View Full Version : بخصوص الأوميجا ؟؟؟
الراوي
22-08-2002, 06:55 PM
السلام عليكم ورحمة الله وبركاته
يا شباب بغيت اسئلكم كم سؤال عن الأوميجا ,,, ال 3.2 6 سلندر 218 حصان
انا مخطط بصراحه اخذلي اوميجا فل اوبشنز تعديل Irmscher ,,
ورحت سألتهم في الوكاله عن التعديلات اللي راح تكون في السياره والصراحه التعديلات رهيييبه , المقود راح يحطون فيه خشب والدواسات كروم والسلنسرات متفرقه مع سبيلرات كامله (لاكامل الا وجهه سبحانه وتعالى) مع لحيه قدام للسياره وجناح
بصراحه التعديلات رهييبه وانا خلاص نويت آخذها , لكني حبيت أتأكد من الأسرع
الأوميجا ولا المكسيما ؟ ونفس السؤال مع الماجنا متسوبيشي
في الخط والسرعه القصوى متأكد انها الماجنا , لكن في القومه , وابغي معلومات أكيده وعن تجربه وخبره لو سمحتوا
وبغيت تنصحوني وش أحلى الألوان واذا عندكم صور لها ياليت تحطونها , او اي معلومات زياده
وخصوصا الأخوان ^*** OMEGA 3.0***^ و OMEGA-POWER معليش مب متأكد من ال spelling لأسمائكم
وآسف اذا الموضوع فيه تثقيل عليكم او اطاله
اخوكم /// عــبــــــدالله
OMEGA-POWER
22-08-2002, 08:24 PM
السلام عليكم .............وبعد
ألف مبروك مقدماً و يعطيك خيرها و يكفيك شرها...أخوي ShaY6ooN
من ناحية القوه بين الماكس و الأوبل فأنا جربت مع ماكس 2002 (أوتو) وأنا معي أوبل 2002 فل أبشن مرتين مره قومه و مره خط.......و ماشاء الله في الأثنين كانت الأوبل قدام .....من صفر أو من 40......و ترا ما في أمل الماكس تجيب الأوبل خط .......أما من ناحية ميتسوبيشي فبصراحه ما قد جربت........
و ترا الأوبل تجيب الطبلون 260 (ما شاء الله)......
و هذ ا السايت حق شركة أرمشر الي تعدل أوبل
www.irmscher.com
و من ناحية الصور .............
(1) من الأمام
http://www.arab3.com/upload/images/Aug02/OPEL_POWER_omega_li_a99_ge_fr.jpg
(2) معلومه(هناك خلفيتان مختلفتان للأوبل من تعديل أرمشر هذه الأولى)
http://www.arab3.com/upload/images/Aug02/OPEL_POWER_omega_li_a99_he.jpg
(3) هذه الخلفيه الثانيه...
http://www.arab3.com/upload/images/Aug02/OPEL_POWER_2zUnvC.jpg
(4) و صوره أخيره من الداخل......
http://www.arab3.com/upload/images/Aug02/OPEL_POWER_ifAIPr.jpg
و اذا كان لديك أي سؤال تفض ...أخوك OMEGA-POWER
http://www.arab3.com/upload/images/Aug02/OPEL_POWER_logo.jpg
السائق المثالي
22-08-2002, 09:25 PM
أخوي ::
إذا حبيت تشوف لصور الأوميغا ، من دون تعديل ...
فأنا أحيلك على هذا الرابط من موقع السيارات :
بس ترى السيارات الأوميغا فيه بدون تعديل :
http://www.assayyarat.com/~forums/showthread.php?s=&threadid=6820
فيه أكثر من مائة صورة للأوميغا قديمة وجديدة ..
وبخصوص القومة والخط مع الماكسيما والماجنا :
أنا شفت مطارحة قدام عيوني بين أوميغا 3.0 ( 6 سلندر )
وماكسيما ( 3.0 )
وكامري فل أوبشن
وماجنا ميتسوبيشي الجديدة ,,,
وكانت كالآتي :
القومة :
الماجنا
الماكسيما
الأوميغا - الكامري
أما الخط :
الأوميغا
الكامري
الماكسيما - الماجنا
،،،،،،،،،،،،،،،،،،،،،
وأما بخصوص السيارة الأوميغا نفسها ،
فالسيارة جناااااااااااان وما عليها كلام
أنا معاي أوميغا 2001 ( 6 سلندر ) 3.0 ماهي فل أوبشن
وما شاء الله رووووووعة
لولا الزبالة أعزكم الله ( وكالة الجميح )
لكن حافظ عليها وإن شاء الله انها تكون روووووووعة
أخوك المحب :
^** OMEGA 3.0 **^
الراوي
23-08-2002, 05:16 AM
مشكووور يا شباب الاوميجا والله كفو قدها وقدود :)
ما قصرتوا والله
الحين بخصوص القومه اخوي Omegapower يقول الأوميجا أقوى وانت تقول الماكس ؟
وش السالفه الحين
وبخصوص تسارعها حد منكم مره حسبه
اذا حسبتوه عطوني اياه لأني عندي ماكس قير اوتو وراح اقارن التسارع
ومشكورين يا شباب
اخوكم
الراوي
23-08-2002, 05:23 AM
آسف يا شباب في الموضوع الأول كنت اقصد ان الاوميجا هي اللي متأكد منها انها تطوف الماكس والماجنا خط
لكني عكست الكلام
وآسف مره ثانيه يا شباب :) غلطه
اخوكم
OMEGA-POWER
23-08-2002, 03:46 PM
السلام عليكم..........
حبيت أذكرك أخوي ..ShaY6ooN أن الأوبل الي معي تختلف عن الي مع أخوي ........^** OMEGA 3.0 **^
الي معي 3.2 لتر 218 حصان ..
.و ^** OMEGA 3.0 **^ معاه 3.0 لتر 211 حصان
ترا في فرق بسيط في القوه.......
:) :) :) :)
أنا أتذكر مره حسبت القومه و كانت السياره ماشيه 2000كلم و طلعت 9.3 بدون سبورت 9.0 مع السبورت.........هذا قبل التدعيس الحين صراحه ما أدري كم تطلع لكني بجرب .....:) :) :) :)
و أي سؤال ثاني تفضل....... :) :) :) :)
أخوك......OMEGA-POWER
http://www.arab3.com/upload/images/Aug02/OPEL_POWER_logo.jpg
شيلافيرت
23-08-2002, 03:54 PM
كم سعرها اخوي الفل
الراوي
23-08-2002, 04:06 PM
هلا والله اخوي اوميجا باور :)
شكرا لردك اخوي ,
اللي راح آخذها 3.2 218 حصان , وأما بخصوص القومه الماكس اللي عندي تجيبها في 8,7 يعني في منافسه , يمكن الاوميغا مع التدريب تطوفها ,
لكن البائع اللي في الوكاله يقولي اعطيك جرنتي Guarantee انك بالاوميجا تطوف الماكس قير اوتو وعادي بعد ؟ انا مادري اصدق كلامه ولا
اخوي شيلافرت , الاوميغا عندنا في قطر ب 92 الف فل لكن مع التزويد توصل 110 الاف
وبخصوص الألوان ما قلتولي ايش الوان سياراتكم , وتنصحوني بلون معين ولا ؟
اخوكم
السائق المثالي
23-08-2002, 04:27 PM
ما شاء الله
يعطيكم العافية يا شباب جميعا على أخلاقكم العالية
وخلقكم النبيل
وأتمنى كل المواضيع تكون الأخلاق فيها مثل اللي هنا .....
:.../////////////////....:
بالنسبة لسؤالك أخي الفاضل ShaY6ooN عن الأوان :
أن سياراتي لونها فضي
لكن أروع لون شفته على الأوميغا (الرصاصي وليس الفضي )
وكذلك اللون الرمادي ( مزيج بين الرصاصي والزيتي الفاتح )
وأنا عندي الكاتلوج ....
أحاول أنزل الصور على الاسكنر وأحطها ...
أو اني اشوفها في الانترنت ..
وما يصير خاطرك إلا طيب ..
تقبل تحيات أخوك المحب :
^** OMEGA 3.0 **^
OMEGA-POWER
23-08-2002, 04:33 PM
أنا لون سيارتي ذهبي قااااااااااتح.........(لون فخامه) اسم اللون شامبين وهو نفس اللون الي يجي عل الفياقرا و من الداخل بيج فاتح و خشب غامق.................:) :) :) :) :) :)
أذا تبغى لون سبور خذ فضي و من الداخل أسود مع قطع كروم بدل من الخشب و اذا تبغا فخامة فالون الي معي أنا أخذته علشان الفخامة لأنه يظهر جمال السياره و يتناسب مع اللون الي في الداخل .......و الأمر يعود لك .....:) :) :)
تحياتي........http://www.arab3.com/upload/images/Aug02/OPEL_POWER_logo.jpg
خليل أبو سمرة
23-08-2002, 04:44 PM
شباب انا ماقدر اقول كلمة بعد الأخوة الخبراء وانا معاكم 100% في كل كلمة قلتوها ان الأوميغا تسوى الماكسيما , ياشباب يكفي انها دفع خلفي مش مثل الماكسيما و الماغنا دفع أمامي .
أخواني
OMEGA-POWER
^** OMEGA 3.0 **^
يعني العين ما تعلا على الحاجب
انا بس حبيت اشارك
واسمحولي
SL 55 AMG;)
OMEGA-POWER
23-08-2002, 04:52 PM
مشكور على المشاركه و أبداء الرأي أخوي SL 55 AMG :) :) :) :)
مع تحياتي أخوك.....OMEGA-POWER http://www.arab3.com/upload/images/Aug02/OPEL_POWER_logo.jpg
الراوي
23-08-2002, 04:52 PM
اشكركم بصراحه على ردودكم السريعه والله يقدرني اني ارد لكم جمايلكم ,,,
بخصوص اللون احتمال آخذ فضي لأن الالوان الباقيه 3 بس :( اسود وابيض وفضي , ومشكله الأسود انه يقلب بنفسجي شوي يعني ما اعرف يمكن يطلع مب حلو , وانا كان ودي في الأحمر لكنه مخلص
وبخصوص السياره من الداخل فهي جلد بيج والخشب مادري عنه اعتقد انه لون واحد يمكن غامق , ما اعرف والله بالضبط , والكروم على حسب كلام البائع انه كان نوع واحد نزل سنه 2001 عندنا في قطر وماكان عليه طلب لأن عندنا يفضلون الخشب اكثر ,,,
واللي قاهرني بعد ان في اوميغا فضيه تعديل ارمشر , يمكن آخذ الأسود
راح استخير ربي وان شاء الله استقر على حل
اخوي اوميجا انا سألتهم على الكاتالوج قالولي خلص من عندهم !!!
اخوي اوميجا باور ممكن تحط لون سيارتك عشان اشوفه ؟
وشكرا اخوي SL 55 AMG وانا احترم رأيك بصراحه
واشكرك على مشاركتك الحلوه في الموضوع :) وتسلملي والله وتسلمولي يا شباب كلكم والله ما قصرتوا وان شاء الله الله يقدرني اردلكم الجميل
تحياتي لكم
اخوكم
السائق المثالي
23-08-2002, 05:03 PM
أخوي ShaY6ooN /
أشكرك على خلقك الرفيع ,,,,
وأوعدك إني أزلك صور الأوميغا بجميع الأوان المتاحة في الوكالة .....
(( ووعد الحر دين عليه ))
كم ShaY6ooN عندنا ....
تقبل تحيات أخوك المحب :
^** OMEGA 3.0 **^
OMEGA-POWER
23-08-2002, 05:03 PM
بصراحه حالولت أدور صور ه فيها نفس الون ما حصلت و لكن ...بحاول أنشر صور سيارتي قريباًً......بس أصورها اليوم و أنشر بكرا أو اليوم ليلاً انشاء الله
:) :) :)
أخوك OMEGA-POWER
السائق المثالي
23-08-2002, 06:33 PM
أخوي ShaY6ooN / أعذرني ، الصور اللي حاطها هنا ، هي عبارة عن سيارة واحدة , ولكن تعددت الألوان عليها ،، أرجو المعذرة
http://www.hansaauto.lv/omega/colors/82.jpg
الرمادي
http://www.hansaauto.lv/omega/colors/87.jpg
الأسود
http://www.hansaauto.lv/omega/colors/08.jpg
الأخضر
http://www.hansaauto.lv/omega/colors/76.jpg
الأحمر
وطبعا فيه صورة للأوميغا جدا عاجبتني ,, أحطها هنا احتمال تعجبكم :
http://www.carenthusiast.com/ncar0409/omega_6.jpg
شباب ايش رايكم باللون الاخضر شكلة حلو
بعدين انا سيارتي جنوطها نفس هاذيhttp://www.carenthusiast.com/ncar0409/omega_6.jpg
بس الجناح موو شي
السائق المثالي
23-08-2002, 07:28 PM
أخوي -X- :
إذا ما عليك أمر الجنوط اللي في سيارتك كم قيمتها من الوكالة ؟؟؟؟؟
OMEGA-POWER
24-08-2002, 09:50 PM
أنا أسف جداً...........:( :( :( :(
ما قدرت أحط صور سيارتي اليوم.......
و للأسف لوني مو موجود في القائمه...............:( :( :( :(
بس عل العموم بحالول.........:) :) :) :)
تحياتي أخوكم.......OMEGA-POWER http://www.arab3.com/upload/images/Aug02/OPEL_POWER_logo.jpg
الفرس الأصيل
25-08-2002, 03:02 PM
طيب اخويOMEGA-POWER ممكن طلب منك انت والاخOMEGA 3.0 **^
المسجل حق الاوبل كم سي دي فيه وكم قوة الواط تبع المسجل
وكم عدد السماعات
واسف على ان كنت ثقلت عليكم
مشكورين حبايب
السائق المثالي
25-08-2002, 07:31 PM
أخوي الفرس الأصيل :
بالنسبة لسؤالك .. أنا معاي ( 3.0 ) يعني ماهي فل أوبشن ومافيها سي دي ....
والظاهر ان الأخ الفاضل OMEGA-POWER معاه الفل أوبشن وممكن يفيدك ...
أما بالنسبة للسماعات اللي عندي هي ستة ... أثنين عند مقبض الباب الداخلي للأبواب الأمامية من الجهتين ,, واثنين تحت عند الدرج ... وأظن فيه اثنين بالخلف لكني ما عرفت مكانها
أما الفل أوبشن فيها سماعتين هائلــــــــــــــــــة إضافية .. وممكن الأخ OMEGA-POWER يفيدك عنها .. شكرا لك .