هلا شباب .. احد يعرف شكل مكسيما , أكووولاد , اوبل , باسات وغيرها مو 2003

[Online_7]

ابي صور لاي سياررة من الي ذكرتها ,, موديل 2003

[PHENEX]

أهلين اخوي SHAMLAN والله الحقيق الي اعرفه ان المكسيما والباسات هي الي بس بتكبر وتتغير
نبدأ بالمكسيما...
1.راح تكون ارفع من الي عندنا حاليا عن الأرض
2.محركها بيكون 3.5 وقوة 255 حصان مع 6 اسطوانات
3. من صفر الى 100 في خلال 6.8 ثواني
4.جنوط بتكون 17 بوصه مع الفل اوبشن
5.لمبات الزينون والفتحه والجلد بيكونون مع الفل اوبشن
6.السياره بيزيد طولها ويقل عرضها مع اني ضد الفكره هذي

أما الباسات فراح تتغير كليا

1.راح تكون اطول واعرض بكثير مما هي علي الأن واقرب للأرض
2. المحرك بيكون 8اسطوانات 4.2 ليتر وقوة 272 حصان
3.بيكون فيها شاشة ملاحه للسائق وتلفزيونين للركاب الخلفيين
4.جنوط مقاس18 انش
5.من صفر الى 100 في 6.7 ثواني


وانتظرني حتى اوافيك بأخبار عن الأكورد والأوبل

مع تحياتي
:D :D

[MAXIMA 020]

طيب هل الماكسيما الي تقول عنهاوالى يا ما سمعنا عنها كثير راح تنزل عندنا في سنة 2003 ولا في سنة 2004 واذا نزلت راح تنزل بكم فأه وهل هناك فروق من ناحيت الكينه والقوة الحصانيه ييبن هذه الفأت ام ان جميع الفأت تحمل نفس المكينه وهو الافضل

[PHENEX]

والله انا قول لك ان المكسيما راح تنزل 2004 لأن المكسيما الشكل الجديد ماله الا 3 سنوات 2000 2001 2002 وباقي سنه بعدين تتغير
والمكينهه هيه هيه ماراح تتغير مهما كانت الدرجه فل اوبشن اولا

تامر شئ ثاني؟:)

[PHENEX]

ايه صح... نسيت اقول لك شغله كل الى قالو انها بتنزل2003 مخطئين لأن المكسيما الشكل الجديد مامر عليه 4 سنوات وسعر السياراه يالأخ العزيز بينزل الفل اوبشن جير اوتو بـــ109 والفل اوبشن القير العادي بــ106 ولاتنسى ان مع هذا السعر فيه جلد وفتحه وسي دي ومكينه صح
وستاير للركاب الخلفيين وشماسيه للزجاج الخلفي وجنوط امنيوم مقاس

17 أنـــــــــــــــــــــــــــــــــــــــــــــــــــش

:D :D :D :D :D :D :D :D :D :D :D :D

[MAXIMA 020]

سلامتك يالغالي
انا بس مشكلتي واكبر غلط عملته في حياتي هو اني شريت الماكسيما حقتي قير اوتو وياما نصحوني الشباب اني اخذ عادي بس ما طعت ياخي والله اذا جيت اتقاوم مع واحد عنده ماكس عادي اصير عنده زي الكامري والله قهر قهر

عشان كذا مفكر اني ابيع السياره الحين واشتري المديل الجديد قير عادي بس ماني لاقي طريقه اقنع فيها الوالد انا سبق وقلت له اني ابي ابيعها واخذ عادي قالي انا والله ما الزمتك انك تشتري الاوتو وبلشت اذا عندكم حل او عذر مقنع للوالد فا يا شباب ترونا ما نستغني

[السائق المثالي]

أخوي MAXIMA 020 /

أعذرني على تدخلي في خصوصياتك ..

ولكن أقنعه مثلا إن خرابات الأوتو كثيرة .....

وأن عمر الماكسيما الأوتو قليل

وأن صرفية البنزين تفرق ......




ممكن يقتنع ....

وشكرا لك ..



أخوك المحب :
^** OMEGA 3.0 **^

[PHENEX]

شوف يالأخ الغالي ابوك ماراح يقتنع لأنه ياما حاول اخوي بنفس الطريقه لكن ابوي يقوله انقلع انت الي اخترت الأوتو لكن أخوي الحين سيارته430 أسود موديل 2002 واذا تبغى حل انت على العين والراس بيع المكسيما حقتك وخذ عادي لكن لا تاخذ عادي فول اوبشن خذ فئه اقل من الي عندك مباشره وانا انتظر ردك حاليا وياليت تقول وش نوع المكسيما حقتك

j.00
gv.01
gv.02
gv.03 وهو افخم نوع وانا انتظر اجابتك الحين

[MAXIMA 020]

الماكسيما الي عندي فل اوبشن يعني ستاره كهرائيه ومثيت سرعة و...و... الخ
انا مستنضر ان الشكل الجديد ينزل بس وأقوله اني ابي اشتريه يمكن يرضى مع ان معاملتي لسيارتي الحاليه معامله نضيفه وما فيها خرابات

طيب


خلوني اقولكم شغله




انا لو بعيت ابيع السياره في المعارض مع العلم ان السياره نظيفه مرررررره كم تجيب




ولو بغيت استبدلها عند الوكاله لانهم يتعاملون بنضام الاستبادل با ماكسما gv2 كم راح ازودهم مع اني ما اعتقد اني راح ازودهم شي

[MAXIMA 020]

وزي ما قلت يا اخ PHENEX انا لو بعت سيارتي ما راح اخذ فل اوبشن علشان اقدر اضيف عليها حاجا مثل جنوط وزوايد بس الفل اوبشن ما ودك تغير فيها شي عن وكالتها زي سيارتي حتى الجنوط ما غيرتها لان شكلها وبصراحه حلوا انا اقصد جنوط الماكسيما الفل الكامل مديد 2001 بس مديل 2002 بصراحه من وجهت نضري انهم مش حلوين مره

[PHENEX]

لالا يا أخ MAXIMA020 انا مو قصدي تاخذ GV.02 علشان تزود جنوط وسوالف لالا انا الي اقصده ابيك لما تبيع الماكس حقك اكيد اقل شئ بتخسر 10000 ريال فعلشان كذه خذ الفلوس وحاول تجمع لين مايطلع موديل 2003 وطبعا فلوسك ماراح تجيب الا 2003 GV.02 وهذا احسن حل والفرق بين GV.02 و GV.03 ان الـGV.03 زايد بستاير بس

تامر شئ ثاني

[SKYLINE GTR]

اخوي PHENEX

انت متأكد ان الماكس بتصير هذي مواصفاتها ؟؟ الماكس ما تبين مواصفاتها الا اذا نزلت في السوق

عندك مثلا موديل الـ 2000 ما احد كان يتوقع ان مواصفاتها تكون كذا ابدا الا يوم نزلت في الاسواق وتفاجأت الناس من مواصفاتها اللي نزلت بها واللي كانت غير متوقعة

اما عن تغيير شكل الماكسيما الحالي ما راح يتم الا في 2005 لان شكل السيارات اليابانية ما يتغير الا كل 5 سنوات وهذا في قطاع السيارات المتوسطة و المتوسطة الكبيرة والدليل على هذا الجيل السابق اللي طلع في عام 95 وتغير في عام 2000

[المميز]

السلام عليكم ورحمة الله وبركاته

انا بصراحه عكسك يا مكسيما ندمت الان اني شريت مكسيمتي قير عايدي طبعا موديلها 99 وانت نادم انك شريت اوتوماتيك انت ماتبغى الراحه ....معقول شاري السيارة علشان المقاومة كبر مخك شوي ..
اعذرني على التدخل بس القير العايدي ميزته قلة الخرب بس

[DodgE]

إلي متعود على العادي ينسى أنه عادي

ومميزاته
1-مقاوم :D :D :D :D
2- قلة الخرابات
3-دبلة الكلتش
4- تنزيل النمره أحلى شي



ووووبس



وترا سيارتي عادي ;)

[ابو محمود]

رد مقتبس من DodgE
إلي متعود على العادي ينسى أنه عادي

ومميزاته
1-مقاوم :D :D :D :D
2- قلة الخرابات
3-دبلة الكلتش
4- تنزيل النمره أحلى شي



ووووبس



وترا سيارتي عادي ;)
وشي دبلة الكلتش؟؟!!
علمنا ياخي الحركات هذي!:D

[MAXIMA 020]

وزي ما قالوا الشباب ان الماكس العادي او حتى اي سياره عادي ممتعه في تنزيل النمر

انا اقولك مثال انت الحين ماشي في شارع وقدامك اشاره اذا انت في قير اوتو ممكن السياره ما تعطيك النمره الي تشد فيها السياره فا بالتالي ممكن ما تلحق على الاشاره (صارت لي في الحقيقه)

ولكن في القير العايدي ممكن انك انت تتحكم في النمره وتعطي السياره العزم المطلوب

وانا ما اقول اني راح اشتري قير اوتو علشان القومات لا والله بالعكس انا ما اقاوم كثير بسيارتي ولكن من ناحية ترييح السياره خلني اعطيك مثال

انت الان في سياره اوتو ونويت تزود السرعه شوي وانت داعس على البنزين تروح السياره ترد نمره طيب انا ما ودي ان السياره ترد نمره بعكس العايدي الي انت تتحكم في النمره

وحاجات والله كثيره تدور في بالي وقت السواقه بس الحين ما تحضرني

[VW-609]

اخوي PHENEX
البسات
مابيغيرون شكله
لأنو توهم مغيرين شكلها كليا في 2001
عن شكل 2000

لكن راح تنزل بمحرك ثمانيه سلندر على شكل W

[Dentist]

رد مقتبس من MAXIMA 020

انا اقولك مثال انت الحين ماشي في شارع وقدامك اشاره اذا انت في قير اوتو ممكن السياره ما تعطيك النمره الي تشد فيها السياره فا بالتالي ممكن ما تلحق على الاشاره (صارت لي في الحقيقه)



أخوي MAXIMA 020

اعذرني على التدخل لكن هالشي مع الماكسيما بالذات مو صحيح ماشالله تبارك الله
انا معاي ماكسيما 2002 GV.02 قير اوتو وماشالله السيارة تقول قير عادي .. وانا ماشي بسرعات عاليه نسبيا (من 80 الى 140) ودست على دواسة البنزين السيارة تنقز وتعطيك عزم وقوة وتزيد في سرعتها بالظبط زي ماتسوي في القير العادي بتنزيل نمره ..واذا سيارتك ماتسوي هالشي يمكن يكون فيه خلل في القير !

واذا بغيت نصيحتي وانا اخوك فكر زين وخلك على سيارتك واترك عنك هالافكار وخاصه انك شاري سيارتك وكاله وعلى قولك محافظ عليها ..

وتحياتي لك وللجميع

[المميز]

انا اقول العادي ممتاز لكن كراحة قلت ان الاوتو تمام
وبعدين تراني متعود على العايدي من زمان وهو حلو لكن بعض المرات وخاصة في اماكن الزحمة تمل من الكلتش والا لا...
وهو بصراحه رهيب كعزم مايحتاج خاصة الماكسيما القير العايدي العزم فيها مهوب طبيعي ماشاء الله طياره على الارض.
يمكن لو اني جربت الماكسيما الاوتو اقدر اقارن لكني ماجربتها
انا بس جربت جي ام سي اوتو وبعض السيارات اوتو لاحظت ان القير اوتو مريح...
فا انا هنا اتكلم عن الراحة