طول الله عمر الشيوخ ، زين سوا لما صغروا الدرهم وإلا انحشر في حلجها" ....
شباب البنت بلعت درهم ، شو الراي ، نرجعك ... لال لالالالا كملوا بروح معاكم ، أم ميثاء سوي كذا وكذا وكذا ... أم ميثاء معدومة الحيلة لأن أمها وأبوها غير موجودين ، ارجعوا يا شباب ،،،، رجعوني البيت عقب ما ضيعت من وقتهم تقريبا ساعة ...
رديت البيت ... يا بنت الذين ... تضحك ... على أيش؟
وبدت تشرحلي ... شليتها وديتها المستشفى ، أم ميثاء أصرت تجلس مع الرضيع عيلان ، كان محموم ، شليت البنت ولومتها تلويم إلى المستشفى ، دخلت الطواريء ، وعند الاستقبال "ممكن بطاقة البنت" ... هههههههههه "ما عندها بطاقة" ... طيب بطاقتك؟ أعطيته البطاقة ... قال شو فيها ، قلت "استحي أقولك ... بنتي خسرتني درهم اليوم" ... ما فهم .. قلت له "صرطت درهم" فضحك وقال "عادي متعودين" وبلغ زملاءه وضحكوا ...
آه يا ميثاء ، مسحتي في أبوك الأرض ، لأني كل ما وصلت مكان وقرأ الورقة ضحك ... المهم بنتي متوقعة بيشقون بطنها وهي كل شوي تصيح وتشهق وتقول "ما أريد يطرون بطني" وأنا بكل برود أقول "طيب من بيرد الدرهم لي"؟ ... صورناها بالأشعة ... يا عيني ... الدرهم يصلق في أول الأمعاء الغليظ ... قال الدكتور لا تخاف ننتظره ينزل وما دام عدا من أضيق فتحة وهي فتة المعدة بيكون ما بعده أسهل ولكن أكلها ... وخذت النت وهي فرحانه أنها شافت صورة الدرهم المحترم اللي خرب على أبوها رحلته...
دعواتكم لبنتي بالشفاء العاجل وأن تعدي السالفة على خير.