View Full Version : قررت ان أشتري كابرس افضل من مكسيما ... فمارأيكم؟!!!
رواف الرواف
01-10-2002, 12:47 AM
انا موظف جديد لدى شركة الحمراني ... واريد ان اشتري سياره في اقرب فرصه .
وبعد مباحثات كثيره مع نفسي وبعد النظر في جميع السيارات (( اكورد 2002 ، اوميجا2002 ، مكسيما2003 ، بورا 2002 ( فولوكس واجن ) ، كابرس 2002، كامري 2003 _ مازدا لا استطيع لاسباب قديمه مع الشركة _ ))
فقررت ان اخذ لي كابرس LTZ بــ تقريباً 81 الف ريال موديل 2002
دفعه اولى فقط 8 الاف ريال .
والتقسيط الاول يبداء بعد ستة اشهر من الان !!! (( تخيلوا سته اشهر لاتدفع فيها ولاقسط ))
وبعد ذلك قسط شهري قدره 1600 ريال .
وهذا عرض الجميح الجديد.
انا بصراحه اول مره اجرب هالنوع من السيارات ....
تعودت على السيارات الالمانية ....
وهذا اول تعامل لي مع شركة الجميح ... واول تجربه لي مع كابرس ولكني لاحظت انها واسعه من الداخل وفيها اشياء جميله من الداخل..
مع العلم بان سواقتي جداً هادئه.
فمارأيكم ؟
Dentist
01-10-2002, 01:29 AM
الله يوفقك ويتمم على خير انشالله
واهم شي قناعة الشخص ولو بيجو موديل 79 :D
ومادامك ارتحت لعرضهم وارتحت للسيارة وش يردّك ؟
إعقلــها وتوكّــل
:D :D
كابريس
01-10-2002, 01:38 AM
توكل على الله واستخير
واختيار موفق ان شاء الله
ونصيحة لاتسرع كثيرين يصير لهم حوادث بالكابريس بالذات ويقولك السيارة فاشلة !!
ولمن تسأله كم كنت ماشي
سرعته مستحيل تكون أقل من 160
وبجد أقصى الطبلون :(
مازدا لا استطيع لاسباب قديمه مع الشركة _
أسباب شخصية أم تقصد مشاكل في السيارات يعني جربت سيارة من سياراتهم؟
وبما انك موظف في الحمراني ... كم الخصم الي بيعطونك هو ؟؟؟
وشكراً
رواف الرواف
01-10-2002, 01:03 PM
أخوي maxima driver شكراً لتشجيعك وان شاء الله نركب الكابرس قريباً
===============
اخوي كابريس انا حبيتك من اسمك:o
انا الحمد لله بطلت السرعه من زمااااااااااان الان قيادتي هادئه جداً
بالنسبة لمازدا اسباب شخصيه (( تتعلق بكفاله سابقه وقديمه ))
بصراحه انا موظف عند الحمراني من 12 فقط (( لكن الخصم ماراح يكون كثير - على ماسمعته من زميلي في العمل ))
لكن شروطهم شوي صعبه بعدين الفل ابشن فيها غالي بالنسبه لي
السائق المثالي
01-10-2002, 02:24 PM
توكل على الله أخوي
وإذا هذا اختيارك لا تغيره أبدا لأنك مقتنع فيه
لكن نصيحة لوجه الله ......... لا تقرب وكالة الجميح أبدا في الصيانة .. لأنهم حلاقين وليس مهندسين
كـيـمـو
01-10-2002, 02:31 PM
انا رايي اوبل اوميغا لانها تعبر عن الفخامه ورياضه والرفاهيه وايضا شبابيه
لا تنسى ان الكابرس اجره في المطار يعني خلاص معروف
والي تشوفه احسن لك خذه بس هذا رايي ولو انا مكان راح اخذ اوبل اوميغا
MAXIMA 99
01-10-2002, 10:08 PM
السلام عليكم اخوي
ابي اقولك ان الكابريس فعلا اثبت انه يقدر يتلائم مع اقسى الضروف بس مشكلته الصرفيه انا معي كابريس96 LTZلاكنه مبهذلني في الصرف وافكر ابيعه واخذ مكسيما لأن المكسيما قوه وبدون صرفيه بس ماتجي زي الكابريس ان كنت تقدر على صرفيتها فخذ الكابريس بس انا انصحك بالمكسيما حلوه وقويه وما تصرف وانا افكر بمكسيما 99
بالتوفيق
أخي رواف . أعتذر على تطفلي .
ولكن . هل نتدعم الأمريكان بشرائك بضاعتهم . ..؟؟؟؟
نعم بالطبع .
هم يجهزون العدة لأيذاء شعب مسلم .
ونحن لم نلتزم بالمقاطعة كما ينبغي ..
فيا أخي الكريم . من ترك شيئا لله أبدله الله خيرا منه . :rolleyes:
أترك بضاعتهم . ويبدلك الله خيرا منها ..
أخوكم في الله عبدالعزيز
ألأعرابي
02-10-2002, 12:02 AM
يا جماعه و شفيكم تقصون على الرجال؟
نسينا ان الأمريكي يا الله سنتين و يتكسر؟
انا نفسي عندي كابريس س س موديل 2000
و يمشي احين و زجاج النوافذ يهتز و تكسرت قطع من الأغراض في الداخل نفس المنظره اللي بجانب السائق و أشياء أخرى
علما انه ماشي اقل من 40 الف كلم!!!
أنت و أختيارك و أنا أقول ما في على الياباني الى جانب المقاطعه الأمريكيه اللتي يجب جميعا ان نتبعها
كابريس
02-10-2002, 12:16 AM
رد مقتبس من ألأعرابي
يا جماعه و شفيكم تقصون على الرجال؟
نسينا ان الأمريكي يا الله سنتين و يتكسر؟
انا نفسي عندي كابريس س س موديل 2000
و يمشي احين و زجاج النوافذ يهتز و تكسرت قطع من الأغراض في الداخل نفس المنظره اللي بجانب السائق و أشياء أخرى
علما انه ماشي اقل من 40 الف كلم!!!
أنت و أختيارك و أنا أقول ما في على الياباني الى جانب المقاطعه الأمريكيه اللتي يجب جميعا ان نتبعها
واحد من اصحابي معاه كابريس SS موديل 2000 ماشي حوالي 50.000 كلم ومااشتكى من شي من الي تشتكي منه مع العلم انه طالب بالجامعة وحق مطارحات وسرعة وسيارته دايما في الشمس ومايهتم بصيانة الوكالة اطلاقا
:)
كل الي غيره بواجي واقمشة فرامل وزيت جربوكس ومرايا جانبية لأنها انكسرت عليه